Posted inଖେଳ

ନୂଆ ସ୍ପ୍ରିଣ୍ଟ ସେନ୍‌ସେସନ କୋଲମେନ

ଦୋହା ବିଶ୍ୱ ଚାମ୍ପିୟନଶିପ୍‌ରେ ୧୦୦ମି.ରେ ସ୍ବର୍ଣ୍ଣ ପଦକ ହାସଲ କରି ଆମେରିକୀୟ ଯୁବ ଧାବକ ଖ୍ରୀଷ୍ଟିଆନ କୋଲମେନ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ମାତ୍ର ୯.୭୬ ସେକେଣ୍ଡ ସମୟ ନେଇ ସେ ଇତିହାସର ଷଷ୍ଠ ଦ୍ରୁତତମ ଧାବକ ସାବ୍ୟସ୍ତ ହୋଇଛନ୍ତି। ୨୩ ବର୍ଷୀୟ ଏହି ଧାବକ ୨୦୨୦ ଅଲିମ୍ପିକ୍ସର ଫେଭରାଇଟ୍‌ ବିବେଚିତ ହେଉଛନ୍ତି..

ସୁପରଷ୍ଟାର ତଥା କିମ୍ବଦନ୍ତୀ ଧାବକ ଉସେନ ବୋଲ୍ଟଙ୍କ ଯୁଗର ଅବସାନ ହେବା ପରେ ଆଉ ଜଣେ ସ୍ପ୍ରିଣ୍ଟର ଅଭ୍ୟୁଦୟ ହୋଇଛି। ସେ ହେଉଛନ୍ତି ଆମେରିକୀୟ ଧାବକ ଖ୍ରୀଷ୍ଟିଆନ କୋଲମେନ। ଦୋହାରେ ଚାଲିଥିବା ଇଣ୍ଟରନ୍ୟାସନାଲ ଆସୋସିଏଶନ ଅଫ୍‌ ଆଥଲେଟିକ ଫେଡେରେଶନ (ଆଇଏଏଏଫ) ବିଶ୍ୱ ଆଥଲେଟିକ୍ସ ଚାମ୍ପିୟନଶିପ୍‌ରେ କୋଲମେନ ନିଜର ଦକ୍ଷତା ତଥା ପ୍ରତିଭାର ପରିଚୟ ଦେଇଛନ୍ତି। ବିଶ୍ୱ ଚାମ୍ପିୟନଶିପ୍‌ର ଗ୍ଲାମରିୟସ ୧୦୦ମି. ଦୌଡ଼ରେ କୋଲମେନ ୯.୭୬ ସେକେଣ୍ଡ ସମୟ ନେଇ ସ୍ବର୍ଣ୍ଣ ପଦକ ହାସଲ କରିଥିଲେ। ସେହିପରି ଅନ୍ୟତମ ଆମେରିକୀୟ ଧାବକ ତଥା ଗତଥରର ଚାମ୍ପିୟନ ୩୭ ବର୍ଷୀୟ ଜଷ୍ଟିନ ଗାଟଲିନ୍‌ କୋଲମେନଙ୍କଠାରୁ ୦.୧୩ ସେକେଣ୍ଡ କମ୍‌ ସମୟ ନେଇ ଦ୍ୱିତୀୟ ସ୍ଥାନରେ ରହି ରୌପ୍ୟ ପଦକ ହାସଲ କରିଛନ୍ତି। ସେହିପରି କାନାଡ଼ାର ଆନ୍ଦ୍ରେ ଡି ଗ୍ରାସି ୯.୯୦ ସେକେଣ୍ଡ ସମୟ ନେଇ ବ୍ରୋଞ୍ଜ୍‌ ପଦକରେ ସନ୍ତୁଷ୍ଟ ହୋଇଛନ୍ତି।
କୋଲମେନଙ୍କ ଏହି ସଫଳତା ବିଭିନ୍ନ ଦୃଷ୍ଟିରୁ ବିଶେଷ ଗୁରୁତ୍ୱ ବହନ କରୁଛି। ୧୦୦ମି, ଦୌଡ଼ରେ କିମ୍ବଦନ୍ତୀ ଆଥଲେଟ୍‌ ବୋଲ୍ଟଙ୍କଠାରୁ ମାତ୍ର ୦.୧୮ ସେକେଣ୍ଡ କମ୍‌ ସମୟ ନେଇଛନ୍ତି। ଏହି ବିଜୟ ପରେ ଆଉ ମାତ୍ର ବର୍ଷେ ପରେ ଆୟୋଜନ ହେବାକୁ ଥିବା ୨୦୨୦ ଟୋକିଓ ଅଲିମ୍ପିକ୍ସରେ କୋଲମେନଙ୍କ ଉପରେ ସମସ୍ତଙ୍କ ନଜର ରହିଛି। ବୋଲ୍ଟଙ୍କ ଯୁଗ ପରେ କୋଲମେନ ଆଥଲେଟର ନୂଆ ପୋଷ୍ଟର ବୟ ହେବାକୁ ଯାଉଛନ୍ତି। ବିଶ୍ୱ ଚାମ୍ପିୟନଶିପ୍‌ ସ୍ବର୍ଣ୍ଣ ଜିତିବା ସହ ସେ ବିଶ୍ୱର ଷଷ୍ଠ ଦ୍ରୁତତମ ଧାବକର ମାନ୍ୟତା ପାଇଛନ୍ତି।
ଯଦିଓ କୋଲମେନ ଡ୍ରଗ୍‌ ଟେଷ୍ଟରେ ସାମିଲ ନ ହୋଇପାରି ବେଶ୍‌ ସମାଲୋଚିତ ହୋଇଥିଲେ ଓ ଏଥିପାଇଁ ତାଙ୍କ କ୍ୟାରିୟର ବିପଦକୁ ଯିବାର ଯଥେଷ୍ଟ ସମ୍ଭାବନା ଥିଲା। ଯଦି ସେ ଏହି କାରଣ ପାଇଁ ବାସନ୍ଦ ହୋଇଥାନ୍ତେ ତାହାଲେ ଏହି ମେଗା ଇଭେଣ୍ଟରେ ଅଂଶଗ୍ରହଣ କରିପାରି ନ ଥାନ୍ତେ। ସାଥୀ ଆମେରିକୀୟ ଲିଜେଣ୍ଡ ମାଇକେଲ ଜନସନ ମଧ୍ୟ ଏ ନେଇ କୋଲମେନଙ୍କ ଏହି ସଫଳତାକୁ ନେଇ ଲଘୁ ମନ୍ତବ୍ୟ ଦେଇ ତାଙ୍କୁ ପରିହାସ କରିବାକୁ ପିଛାଇନାହାନ୍ତି। ଜନସନଙ୍କ ମନ୍ତବ୍ୟ ଅବାଞ୍ଚିତ ବୋଲି ସେ କହିଛନ୍ତି।
ବିଶ୍ୱ ଚାମ୍ପିୟନଶିପ୍‌ ହାସଲ କରିବାପରେ କୋଲମେନ ଭବିଷ୍ୟତ ସ୍ପ୍ରିଣ୍ଟ ତାରକା ବୋଲି ଆକଳନ କରାଯାଉଛି। ଆଉ ବର୍ଷେପରେ ଆୟୋଜନ ହେବାକୁ ଥିବା ଟୋକିଓ ଅଲିମ୍ପିକ୍ସରେ ସେ ଫେଭରାଇଟ୍‌ ବିବେଚିତ ହେଉଛନ୍ତି। ଆଟଲାଣ୍ଟାର ଜର୍ଜିଆ ସହରରେ ଜନ୍ମିତ ନିଜର ଦୁଇ ଭଉଣୀଙ୍କ ସହ ବଡ଼ ହୋଇଥିଲେ। ସେ ଏକ କ୍ରୀଡ଼ାବିତ ପରିବାରରୁ ଆସିଛନ୍ତି। ପିଲା ବେଳୁ ସେ ଟ୍ରାକ୍‌ ସହିତ ଜଡିତ ରହିଆସିଛନ୍ତି। ୨୦୦୭ ଆମେଚର ଆଥଲେଟିକ୍‌ ୟୁନିୟନ ଚାମ୍ପିୟନଶିପ୍‌ରେ ସେ ତାଙ୍କ ବୟସ ବର୍ଗରେ ଲଙ୍ଗ ଜମ୍ପରେ ବିଜୟୀ ହୋଇଥିଲେ। ସ୍କୁଲ ଓ କଲେଜ ସ୍ତରରେ ସେ ସବୁ ପ୍ରକାର ସଫଳତା ପାଇଥିଲେ। ଲଣ୍ଡନ ୨୦୧୭ ବିଶ୍ୱ ଚାମ୍ପିୟନଶିପ୍‌ରେ ସେ ୧୦୦ମି. ଦୌଡ଼ରେ ରୌପ୍ୟ ପଦକ ହାସଲ କରିଥିଲେ। ସେହିପରି ସେ ୪ ଗୁଣା ୧୦୦ମି. ରିଲେ ମଧ୍ୟ ରୌପ୍ୟ ପଦକ ପାଇଥିଲେ। ତାଙ୍କ ପାଖରେ ଥିବା ଅସାଧାରଣ ପ୍ରତିଭା ଓ ଦକ୍ଷତା ତାଙ୍କୁ ଦିନେ ଉସେନ ବୋଲ୍ଟଙ୍କ ଭଲି ଧାବକରେ ପରିଣତ କରିବାରେ ସହାୟକ ହେବ। ବୟସ ତାଙ୍କ ସପକ୍ଷରେ ରହିଛି। ବିଶ୍ୱ ଟ୍ରାକ୍‌ ଆଣ୍ଡ ଫିଲ୍ଡରେ ଜାମାଇକାର ଆଧିପତ୍ୟକୁ ସେ ପ୍ରତିହତ କରିବେ ବୋଲି ଆଶା କରାଯାଉଛି। ତେବେ ଏଥିପାଇଁ ତାଙ୍କୁ ଫିଟ୍‌ ରହିବା ସହ ଆହୁରି କଠିନ ପରିଶ୍ରମ କରିବାକୁ ହେବ ଓ ଏକଥା ସେ ହୃଦୟଙ୍ଗମ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପାଣ୍ଡେ, ପାଣ୍ଡ୍ୟା ଭାରତ-ଏ’କୁ ସିରିଜ ଜିତାଇଲେ

ନର୍ଥ ସାଉଣ୍ଡ (ଆଣ୍ଟିଗୁଆ), ୧୭।୭ (ପି.ଟି.): ଅଧିନାୟକ ମନୀଷ ପାଣ୍ଡେଙ୍କ ଦମ୍‌ଦାର ଶତକ ସାଙ୍ଗକୁ ସ୍ପିନର କ୍ରୁନାଲ ପାଣ୍ଡ୍ୟାଙ୍କ ୫ ଉଇକେଟ୍‌ ସଫଳତା ବଳରେ ଏଠାରେ...

ଗୋପାଳସ୍ବାମୀ ବିସିସିଆଇ ନିର୍ବାଚନ ଅଧିକାରୀ

ମୁମ୍ବାଇ,୮।୬(ପି.ଟି.)- ଆସନ୍ତା ଅକ୍ଟୋବର ୨୨ ତାରିଖରେ ଆୟୋଜନ ହେବାକୁଥିବା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ନିର୍ବାଚନ ପାଇଁ ପ୍ରାକ୍‌ ପସ୍ତୁତି ଆରମ୍ଭ ହୋଇଛି। ପୂର୍ବତନ...

ବିଶ୍ୱକପ୍‌ ବିଜୟ ଶାର୍ଟକୁ ନିଲାମ କରିବେ ବଟ୍‌ଲର

ଲଣ୍ଡନ, ୨ା୪ (ପି.ଟି.)-ଇଂଲଣ୍ଡର ବିସ୍ଫୋରକ ବ୍ୟାଟ୍ସମ୍ୟାନ ଜୋସ୍‌ ବଟଲର ଗତବର୍ଷ ବିଶ୍ୱକପ୍‌ ଫାଇନାଲରେ ପରିଧାନ କରିଥିବା ତାଙ୍କ ଶାର୍ଟକୁ ନିଲାମ କରିବେ। କୋଭିଡ୍‌-୧୯ ମହାମାରୀ ଆକ୍ରାନ୍ତଙ୍କ...

ଟୋକିଓ ପାରାଲିମ୍ପିକ୍ସରେ ଭାରତର ଐତିହାସିକ ପ୍ରଦର୍ଶନ: ୫ ସ୍ବର୍ଣ୍ଣ ସହ ମୋଟ ୧୯ ପଦକ

ଟୋକିଓ,୫।୯:ଟୋକିଓ ପାରାଲିମ୍ପିକ୍ସରେ ଭାରତୀୟ ଖେଳାଳିମାନେ ଚମତ୍କାର ପ୍ରଦର୍ଶନ କରି ଇତିହାସ ରଚିଛନ୍ତି। ପାରାଲିମ୍ପିକ୍ସ ଇତିହାସରେ ଚଳିତବର୍ଷ ଭାରତୀୟ ଖେଳାଳିମାନେ ଜବରଦସ୍ତ ପ୍ରଦର୍ଶନ କରି ୫ ସ୍ବର୍ଣ୍ଣ,...

ହାତକୁ ଦି’ହାତ ହେଲେ ଏହି କ୍ରିକେଟର୍‌

ସିଡନୀ,୨।୮:ଅଷ୍ଟ୍ରେଲୀୟ ଟେଷ୍ଟ ଦଳର ଅଧିନାୟକ ପ୍ୟାଟ କୁମିନ୍ସ ଦୀର୍ଘ ଦିନରେ ପ୍ରେମିକା ବେକି ବୋଷ୍ଟନଙ୍କୁ ବିବାହ କରିଛନ୍ତି। ଇନଷ୍ଟାଗ୍ରାମରେ ଫଟୋ ଶେୟାର କରି କୁମିନ୍ସ ଏହି...

ଆଇଓସି ସଦସ୍ୟ ହେଲେ ବାତ୍ରା

ନୂଆଦିଲ୍ଲୀ, ୨୩।୫- ଅନ୍ତର୍ଜାତୀୟ ଅଲିମ୍ପିକ କମିଟି (ଆଇଓସି) ଏହାର କାର୍ଯ୍ୟକାରୀ ବୋର୍ଡ ଲାଗି ୧୦ ଜଣ ନୂତନ ସଦସ୍ୟଙ୍କ ନାମ ଘୋଷଣା କରିଛି। ଯେଉଁଥିରେ ଭାରତୀୟ...

କ୍ରମାଗତ ତୃତୀୟ ପ୍ଳେ- ଅଫ୍‌ରେ ଦିଲ୍ଲୀ କ୍ୟାପିଟାଲ

ଶାରଜା,୨।୧୦: ୟୁଏଇରେ ଚାଲିଥିବା ଆଇପିଏଲ୍‌ ଫେଜ୍‌-୨ରେ ରିଷଭ ପନ୍ତଙ୍କ ଦିଲ୍ଲୀ କ୍ୟାପିଟାଲ ଦ୍ୱିତୀୟ ଦଳ ଭାବେ ପ୍ଳେଅପ୍‌ରେ ନିଜ ସ୍ଥାନ ପକ୍କା କରିଛି। ଦଳ ଏଥିସହିତ...

ସୁଶାନ୍ତଙ୍କ ମୃତ୍ୟୁ ଖବର ଶୁଣି ଏମିତି ଥିଲା ଧୋନୀଙ୍କ ପ୍ରତିକ୍ରିୟା

ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଖବର ସମସ୍ତଙ୍କ ଚକିତ କରିଛି। ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ଜୀବନୀକୁ ନେଇ ନିର୍ମିତ ‘ଏମଏସ...

Advertisement
Archives

Model This Week