ଟ୍ରେଡ ଓ୍ବାରରୁ ଫାଇଦା ନେବାକୁ ମାଷ୍ଟର ପ୍ଲାନ

ନୂଆଦିଲ୍ଲୀ,୨୧-୧୧: ଆମେରିକା ଏବଂ ଚାଇନା ମଧ୍ୟରେ ଚାଲିଥିବା ଟ୍ରେଡ ଓ୍ବାର (ବାଣିଜ୍ୟ ଯୁଦ୍ଧ)ର ଫାଇଦା ନେବାକୁ ଭାରତ ଏବେ ମାଷ୍ଟର ପ୍ଲାନ ପ୍ରସ୍ତୁତ କରୁଥିବା କୁହାଯାଉଛି। ଟେସ୍‌ଲା ଇଙ୍କ୍‌ ସମେତ ଗ୍ଲାକ୍ସୋସ୍ମିଥ୍‌ଲାଇନ ପିଏଲ୍‌ସି ଭଳି ପ୍ରାୟ ୩୨୪ କମ୍ପାନୀଙ୍କୁ ଘରୋଇ ବଜାରରେ ମାନୁଫାକ୍‌ଚରିଂ ୟୁନିଟ୍‌ ସ୍ଥାପନା ପାଇଁ ଜମି ତଥା ଅନ୍ୟାନ୍ୟ ଆନୁଷଙ୍ଗିକ ସୁବିଧା ଯୋଗାଇ ଦେବା ଲାଗି ଏବେ ଯୋଜନା ହେଉଥିବା ବ୍ଲୁମବର୍ଗ ପକ୍ଷରୁ ପ୍ରକାଶିତ ଏକ ରିପୋର୍ଟରେ ଉଲ୍ଲେଖ କରାଯାଇଛି। ସରକାର ତାଙ୍କ ପ୍ରସ୍ତାବରେ କହିଛନ୍ତି ଯେ, ଶକ୍ତି, ଜଳଯୋଗାଣ, ରାସ୍ତା ସୁବିଧା ମଧ୍ୟ ଯୋଗାଇ ଦିଆଯିବ। ଶିଳ୍ପ ପ୍ରୋତ୍ସାହନ, ଆନ୍ତଃ ବାଣିଜ୍ୟ ଏବଂ ଭାରତରେ ନିବେଶ ବିଭାଗ ପକ୍ଷରୁ ଏଥିସଂକ୍ରାନ୍ତ ଏକ ଡ୍ରାଫ୍ଟପେପର ପ୍ରସ୍ତୁତ ହୋଇଛି। ତାଲିକାରେ ଥିବା ଅନ୍ୟ କମ୍ପାନୀଗୁଡ଼ିକ ମଧ୍ୟରେ ଏଲି ଲିଲି ଆଣ୍ଡ କୋ, ଦକ୍ଷିଣ କୋରିଆର ହନହ୍ବା କେମିକାଲ କର୍ପୋରେଶନ ଏବଂ ତାଇଓ୍ବାନର ହୋନ ହୈ ପ୍ରିସାଇଜନ ଇଣ୍ଡଷ୍ଟ୍ରି କୋଅପରେଶନ ଭଳି କମ୍ପାନୀ ରହିଛନ୍ତି।
ଭିଏତ୍‌ନାମ,ମାଲେସିଆ ଭଳି ଦେଶ ବାଣିଜ୍ୟ ଯୁଦ୍ଧରୁ ଲାଭବାନ ହୋଇଛନ୍ତି। ଅପରପକ୍ଷରେ ଭାରତରେ ଜମି ଅଧିଗ୍ରହଣ ଏବଂ ଶ୍ରମ ଆଇନ କ୍ଷେତ୍ରରେ ବିଭିନ୍ନ ଜଟିଳତା ଥିବା ଯୋଗୁ ନିବେଶକମାନେ ଭାରତ ଆସିବାକୁ ଇଚ୍ଛା ପ୍ରକଟ କରୁନାହାନ୍ତି। ଭାରତ ପରିବର୍ତ୍ତେ ଚାଇନାରେ ଶିଳ୍ପ ସ୍ଥାପନକୁ ସେମାନେ ବିକଳ୍ପ ଭାବେ ଗ୍ରହଣ କରୁଛନ୍ତି। ସରକାର ରଖିଥିବା ପ୍ରସ୍ତାବରେ ବ୍ୟବସ୍ଥାରେ ଅସୁବିଧା ଦୂରହେବ ବୋଲି ଆଶା କରାଯାଉଛି। ଭାରତକୁ ୫ ଟ୍ରିଲିୟନ ଡଲାର ଅର୍ଥନୀତି ଭାବେ ଗଢି ତୋଳିବା ଲାଗି ଏବେ ସରକାର ଅଗ୍ରସର ହେଉଛନ୍ତି। ଏଭଳି ସ୍ଥିତି ଦେଶର ଜିଡିପି ଅଭିବୃଦ୍ଧି ୬ ବର୍ଷର ସର୍ବନିମ୍ନ ସ୍ତରକୁ ଖସିଛି। ଏଣୁ ଅଭିବୃଦ୍ଧିକୁ ଏକ ଠିକ୍‌ ଦିଗ ପ୍ରଦାନ ଦିଗରେ ସରକାର ବିଭିନ୍ନ କାର୍ଯ୍ୟକ୍ରମ ହାତକୁ ନେଇପାରନ୍ତି ବୋଲି ବଜାର ବିଶେଷଜ୍ଞମାନେ ଆଶାପ୍ରକଟ କରିଛନ୍ତି। ଏହି ଯୋଜନା ମୁତାବକ ରେଡି ଟୁ ମୁଭ ଶିଳ୍ପ କ୍ଲଷ୍ଟର ସ୍ଥାପନ ନେଇ ଲ୍ୟାଣ୍ଡ ବ୍ୟାଙ୍କ ସ୍ଥାପନ, ନିବେଶ ଏବଂ ସ୍ଥାନ ଭିତ୍ତିକ ପ୍ରୋତ୍ସାହନ ସୁବିଧା ସୁଯୋଗ ଯୋଗାଣ, ଆଣ୍ଟି ଡମ୍ପିଙ୍ଗ୍‌ ଟିକସ ହ୍ରାସ ଭଳି ସୁବିଧା ଯୋଗାଣ ନେଇ ପ୍ରସ୍ତାବ ରଖାଯାଇଛି।
ଏହାବାଦ୍‌ ପ୍ଲଗ ଇନ୍‌ ଏବଂ ହାଇବ୍ରିଡ ଯାନ, ଇନ୍ଧନ ଦକ୍ଷତା ଏବଂ କାର୍ବନ ଟାକ୍ସେଶନ କ୍ଷେତ୍ରରେ ପ୍ରୋତ୍ସାହନ ପଦକ୍ଷେପକୁ ମଧ୍ୟ ସାମିଲ କରାଯାଇଛି। ଇଲେକ୍‌ଟ୍ରୋନିକ୍ସ ଏବଂ ଟେଲିକମ୍‌ କ୍ଷେତ୍ର ଲାଗି ସହଜରେ ନିଯୁକ୍ତି, ମାନୁଫାକ୍‌ଚରିଂ ଭିତ୍ତିକ ପ୍ରୋତ୍ସାହନ ସୁବିଧା, ନିବେଶ ଏବଂ ଭାଲ୍ୟୁ ସଂଯୋଗ ଭିତ୍ତିକ ଯୋଜନାକୁ ମଧ୍ୟ ରୂପରେଖ ପ୍ରଦାନ ଦିଗରେ କାର୍ଯ୍ୟକ୍ରମ ହାତକୁ ନେବା ଲାଗି ଯୋଜନା ଧାର୍ଯ୍ୟ ହୋଇଛି। ୨୦୧୭ରେ ଆସିଥିବା ବିଶ୍ୱ ବ୍ୟାଙ୍କର ଇଜ ଅଫ୍‌ ଡୁଇଂ ବିଜନେସ ର଼୍ୟାଙ୍କିଙ୍ଗରେ ଭାରତ ୩୭ ସ୍ଥାନ ଉପରକୁ ଉଠିଛି। ମାତ୍ର ଶିଳ୍ପ ଲାଗି ଜମି ପାଇବା ବିଭିନ୍ନ ସମସ୍ୟା ଏବେ ମଧ୍ୟ ଭାରତରେ ରହିଛି। ଅନେକ ବଡ ବଡ କମ୍ପାନୀ ଅନେକ ବର୍ଷ ଜମି ପାଇଁ ଅପେକ୍ଷା କରିବା ସହ ଶେଷରେ ଭାରତ ଛାଡୁଛନ୍ତି। ଏଭଳି ବିଭିନ୍ନ ପ୍ରସ୍ତାବ ଉପରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ବର୍ତ୍ତମାନ ବିଚାର କରୁଛି। ଶୀଘ୍ର ଏ ନେଇ ଚୂଡାନ୍ତ ନିଷ୍ପତ୍ତି ଆସିଯିବା ନେଇ ଆଶା କରାଯାଉଛି।
ଏହା ଉପରେ ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରଣାଳୟର ଉତ୍ତର ଇମେଲ ଯୋଗେ ଲୋଡାଯାଇଥିଲେ ମଧ୍ୟ କୌଣସି ଉତ୍ତର ମିଳିପାରି ନାହିଁ। ଏସିଆର ତୃତୀୟ ସର୍ବବୃହତ୍‌ ଅର୍ଥ ବ୍ୟବସ୍ଥା ଭାବେ ପରିଚିତ ଭାରତ ଜୁନ ତ୍ରୈମାସରେ ୫% ଜିଡିପି ଅଭିବୃଦ୍ଧି ହାସଲ କରିଛି। ଏହାବାଦ ଦେଶର ଅର୍ଥନୈତିକ କାର୍ଯ୍ୟକଳାପ ଏବେ ମନ୍ଥର ସ୍ଥିତିରେ ରହିଥିବା ଡାଟାରୁ ସାମ୍ନାକୁ ଆସିଛି। ବିଦେଶୀ ନିବେଶ ଆଗମନ ଏବଂ ରପ୍ତାନି ବୃଦ୍ଧି ହେଲେ ଏହା ଆର୍ଥତ୍କ କାର୍ଯ୍ୟକଳାପକୁ ବଢାଇବା ଦିଗରେ ସହାୟକ ହେଉଥିବାରୁ ଏହାକୁ ସରକାର ପ୍ରାଥମିକତା ଦେଉଛନ୍ତି। ଏହି ପଦକ୍ଷେପ ଅନ୍ତର୍ଗତ ସରକାର କର୍ପୋରେଟ ଟିକସ ହ୍ରାସ କରିଛନ୍ତି। ଅନ୍ୟ ଏସୀୟ ଦେଶଗୁଡିକ ତୁଳନାରେ ଭାରତକୁ ଅଧିକ ପ୍ରତିଦ୍ୱନ୍ଦ୍ୱୀ କରି ଗଢି ତୋଳିବା ଦିଗରେ ଏହା ସହାୟକ ହେବ ବୋଲି ସରକାର ମତ ରଖିଛନ୍ତି।


Enter your email to get our daily news in your inbox.

All Right Reserved By Dharitri.Com

୨୫ ମାସର ସର୍ବନିମ୍ନ ସ୍ତରରେ ପାଇକାରୀ ମୁଦ୍ରସ୍ଫୀତି

ନୂଆଦିଲ୍ଲୀ,୧୪-୮: ଖୁଚୁରା ମୁଦ୍ରାସ୍ଫୀତି ପରେ ପାଇକାରୀ ମୁଦ୍ରାସ୍ଫୀତି କ୍ଷେତ୍ରରେ ମୋଦି ସରକାର ଆଶ୍ୱସ୍ତ ହୋଇଛନ୍ତି। ସରକାରଙ୍କ ପକ୍ଷରୁ ଜାରି ତଥ୍ୟ ଅନୁଯାୟୀ, ଜୁଲାଇରେ ପାଇକାରୀ ମୁଦ୍ରାସ୍ଫୀତି...

ରିଲାଏନ୍ସ ପେଟ୍ରୋ ରିଟେଲରେ ନିବେଶ କରିବ ବିପି

ବ୍ରିଟେନର ମଲ୍ଟିନ୍ୟାଶନାଲ ତୈଳ ଓ ବାଷ୍ପ କମ୍ପାନୀ ବିପି ରିଲାଏନ୍ସର ପେଟ୍ରୋ ରିଟେଳ ନେଟ୍‌ଓ୍ବର୍କର ୪୯ ପ୍ରତିଶତ ଅଂଶଧନ କିଣିବ। ଏଥିଲାଗି ବିପି ୭ ହଜାର...

କମିଲା ରେପୋ ରେଟ୍‌;ଶସ୍ତା ହେବ ଇଏମ୍‌ଆଇ

ମୁମ୍ବାଇ,୭-୬: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଗୁରୁବାର ଏହାର ଦ୍ୱିମାସିକ ମୁଦ୍ରା ନୀତି ଘୋଷଣା କରି ରେପୋ ରେଟ୍‌ ୦.୨୫% ହ୍ରାସ କରିଛି। ଫଳରେ ଏହା ହ୍ରାସ...

ଅଧିକ ଢାଞ୍ଚାଗତ ସଂସ୍କାର ଲୋଡା: ଶକ୍ତିକାନ୍ତ ଦାସ

ମୁମ୍ବାଇ,୨୫-୧: ଆର୍ଥତ୍କ ବର୍ଷ ୨୦୨୦-୨୧ ଲାଗି ସାଧାରଣ ବଜେଟ ଆସିବାକୁ ଆଉ ଗୋଟିଏ ସପ୍ତାହ ବାକି ରହିଛି। ଦେଶର ଜିଡିପି ଅଭିବୃଦ୍ଧିକୁ ବଢାଇବା ଲାଗି ଅଧିକ...

ରାଷ୍ଟ୍ରାୟତ୍ତ ଉଦ୍ୟୋଗଙ୍କ କ୍ଷତି ୧.୪ ଲକ୍ଷ କୋଟି

  ନୂଆଦିଲ୍ଲୀ: ରାଷ୍ଟ୍ରାୟତ୍ତ ଉଦ୍ୟୋଗଗୁଡ଼ିକର କ୍ଷତି ବଢ଼ି ଚାଲିଛି। ୨୦୧୯ ମାର୍ଚ୍ଚ ଶେଷ ସୁଦ୍ଧା ମୋଟ ୧୮୯ ରାଷ୍ଟ୍ରାୟତ୍ତ କମ୍ପାନୀ ୧.୪୦ ଲକ୍ଷ କୋଟି ଟଙ୍କା...

କୋଲ ଇଣ୍ଡିଆକୁ ଭାଙ୍ଗି ଗଠନ ହେବ ୫ କମ୍ପାନୀ

ନୂଆଦିଲ୍ଲୀ,୧୮-୭: କୋଇଲା ଖନନ କ୍ଷେତ୍ରରେ କାର୍ଯ୍ୟରତ ବିଶ୍ୱର ସର୍ବବୃହତ କୋଇଲା କମ୍ପାନୀ କୋଲ୍‌ ଇଣ୍ଡିଆ ଲିମିଟେଡକୁ ଭାଙ୍ଗି ୫ କମ୍ପାନୀ ଭାବେ ଏହାକୁ ଷ୍ଟକ ଏକ୍ସଚେଞ୍ଜରେ...

ମୁକେଶ ପୁଣି ହେଲେ ଏସିଆର ସବୁଠୁ ଧନୀ ବ୍ୟକ୍ତି

ନୂଆଦିଲ୍ଲୀ,୨୪।୪: ମୁକେଶ ଅମ୍ବାନୀଙ୍କ କମ୍ପାନୀ ରିଲାଏନ୍ସ ଜିଓ ସହ ଫେସ୍‌ବୁକ୍‌ର ଚୁକ୍ତି ହେବା ପରେ ଅମ୍ବାନୀ ପୁଣି ଥରେ ଏସିଆର ସବୁଠାରୁ ଧନୀ ବ୍ୟକ୍ତି ସ୍ଥାନକୁ...

ସତର୍କ କରାଇଲେ ପୂର୍ବତନ ସିଇଏ;ଆଇସିୟୁକୁ ଯାଉଛି ଅର୍ଥ ବ୍ୟବସ୍ଥା

କେମ୍ବ୍ରିଜ,୧୫-୧୨: ଭାରତ ଏବେ ମାନ୍ଦାବସ୍ଥା ସହ ଜୁଝୁଥିବା ବେଳେ ଦେଶର ଅର୍ଥ ବ୍ୟବସ୍ଥାକୁ ନେଇ ପୂର୍ବତନ ମୁଖ୍ୟ ଅର୍ଥନୈତିକ ପରାମର୍ଶଦାତା (ସିଇଏ) ଅରବିନ୍ଦ ସୁବ୍ରମଣ୍ୟନ ସତର୍କ...

Advertisement
Archives

Model This Week