ବାଣିଜ୍ୟ ଯୁଦ୍ଧ ମୁହଁ। ଆମେରିକା-ଚାଇନା

ନୂଆଦିଲ୍ଲୀ,୫।୫:କରୋନା ଭୂତାଣୁକୁ ନେଇ ଆମେରିକା ଏବଂ ଚାଇନା ମଧ୍ୟରେ ତିକ୍ତତା ଧୀରେ ଧୀରେ ବଢୁଛି। ଚାଇନା ଉପରେ କଟକଣା ଲଗାଇବା ଲାଗି ଆମେରିକା ପୁଣି ଥରେ ପ୍ରସ୍ତୁତ ହେଉଥିବା ଜଣାପଡିଛି। ବିଶ୍ୱ ସ୍ତରର ଯୋଗାଣ ଚେନ୍‌ରେ ଚାଇନାର ଆଧିପତ୍ୟ ଲାଗି ରହିଛି। ଏହାକୁ କମ୍‌ କରି ଚାଇନାକୁ ଝଟ୍‌କା ଦେବା ଲାଗି ଆମେରିକା ପ୍ରସ୍ତୁତି ଆରମ୍ଭକରି ଦେଇଛି। ଚାଇନାରୁ ସୋର୍ସିଂ କମ୍‌ କରିବା ଏବଂ ମାନୁଫାକ୍ଚରିଂ ବେସ୍‌ ହଟାଇବାକୁ ବିଭିନ୍ନ କମ୍ପାନୀକୁ ଆମେରିକା କହିପାରେ। ଆମେରିକାର ବାଣିଜ୍ୟ ବିଭାଗ ସହ ଅନ୍ୟ ପ୍ରମୁଖ ଏଜେନ୍ସିଗୁଡିକ ଏ ସମ୍ପର୍କିତ ବିଭିନ୍ନ ଦିଗକୁ ବିଚାର କରୁଥିବା ଏକ ରିପୋର୍ଟରେ ପ୍ରକାଶ ପାଉଛି।
ଆମେରିକାକୁ ଆସୁଥିବା ଚାଇନା ସାମଗ୍ରୀ ଉପରେ ଅଧିକ ଟିକସ ଲଗାଇବା ଦିଗରେ ଏବେ ବିଚାର କରାଯାଉଛି ବୋଲି ଟ୍ରମ୍ପ ପ୍ରଶାସନର ଜଣେ ବରିଷ୍ଟ ଅଧିକାରୀ ସୂଚନା ଦେଇଛନ୍ତି। ଆଗକୁ ଆମେରିକାରେ ରାଷ୍ଟ୍ରପତି ନିର୍ବାଚନ ହେବାକୁ ଯାଉଛି। ନିକଟରେ ଅନୁଷ୍ଠିତ ଏକ ସଭାରେ ଚାଇନାକୁ ଟ୍ରମ୍ପ ଟାର୍ଗେଟ କରିବା ସହ ସେଠାରୁ ମାନୁଫାକ୍ଚରିଂକୁ ହଟାଇବାକୁ କହିଥିଲେ। କରୋନା ଭାଇରସ୍‌ ଯୋଗୁ ଆମେରିକା ଅର୍ଥ ବ୍ୟବସ୍ଥା ଗଭୀର ଭାବେ କ୍ଷତିଗ୍ରସ୍ତ ହୋଇଛି। ଆମେରିକାର ଯେଉଁ ୟୁନିଟଗୁଡିକ ଉତ୍ପାଦନ ଲାଗି ଚାଇନା ଉପରେ ନିର୍ଭର କରୁଛନ୍ତି ତାକୁ ସମ୍ପୂର୍ଣ୍ଣ ଭାବେ ବାଦ୍‌ ଦେବାକୁ ବିଚାର ହେଉଛି। ସେହିଭଳି ଆମେରିକା ଏ କ୍ଷେତ୍ରରେ ଅନ୍ୟ ବନ୍ଧୁ ରାଷ୍ଟ୍ରଗୁଡିକ ଉପରେ ଫୋକସ କରିବ। ଚାଇନା ଉପରେ ନିର୍ଭରଶୀଳତା କମାଇବା ଲାଗି ଅନେକ ଦିନ ଧରି ପ୍ରୟାସ ଜାରି ରହିଛି। ହେଲେ ବର୍ତ୍ତମାନ ଏ ଦିଗରେ ଠୋସ୍‌ ପଦକ୍ଷେପ ନିଆଯିବ ବୋଲି ଆମେରିକାର ଅର୍ଥନୈତିକ ଅଭିବୃଦ୍ଧି ବିଭାଗ ଅଣ୍ଡର ସେକ୍ରେଟାରି କୈଥ କ୍ରାଚ୍‌ କହିଛନ୍ତି।
ଆମେରିକା ଏକ ନୂଆ ଯୋଜନା ହାତକୁ ନେବ ବୋଲି ଜଣାଯାଇଛି। ଯେଉଁ କମ୍ପାନୀଗୁଡିକ ଚାଇନା ବାହାରୁ ମାନୁଫାକ୍ଚରିଂ ଏବଂ ସୋର୍ସିଂକୁ ଗୁରୁତ୍ୱ ଦେବେ ସେମାନଙ୍କୁ ଟିକସ ରିହାତି, ସବ୍‌ସିଡି ଭଳି ଅନ୍ୟ ପ୍ରୋତ୍ସାହନ ସୁବିଧା ଦେବାକୁ ବିଚାର ହେଉଛି। ଚାଇନା ବାହାରୁ କିଭଳି ସାମଗ୍ରୀ ଉତ୍ପାଦନ ହେବ ତାକୁ ଆମେରିକା ଏବେ ଧ୍ୟାନରେ ରଖିଛି। ଟ୍ରମ୍ପ ଏବଂ ଚାଇନା ମଧ୍ୟରେ ପୂର୍ବରୁ ବାଣିଜ୍ୟ ନେଇ ତିକ୍ତତା ଲାଗି ରହିଛି। କରୋନା ପାଇଁ ଆମେରିକା ଅର୍ଥ ବ୍ୟବସ୍ଥା ଗଭୀର ପ୍ରଭାବିତ ହୋଇଥିବାରୁ ଏହାକୁ ନେଇ ଦୁଇ ଦେଶ ମଧ୍ୟରେ ସମ୍ପର୍କ ଆହୁରି ବିଗିଡ଼ିଛି। ୩୭୦ ବିଲିୟନ ଡଲାରର ଚାଇନା ସାମଗ୍ରୀ ଉପରେ ନୂଆ ଟିକସ ଲାଗୁ କରିବା ଦିଗରେ କାର୍ଯ୍ୟପନ୍ଥା ହାତକୁ ନିଆଯାଉଛି। ଚାଇନାକୁ ଚକମା ଦେବା ଲାଗି ଏହାର ବନ୍ଧୁରାଷ୍ଟ୍ରଗୁଡିକ ନେଇ ଏକ ଇକୋନୋମିକ ପ୍ରସ୍‌ପେରିଟି ନେଟ୍‌ଓ୍ବର୍କ ଗଠନ ସପକ୍ଷରେ ମଧ୍ୟ ରହିଛି।
ଅଷ୍ଟ୍ରେଲିଆ, ଭାରତ, ଜାପାନ, ନ୍ୟୁଜିଲାଣ୍ଡ, ଦକ୍ଷିଣ କୋରିଆ,ଭିଏତ୍‌ନାମ ଭଳି ଦେଶଗୁଡିକୁ ଏକତ୍ରକରି ବିଶ୍ୱ ଅଭିବୃଦ୍ଧିକୁ ତ୍ୱରାନ୍ବିତ କରିବା ଦିଗରେ ପଦକ୍ଷେପ ଗ୍ରହଣ କରାଯାଇଛି ବୋଲି ଆମେରିକାର ସେକ୍ରେଟାରି ଅଫ୍‌ ଷ୍ଟେଟସ ମାଇକ ପାମ୍ପେଓ ନିକଟରେ କହିଥିଲେ। ଏ ଦିଗରେ ଲାଟିନ ଆମେରିକା ଦେଶଗୁଡିକ ପ୍ରମୁଖ ଭୂମିକା ନେଇପାରନ୍ତି। ୨୦୧୦ରେ ମାନୁଫାକ୍ଚରିଂ କ୍ଷେତ୍ରରେ ଚାଇନା ଆମେରିକାକୁ ଟପିଯାଇଥିଲା। ଜାତିସଂଘ ଡାଟା ମୁତାବକ ବିଶ୍ୱର ମୋଟ ଉତ୍ପାଦନ ମଧ୍ୟରୁ ଚାଇନାର ଅଂଶ ଏବେ ୨୮% ରହିଛି। ମହାମାରୀ ଯୋଗୁ ଚାଇନା ଏବେ ଔଷଧ, ଥର୍ମାଲ କ୍ୟାମେରା ସମେତ ଅନ୍ୟ ସାମଗ୍ରୀ ଯୋଗାଣରେ ବହୁ ଆଗରେ ରହିଛି। ଚାଇନାର ବହୁଳ ଜନସଂଖ୍ୟାକୁ ଦେଖି ଆମେରିକା କମ୍ପାନୀଗୁଡିକ ସେଠରେ ବହୁଳ ପରିମାଣର ନିବେଶ କରିଛନ୍ତି। ଅନ୍ୟ ସ୍ଥାନକୁ ମାନୁଫାକ୍ଚରିଂ ଫାସିଲିଟି ଉଠାଇବା ସମୟ ସାପେକ୍ଷ ଏବଂ ନିବେଶର ମଧ୍ୟ ଆବଶ୍ୟକତା ରହିଛି। ଏଣୁ ଏ କ୍ଷେତ୍ରରେ ବିକଳ୍ପକୁ ବିଚାର କରିବା କମ୍ପାନୀଗୁଡିକ ଲାଗି କଷ୍ଟକର ବୋଲି ୟୁଏସ୍‌-ଚାଇନା ବିଜ୍‌ନେସ କାଉନସିଲର ଜଣେ ବିଶେଷଜ୍ଞ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆଇଏମ୍‌ଓ କାଉନ୍‌ସିଲକୁ ଭାରତ ପୁନଃନିର୍ବାଚିତ

ଲଣ୍ଡନ,୧୨|୧୨: ଅନ୍ତର୍ଜାତୀୟ ସାମୁଦ୍ରିକ ସଂଗଠନ (ଆଇଏମ୍‌ଓ)ର ୨୦୨୨-୨୩ ଦ୍ୱିବାର୍ଷିକ କାଉନ୍‌ସିଲକୁ ଭାରତ ସଦସ୍ୟ ଭାବେ ପୁନଃନିର୍ବାଚିତ ହୋଇଛି। ଆଇଏମ୍‌ଓ ମୁଖ୍ୟାଳୟ ଲଣ୍ଡନଠାରେ ଗତ ୬ ତାରିଖରୁ ୧୫...

୭.୫% ଖସିଲା ଜିଡିପି

ନୂଆଦିଲ୍ଲୀ,୨୮।୧୧ – କରୋନା ମହାମାରୀ ସାରା ବିଶ୍ୱକୁ କବଳିତ କରି ରଖିଛି। ଏହା ଦ୍ୱାରା ବିଶ୍ୱର ଅର୍ଥ ବ୍ୟବସ୍ଥାଗୁଡିକ ସଙ୍କଟ ଦେଇ ଗତି କରୁଛନ୍ତି। ଭାରତୀୟ...

ଗୁଣାତ୍ମକ ସାମଗ୍ରୀ ଯୋଗାଇବା ମୂଳ ଲକ୍ଷ୍ୟ: ଇଂ ସଞ୍ଜୟ କୁମାର ଦାସ

ଏକ ମଧ୍ୟବିତ୍ତ ପରିବାରରେ ଜନ୍ମିତ। କିନ୍ତୁ କିଛି ନୂଆ କରିବା ପାଇଁ ମନରେ ଆଗ୍ରହ ରହିଥାଏ। ତେଣୁ ବାପାଙ୍କ ପ୍ରେରଣାକୁ ପୁଞ୍ଜିକରି ୧୫ ବର୍ଷ ତଳେ...

କମୁଛି ତେଲ ଚାହିଦା, ଧିମାଉଛି ଅର୍ଥନୀତି

ନୂଆଦିଲ୍ଲୀ,୧୬-୬: ଦେଶର ଇନ୍ଧନ(ତେଲ) ଚାହିଦା ମେ’ରେ ଅପରିବର୍ତ୍ତିତ ରହିଛି। ପୂର୍ବବର୍ଷ ଯାହା ଚାହିଦା ଥିଲା ଚଳିତ ବର୍ଷ ଏହି ଅବଧିରେ ତାହା ରହିଥିବାରୁ ଦେଶର ଅର୍ଥନୀତିର...

ମହାମାରୀ ଯୋଗୁ ଜଟିଳ ହେଉଛି ବିଶ୍ୱ ବଜାର ସ୍ଥିତି; ଜାଣନ୍ତୁ କ’ଣ କହିଲା ଆଇଏମ୍‌ଏଫ୍‌

ଓ୍ବାଶିଂଟନ,୨୫।୬ : ବିଶ୍ୱ ବଜାର ମାନ୍ଦାବସ୍ଥା ଦେଇ ଗତି କରୁଥିବା ବେଳେ ବଜାର ପ୍ରଭାବିତ ହୋଇ ରହିଛି। ହେଲେ ମାନ୍ଦାବସ୍ଥାର ପ୍ରଭାବ ଯେତିକି ରହିବ ବୋଲି...

ଭେହିକ୍‌ଲ ସ୍କ୍ରାପେଜ୍‌କୁ ଉତ୍ସାହିତ କରିବେ ସରକାର

ନୂଆଦିଲ୍ଲୀ:  ପୁରୁଣା ଏବଂ ପ୍ରଦୂଷଣ ସୃଷ୍ଟି କରୁଥିବା ଯାନ ହଟାଇ ନୂଆ ଯାନ ଗ୍ରହଣ କାର୍ଯ୍ୟକ୍ରମକୁ ସରକାର ଉତ୍ସାହିତ କରିବେ। ଏ କ୍ଷେତ୍ରରେ ସରକାର କେତେକ...

ନିମ୍ନ ସ୍ତରରେ ବିଜ୍‌ନେସ୍‌ ସେଣ୍ଟିମେଣ୍ଟ

କରୋନା ଯୋଗୁ ଦେଶର ମାନୁଫାକଚରିଂ କ୍ଷେତ୍ର କାର୍ଯ୍ୟକଳାପ ମାର୍ଚ୍ଚ ମାସରେ ହ୍ରାସ ଘଟିଛି। ଏହା ୪ ମାସର ସର୍ବନିମ୍ନ ସ୍ତର। କରୋନା ଏବଂ ଅନ୍ତର୍ଜାତୀୟ ବଜାରର...

କମ୍ପାନୀଙ୍କ ଇପିଏଫ୍‌ ଯୋଗଦାନରେ ସହାୟତା

ନୂଆଦିଲ୍ଲୀ,୧୪।୫: ସବୁ କମ୍ପାନୀଙ୍କ ଲାଗି କର୍ମଚାରୀ ଭବିଷ୍ୟନିଧି ପାଣ୍ଠି(ଇପିଏଫ୍‌)ର ଷ୍ଟାଚୁଟୋରି ଦେୟକୁ ୧୨%ରୁ ୧୦%କୁ ହ୍ରାସ କରାଯାଇଛି। ଏହା ଦ୍ୱାରା କର୍ମଚାରୀ ଏବଂ ନିଯୁକ୍ତିଦାତାଙ୍କୁ ଆଗାମୀ...

Advertisement
Archives

Model This Week