ମୁମ୍ବାଇ,୧୭ -୮: ଦେଶର ବିଦେଶୀ ମୁଦ୍ରା ଭଣ୍ଡାର ଅଗଷ୍ଟ ୯ସୁଦ୍ଧା ଶେଷ ହୋଇଥିବା ସପ୍ତାହରେ ୧.୬୨୦ ବିଲିୟନ ଡଲାର ବୃଦ୍ଧି ପାଇ ୪୩୦.୫୭୨ ବିଲିୟନ ଡଲାର ହୋଇଛି, ଯାହା କି ସର୍ବକାଳୀନ ରେକର୍ଡ ସ୍ତର ବୋଲି ଭାରତୀୟ ରିଜର୍ଭ ବ୍ୟାଙ୍କ(ଆର୍ବିଆଇ) ପକ୍ଷରୁ ଶୁକ୍ରବାର ପ୍ରକାଶ କରାଯାଇଛି। ଏଥିପର୍ବରୁ ଅଗଷ୍ଟ ୨ରେ ଶେଷ ହୋଇଥିବା ସପ୍ତାହରେ ବିଦେଶୀ ମୁଦ୍ରା ଭଣ୍ଡାର୬୯.୭୨ କୋଟି ଡଲାର ହ୍ରାସ ପାଇ ୪୨୮.୯୫୨ ବିଲିୟନ ଡଲାର ରହିଥିଲା। ଆଲୋଚ୍ୟ ସପ୍ତାହରେ ବିଦେଶୀ ମୁଦ୍ରା ସମ୍ପତ୍ତି ୧୫.୨ ମିଲିୟନ ଡଲାର ବୃଦ୍ଧି ପାଇ ୩୯୮.୭୩୯ ବିଲିଞନ ଡଲାର ହୋଇଥିଲା। ଆଲୋଚ୍ୟ ସମୟରେ ଦେଶର ସୁନା ଭଣ୍ଡାର ୧.୫୯୧ ବିଲିୟନ ଡଲାର ବଢ଼ି ୨୬.୭୫୪ ବିଲିୟନ ଡଲାର ହୋଇଛି ବୋଲି ଆର୍ବିଆଇ ପକ୍ଷରୁ ଜାରି ତଥ୍ୟରୁ ଜଣାପଡିଛି।
