ନୂଆବର୍ଷ ଆକର୍ଷଣ

ପୁରୁଣାବର୍ଷକୁ ବିଦାୟ ଦେଇ ୨୦୨୦କୁ ସ୍ବାଗତ କରିବା ପାଇଁ ଚାରିଆଡେ ଦେଖାଗଲାଣି ଉତ୍ସାହର ମାହୋଲ। କେବଳ ଅପେକ୍ଷା ଆଉ ଦିନ କେଇଟାକୁ। ଏହାପରେ ଆରମ୍ଭ ହୋଇଯିବ ଜିରୋ ଆଓ୍ବାର ଓ ତା’ପରେ ବହୁ ପ୍ରତୀକ୍ଷିତ ନବବର୍ଷ। ପ୍ରତିବର୍ଷ ଭଳି ଏବର୍ଷ ମଧ୍ୟ ଜିରୋ ଆଓ୍ବାରକୁ ସେଲିବ୍ରେସନ କରିବାକୁ ଭୁବନେଶ୍ୱରରେ ଚାଲିଛି ଜୋର୍‌ଦାର ପ୍ରସ୍ତୁତି। ଇଭେଣ୍ଟ ମ୍ୟାନେଜମେଣ୍ଟ ସଂସ୍ଥାଗୁଡିକ ଠାରୁ ଆରମ୍ଭକରି ଛୋଟବଡ଼ ହୋଟେଲ, କ୍ୟାଫେ ଓ କ୍ଲବ୍‌ ପର୍ଯ୍ୟନ୍ତ, ସମସ୍ତେ ନୂଆବର୍ଷ ପାର୍ଟି ଆୟୋଜନ ପାଇଁ ଲାଗିପଡିଛନ୍ତି। ଗ୍ରାହକଙ୍କୁ ଆକୃଷ୍ଟ କରିବାକୁ କିଏ କପୁଲ୍‌ ଏଣ୍ଟ୍ରିରେ ରିହାତି ଦେଉଛି ତ କିଏ ଆଗୁଆ ବୁକିଂ ଓ ଅନ୍‌ଲାଇନ୍‌ ବୁକିଂ କଲେ ଅଫର୍‌ ଦେଉଛି।

ଗ୍ଲୋ ଇନ୍‌ ଦି ଡାର୍କ

୨୦୧୯କୁ ବିଦାୟ ଦେଇ ନୂତନ ବର୍ଷକୁ ସ୍ବାଗତ କରିବାକୁ ସ୍ବସ୍ତି ପ୍ରିମିୟମ୍‌ର ପ୍ଲାଜା କ୍ଲବ୍‌ରେ ‘ସ୍କାଏ ଲିମିଟ ୨୦୨୦’ ଅନୁଷ୍ଠିତ ହେଉଥିବା ବେଳେ ହୋଟେଲର ଚାଣକ୍ୟ ହଲ୍‌ରେ ‘ସିମର୍‌ ୨୦୨୦’ ଆୟୋଜିତ ହେବ। ପ୍ରତିବର୍ଷ ଭଳି ଏବର୍ଷ ମଧ୍ୟ ‘ସ୍କାଏ ଲିମିଟ’ ଓ ‘ସିମର’ର ଦମ୍‌ଦାର ଡିଜେ ଓ ଡ୍ୟାନ୍ସ ଶୋ’ ସହ ଅନ୍‌ଲିମିଟେଡ୍‌ ସ୍ନାକ୍‌ସ ଓ ପାନୀୟ ବ୍ୟବସ୍ଥା ଓ ବଫେଟ୍‌ ଡିନର୍‌ ଏଠାକାର ପ୍ରମୁଖ ଆକର୍ଷଣ ରହିବ। ସିଙ୍ଗଲ ଓ କପୁଲଙ୍କ ପାଇଁ ଅଲଗା ପ୍ରବେଶ ଶୁଳ୍କ ରହିଥିବା ବେଳେ ସ୍କାଏ ଲିମିଟ୍‌ର ଷ୍ଟାଗ୍‌ ଏଣ୍ଟ୍ରି ୩୫୦୦ଟଙ୍କା ଏବଂ କପୁଲ ଏଣ୍ଟ୍ରି ୫୦୦୦ ଟଙ୍କା ରହିଛି। ସେହିଭଳି ସିମର ପାଇଁ କପୁଲ ଟିକେଟ୍‌ ୭୬୯୯ ଟଙ୍କା ରହିଥିବା ବେଳେ ସ୍ବତନ୍ତ୍ର ପ୍ୟାକେଜର ବ୍ୟବସ୍ଥା ମଧ୍ୟ କରାଯାଇଛି। ‘ଗ୍ଲୋ ଇନ୍‌ ଦି ଡାର୍କ’ ଥିମ୍‌ରେ ଆୟୋଜିତ ହେଉଥିବା ଏହି ପାର୍ଟିରେ ଡିଜେ ଓ୍ବାର୍‌ ଓ ସାଲ୍‌ସା ଡ୍ୟାନ୍ସ ଏଥର ବେଶ୍‌ ଜମିବ।

ଫୁଡ୍‌ ଫନ୍‌ ମ୍ୟୁଜିକ୍‌

ଚଳିତବର୍ଷ ପ୍ରଥମଥର ପାଇଁ ଜନତା ମଇଦାନରେ ଆୟୋଜିତ ହେବ ନୂଆବର୍ଷ ପାର୍ଟି ‘ଧୁମ୍‌ ୨୦୨୦’। ୩୧ ତାରିଖ ସନ୍ଧ୍ୟା ୭ଟାରୁ କାର୍ଯ୍ୟକ୍ରମ ଆରମ୍ଭ ହୋଇ ଏହା ମଧ୍ୟରାତ୍ର୧୨ଟା ୩୦ ପର୍ଯ୍ୟନ୍ତ ଚାଲିବ। ଏହି ପାର୍ଟିରେ ଲୋକେ ନୂଆବର୍ଷ ପାଇଁ କାଉଣ୍ଟଡାଉନ୍‌ କରିପାରିବେ। ଡିଜେ ଓ ଡ୍ୟାନ୍ସ ଫ୍ଲୋର୍‌ ସହ ସୁସ୍ବାଦୁ ଖାଦ୍ୟ, ବଫେଟ୍‌ ଡିନର, ପାନୀୟ, ଆତସବାଜିର ଆୟୋଜନ ମଧ୍ୟ କରାଯିବ। ଖୋଲା ଆକାଶ ତଳେ ହେବାକୁ ଥିବା ଏହି ପାର୍ଟିର ଅନ୍ୟତମ ଆକର୍ଷଣ ପଞ୍ଜାବୀ ଭାଙ୍ଗଡା ଓ ଭୋଜପୁରୀ ଡ୍ୟାନ୍ସ। ମ୍ୟୁଜିକ୍‌ ସହ ଫୁଡ୍‌ ଓ ଫନ୍‌କୁ ଭଲପାଉଥିବା ଲୋକେ ଏଠାରେ ନୂଆବର୍ଷକୁ ସ୍ବାଗତ କରିପାରିବେ। ଏହାବ୍ୟତୀତ ବରମୁଣ୍ଡା ପଡ଼ିଆରେ ‘ଦି ପିଙ୍କ୍‌ ୨୦୨୦’ ନାମରେ ଆଉଏକ ପାର୍ଟି ଆୟୋଜିତ ହେବ। ବଫେଟ୍‌ ଡିନର ସହ ଡିଜେ ନାଇଟ୍‌ ଏଠାକାର ଆକର୍ଷଣ ରହିବ।

ମାର୍ସ ଲ୍ୟାଣ୍ଡିଂ ଓ ସ୍ପେସ୍‌ ଥିମ୍‌ ପାର୍ଟି

ଭୁବନେଶ୍ୱରର ପ୍ରମୁଖ ହୋଟେଲ ମଧ୍ୟରୁ ଅନ୍ୟତମ ମେ’ଫେୟାରରେ ଆୟୋଜିତ ହେବ ୨ଟି ନୂଆବର୍ଷ ପାର୍ଟି। ମେ’ ଫେୟାରର ‘ଦି ସେଲାର’ ସହ ରେସ୍ତୋରଁ। ‘ଟି ପଟ୍‌’ରେ ଧୁମ୍‌ଧାମରେ ଜିରୋ ନାଇଟ୍‌ ସେଲିବ୍ରେସନ କରାଯିବ। ଏହାସହ ଲେମନ ଗ୍ରାସ ଓ ନକଲି ଢାବାରେ ମଧ୍ୟ ଲୋକେ ସୁସ୍ବାଦୁ ଖାଦ୍ୟ ପାଇବେ। ମନପସନ୍ଦର ମ୍ୟୁଜିକରୁ ନୂଆବର୍ଷର ମଜା ନେଇପାରିବେ। ସବୁବର୍ଗର ଲୋକଙ୍କ ପସନ୍ଦକୁ ଦୃଷ୍ଟିରେ ରଖି ଏଠାରେ ଭିନ୍ନ ଭିନ୍ନ ଥିମ୍‌ରେ କାର୍ଯ୍ୟକ୍ରମର ଯୋଜନା କରାଯାଇଛି। ସମସ୍ତଙ୍କୁ ଝୁମାଇବ ସ୍ଲୋ ମ୍ୟୁଜିକ୍‌ ତ କେଉଁଠି ସେଲିବ୍ରିଟି ଡିଜେ ଓ ଲାଇଭ୍‌ ବ୍ୟାଣ୍ଡ୍‌। ‘ଦି ସେଲାର’ରେ ଏଥର ଏକ ଭିନ୍ନସ୍ବାଦର ମାର୍ସ ଲ୍ୟାଣ୍ଡିଂ ଓ ସ୍ପେସ୍‌ ଥିମ୍‌ ପାର୍ଟି ଆୟୋଜନ କରାଯାଉଛି। ଏଥିପାଇଁ ପ୍ରବେଶ ଶୁକ୍ଳ ୧୫୦୦ଟଙ୍କାରୁ ଆରମ୍ଭ ହୋଇ ୮୫୦୦ଟଙ୍କା ପର୍ଯ୍ୟନ୍ତ ରଖାଯାଇଛି। ଖାଦ୍ୟ ଓ ପାନୀୟର ବି ସ୍ବତନ୍ତ୍ର ବ୍ୟବସ୍ଥା ରହିବ। ଏହାସହ ସର୍‌ପ୍ରାଇଜ୍‌ ଗିଫ୍ଟ, ଆକର୍ଷଣୀୟ ବଫେଟ୍‌, ଡ୍ୟାନ୍ସ ଓ ସେଲିବ୍ରିଟି କଣ୍ଠଶିଳ୍ପୀ ମଧ୍ୟ ଏଥର ମେ’ଫେୟାରର ମୁଖ୍ୟ ଆକର୍ଷଣ ସାଜିବେ।

ପିଲାଙ୍କ ପାର୍ଟି

କେବଳ ଯୁବପିଢି କି ବୟସ୍କ ନୁହନ୍ତି, ଛୋଟ ଛୋଟ ପିଲାମାନେ ବି ନେଇପାରିବେ ନୂଆବର୍ଷ ପାର୍ଟିର ମଜା। ଏଥିପାଇଁ ସ୍ବତନ୍ତ୍ର କିଡ୍‌ସ ଫ୍ରେଣ୍ଡ୍‌ଲି ପାର୍ଟି ଆୟୋଜନ କରିବାକୁ ଯାଉଛି ନନ୍ଦନକାନନ ରୋଡ୍‌ରେ ଥିବା ହୋଟେଲ ଲାଲ୍‌କିଲା। ଏଠାରେ ଥିବା ସ୍ବତନ୍ତ୍ର କିଡ୍‌ସ ଜୋନ୍‌ରେ ପିଲାମାନଙ୍କୁ ଛାଡି ଅଚିନ୍ତାରେ ଆପଣ ନୂଆବର୍ଷ ସେଲିବ୍ରେଶନ କରିପାରିବେ। ପିଲାମାନଙ୍କ ପାଇଁ ରଖାଯିବ ସ୍ବତନ୍ତ୍ର ଗେମ୍‌ ଆକ୍ଟିଭିଟି ସହ ଅନ୍‌ଲିମିଟେଡ୍‌ ଫୁଡ୍‌, ମକ୍‌ଟେଲ୍‌ ଓ ମ୍ୟୁଜିକ୍‌ । ୧୨ବର୍ଷରୁ ବଡ଼ ପିଲାଙ୍କ ପାଇଁ ଏଣ୍ଟ୍ରି ଫି’ ୭୫୦ ଟଙ୍କା ଥିବାବେଳେ ୧୨ବର୍ଷରୁ କମ୍‌ ବୟସର ପିଲାଙ୍କ ପାଇଁ ୫୫୦ ଟଙ୍କା ରଖାଯାଇଛି। ୩୧ ତାରିଖ ରାତି ୮ଟାରୁ ସେଲିବ୍ରେଶନ ଆରମ୍ଭହୋଇ ରାତି ୧୨ଟା ୩୦ ପର୍ଯ୍ୟନ୍ତ ଚାଲିବ।


Enter your email to get our daily news in your inbox.

All Right Reserved By Dharitri.Com

ନିର୍ବାଚନ ପୂର୍ବରୁ ଓଡିଶା ଆସୁଛନ୍ତି ମୋଦି, ୧୯ଶହ କୋଟିରୁ ଉର୍ଦ୍ଧ ଟଙ୍କାର ପ୍ରକଳ୍ପର କରିବେ ଶିଳାନ୍ୟାସ

ଭୁବନେଶ୍ୱର,୩।୩: ନିର୍ବାଚନ ପୂର୍ବରୁ ଓଡିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ମାର୍ଚ୍ଚ ୫ରେ ଓଡ଼ିଶା ଗସ୍ତରେ ଆସୁଛନ୍ତି। ଏହି ଗସ୍ତ ଅବସରରେ ଓଡ଼ିଶାର ଯାଜପୁର ଚଣ୍ଡିଖୋଲରେ...

ଭାଜପାରେ ଯୋଗଦେଲେ ଆଇଏଏସ ଟପର୍‌

ଭୁବନେଶ୍ୱର,୩।୩: ପଦ୍ମ ଧରିଛନ୍ତି ଆଇଏଏସ ଟପର୍‌। ରବିବାର ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବରେ ପୂର୍ବତନ ଆଇଏଏସ ଟପର୍‌ ତଥା ବିଶିଷ୍ଟ ସାହିତି୍ୟକ ଡ. ହୃଷୀକେଶ...

ନିର୍ବାଚନ ପୂର୍ବରୁ ସୁରକ୍ଷା ପ୍ରସ୍ତୁତି: ରାଜଧାନୀରେ କେନ୍ଦ୍ରୀୟ ଫୋର୍ସର ଫ୍ଲାଗମାର୍ଚ୍ଚ

ଭୁବନେଶ୍ୱର,୩।୩ (ସୂର୍ଯ୍ୟକାନ୍ତ ବେହେରା): ଆଗକୁ ସାଧାରଣ ନିର୍ବାଚନ ହେବାକୁ ଯାଉଛି । ଏନେଇ ତାରିଖ ଘୋଷଣା ହୋଇନଥିଲେ ମଧ୍ୟ ନିର୍ବାଚନ ହାୱା ଚାରି ଆଡେ ଦେଖିବାକୁ...

କୋଟିପତି ସ୍ତ୍ରୀଙ୍କ ନଖରାମି, ୨.୬ କୋଟି ଦେଲେ ପ୍ରସବ କରିବି ସନ୍ତାନ

ଦୁବଇ: ଦୁଇ ମନ ଦୁଇ ହୃଦୟ ମିଶିଲେ ବିବାହ ଭଳି ପବିତ୍ର କାର୍ଯ୍ୟ ସମ୍ପନ୍ନ ହୋଇଥାଏ। ଏହାପରେ ପରିବାର ବଢିଥାଏ। କେତେବେଳେ ଏବଂ କିପରି ସେମାନେ...

ନିର୍ମାଣ ଶ୍ରମିକଙ୍କ ପେନ୍‌ସନ୍‌ ବୃଦ୍ଧି କଲେ ରାଜ୍ୟ ସରକାର

ଭୁବନେଶ୍ୱର,୩।୩(ଅସମାପିକା ସାହୁ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ନିର୍ମାଣ ଶ୍ରମିକମାନଙ୍କ ପେନ୍‌ସନ୍‌ ବୃଦ୍ଧି ଘୋଷଣା କରିଛନ୍ତି। ମୁଖ୍ୟମନ୍ତ୍ରୀଙ୍କ ଘୋଷଣା ଅନୁଯାୟୀ ‘ଓଡିଶା କୋଠାବାଡି ଓ ଅନ୍ୟାନ୍ୟ...

ଶଙ୍ଖ ଛାଡ଼ି ପଦ୍ମ ଧରିଲେ ଅରବିନ୍ଦ ଢାଲି

ଭୁବନେଶ୍ୱର,୩।୩: ପଦ୍ମ ଧରିଲେ ଜୟଦେବ ବିଧାୟକ ଅରବିନ୍ଦ ଢାଲି। ରବିବାର ରାଜ୍ୟ ଭାଜପା କାର୍ଯ୍ୟଳୟରେ ସେ ଭାଜପାରେ ଯୋଗ ଦେଇଛନ୍ତି। ଭାଜପାର ବହୁ ବରିଷ୍ଠ କର୍ମକର୍ତ୍ତାଙ୍କ...

ଆଜି ୭  ଜିଲାରେ ହାଲୁକା ବର୍ଷା

ଭୁବନେଶ୍ୱର,୩।୩: ରବିବାର ୭ଟି ଜିଲାରେ ହାଲୁକା ବର୍ଷା ସହ ଘଡ଼ଘଡ଼ି ହେବାର ସମ୍ଭାବନା ରହିଛି। ଏ  ନେଇ ପାଣିପାଗ ବିଭାଗ ପୂର୍ବାନୁମାନ କରିଛି । ତେବେ...

କର୍ନେଲରୁ ଅବସର ନେବା ପରେ କୃଷକ ସାଜିଛନ୍ତି ଏହି ବ୍ୟକ୍ତି, ପରିବା ଚାଷ କରି ରୋଜଗାର କରୁଛନ୍ତି ଲକ୍ଷାଧିକ ଟଙ୍କା

ଲକ୍ଷ୍ନୌ,୩ା୩: ଉତ୍ତରପ୍ରଦେଶର ବାରବାଙ୍କିର ଏପରି ଜଣେ ବ୍ୟକ୍ତି ଅଛନ୍ତି, ଯିଏ କି ପ୍ରଥମେ ଦେଶ ସେବା କରିବା ପରେ ଏବେ ନିଜ ଦେଶର ମାଟିରେ ବିଭିନ୍ନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri