ଭୋପାଳ,୧୩।୨: ଭୋପାଳର ବୋଗଦା ଅଞ୍ଚଳରେ ଥିବା ଏକ ଛୋଟ ଗ୍ୟାରେଜ୍ ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଗ୍ୟାରେଜ୍ର ମାଲିକ ହେଉଛନ୍ତି ଦିଲ୍ଲୀର ଜଙ୍ଗପୁରା ବିଧାନସଭା ଆସନରୁ ଲଗାତର ଦ୍ୱିତୀୟଥର ପାଇଁ ବିଧାୟକ ନିର୍ବାଚିତ ହୋଇଥିବା ବିଧାୟକ ପ୍ରବୀଣ କୁମାରଙ୍କ ପିତା ପିଏନ ଦେଶମୁଖ। ମୂଳତଃ ଭୋପାଳ ବାସିନ୍ଦା ପ୍ରବୀଣ ଆମ୍ ଆଦ୍ମୀ ପାର୍ଟି(ଏଏପି) ପକ୍ଷରୁ ନିର୍ବାଚନ ଲଢି ଜିତିଛନ୍ତି। ତାଙ୍କ ପିତା ୧୯୭୯ରୁ ବୋଗଦା ଅଞ୍ଚଳରେ ଏକ ଛୋଟ ଗ୍ୟାରେଜ୍ କରି ଗାଡି ପଙ୍କଚର ମାରିବା ସହ ସଜାଡୁଥିଲେ। ପୁଅ ୨୦୧୫ରେ ପ୍ରଥମଥର ଲାଗି ବିଧାୟକ ନିର୍ବାଚିତ ହେବା ପରେ ମଧ୍ୟ ସେ ଏହି କାର୍ଯ୍ୟରୁ ଓହରି ନ ଥିଲେ। ଦେଶମୁଖଙ୍କ ଦ୍ୱିତୀୟ ପୁଅ ସଫ୍ଟଓ୍ବେୟାର ଇଞ୍ଜିନିୟର। ତଥାପି ସକାଳୁ ଗ୍ୟାରେଜ୍ ଖୋଲି ଟାୟାର ସଜାଡିବା, ଗାଡି ପଙ୍କଚର ଦେବା ତାଙ୍କ ନିତିଦିଆ କାମ। ୨୦୧୧ରେ ଆନ୍ନା ଆନ୍ଦୋଳନ ସହ ଜଡିତ ଥିବା ପ୍ରବୀଣ ପରେ ଅରବିନ୍ଦ କେଜ୍ରିଓ୍ବାଲଙ୍କ ସମ୍ପର୍କରେ ଆସି ନିର୍ବାଚନ ଲଢିଥିଲେ।
