ବ୍ରହ୍ମପୁର ଅଫିସ,୯ା୧୧-ପ୍ରଧାନମନ୍ତ୍ରୀ ଆବାସ ଯୋଜନା (ପିଏମ୍ଏୱାଇ) ଅନ୍ତର୍ଗତ ଆଫୋର୍ଡେବଲ ହାଉସିଂ ସ୍କିମ୍ରେ ଘର ପାଇବାକୁ ମନୋନୀତ ହୋଇଥିବା ହିତାଧିକାରୀଙ୍କୁ ଗୃହ ମିଳିବ ନାହିଁ ବୋଲି କେତେକ ପ୍ରଶାସନିକ ଅଧିକାରୀ ହିତାଧିକାରୀଙ୍କୁ ଚେତାବନୀ ଦେଉଥିବା ଅଭିଯୋଗ ହୋଇଛି। ଏଭଳି ଅଭିଯୋଗ କରିଛନ୍ତି, ବ୍ରହ୍ମପୁର ମହାନଗର ନିଗମ ୧୭ ନଂ. ୱାର୍ଡର ହିତାଧିକାରୀମାନେ ା
ଏନେଇ ଶୁକ୍ରବାର ଜିଲା ଭାଜପା ମହିଳାମୋର୍ଚ୍ଚା ସାଧାରଣ ସମ୍ପାଦିକା ଏସ୍. ରାଣୀ ଓ ଭାଜପା ଗେଟବଜାର ମଣ୍ଡଳ ସଭାପତି ଏସ୍. ଶ୍ରୀନିବାସ ରାଓଙ୍କ ନେତୃତ୍ୱରେ ହିତାଧିକାରୀମାନେ ନିଗମ କମିଶନର ଚକ୍ରବର୍ତ୍ତୀ ସିଂ ରାଠୋରଙ୍କ ନିକଟରେ ଅଭିଯୋଗ କରିଛନ୍ତି ା ଅଭିଯୋଗ ପ୍ରକାରେ, ଗତ ଦେଢବର୍ଷ ପୂର୍ବେ ପିଏମ୍ଏୱାଇ ଅନ୍ତର୍ଗତ ଆଫୋର୍ଡେବଲ ହାଉସିଂ ସ୍କିମ୍ରେ ପ୍ରାୟ ୨୦୦ ହିତାଧିକାରୀ ଘର ପାଇବାକୁ ମନୋନୀତ ହୋଇଛନ୍ତି। ଟୋକନ ନମ୍ବର ମଧ୍ୟ ସେମାନେ ପାଇଛନ୍ତି। କିନ୍ତୁ ବିଏମ୍ସି ଅଞ୍ଚଳରେ ହେଉଥିବା ପିଏମ୍ଏୱାଇ ସର୍ଭେର କେତେକ ପ୍ରଶାସନିକ ଅଧିକାରୀମାନେ ପୂର୍ବରୁ ମନୋନୀତ ହିତାଧିକାରୀଙ୍କୁ ଘର ମିଳିବ ନାହିଁ ବୋଲି ଭୟଭୀତ କରାଉଥିବା ହିତାଧିକାରୀମାନେ କହିଛନ୍ତି। ଏନେଇ କୌଣସି ଭୟଭୀତ ହେବାର କାରଣ ନାହିଁ ା
ପୂର୍ବରୁ ମନୋନୀତ ତଥା ଟୋକେନ ନମ୍ବର ପାଇଥିବା ସମସ୍ତ ହିତାଧିକାରୀଙ୍କୁ ଉକ୍ତ ଯୋଜନାରେ ଘର ଦିଆଯିବ ବୋଲି କମିଶନର ରାଠୋର ପ୍ରତିଶ୍ରୁତି ଦେଇଥିଲେ ା
ଅନ୍ୟମାନଙ୍କ ମଧ୍ୟରେ ଗେଟବଜାର ମଣ୍ଡଳ ଭାଜପା ମହିଳା ମୋର୍ଚ୍ଚା ସଭାନେତ୍ରୀ କନି ଦାଶ, ଗେଟବଜାର ମଣ୍ଡଳର ସମ୍ପାଦକ ଜେ. ଗଣେଶ, ସତୀଶ କୁମାରଙ୍କ ସମେତ ୱାର୍ଡର ପ୍ରାୟ ୫୦ ହିତାଧିକାରୀ ଉପସ୍ଥିତ ଥିଲେ ା
