ଜେନେରାଲ କାସିମ ସୁଲେମାନିଙ୍କ ଉପରେ ୟୁଏସ୍‌ ଏୟାର ଷ୍ଟ୍ରାଇକ୍‌ : ଭାରତ ବଜାର ଲାଗି ଚିନ୍ତାଜନକ

ନୂଆଦିଲ୍ଲୀ,୪-୧: ଇରାନର ଶୀର୍ଷ ସେନା ଅଧିକାରୀ ଜେନେରାଲ କାସିମ ସୋଲେମାନିଙ୍କ ଆମେରିକାର ଏୟାର ଷ୍ଟ୍ରାଇକ ଯୋଗୁ ଶୁକ୍ରବାର ମୃତ୍ୟୁ ଘଟିଛି। ଏଥି ଯୋଗୁ ପଶ୍ଚିମ ଏସିଆ ବଜାର ଉପରେ ଗଭୀର ପ୍ରଭାବ ପଡିବ ବୋଲି କୁହାଯାଉଛି। ଶୁକ୍ରବାର ପୂର୍ବାହ୍ନରେ ଏହି ଖବର ଆସିବା ପରେ ଶେୟାର ବଜାର ଉପରେ ପ୍ରଭାବ ପରିଲକ୍ଷିତ ହୋଇଛି। ଏହାବାଦ ଅଶୋଧିତ ତୈଳ ଦର ୪% ବଢିଥିବା ଜଣାପଡିଛି। ଏବେ ମାନ୍ଦାବସ୍ଥା ଦେଇ ଭାରତ ଗତି କରୁଥିବା ବେଳେ ଏଭଳି କାରଣ ଯୋଗୁ ସୁନା ରୁପା ମୂଲ୍ୟ ବଢିଗଲେ ସରକାରଙ୍କ ପାଇଁ ଏହା ଚିନ୍ତା ବଢାଇବ ବୋଲି ଆଶଙ୍କା କରାଯାଉଛି। ଏହା ଦ୍ୱାରା କେବଳ ଭାରତ ବଜାର ନୁହେଁ ସାରା ବିଶ୍ୱର ଅନ୍ୟ ଦେଶଗୁଡିକ ଉପରେ ପ୍ରଭାବ ପଡିବ ବୋଲି ଆଶଙ୍କା ଉପୁଜିଛି।

ଅଶୋଧିତ ତୈଳ ଦର ବୃଦ୍ଧି
ଶୁକ୍ରବାର ଆମେରିକାର ଏୟାର ଷ୍ଟ୍ରାଇକ ଖବର ଶୁକ୍ରବାର ପୂର୍ବାହ୍ନରେ ଆସିବା ପରେ ଆର୍ଥତ୍କ ଜଗତର ଚିନ୍ତା ବଢିଯାଇଛି। ଏଥିଯୋଗୁ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ୪% ବୃଦ୍ଧି ଘଟିଥିବା ନଜରକୁ ଆସିଛି। ଚଳିତବର୍ଷ ଅଶୋଧିତ ତୈଳ ଦର ବର୍ତ୍ତମାନ ସୁଦ୍ଧା ୩୫% ମହଙ୍ଗା ହୋଇସାରିଛି। ଭାରତ ଏହାର ଚାହିଦା ମେଣ୍ଟାଇବା ଲାଗି ୮୩% ତୈଳ ଆମଦାନୀ କରୁଛି। ଅଶୋଧିତ ତେଲ ଦର ବଢିବା ଯୋଗୁ ଦେଶକୁ ଅଧିକ ବିଦେଶୀ ମୁଦ୍ରା ଖର୍ଚ୍ଚକରିବାକୁ ପଡିବ।
ଶେୟାର ବଜାର ଖସିଲା
ବିଶ୍ୱର ୨ ପ୍ରମୁଖ ତେଲ ଉତ୍ପାଦନକାରୀ ରାଷ୍ଟ୍ରଙ୍କ ମଧ୍ୟରେ ହୋଇଥିବା କଳି ଯୋଗୁ ଇରାନ ଉପରେ ହୋଇଥିବା ଏୟାର ଷ୍ଟ୍ରାଇକର ପ୍ରଭାବ ଭାରତୀୟ ଶେୟାର ବଜାର ଉପରେ ପଡିଛି। ଶୁକ୍ରବାର ବମ୍ବେ ଷ୍ଟକ ଏକ୍ସଚେଞ୍ଜର ସେନସେକ୍ସ ୧୬୨.୦୩ ପଏଣ୍ଟ ଖସିବା ସହ ୪୧,୪୪୬.୬୧ ପଏଣ୍ଟ ସ୍ତରରେ ବନ୍ଦ ହୋଇଛି। ସେହିଭଳି ନିଫ୍ଟି କାରବାର ୫୫.୫୫ ପଏଣ୍ଟ ଖସିବା ଯୋଗୁ ଏହା ୧୨,୨୨୬.୬୫ ପଏଣ୍ଟ ସ୍ତରରେ ବନ୍ଦ ହୋଇଛି।
ରେକର୍ଡ ଉଚ୍ଚ ସ୍ତରରେ ସୁନା
ଇରାନ ମଧ୍ୟରେ ହୋଇଥିବା ଏୟାର ଷ୍ଟ୍ରାଇକ ଯୋଗୁ ସୁନା ରୁପା ବଜାର ଉପରେ ପ୍ରଭାବ ପକାଇଛି। ସୁନା,ରୁପା ଦର ଦ୍ରୁତ ଭାବେ ବଢିଥିବା ଜଣାପଡିଛି। ମୁଦ୍ରା ଦୁର୍ବଳ ହେବା କାରଣରୁ ଶୁକ୍ରବାର ଦିଲ୍ଲୀରେ ସୁନା ଦର ୧୦ ଗ୍ରାମ ପିଛା ୭୫୨ ଟଙ୍କା ବଢି ୪୦,୬୫୨ ସ୍ତର ଛୁଇଁଥିଲା। ଗୁରୁବାର ସୁନାର ବଜାର ଦର ୩୯,୯୦୦ ଟଙ୍କା ସ୍ତରରେ ରହି ବନ୍ଦ ହୋଇଥିଲା। ସେହିଭଳି ରୁପା ଦର କିଲୋ ପ୍ରତି ୯୬୦ ଟଙ୍କା ବଢି ୪୮,୮୭୦ ଟଙ୍କା ଛୁଇଁଥିବା ନଜରକୁ ଆସିଛି। ଗୋଟିଏ ଦିନ ପୂର୍ବର କାରବାରରେ ରୁପା ଦାମ ୪୭,୯୯୦ ଟଙ୍କା ରହିଥିଲା। ଆର୍ଥତ୍କ ଅନିଶ୍ଚିତତା ବଢୁଥିବା ଯୋଗୁ ନିବେଶକମାନେ ସୁନା ଭଳି ସୁରକ୍ଷିତ ବିକଳ୍ପ ଆଡକୁ ବଢିବାକୁ ଚାହିଁବେ। ଚାହିଦା ଯୋଗୁ ସୁନା ଦର ଆହୁରି ବଢିବାର ସମ୍ଭାବନା ରହିଛି।
ଦରଦାମ ବଢିବ
ଅଶୋଧିତ ତୈଳ ଦର ବଢିବା ଯୋଗୁ ଏହାର ପ୍ରଭାବ ସିଧାସଳଖ ଭାରତୀୟଙ୍କ ଉପରେ ପଡିବାର ଆଶଙ୍କା ଉପୁଜିଛି। ଯଦି ଏଭଳି ସ୍ଥିତି ଲାଗି ରହେ ତେବେ ପେଟ୍ରୋଲ ଡିଜେଲ ଦର ଆହୁରି ବଢିବ। ତେଲ ଦର ବଢିଲେ ଏହାର ପ୍ରଭାବ ଅନ୍ୟ କ୍ଷେତ୍ରରେ ମଧ୍ୟ ପଡିବ। ଖାଦ୍ୟ ସାମଗ୍ରୀ ମୂଲ୍ୟ ବଢିବା ଯୋଗୁ ଏହାର ପ୍ରଭାବରେ ନଭେମ୍ବରରେ ମୁଦ୍ରାସ୍ଫୀତି ବୃଦ୍ଧି ଘଟି ୫.୫୪% ଛୁଇଁଛି। ଏହା ୩ ବର୍ଷର ସବୁଠାରୁ ଉଚ୍ଚସ୍ତର।

ସରକାରଙ୍କ ଚିନ୍ତା ବଢାଇବ
ଆମେରିକାର ଏଭଳି ଏୟାର ଷ୍ଟ୍ରାଇକ ଅନ୍ତର୍ଜାତୀୟ ବଜାର ଲାଗି ଚିନ୍ତାଜନକ ବୋଲି ପ୍ରଭୁଦାସ ଲିଲାଧରର ସିଇଓ ଅଜୟ ବୋଡକେ କହିଛନ୍ତି। ସୁଲେମାନି ଇରାନର ସବୁଠାରୁ ବଡ ନେତାଙ୍କ ବିଶ୍ୱସ୍ତ ଥିଲେ। ଏହି ଆକ୍ରମଣ ବିରୋଧରେ ଇରାନ ପାଲଟା କାର୍ଯ୍ୟାନୁଷ୍ଠାନ ନେବ। ଏହା ଦ୍ୱାରା ତେଲ ଦର ବଢିବାର ବିଶେଷ ସମ୍ଭାବନା ଉପୁଜିଛି। ତେଲ ଆମଦାନୀ କରୁଥିବା ଦେଶଗୁଡିକ ଏହା ଚିନ୍ତା ବଢାଇବ। ଭାରତ ଭଳି ବାଣିଜି୍ୟକ ନିଅଣ୍ଟ ଏବଂ ଚଳନ୍ତି ଖାତା ନିଅଣ୍ଟ ସମସ୍ୟା ସାମ୍ନା କରୁଥିବା ଦେଶ ଏଭଳି ଘଟଣା ଦ୍ୱାରା ଗଭୀର ଭାବେ ପ୍ରଭାବିତ ହେବେ ବୋଲି ବୋଡକେ ମତ ଦେଇଛନ୍ତି।
ବଢିଛି ବିତ୍ତୀୟ ନିଅଣ୍ଟ
ଚଳିତବର୍ଷ ନଭେମ୍ବର ଶେଷସୁଦ୍ଧା ଭାରତର ବିତ୍ତୀୟ ନିଅଣ୍ଟ ବଜେଟରେ ହୋଇଥିବା ଧାର୍ଯ୍ୟ ଲକ୍ଷ୍ୟ ଟପିଛି। ବିତ୍ତୀୟ ଲକ୍ଷ୍ୟ ହାସଲ ଚ୍ୟାଲେଞ୍ଜ ଦେଇ ସରକାର ଗତି କରୁଛନ୍ତି। ଗତ ସପ୍ତାହରେ ଆସିଥିବା ଡାଟା ମୁତାବକ ସରକାରଙ୍କ ଆୟ ଏବଂ ବ୍ୟୟ ମଧ୍ୟରେ ବୃଦ୍ଧି ଘଟି ୮.୦୭ ଲକ୍ଷ କୋଟି ଟଙ୍କା ଛୁଇଁଛି। ଏହାବାଦ ସେପ୍ଟେମ୍ବରରେ ୦.୯% ହ୍ରାସ ଘଟିଛି।


Enter your email to get our daily news in your inbox.

All Right Reserved By Dharitri.Com

ଫୋର୍ବସ ପ୍ରଭାବଶାଳୀ ମହିଳା ତାଲିକାରେ ସୀତାରାମନ

ନୂଆଦିଲ୍ଲୀ,୧୪-୧୨: ଫୋର୍ବସ ପକ୍ଷରୁ ପ୍ରକାଶିତ ବିଶ୍ୱର ୧୦୦ ସବୁଠାରୁ ପ୍ରଭାବଶାଳୀ ମହିଳା ତାଲିକାରେ ଅର୍ଥମନ୍ତ୍ରୀ ନିର୍ମଳା ସୀତାରାମନ ୩୪ତମ ସ୍ଥାନରେ ରହିଛନ୍ତି। ସେହିଭଳି ଅନ୍ୟ ଭାରତୀୟ...

ବ୍ରଡ୍‌ବ୍ୟାଣ୍ଡ ସହ ଯୋଡି ହେବ ସବୁ ପଞ୍ଚାୟତ

ନୂଆଦିଲ୍ଲୀ,୨୮-୬: କେନ୍ଦ୍ର ସରକାରଙ୍କ ଭାରତ ନେଟ୍‌ କାର୍ଯ୍ୟକ୍ରମ ଦ୍ୱାରା ଦେଶର ସବୁ ପଞ୍ଚାୟତକୁ ବ୍ରଡ୍‌ବ୍ୟାଣ୍ଡ ନେଟ୍‌ଓ୍ବର୍କ ସହ ଯୋଡିବାକୁ ଲକ୍ଷ୍ୟ ରଖାଯାଇଛି। ଆସନ୍ତା ବର୍ଷ ମାର୍ଚ୍ଚ...

ପ୍ରଧାନମନ୍ତ୍ରୀଙ୍କୁ ଭେଟିଲେ ବିଲ୍‌ ଗେଟ୍‌ସ

ନୂଆଦିଲ୍ଲୀ,୧୯-୧୧: ମାଇକ୍ରୋସଫ୍ଟର ସହପ୍ରତିଷ୍ଠାତା ବିଲ୍‌ ଗେଟ୍‌ସ ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି। ବିଭିନ୍ନ ପ୍ରସଙ୍ଗ ଉପରେ ଏହି ଅବସରରେ ଆଲୋଚନା ହୋଇଥିବା ଜଣାପଡିଛି। ଭାରତୀୟ...

ଅକ୍ଟୋବରରେ ଯାନ ବିକ୍ରି କମିଲା

ନୂଆଦିଲ୍ଲୀ,୨-୧୧: ମାନ୍ଦାବସ୍ଥା ଯୋଗୁ ଦେଶର ଅଟୋମୋବାଇଲ କମ୍ପାନୀଙ୍କ ବିକ୍ରି ଅକ୍ଟୋବରରେ ବିଶେଷ ହ୍ରାସ ହୋଇଥିବା ଦେଖାଯାଇଛି। ଏହି ସମୟରେ ପ୍ରମୁଖ ଯାନ ନିର୍ମାତା ଅଶୋକ ଲେଲାଣ୍ଡର...

ପେଟ୍ରୋଲ ୧୯, ଡିଜେଲ ୨୭ ପଇସା ବଢ଼ିଲା

ଭୁବନେଶ୍ୱର,୨୮।୧୧: କରୋନା ମହାମାରୀ ସମୟରେ ଲଗାତର ତେଳ ଦର ବୃଦ୍ଧି ଖାଉଟିଙ୍କ ଚିନ୍ତା ବଢାଉଛି। ଗତ ସପ୍ତାହ ଶୁକ୍ରବାରଠାରୁ ତେଲ ଦର ବଢି ଚାଲିଛି। କେବଳ...

‘ଏମ୍‌ଏସ୍‌ଏମ୍‌ଇ ପ୍ରତି ନରମ ହୁଅନ୍ତୁ ବ୍ୟାଙ୍କ’

ଭୁବନେଶ୍ୱର,୧୨-୮(ବ୍ୟୁରୋ): ନିଯୁକ୍ତି ସୃଷ୍ଟିରେ ସରକାରଙ୍କୁ ସହାୟତା କରିଥାଏ ଏମ୍‌ଏସ୍‌ଏମ୍‌ଇ ଜଗତ। ଏହି ସେକ୍ଟର ଲୋକଙ୍କୁ ଜୀବିକା ପ୍ରଦାନ ଦିଗରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଆସୁଛିି। ସବୁ ବ୍ୟବସାୟୀ...

ଅରୁନ୍ଧତୀ ଜୁଏଲର୍ସର ରଜ ପରୀ-୨୦୧୯

ଭୁବନେଶ୍ୱର,୧୫-୬(ବ୍ୟୁରୋ): ପ୍ରମୁଖ ଗହଣା ଶୋ’ରୁମ ଅରୁନ୍ଧତୀ ଜୁଏଲର୍ସ ପକ୍ଷରୁ ରଜ ପରୀ-୨୦୧୯ର ଫାଇନାଲ ସ୍ଥାନୀୟ ଶହୀଦ ନଗରସ୍ଥିତ ଦୁର୍ଗାପୂଜା ମଣ୍ଡପ ପଡିଆଠାରେ ଅନୁଷ୍ଠିତ ହୋଇଯାଇଛି। ଏଥିରେ...

ଦେଶରେ ତେଲ ବିକ୍ରି ହ୍ରାସ

ନୂଆଦିଲ୍ଲୀ,୧୧।୪: କରୋନା ସଂକ୍ରମଣ ଯୋଗୁ ସରକାର ଲକ୍‌ଡାଉନ ଓ ଶଟ୍‌ଡାଉନ ଭଳି କଟକଣା ଲାଗୁ କରିଥିଲେ। ଫଳରେ ଗାଡ଼ି ଚଳାଚଳ ଓ ଯାତାୟାତରେ ଅନେକ ଫରକ...

Advertisement


Archives

Model This Week