ନୂଆଦିଲ୍ଲୀ,୧-୫: ୨୦୧୯-୨୦ ଆର୍ଥିକ ବର୍ଷ ଚତୁର୍ଥ ତ୍ରୈମାସରେ ରିଲାଏନ୍ସ ଜିଓର ଲାଭ ୧୭୭.୫% ବୃଦ୍ଧି ଘଟି ୨୩୩୧ କୋଟି ଟଙ୍କା ରହିଛି। ଏହି ତିନି ମାସରେ ଜିଓର ନିଜସ୍ବ ରାଜସ୍ବ ୧୪,୮୩୫ କୋଟି ଟଙ୍କା ରହିଛି। ଗତବର୍ଷ ତୁଳନାରେ ଏଥିରେ ୧୬.୬% ବୃଦ୍ଧି ପରିଲକ୍ଷିତ ହୋଇଛି। ୨୦୧୮-୧୯ ଆର୍ଥତ୍କ ବର୍ଷର ଚତୁର୍ଥ ତ୍ରୈମାସରେ ଜିଓର ନିଟ୍ ଲାଭ ୮୪୦ କୋଟି ଟଙ୍କା ରହିଥିଲା। ବର୍ତ୍ତମାନର ସଙ୍କଟ ସମୟରେ ଗ୍ରାହକଙ୍କ ଲାଗି ଯୋଗାଯୋଗ ଏବଂ ପରିଚାଳନା ସହଜ କରିପାରିଥିବାରୁ ବେଶ୍ ଖୁସି ବୋଲି ଅଧ୍ୟକ୍ଷ ମୁକେଶ ଅମ୍ବାନୀ କହିଛନ୍ତି। ସେହିଭଳି ଜିଓର ମୂଳ କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିର ଚତୁର୍ଥ ତ୍ରୈମାସ ନେଟ୍ ଲାଭ ୩୯% ଖସି ୬୩୪୮ କୋଟି ଟଙ୍କା ରହିଛି। ଏହି ସମୟରେ ରିଲାଏନ୍ସ ଇଣ୍ଡଷ୍ଟ୍ରି ପକ୍ଷରୁ ୫୩,୧୧୨ କୋଟି ଟଙ୍କାର ରାଇଟ୍ସ ଇସ୍ୟୁ ମଧ୍ୟ ଘୋଷଣା କରାଯାଇଛି।
