ବିଜ୍ଞାନରେ ବ୍ରେକ୍‌ଥ୍ରୁ ପୁରସ୍କାର

‘ପଦାର୍ଥ ବିଜ୍ଞାନ ପାଇଁ ମିଳିତଭାବେ ୩୪୭ ଜଣ ବୈଜ୍ଞାନିକଙ୍କୁ ଏହି ସମ୍ମାନ ଓ ପୁରସ୍କାର ପ୍ରଦାନ କରାଯାଇଛି । ସେମାନେ ପ୍ରଥମ ଥର ପାଇଁ ଗୋଟିଏ କୃଷ୍ଣଗର୍ତ୍ତ(ବ୍ଲାକ ହୋଲ)ର ଚିତ୍ର ଉତ୍ତୋଳନ କରିଥିଲେ। କୃଷ୍ଣଗର୍ତ୍ତର ବସ୍ତୁତ୍ୱ ଅତି ବେଶି ହୋଇଥିବାରୁ ଏହାର ମାଧ୍ୟାକର୍ଷଣ ବଳ ମଧ୍ୟ ଅତ୍ୟଧିକ ଏବଂ ଏହି ବଳର ଆକର୍ଷଣ ଯୋଗୁ ତା’ ମଧ୍ୟରୁ କୌଣସି ପଦାର୍ଥ ବାହାରକୁ ବାହାରି ପାରେନାହିଁ। ଏପରିକି ଏଥିରୁ ଆଲୋକ ମଧ୍ୟ ନିର୍ଗତ ହୁଏ ନାହିଁ, ଯାହାଫଳରେ ଏହାର ଚିତ୍ର ଉତ୍ତୋଳନ କରିବା ସମ୍ଭବ ହୋଇ ନ ଥାଏ ।“

ବିଜ୍ଞାନର ତିନୋଟି ବିଭାଗରେ ଉଲ୍ଲେଖନୀୟ ଆବିଷ୍କାର କରିଥିବା ବୈଜ୍ଞାନିକମାନଙ୍କୁ ପୁରସ୍କୃତ କରିବା ପାଇଁ ରୁଷିଆର ବିଶିଷ୍ଟ ଶିଳ୍ପପତି ତଥା ପଦାର୍ଥ ବିଜ୍ଞାନୀ ୟୁରି ମିଲ୍‌ନର ଏବଂ ତାଙ୍କ ପନତ୍ୀ ଜୁଲିଆ ମିଲନର ୨୦୧୨ ମସିହା ଜୁଲାଇରେ ବ୍ରେକଥ୍ରୁ ପୁରସ୍କାର ସ୍ଥାପନ କରିଛନ୍ତି। ଏହା ହେଉଛି ଗୋଟିଏ ଅନ୍ତର୍ଜାତୀୟ ପୁରସ୍କାର। ମୌଳିକ ପଦାର୍ଥ ବିଜ୍ଞାନ, ଜୀବ ବିଜ୍ଞାନ ଓ ଗଣିତରେ ଉଲ୍ଲେଖନୀୟ ଆବିଷ୍କାର କରିଥିବା ବ୍ୟକ୍ତିମାନଙ୍କୁ ସ୍ବୀକୃତି ସ୍ବରୂପ ଏହି ପୁରସ୍କାର ୨୦୧୨ ମସିହାରୁ ପ୍ରଦାନ କରାଯାଉଛି। ପ୍ରତ୍ୟେକ ପୁରସ୍କାର ପାଇଁ ତିନି ନିୟୁତ ଡଲାର(ପ୍ରାୟ ୨୧ କୋଟି ଟଙ୍କା) ଅର୍ଥ ରାଶି ପ୍ରଦାନ କରାଯାଇଥାଏ। ଏଣୁ ଏହା ହେଉଛି ଅର୍ଥ ହିସାବରେ ପୃଥିବୀର ସବୁଠାରୁ ବଡ଼ ବିଜ୍ଞାନ ପୁରସ୍କାର। ତୁଳନାମତ୍କ ଭାବେ ପ୍ରତ୍ୟେକ ନୋବେଲ ପୁରସ୍କାର ପାଇଁ ପ୍ରାୟ ୭.୪ କୋଟି ଟଙ୍କା ପ୍ରଦାନ କରାଯାଇଥାଏ। ପୂର୍ବ ପୁରସ୍କାର ବିଜୟୀମାନଙ୍କୁ ନେଇ ଗଠିତ କମିଟି ଏହି ପୁରସ୍କାର ପାଇଁ ବିଭିନ୍ନ ବ୍ୟକ୍ତି ଚୟନ କରିଥାନ୍ତି। ଏକ ଭବ୍ୟ ଉତ୍ସବରେ ଏହି ପୁରସ୍କାର ପ୍ରଦାନ କରାଯାଇଥାଏ। ଏହା ବ୍ୟତୀତ ଯୁବ ବୈଜ୍ଞାନିକମାନଙ୍କୁ ଉତ୍ସାହିତ କରିବା ପାଇଁ ଏହି ଅନୁଷ୍ଠାନ ପକ୍ଷରୁ ପଦାର୍ଥ ବିଜ୍ଞାନ ଓ ଗଣିତରେ ଯୁବ ଗବେଷକମାନଙ୍କୁ ନ୍ୟୁ ହୋରାଇଜନ ପୁରସ୍କାର ପ୍ରଦାନ କରାଯାଉଛି। ପ୍ରତ୍ୟେକ ନ୍ୟୁ ହୋରାଇଜନ ପାଇଁ ଏକ ଲକ୍ଷ ଡଲାର(୭୧ ଲକ୍ଷ ଟଙ୍କା) ପ୍ରଦାନ କରାଯାଇଥାଏ।
ଗତ ସେପ୍ଟେମ୍ବର ୫ରେ ବ୍ରେକ୍‌ଥ୍ରୁ ପୁରସ୍କାର ଅନୁଷ୍ଠାନ ୨୦୨୦ ମସିହା ପାଇଁ ବ୍ରେକଥ୍ରୁ ପୁରସ୍କାର ବିଜୟୀମାନଙ୍କର ନାମ ଘୋଷଣା କରିଛି। ଏହି ବର୍ଷ ପାଇଁ ସାତଟି ପୁରସ୍କାର ଘୋଷିତ ହୋଇଛି। ସେଥିମଧ୍ୟରୁ ଗୋଟିଏ ଗଣିତ ପାଇଁ, ଗୋଟିଏ ପଦାର୍ଥ ବିଜ୍ଞାନ ପାଇଁ ଓ ଅବଶିଷ୍ଟ ପାଞ୍ଚଟି ଜୀବ ବିଜ୍ଞାନ ପାଇଁ ଉଦ୍ଦିଷ୍ଟ। ଚିକାଗୋ ବିଶ୍ୱବିଦ୍ୟାଳୟର ପ୍ରଫେସର ଥାଲେକ୍‌ସ ଏସ୍‌କିନ ଗଣିତ ପୁରସ୍କାର ପାଇବେ। ଆବେଲୀୟ ଅବକଳରେ ବିପ୍ଳବାତ୍ମକ ଆବିଷ୍କାର ପାଇଁ ତାଙ୍କୁ ଏଥିପାଇଁ ଚୟନ କରାଯାଇଛି। ଜୀବ ବିଜ୍ଞାନ ପାଇଁ ରକ୍‌ଫେଲର ବିଶ୍ୱବିଦ୍ୟାଳୟର ଜେଫ୍ରେ ଫ୍ରାଇଡମାନ, ମାକ୍‌ସ ପ୍ଲାଙ୍କ ଜୈବରସାୟନ ବିଜ୍ଞାନ ଅନୁଷ୍ଠାନର ଏଫ. ଉଲରିଚ ହାର୍ଟି, ୟେଲ ସ୍କୁଲ ଅଫ ମେଡ଼ିସିନର ଆର୍ଥର ହୋରଉଇଚ, କାଲିଫର୍ନିଆ ବିଶ୍ୱବିଦ୍ୟାଳୟର ଡେଭିଡ ଜୁଲିଇସ ଏବଂ ପେନସିଲଭାନିଆ ବିଶ୍ୱବିଦ୍ୟାଳୟର ଭର୍ଜିନିଆ ମାନ ୟୀ ଲିଙ୍କୁ ଏହି ପୁରସ୍କାର ମିଳିଛି।
ପଦାର୍ଥ ବିଜ୍ଞାନ ପାଇଁ ମିଳିତଭାବେ ୩୪୭ ଜଣ ବୈଜ୍ଞାନିକଙ୍କୁ ଏହି ସମ୍ମାନ ଓ ପୁରସ୍କାର ପ୍ରଦାନ କରାଯାଇଛି। ସେମାନେ ପ୍ରଥମ ଥର ପାଇଁ ଗୋଟିଏ କୃଷ୍ଣଗର୍ତ୍ତ(ବ୍ଲାକ ହୋଲ)ର ଚିତ୍ର ଉତ୍ତୋଳନ କରିଥିଲେ। କୃଷ୍ଣଗର୍ତ୍ତର ବସ୍ତୁତ୍ୱ ଅତି ବେଶି ହୋଇଥିବାରୁ ଏହାର ମାଧ୍ୟାକର୍ଷଣ ବଳ ମଧ୍ୟ ଅତ୍ୟଧିକ ଏବଂ ଏହି ବଳର ଆକର୍ଷଣ ଯୋଗୁ ତା’ ମଧ୍ୟରୁ କୌଣସି ପଦାର୍ଥ ବାହାରକୁ ବାହାରି ପାରେନାହିଁ। ଏପରିକି ଏଥିରୁ ଆଲୋକ ମଧ୍ୟ ନିର୍ଗତ ହୁଏ ନାହିଁ, ଯାହାଫଳରେ ଏହାର ଚିତ୍ର ଉତ୍ତୋଳନ କରିବା ସମ୍ଭବ ହୋଇନଥାଏ। କିନ୍ତୁ ଏହି ବୈଜ୍ଞାନିକମାନେ ଏକ ଅଭିନବ ଉପାୟରେ ଇଭେଣ୍ଟ ହୋରାଇଜନ ଦୂରବୀକ୍ଷଣ ଯନ୍ତ୍ର ସହଯୋଗିତା ପ୍ରକଳ୍ପରେ ପୃଥିବୀଠାରୁ ୫୫ ନିୟୁତ ଆଲୋକବର୍ଷ ଦୂରରେ ଥିବା ମେସିୟର-୮୭(ଏମ୮୭) ଗାଲାକ୍‌ସିର କେନ୍ଦ୍ରରେ ଥିବା ଗୋଟିଏ ଅତିକାୟ କୃଷ୍ଣଗର୍ତ୍ତର ଚିତ୍ର ନେଇ ଇତିହାସ ସୃଷ୍ଟି କରିଛନ୍ତି। ପୃଥିବୀର ବିଭିନ୍ନ ସ୍ଥାନରେ ଯଥା ଆଣ୍ଟାର୍କଟିକା, ଚିଲି, ମେକ୍‌ସିକୋ, ହାଓ୍ବାଇ, ଆରିଜୋନା ଓ ସ୍ପେନ୍‌ରେ ଥିବା ୮ଟି ସମ୍ବେଦନଶୀଳ ଦୂରବୀକ୍ଷଣ ଯନ୍ତ୍ର ସାହାଯ୍ୟରେ କୃଷ୍ଣଗର୍ତ୍ତର ଚିତ୍ର ନେଇ ଏବଂ ପରମାଣିକ ଘଡ଼ି ସାହାଯ୍ୟରେ ସମସ୍ତ ଚିତ୍ରକୁ ସମକାଳୀନ କରି ଏହି ଦଳ କୃଷ୍ଣଗର୍ତ୍ତର ସ୍ପଷ୍ଟ ଚିତ୍ର ନେଇପାରିଥିଲେ। ଏହି କୃଷ୍ଣଗର୍ତ୍ତର ବସ୍ତୁତ୍ୱ ହେଉଛି ପୃଥିବୀ ବସ୍ତୁତ୍ୱର ୬.୫ ବିଲିୟନ ଗୁଣ। ହାର୍ଭାର୍ଡ ସ୍ମିଥ୍‌ସୋନିଆନ ଓ ଜ୍ୟୋତିଃପଦାର୍ଥ ବିଜ୍ଞାନ କେନ୍ଦ୍ରର ଶେପ ଡୋଏଲମାନ ଏହି ଦଳର ନିର୍ଦ୍ଦେଶକ ଥିଲେ ଏବଂ ତାଙ୍କ ନେତୃତ୍ୱରେ ଏହି ପ୍ରକଳ୍ପରେ ୨୦ଟି ଦେଶରେ ୬୦ଟି ଅନୁଷ୍ଠାନର ପଦାର୍ଥ ବିଜ୍ଞାନୀ କାର୍ଯ୍ୟ କରିଥିଲେ। ଏହି ବର୍ଷ ଏପ୍ରିଲ ୧୦ ତାରିଖରେ ଏହି ଖବର ପୃଥିବୀର ପ୍ରାୟ ସମସ୍ତ ଖବରକାଗଜର ପ୍ରଥମ ପୃଷ୍ଠାରେ ସ୍ଥାନ ପାଇଥିଲା।
ବ୍ରେକଥ୍ରୁ ପୁରସ୍କାର ସହିତ ପଦାର୍ଥ ବିଜ୍ଞାନ ଓ ଗଣିତରେ ଉନ୍ନତମାନର ଗବେଷଣା କରିଥିବା ୬ଜଣ ଯୁବ ବୈଜ୍ଞାନିକଙ୍କ ନାମ ମଧ୍ୟ ନ୍ୟୁ ହୋରାଇଜନ ପୁରସ୍କାର ପାଇଁ ଘୋଷଣା କରାଯାଇଛି। ସମସ୍ତ ପୁରସ୍କାର ବିଜୟୀଙ୍କୁ ଏହି ବର୍ଷ ନଭେମ୍ବର ୩ ତାରିଖରେ କାଲିଫର୍ନିଆ ଠାରେ ଏକ ବର୍ଣ୍ଣାଢ଼୍ୟ ଉତ୍ସବରେ ପୁରସ୍କାର ପ୍ରଦାନ କରାଯିବ। ଏହା ହେବ ଏହି ପୁରସ୍କାର ପ୍ରଦାନର ଅଷ୍ଟମ ଉତ୍ସବ। ଏହି ପୁରସ୍କାର ଉତ୍ସବକୁ ବିଜ୍ଞାନର ଓସ୍କାର କୁହାଯାଉଛି। ଏହାକୁ ନ୍ୟାଶନାଲ ଜିଓଗ୍ରାଫିକ ଚ୍ୟାନେଲ ସିଧା ପ୍ରସାରଣ କରିବ। ପ୍ରତ୍ୟେକ ବର୍ଷର ଉତ୍ସବ ପାଇଁ ଏକ ନିର୍ଦ୍ଦିଷ୍ଟ ବିଷୟ(ଥିମ୍‌) ବଛା ଯାଇଥାଏ। ଏହି ବର୍ଷର ଥିମ୍‌ ହେଉଛି ଅଦୃଶ୍ୟକୁ ଦେଖିବା। ଅଦୃଶ୍ୟ କୃଷ୍ଣଗର୍ତ୍ତର ଚିତ୍ର ନେଇପାରିବା ପରିପ୍ରେକ୍ଷୀରେ ଏହି ଥିମକୁ ଚୟନ କରାଯାଇଛି।

ଇଂ. ମାୟାଧର ସ୍ବାଇଁ
-୭୦, ଲକ୍ଷ୍ମୀବିହାର, ଫେଜ-୧,
ଭୁବନେଶ୍ୱର, ମୋ : ୯୪୩୮୬୯୩୭୨୪


Enter your email to get our daily news in your inbox.

All Right Reserved By Dharitri.Com

ବିବାହିତ ଥିଲେ କେବେ ବି ଭୁଲନ୍ତୁ ନାହିଁ ଚାଣକ୍ୟଙ୍କ ଏସବୁ କଥା: ଉଣା ହେବ ନାହିଁ ଜୀବନସାଥୀଙ୍କ ପ୍ରେମ

ଜୀବନସାଥୀଙ୍କ ପ୍ରେମ ଓ ସମର୍ପଣ ପାଇଥିବା ବ୍ୟକ୍ତି ଦୁନିଆର ସବୁଠାରୁ ସୁଖୀ। ଘରେ ଖୁସିରେ ରହୁଥିବା ବ୍ୟକ୍ତିର ଜୀବନରେ କେବେ ବି ଦୁଃଖ ଏବଂ ଅଶାନ୍ତି...

ପର୍ଯ୍ୟଟନର ପେଣ୍ଠସ୍ଥଳ ଅରୁଣାଚଳ ପ୍ରଦେଶ

ଅରୁଣାଚଳ ପ୍ରଦେଶ ଭାରତର ଏମିତି ଏକ ରାଜ୍ୟ, ଯେଉଁଠାରେ ପର୍ଯ୍ୟଟକ ଅନେକ ବନ୍ୟପ୍ରାଣୀ ସଂରକ୍ଷଣ କେନ୍ଦ୍ର, ଦୁର୍ଗ, ସଂଗ୍ରହାଳୟ, ମଠ, ମନ୍ଦିର ଆଦି ଦେଖିବାକୁ ପାଇପାରିବେ।...

ଥାଇରଏଡ୍‌ ସମସ୍ୟା ଥିଲେ ଖାଆନ୍ତୁ ଏସବୁ

ଅଧିକାଂଶ ଲୋକଙ୍କଠାରେ ବର୍ତ୍ତମାନ ଥାଇରଏଡ୍‌ ସମସ୍ୟା ଦେଖାଦେଉଛି। ମାନସିକ ଦୁଃଶ୍ଚିନ୍ତା, ଖାଦ୍ୟରେ ଆୟୋଡିନ୍‌ ମାତ୍ରା କମ୍‌ କିମ୍ବା ଅଧିକ ହେଲେ ଏହି ସମସ୍ୟା ଦେଖାଦେଇଥାଏ। ଏହା...

ଉପକାରୀ ପିଆଜ

ପିଆଜର ସଣ୍ଢା ହେଉ କି ପରିପକ୍ୱ ପିଆଜ, ଉଭୟ ଶରୀର ପାଇଁ ଉପକାରୀ। ପିଆଜ ସଣ୍ଢା କୋଲେଷ୍ଟରଲ ସ୍ତର କମାଏ। ଏଥିରେ ଆଣ୍ଟିବ୍ୟାକ୍ଟେରିଆଲ ତତ୍ତ୍ୱ ଥାଏ।...

ଶୀତଦିନରେ ବୁଟ୍ସ ଦେବ ଷ୍ଟାଇଲିଶ୍‌ ଲୁକ୍‌

ଶୀତଦିନରେ ନିଜକୁ ଷ୍ଟାଇଲିଶ୍‌ ଦେଖାଇବାକୁ ହେଲେ ଅନେକ ଉପାୟ ରହିଛି । ଏହି ସିଜିନ୍‌ରେ ନିଜ ଲୁକ୍‌କୁ ଷ୍ଟାଇଲିଶ୍‌ କରିବାକୁ ହେଲେ ବୁଟ୍ସ ଭଲ ଅପ୍‌ସନ୍‌...

ମୋବାଇଲରୁ ମିଳିବ ଭୂମିକମ୍ପ ସୂଚନା

ଭୂମିକମ୍ପ ଏପରି ଏକ ପ୍ରାକୃତିକ ବିପର୍ଯ୍ୟୟ ଯାହାକୁ ହଠାତ ପୂର୍ବାନୁମାନ କରିବା ସହଜ ନୁହେଁ। ଅବଶ୍ୟ କେଉଁ ଅଞ୍ଚଳରେ ଭୂମିକମ୍ପ ହେବ ତାହା ଏବେ ଆକଳନ...

ସ୍ତ୍ରୀ-ସ୍ବାମୀ ସମ୍ପର୍କରେ କଳହର ମୁଖ୍ୟ ଏସବୁ ଛୋଟ କଥା, ଏଥି ପ୍ରତି ଦିଅନ୍ତୁ ଧ୍ୟାନ

ସ୍ତ୍ରୀ-ସ୍ବାମୀଙ୍କ ସମ୍ପର୍କ ପ୍ରେମ ଏବଂ ପାରସ୍ପରିକ ବୁଝାମଣା ଉପରେ ଆଧାରିତ। ଏହି ସମ୍ପର୍କରେ, ପ୍ରେମ ସହିତ ମନମାଳିନ୍ୟ ମଧ୍ୟ ରହିଛି। ଯେତେବେଳେ ଦୁଇ ଜଣଙ୍କ ମଧ୍ୟରେ...

ଜିମ୍‌ ଯିବା ପୂର୍ବରୁ ପିଉଛନ୍ତି କି ଏହି ୫ ପାନୀୟ

ବର୍ତ୍ତମାନ ସମୟରେ ଯୁବପିଢ଼ି ଫିଟ ରହିବା ପାଇଁ ଜିମ୍‌ ଯାଉଛନ୍ତି। ଏ ନେଇ ସେମାନେ ଖାଦ୍ୟପେୟ ଉପରେ ଅଧିକ ଧ୍ୟାନ ଦେଉଛନ୍ତି। ଜିମ୍‌ ଯିବା ପୂର୍ବରୁ...

Advertisement
Archives

Model This Week