ନୀତି ଆୟୋଗର ଏସ୍‌ଡିଜି ସୂଚକାଙ୍କ: ଶୀର୍ଷରେ କେରଳ, ସର୍ବାଧିକ ଉନ୍ନତିରେ ଓଡ଼ିଶା

ନୂଆଦିଲ୍ଲୀ,୩୧-୧୨: ସରକାରଙ୍କ ଥିଙ୍କ୍‌ ଟ୍ୟାଙ୍କ ନୀତି ଆୟୋଗର ନିରନ୍ତର ବିକାଶ ଲକ୍ଷ୍ୟ (ଏସ୍‌ଡିଜି) ସୂଚକାଙ୍କ ସୋମବାର ପ୍ରକାଶ ପାଇଛି। ଉକ୍ତ ସୂଚକାଙ୍କରେ କେରଳ ଶୀର୍ଷ ସ୍ଥାନରେ ରହିଥିବା ବେଳେ ବିହାରର ପ୍ରଦର୍ଶନ ଅତ୍ୟନ୍ତ ନିକୃଷ୍ଟ ରହିଥିବା ଜଣାପଡିଛି। ଏହି ରିପୋର୍ଟରେ ସାମାଜିକ, ଅର୍ଥନୈତିକ ଏବଂ ପରିବେଶ ମାପଦଣ୍ଡକୁ ବିଚାର କରି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡିକର ବିକାଶକୁ ମୂଲ୍ୟାଙ୍କନ କରାଯାଇଥାଏ। ଓଡିଶା, ଉତ୍ତରପ୍ରଦେଶ ଏବଂ ସିକିମ ନିରନ୍ତର ବିକାଶ କ୍ଷେତ୍ରରେ ସର୍ବାଧିକ ଉନ୍ନତି ହାସଲ କରିଥିବା ବେଳେ ଗୁଜରାଟ ଭଳି ରାଜ୍ୟ ଉନ୍ନତି କରି ନ ଥିବା କୁହାଯାଇଛି। ୭୦ ସ୍କୋର ସହିତ କେରଳ ଏହାର ଶୀର୍ଷ ସ୍ଥାନକୁ ବଜାୟ ରଖିଛି। କେନ୍ଦ୍ରଶାସିତ ଅଞ୍ଚଳଗୁଡିକ ମଧ୍ୟରେ ଚଣ୍ଡିଗଡ ଶୀର୍ଷ ସ୍ଥାନରେ ରହିଛି। ତାଲିକାର ଦ୍ୱିତୀୟ ସ୍ଥାନରେ ହିମାଚଳ ପ୍ରଦେଶ ରହିଥିବା ବେଳେ ଆନ୍ଧ୍ରପ୍ରଦେଶ, ତାମିଲନାଡୁ, ତେଲେଙ୍ଗାନା ତୃତୀୟ ସ୍ଥାନରେ ରହିଥିବା ରିପୋର୍ଟରେ ଉଲ୍ଲେଖ ରହିଛି।
ସବୁଠାରୁ ଖରାପ ପ୍ରଦର୍ଶନ କରିଥିବା ରାଜ୍ୟଗୁଡିକ ମଧ୍ୟରେ ବିହାର,ଝାଡଖଣ୍ଡ ଏବଂ ଅରୁଣାଞ୍ଚଳ ପ୍ରଦେଶ ରହିଛି। ମିଳିତ ଜାତିସଂଘର ଏସ୍‌ଡିଜି ଲକ୍ଷ୍ୟ-୩୦ ଭାରତ ବିନା ହାସଲ କରାଯାଇ ପାରିବ ନାହିଁ। ଏହି ଲକ୍ଷ୍ୟକୁ ହାସଲ କରିବା ଦିଗରେ ପ୍ରତିଶ୍ରୁତିବଦ୍ଧ ବୋଲି ନୀତି ଆୟୋଗର ସିଇଓ ଅମିତାଭ କାନ୍ତ କହିଛନ୍ତି। ଦକ୍ଷିଣାଞ୍ଚଳ ରାଜ୍ୟଗୁଡିକ ସ୍ବାସ୍ଥ୍ୟ କ୍ଷେତ୍ରରେ ଭଲ ପ୍ରଦର୍ଶନ କରିଥିବା ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି। ୧୪ ସ୍ଥାନରେ ଥିବା ପଶ୍ଚିମବଙ୍ଗ ଚଳିତ ବର୍ଷର ଏସ୍‌ଡିଜି ସୂଚୀରେ ଉନ୍ନତ ପ୍ରଦର୍ଶନ ଜାରି ରଖିଛି। ମାତ୍ର ଶିକ୍ଷା ପ୍ରସଙ୍ଗକୁ ବିଚାର କଲେ ଏହା ଶୀର୍ଷ ୩ ଉନ୍ନତ ପ୍ରଦର୍ଶନକାରୀ ରାଜ୍ୟ ମଧ୍ୟରେ ସାମିଲ ହେବା କଥା ବୋଲି କୁମାର ମତ ରଖିଛନ୍ତି। ରିପୋର୍ଟ ମୁତାବକ, ୨୦୧୮ରେ ଭାରତର ସାମଗ୍ରିକ ସ୍କୋର ୫୭ ରହିଥିବା ବେଳେ ୨୦୧୯ରେ ଏହା ୬୦କୁ ବଢିଛି। ଜଳ, ପରିମଳ, ଶକ୍ତି ଏବଂ ଶିଳ୍ପ କ୍ଷେତ୍ରରେ ସଫଳତା ଯୋଗୁ ସ୍କୋରରେ ଉନ୍ନତି ହୋଇଥିବା କୁହାଯାଇଛି। ଏଭଳି ସ୍ଥିତିରେ ପୋଷଣ ଏବଂ ଲିଙ୍ଗଭେଦ ଏବେ ମଧ୍ୟ ସମସ୍ୟା ଭାବେ ଉଭା ହୋଇଛି। ଏହି ଦିଗରେ ସରକାର ଅଧିକ ପଦକ୍ଷେପ ନେବାର ଆବଶ୍ୟକତା ରହିଛି ବୋଲି ରିପୋର୍ଟରେ କୁହାଯାଇଛି।
୧୨ ଗୋଲ୍‌ କ୍ଷେତ୍ରରେ ଶୀର୍ଷ ସ୍ଥାନରେ ଥିବା ୫ ରାଜ୍ୟ ମଧ୍ୟରୁ ୩ର ପରଫରମାନ୍ସ ସମାନ କିମ୍ବା ଦେଶର ହାରାହାରି ପର୍‌ଫର୍‌ମାନ୍ସ ଠାରୁ ଉନ୍ନତ ରହିଛି। ଅନ୍ୟ ୨ ରାଜ୍ୟ ୧୧ ଗୋଲ୍‌ କ୍ଷେତ୍ରରେ ସମାନ ପର୍‌ଫର୍‌ମାନ୍ସ କରିଛନ୍ତି। ଫ୍ରଣ୍ଟ ରନର ବର୍ଗରେ ୩ ରାଜ୍ୟ ସାମିଲ ରହିଛନ୍ତି। ଏହି ରାଜ୍ୟଗୁଡିକ ୬୫ରୁ ୯୯ ସ୍କୋର କରିଛନ୍ତି। ରାଜ୍ୟଗୁଡିକ ମଧ୍ୟରେ ହିମାଚଳ ପ୍ରଦେଶ, କେରଳ ଏବଂ ତାମିଲନାଡୁ ରହିଛନ୍ତି। ଏହି ଲିଗ୍‌ରେ ଅଧିକ ୫ ରାଜ୍ୟ ସାମିଲ ହୋଇଛନ୍ତି। ଉକ୍ତ ରାଜ୍ୟଗୁଡିକ ମଧ୍ୟରେ ଆନ୍ଧ୍ର ପ୍ରଦେଶ, ତେଲେଙ୍ଗାନା, କର୍ନାଟକ, ସିକିମ ଏବଂ ଗୋଆ ରହିଛନ୍ତି। ଫଳରେ ସମୁଦାୟ ୮ ରାଜ୍ୟ ଫ୍ରଣ୍ଟ ରନର୍‌ ଲିଗରେ ଯୋଗ ଦେଇଛନ୍ତି। ଦାରିଦ୍ର୍ୟ ଦୂରୀକରଣ କ୍ଷେତ୍ରରେ ତାମିଲନାଡୁ, ତ୍ରିପୁରା, ଆନ୍ଧ୍ରପ୍ରଦେଶ, ମେଘାଳୟ, ମିଜୋରାମ ଏବଂ ସିକିମ ଭଳି ରାଜ୍ୟର ଭଲ ପ୍ରଦର୍ଶନ କରିଛି। ଏହାବାଦ ଜିରୋ ହଙ୍ଗର ବା ଶୂନ କ୍ଷୁଧା ମାନଦଣ୍ଡରେ ଗୋଆ, ମିଜୋରାମ, କେରଳ, ନାଗାଲାଣ୍ଡ, ମଣିପୁର ଭଳି ରାଜ୍ୟ ଅଗ୍ରଣୀ ସ୍ଥାନରେ ରହିଛନ୍ତି।
ମିଳିତ ଜାତି ସଂଘ ପକ୍ଷରୁ ନିର୍ଦ୍ଧାରଣ କରାଯାଇଥିବା ୧୭ ଗୋଲ୍‌ ଏସ୍‌ଡିଜି ଆଧାରରେ ନୀତି ଆୟୋଗ ପକ୍ଷରୁ ୧୬ଟି ଗୋଲ୍‌କୁ ବିଚାରକୁ ନେଇ ଭାରତୀୟ ସୂଚୀ ଗତ ବର୍ଷ ପ୍ରକାଶ ପାଇଥିଲା। ମିଳିତ ଜାତିସଂଘ ପକ୍ଷରୁ ନିର୍ଦ୍ଧାରିତ ୩୦୬ ପ୍ରସଙ୍ଗ ମଧ୍ୟରୁ ୧୦୦ ଇଣ୍ଡିକେଟର୍ସର ୫୪ ଲକ୍ଷ୍ୟକୁ ନେଇ ଭାରତୀୟ ରାଜ୍ୟଗୁଡିକୁ ର଼୍ୟାଙ୍କିଙ୍ଗ କରାଯାଇଛି। ୨୦୧୮ରେ ନୀତି ଆୟୋଗ ୩୯ ଇଣ୍ଡିକେଟର୍ସକୁ ନେଇ ପ୍ରଥମ ରିପୋର୍ଟ ପ୍ରକାଶ କରିଥିଲା। ୧୯୩ ଦେଶକୁ ନେଇ ମିଳିତ ଜାତିସଂଘ ସାଧାରଣ ପରିଷଦ ଦ୍ୱାରା ଏସ୍‌ଡିଜି କାର୍ଯ୍ୟକାରୀ କରାଇବାର ଚଳିତ ବର୍ଷ ହେଉଛି ପଞ୍ଚମ ପୂର୍ତ୍ତି। ୨୦୩୦ ସୁଦ୍ଧା ୧୬୯ ବର୍ଗରେ ୧୭ ପ୍ରମୁଖ ଲକ୍ଷ୍ୟ ଆଧାରରେ ଏସ୍‌ଡିଜି କାର୍ଯ୍ୟକାରୀ କରାଯାଇଛି। ସମାଜର ବିକାଶକୁ ଆଧାର କରି ଏଭଳି ଏକ ପଦକ୍ଷେପ ବିଶ୍ୱ ଲିଡରଙ୍କ ଦ୍ୱାରା ହାତକୁ ନିଆଯାଇଛି।


Enter your email to get our daily news in your inbox.

All Right Reserved By Dharitri.Com

ଘୁଞ୍ଚିବ ଜିଏସ୍‌ଟି ପରିଷଦ ବୈଠକ

ନୂଆଦିଲ୍ଲୀ, ୧୨।୯ : ସାମଗ୍ରୀ ଓ ସେବା ଟିକସ (ଜିଏସ୍‌ଟି) ପରିଷଦର ପରବର୍ତ୍ତୀ ବୈଠକ ଅକ୍ଟୋବର୫କୁ ଘୁଞ୍ଚିବ। ପ୍ରକ୍ରିୟା ସହ ଜଡିତ ୨ ଜଣ ବ୍ୟକ୍ତି...

୬ଘଣ୍ଟା ଅଚଳ ରହିଲା ଏୟାର ଇଣ୍ଡିଆ ସର୍ଭର: ଯାତ୍ରୀ ହନ୍ତସନ୍ତ

ନୂଆଦିଲ୍ଲୀ,୨୮-୪: ଏୟାର ଇଣ୍ଡିଆ ଫ୍ଲାଇଟ୍ସ ସର୍ଭର ଶନିବାର ୬ ଘଣ୍ଟା ଅଚଳ ହୋଇଯିବା ପରେ ୧୫୫ଟି ଘରୋଇ ଓ ଅନ୍ତର୍ଜାତୀୟ ଉଡ଼ାଣ ପ୍ରଭାବିତ ହୋଇଥିଲା। ଫଳରେ...

ବରିଷ୍ଠ ଓକିଲ ସାଲ୍‌ଭେଙ୍କ ଗୁରୁତର ଅଭିଯୋଗ;ଦେଶରେ ସୃଷ୍ଟ ମାନ୍ଦାବସ୍ଥା ପାଇଁ ସୁପ୍ରିମକୋର୍ଟ ଦାୟୀ

ନୂଆଦିଲ୍ଲୀ,୧୮-୯: ଦେଶରେ ବର୍ତ୍ତମାନ ଦେଖାଦେଇଥିବା ମାନ୍ଦାବସ୍ଥା ପାଇଁ ସୁପ୍ରିମକୋର୍ଟ ଦାୟୀ ବୋଲି ପ୍ରଖ୍ୟାତ ଆଇନଜୀବୀ ହରିଶ ସାଲ୍‌ଭେ ମତ ଦେଇଛନ୍ତି। ଏକ ନୁଜ୍‌ ଓ୍ବେବ୍‌ସାଇଟକୁ ସାକ୍ଷାତ୍‌କାର...

ବ୍ୟାଙ୍କିଙ୍ଗ୍‌ ଉଦ୍ୟୋଗ ମହଙ୍ଗା ଭତ୍ତା ୮୧.୮%

ଭୁବନେଶ୍ୱର : ଦେଶର ଶିଳ୍ପ ଶ୍ରମିକଙ୍କ ଲାଗି ଉଦ୍ଦିଷ୍ଟ ହାରାହାରି ଖାଉଟି ମୂଲ୍ୟସୂଚୀ ଅଗଷ୍ଟରେ ୩୩୮ ପଏଣ୍ଟ ଥିଲା। ନୂଆ ସିରିଜରେ ଏହା ସେପ୍ଟେମ୍ବରରେ ୧୧୮...

ତେଲ କମ୍ପାନୀଙ୍କ ୫ ହଜାର କୋଟି ବାକି ରଖିଛି ଏୟାର ଇଣ୍ଡିଆ

ନୂଆଦିଲ୍ଲୀ, ୨୪-୮: ଏୟାର ଇଣ୍ଡିଆ ଉପରେ ୩ ରାଷ୍ଟ୍ରାୟତ୍ତ ତୈଳ କମ୍ପାନୀଗୁଡିକର ୫ ହଜାର କୋଟି ଟଙ୍କାର ବାକି ରହିଛି। ଗତ ଆଠ ମାସ ଧରି...

ମାନ୍ଦାବସ୍ଥା ଦୂରେଇବାକୁ ସୀତାରାମନ୍‌ଙ୍କ ପ୍ରୟାସ;କର୍ପୋରେଟ ଟିକସ ହ୍ରାସ ଘୋଷଣା

ପାନାଜୀ,୨୧-୯: ଦେଶ ଏବେ ଘୋର ମାନ୍ଦାବସ୍ଥା ଦେଇ ଗତିକରୁଛି। ଏହାକୁ ଦୂରେଇବା ଲାଗି ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ପୂର୍ବରୁ ୩ ଥର ବିଭିନ୍ନ କ୍ଷେତ୍ର ଲାଗି...

ବଢ଼ିବନି ଆଇଟି ରିଟର୍ନ ଅବଧି

ନୂଆଦିଲ୍ଲୀ: ଫେବୃୟାରୀ ୧୫ର ଆୟକର ରଟର୍ନ ଅବଧିକୁ ସରକାର ଆଉ ବଢ଼ାଇବେ ନାହିଁ। ଏହି ରିଟର୍ନ ଫାଇଲିଂ ତାରିଖକୁ ବଢାଇବା ଲାଗି କେତେକ ମହଲରୁ ଦାବି...

ନିବେଶକଙ୍କୁ ୧୪.୨୨ ଲକ୍ଷ କୋଟି କ୍ଷତି

  ନୂଆଦିଲ୍ଲୀ,୨୪-୩: କରୋନା ପ୍ରଭାବରେ ଭାରତୀୟ ପୁଞ୍ଜି ବଜାର କାରବାର ଲଗାତାର ଭାବେ ଖସୁଥିବା ବେଳେ ସୋମବାର ବମ୍ବେ ଷ୍ଟକ ଏକ୍ସଚେଞ୍ଜରେ ନିବେଶକଙ୍କୁ ରେକର୍ଡ ସ୍ତର...

Advertisement


Archives

Model This Week

Why Dharitri