ବର୍ମିଂହାମ,୨୭।୬:ଚଳିତ ବିଶ୍ୱକପର ୩୩ତମ ମ୍ୟାଚରେ ପାକିସ୍ତାନ ନ୍ୟୁଜିଲାଣ୍ଡକୁ ୬ ଓ୍ବିକେଟରେ ପରାସ୍ତ କରି ସେମିଫାଇନାଲ ଖେଳିବା ଆଶା ଉଜ୍ଜିବୀତ ରଖିଛି। ପାକିସ୍ତାନ ବିଜୟରେ ଖୁସି ବ୍ୟକ୍ତ କରି ଭାରତୀୟ ଟେନିସ୍ ଷ୍ଟାର୍ ସାନିଆ ମିର୍ଜା ଟୁଇଟ୍ କରି ପାକିସ୍ତାନ ଦଳକୁ ଅଭିନନ୍ଦନ ଜଣାଇଥିଲେ। ସୋଏବ ମଲିକ ଏହି ମ୍ୟାଚରେ ଖେଳୁ ନ ଥିବାରୁ ପାକିସ୍ତାନ ମ୍ୟାଚ୍ ଜିତିଲା ବୋଲି କହି ଯୁଜର୍ସମାନେ ସାନିଆଙ୍କୁ ଟ୍ରୋଲ କରିଛନ୍ତି। ସୂଚନାଯୋଗ୍ୟ, ଚିରପ୍ରତିଦ୍ୱନ୍ଦ୍ୱୀ ଭାରତ ନିକଟରୁ ପରାଜୟବରଣ କରିବା ପରେ ପାକିସ୍ତାନ କ୍ରିକେଟ ଦଳକୁ କଡ଼ା ସମାଲୋଚନାର ଶିକାର ହେବାକୁ ପଡିଥିଲା। ଏପରିକି ମ୍ୟାଚ୍ ପୂର୍ବରୁ ସାନିଆ ତାଙ୍କ ସ୍ବାମୀ ସୋଏବ ମଲିକ ପାକିସ୍ତାନ ଦଳର ଖେଳାଳିମାନଙ୍କ ସହ ପାର୍ଟି କରୁଥିବାରୁ ପାକିସ୍ତାନ ମ୍ୟାଚ୍ ହାରିଲା ବୋଲି କିଛି କ୍ରିକେଟ ପ୍ରଶଂସକ ମତ ଦେଇଥିଲେ। କିନ୍ତୁ ଗତ ଦୁଇଟି ମ୍ୟାଚ୍ ଜିତି ପାକିସ୍ତାନ ଦଳ ସମାଲୋଚନକଙ୍କୁ କଡା ଜବାବ ଦେଇଛି।
