ନୂଆ ରୂପରେ ‘ଓଡ଼ିଶା ପର୍ଯ୍ୟଟନ’

ଭୁବନେଶ୍ୱର,୨୭ା୭(ବ୍ୟୁରୋ): ଦୀର୍ଘଦିନର ପ୍ରତୀକ୍ଷା ପରେ ନୂଆ ରୂପ ପାଇଛି ରାଜ୍ୟ ପର୍ଯ୍ୟଟନ ବିଭାଗ ଓ୍ବେବ୍‌ସାଇଟ୍‌। ଓଡ଼ିଶା ପର୍ଯ୍ୟଟନର ଏହି ନୂଆ ଓ୍ବେବ୍‌ସାଇଟ୍‌ www.odishatourism.gov.inକୁ ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ସ୍ବତନ୍ତ୍ର ଉତ୍ସବରେ ଲୋକାର୍ପଣ କରିଛନ୍ତି। ପ୍ରଥମଥର ପାଇଁ ଏକ ସରକାରୀ ବିଭାଗ ପକ୍ଷରୁ ଏହାର ଓ୍ବେବ୍‌ସାଇଟ୍‌ରେ ଭର୍ଚୁଆଲ ରିୟଲିଟି (ଭିଆର୍‌) ଟେକ୍ନୋଲୋଜିର ବ୍ୟବହାର କରାଯାଇଛି। ଭିଆର୍‌ ଟୁରିଜମ୍‌ ବର୍ତ୍ତମାନ ସମୟରେ ସମଗ୍ର ବିଶ୍ୱରେ ଏକ ଲୋକପ୍ରିୟ କନ୍‌ସେପ୍ଟ ହୋଇଥିବାବେଳେ ଏହା ମାଧ୍ୟମରେ ରାଜ୍ୟର ବିଭିନ୍ନ ପର୍ଯ୍ୟଟନସ୍ଥଳୀକୁ ୩୬୦ ଡିଗ୍ରୀ ଭ୍ୟୁ ଓ ଭର୍ଚୁଆଲ ଟୁର୍‌ ମାଧ୍ୟମରେ ଦର୍ଶାଯାଇଛି। ବ୍ୟାକ୍‌ଗ୍ରାଉଣ୍ଡରେ ଓଡ଼ିଶାର ଜନଜାତି ଚିତ୍ରକଳା ଏବଂ ପଟ୍ଟଚିତ୍ର ଏହାକୁ ଅଧିକ ଆକର୍ଷଣୀୟ କରୁଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଏହି ଓ୍ବେବ୍‌ସାଇଟରେ ଓଡ଼ିଶାର ପାରମ୍ପରିକ ହସ୍ତତନ୍ତ ଓ ହସ୍ତଶିଳ୍ପର ଅନ୍‌ଲାଇନ୍‌ ବିକ୍ରୟ ପାଇଁ ବ୍ୟବସ୍ଥା କରାଯାଇଛି। ବୟନିକାର ହସ୍ତତନ୍ତ ଏବଂ ଉତ୍କଳିକାର ହସ୍ତଶିଳ୍ପ ଯେପରି ଦେଶ ବିଦେଶରେ ରହୁଥିବା ଲୋକ ତଥା ଓଡ଼ିଶା ଆସିଥିବା ପର୍ଯ୍ୟଟକମାନେ ପାଇପାରିବେ ତାହାକୁ ଦୃଷ୍ଟିରେ ରଖି ଏହି ଓ୍ବେବ୍‌ସାଇଟ୍‌କୁ ଇ-କମର୍ସ ପ୍ଲାଟଫର୍ମ ସହ ଲିଙ୍କ୍‌ କରାଯାଇଛି।
ଓ୍ବେବ୍‌ସାଇଟ୍‌କୁ ଲୋକାର୍ପଣ କରି ମୁଖ୍ୟମନ୍ତ୍ରୀ କହଛନ୍ତି, ରାଜ୍ୟର ଯୁବପିଢୀଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିବା ଲାଗି ପର୍ଯ୍ୟଟନ ଏକ ଦୀର୍ଘସ୍ଥାୟୀ ବିକଳ୍ପ। ଡିଜିଟାଲ ଟେକ୍ନୋଲୋଜିର ବ୍ୟବହାର ଓଡ଼ିଶା ପର୍ଯ୍ୟଟନକୁ ବ୍ୟାପକ କରିବା ସହ ଆଉପାଦେ ଆଗକୁ ନେବାରେ ସାହାଯ୍ୟ କରିବ। କେବଳ ବ୍ୟବହାରକାରୀ ନୁହଁନ୍ତି, ପର୍ଯ୍ୟଟନ ଶିଳ୍ପରେ କାର୍ଯ୍ୟ କରୁଥିବା ଲକ୍ଷାଧିକ ଲୋକ ଉପକୃତ ହେବେ। ଏହି ନୂଆ ଓ୍ବେବ୍‌ସାଇଟ୍‌ ଦ୍ୱାରା ସେମାନେ ଦେଶ ବିଦେଶ ପର୍ଯ୍ୟଟକଙ୍କ ନିକଟରେ ପହଞ୍ଚତ୍ପାରିବା ସହ ନୂଆ ବ୍ୟବସାୟ ସୁଯୋଗ ସମ୍ପର୍କରେ ଅବଗତ ହୋଇପାରିବେ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଅନ୍ୟପକ୍ଷରେ ଓ୍ବେବ୍‌, ମୋବାଇଲ୍‌ ଏବଂ ସୋସିଆଲ ମିଡ଼ିଆକୁ ଦୃଷ୍ଟିରେ ରଖି ଡିଜାଇନ୍‌ ହୋଇଥିବା ଏହି ଓ୍ବେବ୍‌ସାଇଟ୍‌ ଓଡ଼ିଶା ବୁଲିବାକୁ ଚାହୁଁଥିବା ପର୍ଯ୍ୟଟକମାନଙ୍କ ପାଇଁ ‘ଓ୍ବାନ୍‌ଷ୍ଟେପ୍‌ ସଲ୍ୟୁଶନ୍‌’ ଭଳି କାମକରିବ। ଏଥିରୁ ଟ୍ରାଭେଲ ଏଜେଣ୍ଟମାନେ ବିଭିନ୍ନ ତଥ୍ୟ ହାସଲ କରି ସେହି ଅନୁଯାୟୀ ନିଜ ଟୁର୍‌ ପ୍ୟାକେଜ୍‌କୁ ଅପ୍‌ଡେଟ୍‌ କରିପାରିବେ। ସେହିଭଳି ହୋଟେଲିୟରମାନେ ବିଭିନ୍ନ ତଥ୍ୟ ସହ ଡିଲ୍‌ ଓ ଅଫର୍‌ ଏଠାରୁ ପାଇପାରିବେ। ଟ୍ରାଭେଲ ଏଜେଣ୍ଟ, ହୋଟେଲିୟର ଏବଂ ହୋମ୍‌ ଷ୍ଟେ’ ମାଲିକମାନେ ଏବେ ଅନ୍‌ଲାଇନ୍‌ରେ ନିଜର ପଞ୍ଜୀକରଣ କରିପାରିବେ। ପର୍ଯ୍ୟଟନ ବିଭାଗ ପକ୍ଷରୁ ବିଭିନ୍ନ ସମୟରେ ଆୟୋଜିତ ହେଉଥିବା ହେରିଟେଜ୍‌ ଓ୍ବାକ୍‌ ଓ ବିଭିନ୍ନ ଟ୍ରେଲ୍‌ର ତଥ୍ୟ ଓ ପ୍ୟାକେଜ୍‌ ଏଠାରୁ ମିଳିପାରିବ। ଓଡ଼ିଶାରେ ରହଣୀ ସମୟରେ ପର୍ଯ୍ୟଟନସ୍ଥଳୀ ବୁଲିବା ସହ ପର୍ଯ୍ୟଟକମାନେ ଯେପରି ବିଭିନ୍ନ ନୃତ୍ୟ, ସଙ୍ଗୀତ ଓ ଅନ୍ୟାନ୍ୟ କାର୍ଯ୍ୟକ୍ରମର ମଜା ନେଇପାରିବେ ସେଥିଲାଗି ସମସ୍ତ ଇଭେଣ୍ଟର ତଥ୍ୟ ଏଠାରେ ଉପଲବ୍ଧ ହେବ। ଇକୋଟୁର୍‌ ଓଡ଼ିଶା, ଓୟୋ ହୋଟେଲ୍‌ ଏବଂ ଓଟିଡିସି ପାନ୍ଥନିବାସଗୁଡ଼ିକର ବୁକିଂ ଲିଙ୍କ୍‌ ଏହି ନୂଆ ଓ୍ବେବ୍‌ସାଇଟ୍‌ରେ ରହିଛି। ଓଡ଼ିଶା ବୁଲିବାକୁ ଆସିଥିବା ପର୍ଯ୍ୟଟକ, ବ୍ଲଗର୍‌ ଓ ଫଟୋଗ୍ରାଫରମାନଙ୍କ ଫଟୋ ଓ ବ୍ଲଗ୍‌ ଏଠାରୁ ଜଣେ ପଢିପାରିବେ। ପାରମ୍ପରିକ ଓଡ଼ିଆ ଖାଦ୍ୟ, ଏହାର ପ୍ରସ୍ତୁତ ଶୈଳୀ ଓ କେଉଁଠାରେ ଏହା ଉପଲବ୍ଧ ତାହା ମଧ୍ୟ ଏଠାରୁ ପର୍ଯ୍ୟଟକମାନେ ଜାଣିପାରିବେ।


Enter your email to get our daily news in your inbox.

All Right Reserved By Dharitri.Com

ବଦଳିବ ଅନୁଗୋଳ ଷ୍ଟାଡିୟମ ରୂପ:ଭିତ୍ତିଭୂମି ପରଖିଲେ ଆର୍କିଟେକଚର୍‌

ଅନୁଗୋଳ ଅଫିସ, ୧୩।୮ ବଦଳିବ ଅନୁଗୋଳ ଷ୍ଟାଡିୟମ ରୂପରେଖ। ଅତ୍ୟାଧୁନିକ ଜ୍ଞାନକୌଶଳରେ ଏହାର ନବକଳେବର କରାଯିବ। ଏଥିସହ ବିଭିନ୍ନ ଖେଳ ସୁବିଧାରେ ଏଠାରେ ଯେପରି ଆୟୋଜନ...

ପୋଲିସକୁ ଚାପୁଡ଼ା ମାରିବାରୁ ଦଫା ୩୦୭

ଭୁବନେଶ୍ୱର,୨୨।୧(ବ୍ୟୁରୋ):ପଣ୍ଡିତ ପୁଅ ମାଙ୍କଡ଼ ମାରିଲେ ଦୋଷ ନାହିଁ। ଏହାର ଉଦାହରଣ କମିଶନରେଟ ପୋଲିସରେ ଦେଖିବାକୁ ମିଳିଛି। ପୋଲିସ ଚାକିରି କରିଥିବା ଜଣେ ଯୁବତୀଙ୍କୁ ଭଲପାଇ ପ୍ରତାରଣାର...

ଋଣ ବୋଝ ନେଲା ଚାଷୀଙ୍କ ଜୀବନ

ବରୀ,୯ା୯(ଡି.ଏନ.ଏ.): ସରକାର ଚାଷୀଙ୍କ ବିକାଶ ପାଇଁ ଅନେକ ଯୋଜନା କରୁଛନ୍ତି। ଏ ସବୁ ସତ୍ତ୍ୱେ ଚାଷୀ ଅବହେଳାର ଶିକାର ହୋଇ ଆତ୍ମହତ୍ୟା ଭଳି ଚରମ ପଦକ୍ଷେପ...

ଗାଡ଼ି ପାଇଁ ମା’ଙ୍କୁ ଛୁରୀ ଭୁଶି ହତ୍ୟା କଲା ପୁଅ

ଶଙ୍କରାଖୋଲ(ଡି.ଏନ୍‌.ଏ.)/ଫୁଲବାଣୀ ଅଫିସ୍‌,୨୭ା୭-ଲୁନା ଗାଡ଼ି ପାଇଁ ପୁଅ ଛୁରୀ ଭୁଶି ମା’ଙ୍କୁ ହତ୍ୟା କରିଛି। କନ୍ଧମାଳ ଜିଲା ସଦର ଥାନା ଅନ୍ତର୍ଗତ ମାଝିପଦର ଗ୍ରାମରେ ରବିବାର ରାତିରେ...

ଆରପାରିରେ ରାଜ୍ୟପାଳଙ୍କ ଧର୍ମପତ୍ନୀ

ଭୁବନେଶ୍ୱର,୨୩।୧୧(ବ୍ୟୁରୋ): ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ସ୍ତ୍ରୀ ସୁଶୀଳା ଦେବୀଙ୍କ ପରଲୋକ ଘଟିଛି। ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରି ରାଜ୍ୟପାଳ...

୨୩ରୁ ଖୋଲିବ ଆଖଣ୍ଡଳମଣି ମନ୍ଦିର

ଆରଡ଼ି,୨୧।୮(ଡି.ଏନ.ଏ.)-ଭଦ୍ରକ ଜିଲାର ପ୍ରସିଦ୍ଧ ଶୈବପୀଠ ଆରଡ଼ି ଆଖଣ୍ଡଳମଣି ମନ୍ଦିର ଆସନ୍ତା ୨୩ ତାରିଖ ତଥା ସୋମବାର ଖୋଲିବ। ଏନେଇ ଜିଲା ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି।...

ଲକ୍‌ଡାଉନ୍‌ ଯୋଗୁ ମାସ୍କ ପିନ୍ଧି ବେଦୀରେ ବସିଲେ ବରକନ୍ୟା, ସାମାଜିକ ଦୂରତ୍ୱ ରକ୍ଷା କରି ବିବାହ ସମ୍ପନ୍ନ

ସୁନ୍ଦରଗଡ଼, ୧୮।୪(ଡି.ଏନ୍‌.ଏ.): କରୋନା ସଂକ୍ରମଣକୁ ରୋକିବା ନିମନ୍ତେ ଲକ୍‌ଡାଉନ୍‌ ଅବଧି ମେ ୩ କୁ ବୃଦ୍ଧି ପାଇଛି। ଏଭଳି ସ୍ଥିତିରେ ସୁନ୍ଦରଗଡ଼ ଜିଲାରେ ପୂର୍ବରୁ ଲଗ୍ନ...

ବେଳାଭୂମିରୁ ଯୁବକଙ୍କ ମୃତଦେହ ଉଦ୍ଧାର

ଗୋପାଳପୁର,୧୫।୮-ଗଞ୍ଜାମ ଜିଲା ସୁନାପୁର ବେଳାଭୂମିରୁ ଶନିବାର ଗୋଳନ୍ଥରା ଥାନା ପୋଲିସ ଜଣେ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର କରିଛି। ମୃତକଙ୍କ ପରିଚୟ ମିଳିପାରି ନାହିଁ। ପ୍ରକାଶ...

Advertisement


Archives

Model This Week