ଜୁନାଗଡ, ୪ା୫(ଡି.ଏନ୍.ଏ.): କଳାହାଣ୍ଡି ଜିଲା ଜୁନାଗଡ ଜୁନାଗଡ ବଣିକ ସଂଘ ପକ୍ଷରୁ ସୋମବାର ଦିନରାତି ପରିଶ୍ରମ କରି କରୋନା ମହାମାରୀରୁ ରକ୍ଷା କରିବା ପାଇଁ ଲୋକଙ୍କୁ ସଚେତନ କରୁଥିବା ବ୍ୟକ୍ତିବିଶେଷଙ୍କୁ ସମ୍ବର୍ଦ୍ଧିତ କରାଯାଇଛି। ସ୍ଥାନୀୟ ଥାନାର ଅଧିକାରୀ ଉତ୍ତମ କୁମାର ସାହୁ ସମେତ ସମସ୍ତ ପୋଲିସ କର୍ମଚାରୀ, ଜୁନାଗଡ ବିଡିଓ ଦୁଲାରାମ ମାରାଣ୍ଡି, ତହସିଲଦାର ଉପେନ୍ଦ୍ର ଲୁହାଙ୍କୁ ସଂଘ ପକ୍ଷରୁ ସମ୍ବର୍ଦ୍ଧନା ଦିଆଯାଇଥିଲା। ଏଥି ସହିତ ୨ଜଣ ଖବରଦାତା ଉତ୍ତମ କୁମାର ଦାଶ, କୁମରମଣି ଦୁର୍ଗାଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା। ଏହି କାର୍ଯ୍ୟକ୍ରମରେ ଜୁନାଗଡ ବଣିକ ସଂଘ ସଭାପତି ମୁକେଶ ଅଗ୍ରୱାଲ, ସମ୍ପାଦକ ପ୍ରଭାତ ଦାଶ, କୋଷାଧ୍ୟକ୍ଷ ସୁରେନ ଗୋୟଲ, ଉପସଭାପତି ଗୋପାଲ ମିତ୍ତଲ, ବରିଷ୍ଠ ସଦସ୍ୟ ଚମ୍ପକ ଅଗ୍ରୱାଲ, ବିଶ୍ୱରଞ୍ଜନ ପଣ୍ଡା, ସନ୍ତୋଷ ଅଗ୍ରୱାଲ, ସନ୍ତୋଷ ସିଙ୍ଘଲ, ସତ୍ୟନାରାୟଣ ପଣ୍ଡା, ଅମିତ ଗୁପ୍ତା, ହରିହର ସାହୁ ପ୍ରମୁଖ ଉପସ୍ଥିତ ଥିଲେ।
