ବଡ଼ ଜମା-ଉଠାଣ ଲାଗି ଜରୁରୀ ହେବ ଆଧାର

ନୂଆଦିଲ୍ଲୀ,୨୩-୭: କଳାଧନ ଉପରେ ଲଗାମ ଲଗାଇବାକୁ ଯାଇ କେନ୍ଦ୍ର ସରକାର ଏକ ନୂଆ ଯୋଜନା ପ୍ରସ୍ତୁତ କରିଛନ୍ତି, ଯାହାର ସିଧାସଳଖ ପ୍ରଭାବ ସାଧାରଣରେ ଦେଖାଯିବ। ବ୍ୟାଙ୍କ ଆକାଉଣ୍ଟରୁ ବାର୍ଷିକ ଏକ ନିର୍ଦ୍ଧାରିତ ରାଶି ବାହାରେ ଉଠାଣ ଏବଂ ଜମା କରିବା କ୍ଷେତ୍ରରେ ପାନ୍‌ ଦେବା ଯଥେଷ୍ଟ ହେବ ନାହିଁ। ବଜାରରେ ନଗଦ ଅର୍ଥର ପ୍ରବାହକୁ କମାଇବାକୁ ଯାଇ ସରକାର ବଡ଼ ଧରଣର ଜମା ଓ ଉଠାଣର ଆଧାର ପ୍ରାମାଣିକତାକୁ ବାଧ୍ୟତାମୂଳକ କରିବାକୁ ଯାଉଛନ୍ତି। ଜଣେ ବ୍ୟକ୍ତି ବାୟୋମେଟ୍ରିକ ଟୁଲ୍‌ ଅଥବା ଓ୍ବାନ୍‌ ଟାଇମ ପାଶଓ୍ବର୍ଡ ବ୍ୟବହାର କରି କଓ୍ବୋଇସି ତିଆରି କରିପାରିବେ। ନିର୍ଦ୍ଧାରିତ ସୀମା ଟପିବା ମାତ୍ରେ ଜମାକାରୀଙ୍କୁ ଆଧାର ପ୍ରାମାଣିକତା ଦେବା ଜରୁରୀ ହେବ।
ଫାଇନାନ୍ସିଆଲ ବିଲ୍‌ରେ ଦିଆଯାଇଥିବା ସଂଶୋଧନ ପ୍ରସ୍ତାବ ଅନୁଯାୟୀ, ଆଧାର ପରିସରକୁ ଅଧିକ ବ୍ୟାପକ କରାଯିବ। ଏପରିିକି ନିର୍ଦ୍ଧାରିତ ସୀମାଠାରୁ ଅଧିକ ବିଦେଶୀ ମୁଦ୍ରା କିଣିବା କ୍ଷେତ୍ରରେ ମଧ୍ୟ ଆଧାର ନମ୍ବର ପ୍ରଦାନ କରିବା ଜରୁରୀ ହେବ। ଅଦ୍ୟାବଧି ପାନ୍‌ ତଥ୍ୟ ପ୍ରଦାନ କରିବା ଯଥେଷ୍ଟ ରହିଛି। ଫାଇନାନ୍ସିଆଲ ବିଲ୍‌ରେ ସଂଶୋଧନ ପ୍ରସ୍ତାବ ଅନୁଯାୟୀ, ସମ୍ପତ୍ତି କିଣାବିକା କ୍ଷେତ୍ରରେ ମଧ୍ୟ ଏକ ନିର୍ଦ୍ଦିଷ୍ଟ ମୂଲ୍ୟ ପରେ କେବଳ ଆଧାର କିମ୍ବା ପାନ୍‌ ନମ୍ବର ଦେବା ଯଥେଷ୍ଟ ହେବ ନାହିଁ। ସମ୍ପତ୍ତିର ପଞ୍ଜୀକରଣ ବେଳେ ଏହାର ମୂଲ୍ୟ ଆଧାର ପ୍ରାମାଣିକତା ହେବା ଆବଶ୍ୟକ ହେବ। ଜଣେ ଅଧିକାରୀ କହିଛନ୍ତି ଯେ, ନିର୍ଦ୍ଧାରିତ ସୀମା କେତେ ହେବ ସେ ସମ୍ପର୍କରେ ବିଚାର କରାଯାଉଛି। ତେବେ ଏହାକୁ ଏଭଳି ଏକ ସ୍ତରରେ ନିର୍ଦ୍ଧାରଣ କରାଯିବ ଯାହାଦ୍ୱାରା ଲୋକଙ୍କୁ ଅସୁବିଧାରେ ନ ପକାଇ ସରକାର ଏହି ଟଙ୍କା ଉପରେ ସହଜରେ ନଜର ରଖିପାରିବେ ସେ ଦିଗରେ ଦୃଷ୍ଟି ଦିଆଯାଉଛି। ନିର୍ଦ୍ଧାରିତ ସୀମା ଧାର୍ଯ୍ୟ ହୋଇ ନ ଥିଲେ ମଧ୍ୟ ବାୟୋମେଟ୍ରିକ ଟୁଲ୍‌ କିମ୍ବା ଓଟିପି ଜରିଆରେ ବାଧ୍ୟତାମୂଳକ ଆଧାର ପ୍ରାମାଣିକତା ବ୍ୟବହାର କରି ଜଣେ ବ୍ୟକ୍ତିଙ୍କ ପାଇଁ ସୀମା ୨୦ରୁ ୨୫ ଲକ୍ଷ ଟଙ୍କା ବାର୍ଷିକ ଧାର୍ଯ୍ୟ କରାଯାଇପାରେ ବୋଲି ସେ କହିଛନ୍ତି। ଅଧିକାରୀଙ୍କ କହିବାନୁଯାୟୀ ଏହା ଅତ୍ୟନ୍ତ ଜରୁରୀ ହୋଇପଡିଛି। କାରଣ ବହୁ ଧନାଢ଼୍ୟ ଜମାକାରୀ ଉଚ୍ଚ ପରିମାଣର ଜମା ଓ ଉଠାଣ ବେଳେ ଜାଲ୍‌ ପାନ୍‌ କାର୍ଡ ଦେଉଥିବାର ଜଣାପଡିଛି। ଫଳରେ ଏହି ଟଙ୍କାର ଉତ୍ସ ଧରିବା ସରକାରଙ୍କ ପକ୍ଷରେ ସମ୍ଭବ ହେଉନାହିଁ। ପ୍ରାମାଣିକତା ଜରୁରୀ କରିବା ଦ୍ୱାରା ଜାଲ୍‌ ଆଧାର କିମ୍ବା ପାନ୍‌ ଧରିବା ସହଜ ହେବ। ଏହା ଶତ ପ୍ରତିଶତ ବିଶ୍ୱାସଯୋଗ୍ୟ ହୋଇ ନ ଥିଲେ ସୁଦ୍ଧା ଜାଲିଆତି ରୋକିବାରେ ଏହା ସହାୟତା କରିବ। ଆଗାମୀ ଦିନରେ ଏକ ନିର୍ଦ୍ଦିଷ୍ଟ ସୀମା ଠାରୁ ଅଧିକ ନେଣଦେଣ ହେବା ମାତ୍ରେ ଏହାର ଆଧାର ପ୍ରାମାଣିକତା କରିବାକୁ ହେବ। ତେବେ ଛୋଟ ଛୋଟ ବ୍ୟବସାୟ ପ୍ରତିଷ୍ଠାନଗୁଡ଼ିକ ବ୍ୟାଙ୍କ ସହ କାରବାର କରୁଥିବାରୁ ସେମାନଙ୍କର ଅସୁବିଧା ଦୂର କରିବା ଲାଗି ଏକ ଭିନ୍ନ ପନ୍ଥା ଆପଣାଯିବ ବୋଲି ସେ କହିଛନ୍ତି। ବ୍ୟାଙ୍କକୁ ନଗଦ ଜମା ପାଇଁ ଯାଉଥିବା ଦୋକାନ ମାଲିକଙ୍କ କ୍ଷେତ୍ରରେ ଏକ ଭିନ୍ନ ପ୍ରାମାଣିକତା ବ୍ୟବସ୍ଥା ଆପଣାଯିବ ବୋଲି ସେ କହିଛନ୍ତି। ବଡ଼ ଧରଣର ନଗଦ କାରବା କଳାଧନ ସୃଷ୍ଟି କରୁଥିବାରୁ ଏହାକୁ ରୋକିବା ଲାଗି ସରକାର ନିରନ୍ତର ପ୍ରୟାସ ଚଳାଇଛନ୍ତି। କଳାଧନର ସ୍ରୋତ ସମ୍ପର୍କରେ ଜାଣିବା ଲାଗି ପ୍ରୟାସ ଜାରି ରହିଥିବା ବେଳେ ବଡ଼ ମାତ୍ରାରେ ଗହଣା, ଘଣ୍ଟା, ସମ୍ପତ୍ତି ଆଦି କିଣିବା କ୍ଷେତ୍ରରେ ନଗଦ କାରବାର ଉପରେ ସରକାର ଦୃଷ୍ଟି ରଖୁଛନ୍ତି।


Enter your email to get our daily news in your inbox.

All Right Reserved By Dharitri.Com

ଶୀର୍ଷ ୬ କମ୍ପାନୀଙ୍କ ବଜାର ପୁଞ୍ଜୀକରଣ ୯୮,୫୦୨ କୋଟି ବୃଦ୍ଧି

ନୂଆଦିଲ୍ଲୀ,୨୧-୪: ଦେଶର ସବୁଠାରୁ ମୂଲ୍ୟବାନ କମ୍ପାନୀଙ୍କ ମଧ୍ୟରେ ୬ଟିର ବଜାର ପୁଞ୍ଜୀକରଣ ଗତ ସପ୍ତାହରେ ୯୮,୫୦୨.୪୭ କୋଟି ଟଙ୍କା ବଢ଼ିଛି। ତନ୍ମଧ୍ୟରୁ ଆଇଟି ସେକ୍ଟରରେ ଅଗ୍ରଣୀ...

ଚନ୍ଦା କୋଚ୍ଚର, ବେଣୁଗୋପାଳ ଧୂତ୍‌ଙ୍କୁ ଇଡି ଜେରା

ନୂଆଦିଲ୍ଲୀ,୩୦-୬: ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଆଇସିଆଇସିଆଇ ବ୍ୟାଙ୍କର ପୂର୍ବତନ ସିଇଓ ଚନ୍ଦା କୋଚ୍ଚର, ତାଙ୍କ ସ୍ବାମୀ ଦୀପକ କୋଚ୍ଚର ଏବଂ ଭିଡିଓକନ ଗ୍ରୁପ୍‌...

ବୁଡ଼ିଗଲା ବ୍ରିଟେନର ୧୭୮ ବର୍ଷର ଥମାସ କୁକ୍‌

ଲଣ୍ଡନ,୨୪-୯: ପର୍ଯ୍ୟଟକଙ୍କୁ ୧୭୮ ବର୍ଷ ଧରି ବିଭିନ୍ନ ସେବା ଯୋଗାଇ ଆସୁଥିବା ବ୍ରିଟେନର ପ୍ରସିଦ୍ଧ କମ୍ପାନୀ ଥମାସ କୁକ୍‌ ଶେଷରେ ବୁଡ଼ିଗଲା। ଜରୁରିକାଳୀନ ପାଣ୍ଠି ଯୋଗାଡ...

ବ୍ୟାଙ୍କଗୁଡିକୁ ସୀତାରାମନଙ୍କ ପରାମର୍ଶ; ତଦନ୍ତର ୩ସିକୁ ଡରନାହିଁ

ନୂଆଦିଲ୍ଲୀ,୨୯-୧୨: ଅର୍ଥମନ୍ତ୍ରୀ ନିର୍ମଳା ସୀତାରାମନ ଶନିବାର ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ(ସିଇଓ)ଙ୍କୁ ଭେଟିଛନ୍ତି। ସେ ବ୍ୟାଙ୍କଗୁଡିକର ସ୍ଥିତିକୁ ସମୀକ୍ଷା କରିଥିବା ବେଳେ ତଦନ୍ତର...

ଖିଲାପକାରୀଙ୍କ ୬୮ ହଜାର କୋଟିର ଋଣ ରାଇଟଅଫ୍‌

ନୂଆଦିଲ୍ଲୀ,୨୮।୪: ମେହୁଲ ଚୋକ୍‌ସୀଙ୍କ ସମେତ ୫୦ ପ୍ରମୁଖ ଇଚ୍ଛାକୃତ ଖଲାପକାରୀଙ୍କ ୬୮ ହଜାର କୋଟି ଟଙ୍କାର ଋଣ ରାଇଟଅଫ୍‌ କରାଯାଇଛି। ଏହି ଖଲାପକାରୀଙ୍କ ଉପରେ ରହିଥିବା...

ଏସ୍‌ବିଆଇ ମହିଳା ସଂଘ ପକ୍ଷରୁ ଖାଦ୍ୟ ସାମଗ୍ରୀ ବଣ୍ଟନ

ଭୁବନେଶ୍ୱର,୩୦ ।୪: ଭାରତୀୟ ଷ୍ଟେଟ ବ୍ୟାଙ୍କ(ଏସ୍‌ବିଆଇ) ମହିଳା ସଂଘ ଭୁବନେଶ୍ୱର ପକ୍ଷରୁ ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି। କୋଭିଡ୍‌-୧୯ ଯୋଗୁ ଫସି ରହିଥିବା ଲୋକଙ୍କ ଲାଗି...

୬ବର୍ଷରେ ପ୍ରଥମଥର ଏପ୍ରିଲରେ ଏୟାର ଟ୍ରାଫିକ ହ୍ରାସ

ନୂଆଦିଲ୍ଲୀ,୩୦-୫: ଏପ୍ରିଲରେ ଘରୋଇ ଏୟାର ଟ୍ରାଫିକ ହ୍ରାସ ପାଇଛି। ଗତ ୬ ବର୍ଷ ମଧ୍ୟରେ ଏହା ପ୍ରଥମଥର ଦେଖିବାକୁ ମିଳିଛି। ଜେଟ୍‌ ଏୟାରଓ୍ବେଜ୍‌ ବନ୍ଦ ହୋଇଯିବା...

ମହଙ୍ଗା ହେବ ପେଟ୍ରୋଲ, ଡିଜେଲ ଗାଡ଼ି କ୍ରୟ;ପଞ୍ଜୀକରଣ, ନବୀକରଣ ବହୁଗୁଣା ବୃଦ୍ଧି

ନୂଆଦିଲ୍ଲୀ,୨୮-୭: କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଗାଡ଼ି କିଣାକୁ ନିରୁତ୍ସାହିତ କରିବା ତଥା ପୁରୁଣା ଗାଡ଼ିଗୁଡ଼ିକୁ ପର୍ଯ୍ୟାୟକ୍ରମେ ସଡ଼କରୁ ହଟାଇବାକୁ ଚାହୁଁଛନ୍ତି। ଏହାକୁ ଦୃଷ୍ଟିରେ...

Coronavirus Update


Archives

Model This Week

Why Dharitri