ନୂଆଦିଲ୍ଲୀ,୨୫।୪: ଭାରତୀୟ ବିମାନ ଚଳାଚଳ କ୍ଷେତ୍ର ଏବଂ ଏହାର ଆନୁଷଙ୍ଗିକ କ୍ଷେତ୍ର ଗୁଡିକ କରୋନା ମହାମାରୀ ଯୋଗୁ ଏବେ ଚାପରେ ରହିଛନ୍ତି। ଏହି କ୍ଷେତ୍ରଗୁଡିକରେ ପ୍ରାୟ ୨୯ ଲକ୍ଷ ଚାକିରି ବିପଦରେ ରହିଛି ବୋଲି ଇଣ୍ଟରନ୍ୟାଶନାଲ ଏୟାରପୋର୍ଟ ଆସୋସିଏଶନ(ଆଇଏଟିଏ) ପକ୍ଷରୁ ହୋଇଥିବା ଏକ ରିପୋର୍ଟରେ କୁହାଯାଇଛି। ମେ ମାସ ୩ ଯାଏ ଦେଶ ମଧ୍ୟରେ ବିମାନ ସେବା ବନ୍ଦ ରହିଛି। ଅର୍ଥନୈତିକ କାର୍ଯ୍ୟକଳାପ ଏବେ କ୍ଷତିଗ୍ରସ୍ତ ହୋଇଥିବାରୁ ଦେଶର ପର୍ଯ୍ୟଟନ ତଥା ବିମାନ ଚଳାଚଳ କ୍ଷେତ୍ର ଚାପଗ୍ରସ୍ତ ହୋଇଛି। ଏବେ ପାସେଞ୍ଜର ଟ୍ରାଫିକ ୪୭% ଖସିଛି। ଏସିଆ ପ୍ରଶାନ୍ତ ମହାସାଗରୀୟ ଅଞ୍ଚଳରେ କରୋନା ପ୍ରଭାବ ଅଧିକ ପଡିବା ନେଇ ଏହି ରିପୋର୍ଟରେ କୁହାଯାଇଛି। କରୋନା ପାଇଁ ଭାରତୀୟ ବିମାନ ଚଳାଚଳ ବଜାର ପ୍ରାଥମିକ ଆକଳନ ଅନୁସାରେ ପ୍ରାୟ ୮୫ ହଜାର କୋଟି କ୍ଷତି ସହିବ। ଏସିଆ ପାସିଫିକ ଅଞ୍ଚଳ କଥା ବିଚାରକଲେ ୧୧.୨ ନିୟୁତ ନିଯୁକ୍ତି କ୍ଷତିଗ୍ରସ୍ତ ହେବ ବୋଲି ଆକଳନରେ କୁହାଯାଇଛି।
