ନ୍ୟୁୟର୍କ,୧୦।୨: ପୃଥିବୀର ଦ୍ୱିତୀୟ ଧନୀକ ବିଲ୍ ଗେଟସ୍ ଏକ ସୁପର ୟାଚ୍ କିଣିଛନ୍ତି। ଏହାର ଦାମ ୪୬୧୨କୋଟି ଟଙ୍କା ରହିଛି। ଏହା ତରଳ ହାଇଡ୍ରୋଜେନ୍ ଇନ୍ଧନରେ ଚାଲିବ। ଥରେ ଟାଙ୍କି ଫୁଲ୍ କଲେ ୟାଚ୍ ୬ ହଜାର ୫୦୦ କିମି ଯାତ୍ରା କରିପାରିବ। ଏହି ବିଳାସପୂର୍ଣ୍ଣ ୟାଚ୍ର ଲମ୍ବ ୩୭୦ ଫୁଟ। ଏଥିରେ ୧୪ ଜଣ ଗେଷ୍ଟ ତଥା ୩୧ କ୍ର୍ୟୁ ମେମ୍ବରଙ୍କ ରହିବା ପାଇଁ ସମସ୍ତ ପ୍ରକାର ସୁବିଧା ରହିଛି। ଏଥିରେ ଦୁଇଟି ୨୮ ଟନ୍ ଓଜନର ଭାକ୍ୟୁମ୍ ସିଲଡ୍ ଇନ୍ଧନ ଟାଙ୍କି ରହିଛି। ପ୍ରତି ଟାଙ୍କିରେ ମାଇନସ୍ ୨୫୩ ଡିଗ୍ରୀ ତାପମାତ୍ରାରେ ତରଳ ହାଇଡ୍ରୋଜେନ୍ ରହିଛି। ଫେବୃୟାରୀ ୯ ତାରିଖ ସୁଦ୍ଧା ବିଲ୍ ଗେଟସ୍ଙ୍କ ସମ୍ପତ୍ତି ପରିମାଣ ୧୧୨.୪ ବିଲିୟନ୍ ଡଲାର ରହିଛି। ତାଙ୍କ ଉପରେ ଜେଫ୍ ବୋଜେସ୍ ରହିଛନ୍ତି। ତାଙ୍କର ମୋଟ ସମ୍ପତ୍ତି ପରିମାଣ ୧୨୬.୮ ବିଲିୟନ୍ ଡଲାର ରହିଛି।
