ଛେଣ୍ଡିପଦା,୭।୧୨(ସ୍ବ.ପ୍ର.): ଅନୁଗୋଳ ଜିଲା ନିଶା ଶିଳ୍ପାଞ୍ଚଳ ଥାନା ଗୋପିବଲ୍ଲଭପୁର ଗାଁରେ ବାରାହା ଫାସରେ ପଡି ଜଣେ ଚାଷୀଙ୍କର ମୃତ୍ୟୁ ହୋଇଛି। ମୃତକ ଜଣକ କୋଶଳା ଖଳିନାଳ ଗାଁର ନବକିଶୋର ପ୍ରଧାନ। ସୂଚନାଯୋଗ୍ୟ, ନବକିଶୋର ଶୁକ୍ରବାର ବିଳମ୍ବିତ ରାତିରେ ଶିକାରୀ ବାରାହା ଶିକାର ପାଇଁ ଏକ ବିଦ୍ୟୁତ୍ ତାର ବିଛାଇଥିଲେ। ଧାନ ବିଲକୁ ଜଗିବାକୁ ଆସୁଥିବା ବେଳେ ନବକିଶୋର ଅଜାଣତରେ ଉକ୍ତ ତାରକୁ ଛୁଇଁଦେବାରୁ ତାଙ୍କର ମୃତ୍ୟୁ ହୋଇଥିଲା। ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ଶିକାର ପାଇଁ ବ୍ୟବହୃତ ହୋଇଥିବା ଜିଆଇ ତାରକୁ ମଧ୍ୟ ଜବତ କରିଛି। ଏନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି।
