ବାରିପଦା ଅଫିସ,୧୩ା୫- ମୟୂରଭଞ୍ଜ ଜିଲା ବାରିପଦା ଟାଉନ ଥାନା ଅଧୀନ ମଧୁବନ ପଡ଼ିଆ ନିକଟସ୍ଥ ଏକ ଗ୍ୟାରେଜରେ ଜଣେ ନାବାଳିକାଙ୍କୁ ଗଣବଳାତ୍କାର କରିଥିବା ଅଭିଯୋଗରେ ପୋଲିସ ୩ ଜଣଙ୍କୁ ଗିରଫ କରିଛି। ଗିରଫ ୩ ଯୁବକ ହେଲେ ବାରିପଦା ଷ୍ଟେଶନ ବଜାରର ଏସ୍.କେ ସାଫିକ, ମଧୁବନ ୱାର୍ଡ଼ ନଂ.୭ର ରବୀନ୍ଦ୍ର ଦାଶ ଓ ଶୂନଗାଡ଼ିଆ ୱାର୍ଡ଼ ନଂ. ୧୪ର ଏସ୍.କେ ନିଆଜୁ।
ପୋଲିସ ସୂଚନା ଅନୁଯାୟୀ, ବାରିପଦା ସହରର ଜଣେ ୧୩ ବର୍ଷୀୟା ନାବାଳିକାଙ୍କୁ ମଙ୍ଗଳବାର ସନ୍ଧ୍ୟାରେ ଅଭିଯୁକ୍ତ ସାଫିକ ପେଟ୍ରୋଲ ପମ୍ପରୁ ପେଟ୍ରୋଲ ଆଣିବା ପାଇଁ ଘରୁ ଡାକି ନେଇଥିଲେ। ଏହା ପରେ ସେ ନାବାଳିକାଙ୍କୁ ଘରକୁ ନ ଆଣି ମଧୁବନପଡ଼ିଆ ନିକଟସ୍ଥ ଏକ ଗ୍ୟାରେଜକୁ ନେଇ ଯାଇଥିଲେ। ଗ୍ୟାରେଜରେ ଥିବା ଅନ୍ୟ ଦୁଇ ବନ୍ଧୁଙ୍କ ସହ ସେ ନାବାଳିକାଙ୍କୁ ବଳାତ୍କାର କରିଥିଲେ। ଭୋର ସମୟରେ ନାବାଳିକାଙ୍କୁ ୩ ବନ୍ଧୁ ଛାଡ଼ି ଦେଇଥିଲେ। ବୁଧବାର ସକାଳେ ନାବାଳିକା ଜଣକ ଘରକୁ ଫେରି ପରିବାର ଲୋକଙ୍କୁ ଏ ବିଷୟରେ କହିଥିଲେ। ପରିବାର ପକ୍ଷରୁ ଏ ନେଇ ବାରିପଦା ଟାଉନ ଥାନାରେ ଅଭିଯୋଗ କରାଯାଇଥିଲା। ପୋଲିସ ଏନେଇ ଏକ ମାମଲା(ନଂ.୩୧୧/୨୦୨୦) ରୁଜୁ କରି ଅଭିଯୁକ୍ତ ୩ ଯୁବକଙ୍କୁ ଗିରଫ କରିଥିବା ଟାଉନ ଥାନା ଅଧିକାରୀ ବୀରେନ୍ଦ୍ର ସେନାପତି କହିଛନ୍ତି।
