ଥିରୁଭାନନ୍ତପୁରମ୍,୧୮ା୭: ଏକ ନାବାଳିକା ବଳାତ୍କାର ଓ ହତ୍ୟା ମାମଲାରେ କୋଲାମ୍ସ୍ଥିତ ଅତିରିକ୍ତ ସେସନ୍ସ (ପୋକ୍ସୋ) ଅଦାଲତ ବୁଧବାର ଅପରାଧୀଙ୍କୁ ତିନି ଥର ଆଜୀବନ ଜେଲ୍ଦଣ୍ଡାଦେଶ ସହିତ ୨୬ ବର୍ଷ ଜେଲ୍ ଏବଂ ୩.୨ ଲକ୍ଷ ଟଙ୍କା ଅର୍ଥଦଣ୍ଡରେ ଦଣ୍ଡିତ କରିଛନ୍ତି। ଅପରାଧୀ ୨୫ ବର୍ଷୀୟ ଯୁବକ ଜଣଙ୍କୁ ଅଲଗା ଭାବେ ସମସ୍ତ ଜେଲ୍ଦଣ୍ଡ ଭୋଗିବାକୁ ହେବ। ୭ ବର୍ଷର ନାବାଳିକା ବଳାତ୍କାର ମାମଲାରେ ଯୁବକ ଜଣକ ହତ୍ୟା, ବଳାତ୍କାର, ଅପ୍ରାକୃତ ଯୌନକ୍ରିୟା, ଅପହରଣ, ମୃତଦେହ ପ୍ରତି ଅସମ୍ମାନ କରିବା ଏବଂ ପୋକ୍ସୋର ବିଭିନ୍ନ ଧାରାରେ ଦୋଷୀସାବ୍ୟସ୍ତ ହୋଇଥିଲେ। ୨୦୧୭ ସେପ୍ଟେମ୍ବର ୨୭ରେ ଏହି ଘଟଣା ଘଟିଥିଲା। ଯୁବକ ଜଣକ ନାବାଳିକଙ୍କ ସମ୍ପର୍କୀୟ। ସେ ପିଲାଟିକୁ ଟ୍ୟୁଶନ୍ରେ ଛାଡ଼ିଦେବାକୁ କହି ଜଙ୍ଗଲକୁ ନେଇଯାଇ ପାଶବିକ ଅତ୍ୟାଚାର କରିବା ସହ ଗଳାଚିପି ହତ୍ୟା କରିଥିଲେ। ଏପରିକି ଝିଅଟି ମରିଯିବା ପରେ ମଧ୍ୟ ଶବ ସହ ଯୁବକ ଜଣକ ଯୌନକ୍ରିୟା କରିଥିଲେ।
