ଛୁଟିଦିନରେ ବି ନେତାଜୀ ସଂଗ୍ରହାଳୟ ଖାଁ ଖାଁ

ପୁରୀ ଅଫିସ,୨୦।୧: ଦୀର୍ଘ ୩ ବର୍ଷ ଧରି ଅଦାଲତି ବିବାଦରେ ଛନ୍ଦି ହେବା ପରେ ଗତବର୍ଷ ଜାନୁୟାରୀ ୧୫ରେ ଲୋକାର୍ପିତ ହୋଇଥିଲା ନେତାଜୀ ସଂଗ୍ରହାଳୟ। ଇତିମଧ୍ୟରେ ସଂଗ୍ରହାଳୟ ଖୋଲାଯିବାକୁ ବର୍ଷେ ବିତିଯାଇଛି। କିନ୍ତୁ ଏବେ ବି ଏଠାକୁ ପର୍ଯ୍ୟଟକଙ୍କ ଆଗମନ ସ୍ବାଭାବିକ ହୋଇପାରି ନାହିଁ। କେବେ କେମିତି ହାତଗଣତି ପର୍ଯ୍ୟଟକ ସଂଗ୍ରହାଳୟ ବୁଲି ଆସୁଛନ୍ତି। ଭାରତର ସ୍ବାଧୀନତା ସଂଗ୍ରାମର ଅଦ୍ୱିତୀୟ ବୀର ନେତାଜୀ ସୁଭାଷ ଚନ୍ଦ୍ର ବୋଷଙ୍କ ସ୍ମୃତି ବହନ କରୁଥିବା ଏହି ସଂଗ୍ରହାଳୟ ପରିସର ଅନେକ ସମୟରେ ଖାଁ ଖାଁ ରହୁଛି। ରବିବାର ଛୁଟିଦିନ ଥିବା ସତ୍ତ୍ବେ କୌଣସି ପର୍ଯ୍ୟଟକଙ୍କୁ ଦେଖିବାକୁ ମିଳି ନ ଥିଲା। ପୁରୀ ସହରକୁ ପ୍ରତ୍ୟହ ହଜାର ହଜାର ସଂଖ୍ୟାରେ ପର୍ଯ୍ୟଟକ ଏବଂ ଶ୍ରଦ୍ଧାଳୁ ଆସୁଛନ୍ତି। ନିକଟ ବେଳାଭୂମି ବୁଲୁଛନ୍ତି। କିନ୍ତୁ ସଂଗ୍ରହାଳୟକୁ ଆସୁନାହାନ୍ତି। ପ୍ରଶାସନିକ ଇଚ୍ଛାଶକ୍ତିର ଅଭାବ ଏବଂ ସଂଗ୍ରହାଳୟ ସମ୍ପର୍କରେ ପ୍ରଚାର ପ୍ରସାର ଅଭାବରୁ ଏପରି ସ୍ଥିତି ଉପୁଜୁଥିବା କହିଛନ୍ତି ଉତ୍କଳ ବିକାଶ ଯୁବ ପରିଷଦର ସଭାପତି ଦେବୀ ପ୍ରସାଦ ପୃଷ୍ଟି।
ସଂଗ୍ରହାଳୟକୁ ଲୋକାର୍ପଣ କରି ତତ୍କାଳୀନ ମନ୍ତ୍ରୀ ମହେଶ୍ୱର ମହାନ୍ତି କହିଥିଲେ, ଏହା ନିଶ୍ଚିତ ଭାବେ ପର୍ଯ୍ୟଟକଙ୍କୁ ଆକୃଷ୍ଟ କରିବ, ବିଶେଷକରି ଅଧିକ ସଂଖ୍ୟାରେ ବଙ୍ଗୀୟ ପର୍ଯ୍ୟଟକ ଏଠାକୁ ଆସିବେ। ଆମ ପର୍ଯ୍ୟଟନ କ୍ଷେତ୍ରରେ ଏହା ଏକ ମାଇଲଖୁଣ୍ଟ ହେବ। ତତ୍କାଳୀନ ପର୍ଯ୍ୟଟନ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା କହିଥିଲେ, ନେତାଜୀଙ୍କ ସ୍ମୃତିକୁ ବହନ କରୁଥିବା ଏହି ସଂଗ୍ରହାଳୟ ଖୋଲିବା ନିଶ୍ଚିତ ରାଜ୍ୟବାସୀଙ୍କ ପାଇଁ ଖୁସିର କଥା। ବିଶେଷକରି ପୁରୀ ପର୍ଯ୍ୟଟନ ମାନଚିତ୍ରରେ ଆଉ ଏକ ସଫଳ ଫର୍ଦ୍ଦ ଯୋଡ଼ି ହୋଇଗଲା। ଏଠାକୁ ମଧ୍ୟ ଅଧିକ ସଂଖ୍ୟକ ପର୍ଯ୍ୟଟକ ଆସିବେ। କିନ୍ତୁ ସେମିତି ଚିତ୍ର ଦେଖିବାକୁ ମିଳୁନି। ୨୦୧୯ ଜାନୁୟାରୀ ୧୫ ପ୍ରଥମ ଦିନ ୧୭ ଜଣ ଆସିଥିଲେ। ଏହାପରେ କେବେ କେବେ ୩୦/୩୫ଜଣ ଆସିଥିବା ବେଳେ ଦିନେ ଦିନେ ଜଣେ ହେଲେ ବି ପର୍ଯ୍ୟଟକ ଆସି ନ ଥାନ୍ତି। ଏଠାରେ ଜଣ ପିଛା ଟିକେଟର ଦାମ୍‌ ୧୦ ଟଙ୍କା ରହିଥିବା ବେଳେ ସଂଗ୍ରହାଳୟର ରକ୍ଷଣାବେକ୍ଷଣ ଲାଗି ୪ ଜଣ କର୍ମଚାରୀ ଆଉଟ୍‌ସୋର୍ସିଂ ଭାବେ ରହିଛନ୍ତି। କର୍ମଚାରୀ ସଞ୍ଜୟ ମହାନ୍ତିଙ୍କ ସୂଚନା ମୁତାବକ, ସର୍ବାଧିକ ଗତ ଡିସେମ୍ବରରେ ଗୋଟିଏ ଦିନ ୫୫ ଜଣ ପର୍ଯ୍ୟଟକ ଆସିଥିଲେ। ହାରାହାରି ଦେଖିଲେ ୨୦ରୁ ୨୫ ଜଣ ଆସୁଛନ୍ତି।
ଉତ୍କଳ ବିକାଶ ଯୁବ ପରିଷଦ ପକ୍ଷରୁ ନେତାଜୀ ସୁଭାଷ ଜନ୍ମମାଟି ଯାତ୍ରା ଏବଂ ତିନିଦିନିଆ ନେତାଜୀ ସୁଭାଷ ଉତ୍ସବ ପାଳନ ପରିପ୍ରେକ୍ଷୀରେ ରବିବାର ଅଭିଯାତ୍ରୀ ଦଳ ପୁରୀ ଆସିଥିଲେ। ସେମାନେ ସୁଭାଷ ବୋଷ ଛକସ୍ଥିତ ନେତାଜୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ସଂଗ୍ରହାଳୟ ଆସିଥିଲେ। ମାତ୍ର ଛୁଟିଦିନ ସତ୍ତ୍ବେ ଜଣେ ହେଲେ ବି ପର୍ଯ୍ୟଟକଙ୍କୁ ନ ଦେଖି ଉଦ୍‌ବେଗ ପ୍ରକାଶ କରିଥିଲେ ସଭାପତି ପୃଷ୍ଟି। ସେ କହିଥିଲେ, ଉଭୟ କଟକ ଜନ୍ମପୀଠ ହେଉ ଅବା ପୁରୀର ସଂଗ୍ରହାଳୟ ପ୍ରତି ପ୍ରଶାସନିକ ଇଚ୍ଛାଶକ୍ତିର ଅଭାବ ରହୁଛି। ଉପଯୁକ୍ତ ପ୍ରଚାର ପ୍ରସାର କରାଯାଉ ନ ଥିବାରୁ ପର୍ଯ୍ୟଟକମାନେ ଜାଣିପାରୁ ନାହାନ୍ତି। ପ୍ରତ୍ୟହ ଶ୍ରୀମନ୍ଦିର ଏବଂ ବେଳାଭୂମିକୁ ହଜାର ହଜାର ପର୍ଯ୍ୟଟକ ଆସୁଥିବା ବେଳେ ଏଠାକୁ ନ ଆସିବା ନିଶ୍ଚିତ ଦୁର୍ଭାଗ୍ୟଜନକ ବିଷୟ। ଏଥିପ୍ରତି ସମସ୍ତଙ୍କୁ ସଚେତନ ହେବାକୁ ପଡିବ। ନେତାଜୀଙ୍କ ସମ୍ପର୍କରେ ଜାଣିବା ପାଇଁ ସଂଗ୍ରହାଳୟରେ ଯଥେଷ୍ଟ ସ୍ମୃତି ରହିଛି ବୋଲି ପୃଷ୍ଟି କହିଛନ୍ତି।

ସଂଗ୍ରହାଳୟରେ କ’ଣ ରହିଛି
ସଂଗ୍ରହାଳୟ ପରିସରରେ ଏକ ସୋଭେନିୟର ଶପ୍‌ ରହିଛି। ସେଠାରେ ନେତାଜୀଙ୍କ ସମ୍ପର୍କିତ ଫଟୋ, ମାଗାଜିନ ଆଦି ଉପଲବ୍ଧ ହେଉଛି। ତଳ ମହଲାରେ ରାଜନୈତିକ ଓ ଆଇଏନ୍‌ଏ ଗ୍ୟାଲେରି, ଆଦ୍ୟ ଜୀବନ ଗ୍ୟାଲେରି, ଶିଶୁ ପ୍ରମୋଦ କକ୍ଷ ରହିଛି। ରାଜନୈତିକ ଓ ଆଇଏନ୍‌ଏ ଗ୍ୟାଲେରିରେ ଆଜାଦ୍‌ ହିନ୍ଦ୍‌ ଫୌଜର ଡାକଟିକଟ, ନ୍ୟାଶନାଲ ସାର୍ଟିଫିକେଟ ଏବଂ ଇଣ୍ଡିଆନ ନ୍ୟାଶନାଲ ଆର୍ମି (ଆଇଏନ୍‌ଏ)ର ବହୁ ବିରଳ ଫଟୋ ସ୍ଥାନିତ ହୋଇଛି। ନେତାଜୀଙ୍କ ଝିଅ ଅନୀତା ବୋଷ ୧୯୬୧ ଜାନୁୟାରୀ ୧୨ରେ ଶ୍ରୀମନ୍ଦିରକୁ ଆସିଥିଲେ। ସେହି ସମୟରେ ଉତ୍ତୋଳିତ ଫଟୋ ଚିତ୍ରକୁ ଖବରଦାତା ସ୍ବର୍ଗତ ପ୍ରଫୁଲ୍ଲ ମହାନ୍ତିଙ୍କ ପରିବାର ପକ୍ଷରୁ ନେତାଜୀ ମ୍ୟୁଜିୟମ ଲାଗି ଇନ୍‌ଟାକକୁ ପ୍ରଦାନ କରାଯାଇଥିଲା। ଉକ୍ତ ଫଟୋଚିତ୍ର ମ୍ୟୁଜିୟମ୍‌ର ଆଦ୍ୟ ଜୀବନ ଗ୍ୟାଲେରିରେ ସ୍ଥାନିତ ହୋଇଛି। ଏହାସହିତ ନେତାଜୀଙ୍କ ବହୁ ବିରଳ ଫଟୋଚିତ୍ର ସ୍ଥାନିତ କରାଯାଇଛି। ସେହିପରି ମ୍ୟୁଜିୟମ୍‌ର ଶିଶୁ ପ୍ରମୋଦ କକ୍ଷ ଆକର୍ଷଣୀୟ ହୋଇଛି। ଶିଶୁମାନେ ଯେଭଳି ନେତାଜୀଙ୍କ ସମ୍ପର୍କରେ ଜାଣିପାରିବେ ଏବଂ ତାଙ୍କ ନୀତି ଆଦର୍ଶରେ ଅନୁପ୍ରାଣିତ ହେବେ ସେନେଇ ବ୍ୟବସ୍ଥା କରାଯାଇଛି। ଉପର ମହଲାରେ ନେତାଜୀଙ୍କ ପଠନଶାଳା, ସମ୍ମିଳନୀ କକ୍ଷ, କୋଠରି, ଶୟନକକ୍ଷ, ପାରିବାରିକ କୋଠରି ଆଦି ରହିିଛି। ଏହିସବୁ ଐତିହ୍ୟ କୋଠରିରେ ବ୍ରିଟିଶ ଅମଳର କାଠ ପଲଙ୍କ, ଚୌକି, ଆଲମାରି, ନେତାଜୀଙ୍କ ବ୍ୟବହୃତ ପୋଷକ ରଖାଯାଇଛି। ଏହାବ୍ୟତୀତ ଗାନ୍ଧିଜୀ ଏବଂ ଅନ୍ୟ ନେତାଙ୍କ ସହ ପରାମର୍ଶ, ଆଲୋଚନା ଓ ନେତାଜୀ ଲେଖିଥିବା କେତେକ ଆବେଗପୂର୍ଣ୍ଣ ଚିଠି ମଧ୍ୟ ଅଛି।


Enter your email to get our daily news in your inbox.

All Right Reserved By Dharitri.Com

ତିହିଡି, ଚାନ୍ଦବାଲି ମଦମୃତ୍ୟୁ ଘଟଣା: ଅଭିଯୁକ୍ତଙ୍କ ଗିରଫ ଦାବିରେ ଗଣଧାରଣା, ପ୍ରତିବାଦ ସଭା

ତିହିଡ଼ି, ୧୪।୫(ଡି.ଏନ୍‌.ଏ.)- ଭଦ୍ରକ ଜିଲାର  ତିହିଡ଼ି ଓ ଚାନ୍ଦବାଲିରେ ବିଷାକ୍ତ ମଦ ପିଇ ୧୦ଜଣଙ୍କର ମୃତ୍ୟୁ ଘଟିଥିବା ବେଳେ ପୋଲିସ ଓ ପ୍ରଶାସନ ଏଯାଏ କୌଣସି...

ଖଣ୍ଡପଡ଼ାରେ ଅଜଣା ରୋଗରେ୨ଶହରୁ ଊର୍ଦ୍ଧ୍ୱ ଗୋରୁ ଆକ୍ରାନ୍ତ

ଖଣ୍ଡପଡା,୧୯।୧୦(ସ୍ବ.ପ୍ର.): ଖଣ୍ଡପଡା ବ୍ଲକ ଅନ୍ତର୍ଗତ ବିଭିନ୍ନ ପଞ୍ଚାୟତ ଅଞ୍ଚଳରେ ଗତ ୧୫ ଦିନ ମଧ୍ୟରେ ଅଜଣା ରୋଗରେ ୨ଶହରୁ ଊର୍ଦ୍ଧ୍ୱ ଗୋରୁ ଆକ୍ରାନ୍ତ ହୋଇଥିବାବେଳେ ସେମାନଙ୍କ...

ହିତାଧିକାରୀଙ୍କୁ ଘରେ ଦିଆଗଲା ଭତ୍ତା

ତିର୍ତ୍ତୋଲ, ୨୭।୩ (ଡି.ଏନ୍‌.ଏ.)- କରୋନା ପାଇଁ ସମସ୍ତ ଭତ୍ତା ହିତାଧିକାରୀଙ୍କୁ ଆଗୁଆ ୪ ମାସର ଭତ୍ତା ପ୍ରଦାନ ପାଇଁ ସରକାର ଘୋଷଣା କରିଛନ୍ତି। ଏ ନେଇ...

ଶିକ୍ଷୟିତ୍ରୀଙ୍କୁ ନିର୍ଯାତନା ଘଟଣା ତଦନ୍ତ ଭାର ନେଲେ ଡିଏସ୍‌ପି

ଫୁଲବାଣୀ ଅଫିସ, ୨୮ା୮- ମକ.ନୂଆଗାଁ ବ୍ଲକ ସ୍ଥିତ କୁଡ଼ୁତୁଲି ସରକାରୀ ଉନ୍ନୀତ ନୋଡାଲ ଉଚ୍ଚ ବିଦ୍ୟାଳୟରେ ଜଣେ ଶିକ୍ଷୟିତ୍ରୀଙ୍କୁ ନିର୍ଯାତନା ଦେବା ଘଟଣାକୁ ନେଇ ଜିଲାରେ...

କ୍ୱାରାଣ୍ଟାଇନ କେନ୍ଦ୍ରରେ କଳାର ସ୍ପର୍ଶ ପ୍ରତିଭା ଦେଖାଇଲେ ପ୍ରବାସୀ

ବଅଁରପାଳ,୧୨ା୬(ଡି.ଏନ.ଏ.)- ସ୍କୁଲରେ ପଢ଼ିଲା ବେଳେ ଭଲ ଚିତ୍ର ଆଙ୍କୁଥିଲେ। ଏହା ସେତେବେଳେ ତାଙ୍କ ପରିଚୟ ପାଲଟିଥିଲା। ହେଲେ ସେହି ପ୍ରତିଭାର ବିକାଶ ପୂର୍ବରୁ ପରିବାରର ବୋଝ...

ବାଳକରେ ପିଟ୍‌ବୁଲ୍‌ସ, ବାଳିକାରେ ଚ୍ୟାଲେଞ୍ଜର୍ସ ଚାମ୍ପିୟନ୍‌

ବ୍ରହ୍ମପୁର ଅଫିସ୍‌,୨୬ା୪- ବ୍ରହ୍ମପୁର ଷ୍ଟାଡିୟମ୍‌ରେ ଗତ ୩ ଦିନ ହେଲା ଚାଲିଥିବା ପ୍ରଥମ ବ୍ରହ୍ମପୁର ଗ୍ରୀଷ୍ମକାଳୀନ ବାସ୍କେଟବଲ୍‌ ଲିଗ୍‌ ଗୁରୁବାର ଅପରାହ୍ନରେ ଉଦ୍‌ଯାପିତ ହୋଇଯାଇଛି। ବାଳକ...

ରାମାୟଣ ଦେଖି ଖୁସି ହେଲେ ବରିଷ୍ଠ ନାଗରିକ

ପୁରୀ ଅଫିସ,୨୯ା୩: ପରଦାକୁ ଫେରିଲା ପୌରାଣିକ ଧାରାବାହିକ ରାମାୟଣ। ଅଶୀ ଦଶକର ଏହି ଲୋକପ୍ରିୟ ଧାରାବାହିକ ଶନିବାରଠାରୁ ପୁଣି ପ୍ରସାରଣ ଆରମ୍ଭ ହୋଇଛି। ବର୍ତ୍ତମାନ କରୋନାକୁ...

Coronavirus Update


Archives

Model This Week

Why Dharitri