ପାନ୍‌ , ଆଧାର ତଥ୍ୟ ନ ଦେଲେ କଟିବ ୨୦% ଟିଡିଏସ୍‌

ନୂଆଦିଲ୍ଳୀ,୨୬-୧: ଟାକ୍ସ ଡିଡକ୍ସନ ଆଟ୍‌ ସୋର୍ସ (ଟିଡିଏସ୍‌) ନିୟମରେ ସରକାର ପରିବର୍ତ୍ତନ କରିଛନ୍ତି। ନୂଆ ନିୟମ ମୁତାବକ କୌଣସି କର୍ମଚାରୀଙ୍କ ବେତନ ଟିଡିଏସ୍‌ କଟିବା ଯୋଗ୍ୟ ହୋଇଥିଲେ, ସେ ପାନ୍‌ ବା ଆଧାର ତଥ୍ୟ ଦେବା ବାଧ୍ୟତାମୂଳକ କରାଯାଇଛି। କର୍ମଚାରୀ ଏହା ଅବମାନନା କଲେ ବାଧ୍ୟତାମୂଳକ ଭାବେ ତାଙ୍କ ବେତନରୁ ୨୦% ଟିଡିଏସ୍‌ କଟିଯିବ ବୋଲି ଆୟକର ବିଭାଗ ପକ୍ଷରୁ ଶନିବାର ସୂଚନା ରହିଛି। କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ(ସିବିଡିଟି) ପକ୍ଷରୁ ନୂଆ କରି ଜାରି ହୋଇଥିବା ଟିଡିଏସ୍‌ ସର୍କୁଲାରରେ ଏଭଳି ପ୍ରସଙ୍ଗ ଉଲ୍ଲେଖ ରହିଛି। ନିୟମରେ ସଂଶୋଧନ କରିବା ସହ ସରକାର ଆଧାରକୁ ଏଥିରେ ଯୋଡିଛନ୍ତି। ଯେଉଁମାନେ ପାନ୍‌ ତଥ୍ୟ ଦେଇ ପାରିବେ ନାହିଁ ସେମାନେ ଆଧାର ଦେଇ ପାରିବେ ବୋଲି କୁହାଯାଇଛି।
ବର୍ତ୍ତମାନ ଯଦି କୌଣସି କ୍ଷେତ୍ରରେ କର୍ମଚାରୀ ପାନ୍‌ ତଥ୍ୟ ପ୍ରଦାନ ନ କରନ୍ତି ନିଯୁକ୍ତିଦାତା କିମ୍ବା ବ୍ୟାଙ୍କ ନିର୍ଦ୍ଧିଷ୍ଟ ହାରରେ ଟିକସ କାଟି ପାରିବେ। ଏହି ନିୟମରେ ଏବେ ଆଧାରକୁ ଯୋଡାଯାଇଥିବା ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି। ପ୍ରାୟ ଅଧିକାଂଶ କର୍ମଚାରୀ ସେମାନଙ୍କ ନିଯୁକ୍ତିଦାତାଙ୍କ ସହ ସେମାନଙ୍କ ପାନ୍‌ ନମ୍ବର ଶେୟାର କରିଥାନ୍ତି। ଏହା ଏକ ପ୍ରକ୍ରିୟା ହୋଇଥିବା ବେଳେ ମାତ୍ର କେହି କେହି ଏହା ଦେବାକୁ ଇଛା ପ୍ରକଟ କରି ନ ଥାନ୍ତି ବୋଲି ଅନ୍ୟ ଜଣେ ଅଧିକାରୀ କହିଛନ୍ତି। ପାନ୍‌ ନ ଥିବା କ୍ଷେତ୍ରରେ ଆଧାରକୁ ବାଧ୍ୟତାମୂଳକ କରିବା ଲାଗି ସରକାର ଗତ ବଜେଟରେ ସଂଶୋଧନ ଆଣିିଥିଲେ। ଏହି ଦୁଇ ନମ୍ବରକୁ ଅନ୍ତଃ ପରିଚାଳନା ଯୋଗ୍ୟ କରାଯାଇଛି। ଯଦି କାହାର ପାନ୍‌ ନ ଥାଏ, ସେ ଆଧାର ନମ୍ବର ପ୍ରଦାନ କରନ୍ତି ତେବେ ଆୟକର ବିଭାଗ ନିଜ ଆଡୁ ପାନ୍‌ ପ୍ରଦାନ କରିବ। ଯଦି କର୍ମଚାରୀଙ୍କ ବେତନ ଟିକସଯୁକ୍ତ ଆୟଠାରୁ କମ୍‌ ରୁହେ ତାଙ୍କୁ ଟିକସ କଟିବା ନେଇ କୌଣସି ଭୟ କରିବାର ଆବଶ୍ୟକତା ନାହିଁ। ଟିକସଯୁକ୍ତ ଆୟ ସୀମାଠାରୁ ଅଧିକ ହେଲେ ଆୟକର ବିଭାଗର ନିୟମ ଲାଗୁ ହେବ।
ନୂଆ ନିୟମ ମୁତାବକ କର୍ମଚାରୀଙ୍କ ବେତନ ୨.୫ ଲକ୍ଷ ଟଙ୍କା ପର୍ଯ୍ୟନ୍ତ ହୋଇଥିଲେ ଟିକସ କଟିବ ନାହିଁ। ବର୍ତ୍ତମାନ ୨.୫ ଲକ୍ଷ ଟଙ୍କା ପର୍ଯ୍ୟନ୍ତ ଆୟକୁ ଆୟକର ମୁକ୍ତ କରାଯାଇଛି। ୨.୫ରୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ଆୟ ଉପରେ ୫% ଟିକସ ଲାଗୁ ହେଉଛି। ସବୁ ପ୍ରକାରର ଛାଡ ଏବଂ ସୁବିଧା ଉଠାଇବା ପରେ ଯଦି କର୍ମଚାରୀଙ୍କ ବେତନ ୨୦% ଟିକସ ସ୍ଲାବରେ ଆସୁଛି ତେବେ ୨୦% ଟିଡିଏସ୍‌ କଟିବ। ୫ରୁ ୧୦ ଲକ୍ଷ ଟଙ୍କାର ଆୟ ଉପରେ ଏବେ ୨୦% ଟିକସ ଲାଗୁ ହେଉଛି। ଯଦି କର୍ମଚାରୀଙ୍କ ବେତନ ୩୦% ଟିକସ ସ୍ଲାବରେ ଆସୁଛି ଏବଂ ସେ ପାନ୍‌,ଆଧାର ଜମା କରିନାହାନ୍ତି ଟିଡିଏସ୍‌ କାଟିବା ପୂର୍ବରୁ ହାରାହାରି ଟିକସ ଦର ଉପରେ ବିଚାର କରାଯିବ। ହାରାହାରି ଟିକସ ହାର ୨୦%ରୁ ଅଧିକ ହେଉଥିଲେ ଟିଡିଏସ୍‌ ସେହି ହାରରେ କଟାଯିବ। ପାନ୍‌କୁ ଆଧାର ସହ ଯୋଡିବାର ସୀମାକୁ ୨୦୨୦ ମାର୍ଚ୍ଚ ୩୧ ଯାଏ ବଢାଯାଇଛି ବୋଲି ବିଭାଗ ପୂର୍ବରୁ କହିସାରିଛି।


Enter your email to get our daily news in your inbox.

All Right Reserved By Dharitri.Com

ଆଦାନୀ ସୌରଶକ୍ତିର ସର୍ବଶ୍ରେଷ୍ଠ ପିଭିଏଲ୍‌ ଯୋଗ୍ୟତା ହାସଲ

ନୂଆଦିଲ୍ଲୀ, ୧୧।୬:ଆଦାନୀ ସୌରଶକ୍ତି ବିଶ୍ୱର ଅଗ୍ରଗଣ୍ୟ ପିଭିଏଲ ଗବେଷଣା ଗାର (ଆମେରିକା) ଦ୍ୱାରା ଦ୍ୱିତୀୟଥର ସର୍ବଶ୍ରେଷ୍ଠ ଯୋଗ୍ୟତା ହାସଲ କରିପାରିଛିା ପିଭିଏଲ ୫ମ ବାର୍ଷିକ ସଂସ୍କରଣରେ...

ନିୟନ୍ତ୍ରଣ ବାହାରେ ବିତ୍ତୀୟ ନିଅଣ୍ଟ

ନୂଆଦିଲ୍ଲୀ,୧-୧: ଦେଶର ବିତ୍ତୀୟ ନିଅଣ୍ଟ ଚଳିତ ଆର୍ଥତ୍କ ବର୍ଷ ଅଣାୟତ୍ତ ହେବାରେ ଲାଗିଛି। ଏହା ନିୟନ୍ତ୍ରଣ ବାହାରକୁ ଚାଲି ଯାଇଥିବା ବେଳେ ବଜେଟର ଧାର୍ଯ୍ୟ ହୋଇଥିବା...

ଜିଏସ୍‌ଟି ସେଲ୍‌ସ ରିଟର୍ନ ଦାଖଲ ଅବଧି ବଢିଲା

ନୂଆଦିଲ୍ଲୀ,୨୧ା୪: ସାମଗ୍ରୀ ଓ ସେବା ଟିକସ(ଜିଏସ୍‌ଟି) ସେଲ୍‌ସ ରିଟର୍ନ ଦାଖଲ କରିବାରେ ଶେଷ ତାରିଖର ଅବଧିକୁ ସରକାର ବୃଦ୍ଧି କରିଛନ୍ତି। ମାର୍ଚ୍ଚ ମାସ ଲାଗି ଜିଏସ୍‌ଟିଆର୍‌-୩ବି...

ପ୍ରମୁଖ ଉଦ୍ୟୋଗ କ୍ଷେତ୍ରରେ ମାନ୍ଦାବସ୍ଥା ଜାରି; କୋର୍‌ ସେକ୍ଟର ଅଭିବୃଦ୍ଧି ୧.୫% କମିଲା

ନୂଆଦିଲ୍ଲୀ,୧-୧: ଦେଶରେ ମାନ୍ଦାବସ୍ଥା ଲାଗି ରହିଥିବା ବେଳେ ଲଗାତାର ଭାବେ ଶିଳ୍ପ କ୍ଷେତ୍ର ଅଭିବୃଦ୍ଧି ଖସୁଛି। ନଭେମ୍ବରରେ ୮ କୋର୍‌ ସେକ୍ଟର ଭିତ୍ତିଭୂମି ଶିଳ୍ପଉଦ୍ୟୋଗ ର...

ଭୁବନେଶ୍ୱରରେ ଲାଟ୍‌ ଲିଭ୍‌ର ୧ମ ଏକ୍ସକ୍ଲୁସିଭ ଷ୍ଟୋର

ଭୁବନେଶ୍ୱର,୧୯।୨: ବର୍ତ୍ତମାନର ଜଟିଳ ସମୟ ମଧ୍ୟରେ ସହରବାସୀଙ୍କୁ ଗୋଟିଏ ଛାତ ତଳେ ସମସ୍ତ ପ୍ରକାର ଅତ୍ୟାବଶ୍ୟକ ସାମଗ୍ରୀ ଯୋଗାଇଦେବା ଲକ୍ଷ୍ୟ ନେଇ କମ୍ପାନୀ ଭୁବନେଶ୍ୱରରେ ତା’ର...

ଉତ୍କଟ ଦାରିଦ୍ର୍ୟକୁ ସାମ୍ନା କରିବେ ୧୫ କୋଟି ଲୋକ

ନୂଆଦିଲ୍ଲୀ: କରୋନା ମହାମାରୀ ଯୋଗୁ ସାରା ବିଶ୍ୱ ବର୍ତ୍ତମାନ ସଙ୍କଟ ସମୟ ଦେଇ ଗତି କରୁଛି। ଏଭଳି ସ୍ଥିତିରେ ୨୦୨୧ ସୁଦ୍ଧା ବିଶ୍ୱର ପ୍ରାୟ ୧୫...

ଖୁବ୍‌ଶୀଘ୍ର ସେଞ୍ଚୁରୀ ମାରିପାରେ ଟମାଟୋ

ଲକ୍ଷ୍ନୌ,୨।୭: ୧୦ ଦିନରେ ୩ ଗୁଣା ବଢିଲାଣି ଟମାଟୋ। ଦୁଇ ସପ୍ତାହ ପୂବରୁ ଟମାଟୋ କିଲୋ ପିଛା ୧୫-୨୦ ଟଙ୍କା ଥିବା ବେଳେ ଏବେ ଏହା...

କରୋନା କାଳରେ ପିଏଫ୍‌ ଟଙ୍କା ଦେଲା ସାହାରା: ୪ ମାସରେ ଉଠାଇଲେଣି ୩୦ ହଜାର କୋଟି

ନୂଆଦିଲ୍ଲୀ,୨୮।୭:କରୋନା ସମୟରେ ଲୋକଙ୍କୁ ଜରୁରୀ ଅର୍ଥର ଆବଶ୍ୟକତା ବଢ଼ିଯାଇଛି। ଏଭଳି ସମୟରେ ଭବିଷ୍ୟନିଧି ପାଣ୍ଠିଂ ବା ପିଏଫ୍‌ ଟଙ୍କା ଲୋକଙ୍କର ସାହାରା ପାଲଟିଥିବା ଏକ ଜାତୀୟ...

Advertisement
Archives

Model This Week