ବଲାଙ୍ଗୀର ଲାଗି ସ୍ବତନ୍ତ୍ର ପ୍ୟାକେଜ ଦାବି

ଭୁବନେଶ୍ୱର,୨୯।୧୧(ବ୍ୟୁରୋ): ଗତ ଅଗଷ୍ଟ ୧୩ ଏବଂ ୧୪ ତାରିଖରେ ବଲାଙ୍ଗୀର ଜିଲାର ସମସ୍ତ ବ୍ଲକରେ ପ୍ରବଳ ବୃଷ୍ଟିପାତ ହୋଇଥିଲା। ବଲାଙ୍ଗୀର ବ୍ଲକରେ ୧୪ ତାରିଖରେ ୫୫୦ମି.ମି. ବର୍ଷା ହୋଇଥିଲା। ସେହିପରି ୧୩ତାରିଖରେ ଗୁଡ୍‌ଭେଲା ବ୍ଲକରେ ୪୧୪ ମି.ମି. ବର୍ଷା ହୋଇଥିବାର ରେକର୍ଡ ହୋଇଛି। ଏହି ବର୍ଷା ପ୍ରଭାବରେ ବଲାଙ୍ଗୀର ଜିଲାରେ ବ୍ୟାପକ କ୍ଷୟକ୍ଷତି ହୋଇଥିବା ବେଳେ କ୍ଷୟକ୍ଷତିର ଆକଳନ ଠିକ୍‌ କରାଯାଇ ନାହିଁ ବୋଲି କଂଗ୍ରେସ ସଦସ୍ୟ ରାଜ୍ୟ ସରକାରଙ୍କ ଉପରେ ପ୍ରବଳ ବର୍ଷିଛନ୍ତି। ଏହାସହ ସେହି ସମୟରେ କେନ୍ଦ୍ରମନ୍ତ୍ରୀ ମଧ୍ୟ ଆକାଶ ମାର୍ଗରୁ ଜିଲାର କ୍ଷୟକ୍ଷତି ସମୀକ୍ଷା କରି ପ୍ରତିଶ୍ରୁତି ଦେଇ ଚାଲିଗଲେ ବୋଲି ଆକ୍ଷେପ କରିଛନ୍ତି। ଅନ୍ୟପକ୍ଷରେ ଏହି ପ୍ରସଙ୍ଗରେ ଗୁରୁବାର ଗୃହରେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର, ସଦସ୍ୟ ସନ୍ତୋଷ ସିଂ ସାଲୁଜା ଏବଂ ଅଧିରାଜ ପାଣିଗ୍ରାହୀ ଧ୍ୟାନ ଆକର୍ଷଣକାରୀ ପ୍ରସ୍ତାବ ଆଣି ଆଲୋଚନା ପାଇଁ ଯୁକ୍ତି ରଖିବା ସହିତ ରାଜସ୍ବ ମନ୍ତ୍ରୀଙ୍କ ଉତ୍ତର ଲୋଡିଥିଲେ।
ଏହି ଅବସରରେ ନରସିଂହ ମିଶ୍ର କହିଛନ୍ତି, ପ୍ରବଳ ବର୍ଷା ଯୋଗୁ ବଲାଙ୍ଗୀର ଜିଲାରେ ବ୍ୟାପକ କ୍ଷୟକ୍ଷତି ଘଟିଲା। ଲୋକମାନେ ରଖିଥିବା ନଗଦ ଟଙ୍କା ପାଣିରେ ଭାସିଯାଇଥିବା ସେମାନେ ଅଭିଯୋଗ କରୁଛନ୍ତି। ଯେତିକି ସରକାରୀ କର୍ମଚାରୀ ଦିଆଯିବା କଥା ପୁନରୁଦ୍ଧାର କାର୍ଯ୍ୟ ଲାଗି ସେତିକି ମଧ୍ୟ ମିଳିଲା ନାହିଁ। ଯଦି ବଲାଙ୍ଗୀର ଜିଲା ପାଇଁ ସରକାରଙ୍କ ସାମାନ୍ୟ ଆନ୍ତରିକତା ଅଛି ତେବେ ୧୦୦୦ କୋଟି ଟଙ୍କାର ସ୍ବତନ୍ତ୍ର ପ୍ୟାକେଜ ଘୋଷଣା କରନ୍ତୁ। ଏହାସହ ଏନ୍‌ଏଚ୍‌ ସଂଯୋଗ ମଧ୍ୟ ନଷ୍ଟ ହୋଇଛି। ଏ ବାବଦରେ ଆଉଥରେ ସମୀକ୍ଷା କରି ଜିଲା ପ୍ରଶାସନ ଠିକ୍‌ ରିପୋର୍ଟ ପ୍ରଦାନ କରନ୍ତୁ। ଲୋକ ସଭା ଏମ୍‌ପି, ସ୍ଥାନୀୟ ବିଧାୟକଙ୍କ ସହ ଆଲୋଚନା କରାଯାଉ। ଏନେଇ ୧ହଜାର କୋଟି ଟଙ୍କା ଦେବାକୁ କହିବାପରେ ଜିଲାପାଳ ଏକ ରିପୋର୍ଟ ସରକାରଙ୍କୁ ପଠାଇଥିଲେ। ସେଥିରେ ସେ ଜିଲା ପାଇଁ ୪୦୦କୋଟି ଟଙ୍କା ଦେବାକୁ କହିଥିଲେ। ମାତ୍ର ସରକାର ମାତ୍ର ୪୦କୋଟି ଟଙ୍କା ଦେଲେ ବୋଲି ନରସିଂହ କହିଛନ୍ତି। ତେଣୁ ଜିଲାର କ୍ଷୟକ୍ଷତି ଉପରେ ଦୃଷ୍ଟି ରଖି ସ୍ବତନ୍ତ୍ର ପ୍ୟାକେଜ ଦାବିକୁ ସେ ପୁଣିଥରେ ଦୋହରାଇଥିଲେ। ସନ୍ତୋଷ ସିଂ ସାଲୁଜା ମଧ୍ୟ ନରସିଂହଙ୍କ ଦାବିକୁ ସମର୍ଥନ ଜଣାଇ ସରକାରଙ୍କୁ ଚାରିଆଡୁ ଘେରିବାକୁ ପ୍ରୟାସ କରିଥିଲେ। ସେ କହିଛନ୍ତି ଧ୍ୟାନ ଆକର୍ଷଣକାରୀ ପ୍ରସ୍ତାବରେ ସରକାର ଆଂଶିକ ରିପୋର୍ଟ ଦେଇଛନ୍ତି। ଏଥିରେ ୧୪ ବ୍ଲକ କଥା ଉଲ୍ଲେଖ ଅଛି। ଟିଟିଲାଗଡ ସମ୍ପର୍କରେ କିଛି ଉଲ୍ଲେଖ ନାହିଁ। ନଦୀ ବାବଦରେ ଯାହା ଉଲ୍ଲେଖ ଅଛି ତାହା ସମ୍ପୂର୍ଣ୍ଣ ନୁହେଁ। ବ୍ୟାପକ ବର୍ଷା ଯୋଗୁ ବ୍ୟାପକ କ୍ଷତି ହୋଇଛି। ଚାଷୀଙ୍କ ଭଲ ଫସଲ ହୋଇଥିବା ବେଳେ ପାଣିପଶି ସବୁ ନଷ୍ଟ ହୋଇଯାଇଛି। ସରକାରଙ୍କ ପକ୍ଷରୁ ଆଂଶିକ ସହାୟତା ଦିଆଯାଇଛି। ସମ୍ପୂର୍ଣ୍ଣ ସହାୟତା ନ ମିଳିଲେ ଚାଷୀଙ୍କ ମେରୁଦଣ୍ଡ ଭାଙ୍ଗିଯିବ ବୋଲି ସେ କହିଛନ୍ତି। ସଦସ୍ୟ ଅଧିରାଜ ପାଣିଗ୍ରାହୀ କହିଛନ୍ତି, ଡ୍ରେନେଜ ବ୍ୟବସ୍ଥା ସମ୍ପୂର୍ଣ୍ଣ ଭୁଶୁଡି ପଡିଛି। କେନ୍ଦ୍ରମନ୍ତ୍ରୀ ହାଓ୍ବାଇରେ ଆସି ବୁଲି ନିଜ କଥାକୁ ହାଓ୍ବାରେ ଉଡାଇଦେଲେ। ସେ ନିର୍ବାଚନ ସମୟରେ ଯେମିତି ଜୁମ୍‌ଲା ମାରୁଥିଲେ ସମାନ କଥା ଦୋହରାଇଦେଇ ଗଲେ। ଭାଜପା ସଦସ୍ୟମାନେ କେନ୍ଦ୍ରମନ୍ତ୍ରୀ ଦେଇଥିବା ପ୍ରତିଶ୍ରୁତି ପୂରଣ ନେଇ ତାଙ୍କ ନିକଟରେ ଦାବି ରଖନ୍ତୁ ବୋଲି ସେ କହିଛନ୍ତି। ଖରିଆର ନିର୍ବାଚନମଣ୍ଡଳୀର ୧୦ରୁ ୧୫ ଗ୍ରାମ ବର୍ତ୍ତମାନ ନଦୀ ମୁହଁରେ ଅଛି। ସେଠାର ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଉ। ଏହାସହ ବଲାଙ୍ଗୀର ଜିଲା ପାଇଁ ୧ ହଜାର କୋଟି ଟଙ୍କାର ସ୍ବତନ୍ତ ପ୍ୟାକେଜ ଘୋଷଣା କରାଯାଉ ବୋଲି ପାଣିଗ୍ରାହୀ କହିଛନ୍ତି।
ଉତ୍ତରରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାରାଣ୍ଡି କହିଛନ୍ତି, ବାସ୍ତବିକ ଭାବେ ଅଗଷ୍ଟ ୧୩ ଓ ୧୪ରେ ବଲାଙ୍ଗୀର ଜିଲାରେ ହୋଇଥିବା ବର୍ଷା ଯୋଗୁ ଅଧିକ ମାତ୍ରାରେ ଜଳ ମାଡି ଆସିଥିଲା। ଏନେଇ ଏସ୍‌ଆରସି(ସ୍ବତନ୍ତ୍ର ରିଲିଫ କମିଶନର)ଙ୍କ ସହିତ ଆଲୋଚନା କରିଛି, ଯାହା ସମସ୍ତ ସାହାଯ୍ୟ ଏନ୍‌ଡିଆର୍‌ଏଫ, ଏସ୍‌ଡିଆର୍‌ଏଫରୁ ସହାୟତା ଦେବା କଥା ଦିଆଯାଇଛି। ଏ ପର୍ଯ୍ୟନ୍ତ କେତେଗୁଡିଏ ରିପୋର୍ଟ ଆସିନାହିଁ। ସରକାରଙ୍କ ପାଖରେ ଟଙ୍କା ଅଛି, ବିଭାଗଗୁଡିକୁ ନିର୍ଦ୍ଦେଶ ଦେବି ରିପୋର୍ଟ ତୁରନ୍ତ ପ୍ରଦାନ କରି ଅର୍ଥ ବରାଦ କରିବା ଲାଗି। ବନ୍ୟା ନେଇ ସମୀକ୍ଷା କରିଥିଲି। ରାସ୍ତା ବହୁତ ନଷ୍ଟ ହୋଇଛି। ନଦୀକୂଳ ଗାଁଗୁଡିକୁ ସ୍ଥାନାନ୍ତରିତ କରାଯିବ। ଚାଷୀଙ୍କ ରିପୋର୍ଟ ଆସିନାହିଁ, ଆସିଗଲେ କ୍ଷତିପୂରଣ ପ୍ରଦାନ କରାଯିବ ବୋଲି ମାରାଣ୍ଡି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଅସନ୍ତୋଷ ଜାହିର କଲେ ବିରୋଧୀଦଳ

ଭୁବନେଶ୍ୱର,୧୩।୨(ବ୍ୟୁରୋ): ପୌର ନିର୍ବାଚନକୁ ନେଇ ରାଜଧାନୀରେ ରାଜନୈତିକ ଉଷ୍ମତା ବଢ଼ିବାରେ ଲାଗିଛି। ଏଥିପାଇଁ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ଜୋର୍‌ଦାର ପ୍ରକ୍ରିୟା ଜାରି ରହିଥିବାବେଳେ...

କାଏମ ରହିଲା ୧୪ ନାମାଙ୍କନ

ଝାରସୁଗୁଡ଼ା ଅଫିସ,୧୩ା୫: ବ୍ରଜରାଜନଗର ଉପନିର୍ବାଚନ ପାଇଁ ସମୁଦାୟ ୧୪ଜଣ ପ୍ରାର୍ଥୀ ନାମାଙ୍କନପତ୍ର ଦାଖଲ କରିଥିଲେ। ଗୁରୁବାର ଯାଞ୍ଚ ପରେ ସମସ୍ତ ନାମାଙ୍କନପତ୍ର କାଏମ ରହିଛି ବୋଲି...

ବାତ୍ୟା ଭୟ ନାହିଁ: ଆଞ୍ଚଳିକ ପାଣିପାଗ ବିଭାଗ

ଭୁବନେଶ୍ୱର,୨୨ା୧୦(ବ୍ୟୁରୋ): ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଅବପାତର ରୂପ ନେଇ ସାରିଥିବା ବେଳେ ଏହା ପ୍ରଭାବରେ ଉପକୂଳ ଜିଲାରେ ବର୍ଷା ଲାଗିରହିଛି। ମାତ୍ର...

ଘରେ ପଶିଲା ବନ୍ୟାଜଳ: ଖୋର୍ଦ୍ଧାରେ ୩୦ ହଜାର ଲୋକ ଜଳବନ୍ଦୀ

ଖୋର୍ଦ୍ଧା ଅଫିସ,୧୨।୯: ଖୋର୍ଦ୍ଧା ବ୍ଲକ ଓରବରସିଂ ପଞ୍ଚାୟତର ହିରିମୂଳ, ଡିହଖଳା, ଦୁର୍ଗାପୁର, ଓରବରସିଂ, ମଶାଣିଆ, ତେନ୍ତୁଳିମୂଳ, ରାୟପୁର, ବାଲିକୁଦା, ଲେଖନପୁର, କୃଷ୍ଣପୁର ଆଦି ୧୦ ଗଁ।...

ଆଜିଠୁ ଉଡ଼ିବ କାର୍ଗୋ ବିମାନ

ଭୁବନେଶ୍ୱର,୨୮।୩(ବ୍ୟୁରୋ): ଶନିବାରଠାରୁ ପୁଣି ଭୁବନେଶ୍ୱରକୁ ଆରମ୍ଭ ହେବ ଏୟାର ଇଣ୍ଡିଆର କାର୍ଗୋ ବିମାନ ସେବା। ଏ ନେଇ ଏୟାର ଇଣ୍ଡିଆ ପକ୍ଷରୁ ନିଷ୍ପତ୍ତି ନିଆଯାଇଛି। ଏକ...

ଏରସମା ଫାଶୀ ଦଣ୍ଡାଦେଶ ମାମଲା: ୨୬ରେ ରାୟ ଦେବେ ହାଇକୋର୍ଟ

କଟକ ଅଫିସ, ୧୪ା୯: ଜଗତସିଂହପୁର ଜିଲା ଏରସମା ଅଞ୍ଚଳର ଜଣେ ନାବାଳିକାଙ୍କୁ ବଳାତ୍କାର ଏବଂ ହତ୍ୟା ଘଟଣାରେ ଅଭିଯୁକ୍ତ ଲବ ମାନ୍ନା ଓରଫ କାଳିଆଙ୍କୁ ଜଗତସିଂହପୁର...

ଓଲଟିଲା ବରଯାତ୍ରୀ ଗାଡ଼ି, ୨ ଗୁରୁତର

ରାଇରଙ୍ଗପୁର,୧୩ା୫(ଡି.ଏନ୍‌.ଏ.): ମୟୂରଭଞ୍ଜ ଜିଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ବିଷୋୟୀ ମୁଖ୍ୟରାସ୍ତା ବିଜାତଳା ଛକରେ ଏକ ବରଯାତ୍ରୀ ଗାଡ଼ି ଶୁକ୍ରବାର ଭୋର୍‌ ସମୟରେ ଦୁର୍ଘଟଣାଗ୍ରସ୍ତ ହୋଇଛି।...

ଐତିହ୍ୟ ବାଇ-ଲ’ ପ୍ରତ୍ୟାହାର ହେଉ

ଭୁବନେଶ୍ୱର (ବ୍ୟୁରୋ)/ଖୋର୍ଦ୍ଧା ଅଫିସ,୧୨।୨: ଶ୍ରୀମନ୍ଦିର ପରେ ଶ୍ରୀଲିଙ୍ଗରାଜ ମନ୍ଦିର ପାଇଁ ଜାତୀୟ ଐତିହ୍ୟ ପ୍ରାଧିକରଣ (ଏନ୍‌ଏମ୍‌ଏ)ର ଐତିହ୍ୟ ଉପନିୟମ (ବାଇ-ଲ)କୁ ବିରୋଧ କରାଯାଇଛି। ପ୍ରସ୍ତାବିତ ବାଇ-ଲ’...

Advertisement
Archives

Model This Week