ବାଲିକୁଦା,୨୫।୧୧(ସ୍ବ.ପ୍ର.): ବାଲିକୁଦା ବ୍ଲକ ସରପଞ୍ଚ ସଂଘର ଏକ ବୈଠକ ମରିଚିପୁର ପଞ୍ଚାୟତର ମା’ ବନ୍ଦରେଇଙ୍କ ପୀଠରେ ଅନୁଷ୍ଠିତ ହୋଇଯାଇଛି। ସଂଘ ସଭାପତି ତଥା ବରମୁଣ୍ଡଳି ସରପଞ୍ଚ ନିରଞ୍ଜନ ପଣ୍ଡାଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ସରପଞ୍ଚଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା ହୋଇଥିଲା। ତେବେ ସରପଞ୍ଚମାନଙ୍କ ଅଗୋଚରରେ ପଞ୍ଚାୟତ କାର୍ଯ୍ୟ ନିର୍ବାହୀ ଅଧରକାରୀ(ପିଇଓ)ଙ୍କୁ ଅନ୍ୟତ୍ରବଦଳି କରାଯାଇଥିବାରୁ ଅସନ୍ତୋଷ ପ୍ରକାଶ ପାଇଥିଲା। ଏହାକୁ ନେଇ ସଂଘ କର୍ମକର୍ତ୍ତା ବିଡିଓଙ୍କୁ ଅଭିଯୋଗ କରିବେ ବୋଲି ନିଷ୍ପତ୍ତି ହୋଇଥିଲା। ଅନ୍ୟପକ୍ଷରେ ବାର୍ଦ୍ଧକ୍ୟ, ବିଧବା, ଭିନ୍ନକ୍ଷମ ଆଦି ଭତ୍ତା ପ୍ରଦାନ ପିଇଓଙ୍କ ବଦଳି, ଖାଉଟି ସାମଗ୍ରୀ ବଣ୍ଟନ ଏବଂ ବିଭିନ୍ନ ଛକରେ ଉଜ୍ଜ୍ୱଳ ଆଲୋକ ସେବାର ବ୍ୟବସ୍ଥା ଉପରେ ବିଶେଷ ଆଲୋଚନା କରାଯାଇଥିଲା। ଚତୁର୍ଦ୍ଦଶ କେନ୍ଦ୍ରୀୟ ଅର୍ଥ ଆୟୋଗ(ସିଏଫ୍ସି) ଓ ଚତୁର୍ଦ୍ଦଶ ରାଜ୍ୟ ଅର୍ଥ ଆୟୋଗ ଅଂଶ ଅର୍ଥ ବିନିଯୋଗ କରାଯାଇ କୌଣସି ରାସ୍ତା ନିର୍ମାଣ ହୋଇ ପାରିବ ନାହିଁ ବୋଲି ସରକାର ଯେଉଁ ନିୟମ ପ୍ରଣୟନ କରିଛନ୍ତି ତାହାକୁ ନେଇ ସରପଞ୍ଚଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖା ଦେଇଥିଲା। ନିୟମରେ ପରିବର୍ତ୍ତନ ଅଣା ନଗଲେ ପ୍ରଥମତଃ ପଞ୍ଚାୟତର ସମୂହ ସ୍ବାର୍ଥ ହାନୀ ହେବାର ଆଶଙ୍କା ଥିବାରୁ ସରପଞ୍ଚମାନେ ଉଦ୍ବେଗ ପ୍ରକାଶ କରିଥିଲେ। ସଂଘର ସମ୍ପାଦକ ରମେଶ ପାଇଟାଳ ପୂର୍ବ ବୈଠକର ବିବରଣୀ ପାଠ କରିଥିଲେ। କୋଷାଧ୍ୟକ୍ଷ ଅନୁସୂୟା ସାହୁ ଆୟବ୍ୟୟ ଚିଠା ଉପସ୍ଥାପନ କରିଥିଲେ। ଉପସଭାପତି ସାଧୁ ଚରଣ ସାହୁ ବିଧାୟକ ଓ ମନ୍ତ୍ରୀଙ୍କ ଭଳି ସରପଞ୍ଚମାନଙ୍କୁ ପେନସନ ପ୍ରଦାନ କରାଯିବାକୁ ନେଇ ସରକାରଙ୍କ ନିକଟରେ ଦାବି ଉପସ୍ଥାପନ କରିବାକୁ କହିଥିଲେ। ମାଛଗଁା ସରପଞ୍ଚ ପର୍ଶୁରାମ ସେଠୀ, ତିତିରା ସରପଞ୍ଚ ଅଜୟ ମହାନ୍ତି, ବାହାରଣା ସରପଞ୍ଚ ବନ୍ଦିତା ପଟ୍ଟାୟତ, ଅଢଙ୍ଗା ସରପଞ୍ଚ ଚିନ୍ମୟୀ ସ୍ବାଇଁ, ଅରିଲୋ ସରପଞ୍ଚ ଜ୍ୟୋତ୍ସ୍ନାରାଣୀ ବାରିକ, ନାଗପୁର ସରପଞ୍ଚ ନିକୁଞ୍ଜ ବିଶ୍ୱାଳ, ଥାଇଳୋ ସରପଞ୍ଚ ଯତୀନ ପରିଡା, କାଳିଓ ସରପଞ୍ଚ ସଶ୍ମିତା ମଲିକ, ଖାଲଗଁା ସରପଞ୍ଚ ଗୋବିନ୍ଦ ସେଠୀ, ବଡଗଁା ନାୟବ ସରପଞ୍ଚ ବିଶ୍ୱନାଥ ଦାସ ପ୍ରମୁଖ ଅଂଶଗ୍ରହଣ କରି ସଂଘୀୟ ବ୍ୟବସ୍ଥା ଉପରେ ମତ ପ୍ରଦାନ କରିଥିଲେ। ରାଜକିଶୋର ସାହୁ, ଉମେଶ ସ୍ବାଇଁ, ମନୋଜ ସ୍ବାଇଁ, ଦୀପକ ସାମଲ, ଶିବପ୍ରସାଦ ରାଉତ, ନରେଶ ସ୍ବାଇଁ, ପତିତପାବନ ଦାସ, ଆଶିଷ ସ୍ବାଇଁ, ଦିଲୀପ ବେହେରା, ମାନସ ମହାନ୍ତି, ଜୟରାମ ସ୍ବାଇଁ, ଦିଲୀପ ଜେନା, ବାବୁରାମ ବିଶ୍ୱାଳ, ଘନଶ୍ୟାମ ବେହେରା ବଂଶୀଧର ସ୍ବାଇଁ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ।
