ମୁମ୍ବାଇ,୧।୧୨: ମହାରାଷ୍ଟ୍ର ବିଧାନସଭା ବାଚସ୍ପତି ଭାବେ କଂଗ୍ରେସ ନେତା ନାନା ପାଟୋଲେଙ୍କୁ ମିଳିଛି ଏହି ଆସନ। ପୂର୍ବରୁ ଏଥିପାଇଁ ଭାରତୀୟ ଜନତା ପାର୍ଟି(ଭାଜପା)ର କିଶାନ କାଠୋରେ ପ୍ରାର୍ଥିପତ୍ର ଦାଖଲ କରିଥିବା ବେଳେ ରବିବାର ସକାଳେ ସେ ଏହାକୁ ପ୍ରତ୍ୟାହାର କରି ନେଇଥିଲେ। ଆଉ ନାନା ନିର୍ବିରୋଧରେ ବାଚସ୍ପତି ନିର୍ବାଚିତ ହୋଇଥିଲେ। ଏହାକୁ ନେଇ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିସ କହିଛନ୍ତି ପରମ୍ପରା ଦୃଷ୍ଟିରୁ ଆମେ ଏହି ପଦ ଛାଡିଛୁ। କାରଣ ସର୍ବଦଳୀୟ ବୈଠକରେ ଅନ୍ୟଦଳଙ୍କ ଅନୁରୋଧ କ୍ରମେ ଆମେ ବାଚସ୍ପତି ପଦ ଛାଡିଦେଇଥିଲୁ। ଏହାବ୍ୟତୀତ ପରମ୍ପରା ଅନୁଯାୟୀ ବାଚସ୍ପତି ପାଇଁ କେବେ ୨ ଜଣ ପ୍ରାର୍ଥୀ ଆସି ନ ଥାଆନ୍ତି। ସର୍ବଦା ଜଣେ ପ୍ରାର୍ଥୀ ହିଁି ନିର୍ବିରୋଧରେ ବାଚସ୍ପତି ଭାବେ ନିର୍ବାଚିତ ହୋଇଥାଆନ୍ତି।
