ଚାଇନା ଲାବ୍‌ରେ କରୋନା ଔଷଧ

ବେଜିଂ,୨୧ା୫: ଚାଇନାର ଏକ ଲାବରେଟୋରିରେ ଏଭଳି ଔଷଧ ବିକଶିତ କରାଯାଇଛି, ଯାହା ମହାମାରୀ କରୋନା ଭାଇରସ୍‌କୁ ରୋକିପାରିବ ବୋଲି ବୈଜ୍ଞାନିକମାନେ ଦାବି କରିଛନ୍ତି। ସେମାନେ କହିଛନ୍ତି ଯେ, ଟିକା ବିନା କରୋନା ଚିକିତ୍ସା ସମ୍ଭବ ହୋଇପାରିବ। ଗତବର୍ଷ ଶେଷଭାଗରେ ଚାଇନାରୁ ସାରା ବିଶ୍ୱକୁ ବ୍ୟାପିଚାଲିଛି ଏହି ଘାତକ ଭୂତାଣୁ। ଅଦ୍ୟାବଧି ୫୦ ଲକ୍ଷରୁ ଊର୍ଦ୍ଧ୍ୱ ଲୋକ ସଂକ୍ରମିତ ହୋଇଥିବାବେଳେ ପ୍ରାୟ ୩ ଲକ୍ଷ ୩୦ ହଜାର ଜୀବନ ଗଲାଣି। ସାରା ବିଶ୍ୱର ଗବେଷକମାନେ ଏହାର ଉପଯୁକ୍ତ ଚିକିତ୍ସା ଓ ଟିକା ଖୋଜିବାରେ ଲାଗିଛନ୍ତି। ଚାଇନାର ପ୍ରତିଷ୍ଠିତ ପେକିଂ ବିଶ୍ୱବିଦ୍ୟାଳୟର ବୈଜ୍ଞାନିକମାନଙ୍କ ଦ୍ୱାରା ଟ୍ରାଏଲ କରାଯାଉଥିବା ଏହି ଔଷଧ ଦ୍ୱାରା ସଂକ୍ରମିତ ଲୋକଙ୍କ ଆରୋଗ୍ୟ ହେବା ସମୟ ହ୍ରାସ ହେବା ସହିତ ଭୂତାଣୁଠାରୁ ସ୍ବଳ୍ପକାଳୀନ ରୋଗ ପ୍ରତିରୋଧକ ଶକ୍ତି ମିଳିପାରିବ।
ବେଜିଂ ଆଡଭାନ୍ସଡ ଇନୋଭେଶନ୍‌ ସେଣ୍ଟର ଫର୍‌ ଜେନୋମିକ୍ସ ବିଶ୍ୱବିଦ୍ୟାଳୟର ନିର୍ଦ୍ଦେଶକ ସନ୍ନି ସି ନ୍ୟୁଜ୍‌ ଏଜେନ୍ସି ‘ଏଏଫ୍‌ପି’କୁ କହିଛନ୍ତି ଯେ, ପ୍ରାଣୀଙ୍କ ଦେହରେ ପରୀକ୍ଷା ପର୍ଯ୍ୟାୟରେ ଏହି ଔଷଧର ପ୍ରୟୋଗ ସଫଳ ହୋଇଛି। ସି କହିଛନ୍ତି ଯେ, ଯେତେବେଳେ ଆମେ ସଂକ୍ରମିତ ମୂଷାମାନଙ୍କୁ ‘ନ୍ୟୁଟ୍ରାଲାଇଜିଂ (ନିଷ୍କ୍ରିୟକାରୀ) ଆଣ୍ଟିବଡି’ ଇଞ୍ଜେକ୍ସନ ଦେଲୁ, ପାଞ୍ଚ ଦିନ ପରେ ସଂକ୍ରମଣ ଚାପ ୨୫୦୦ ଫ୍ୟାକ୍ଟର ହ୍ରାସ ପାଇଥିଲା।’ ଏହାର ଅର୍ଥ ହେଉଛି ଏହି ସମ୍ଭାବ୍ୟ ଔଷଧର ଚିକିତ୍ସା ପ୍ରଭାବ ରହିଛି ବୋଲି ସେ କହିଛନ୍ତି। ଏହି ଔଷଧ ‘ନ୍ୟୁଟ୍ରାଲାଇଜିଂ ଆଣ୍ଟିବଡି’ ବ୍ୟବହାର କରେ, ଯାହା କୋଷଗୁଡ଼ିକୁ ସଂକ୍ରମିତ କରୁଥିବା ଭୂତାଣୁକୁ ରୋକିବା ପାଇଁ ମାନବ ରୋଗ ପ୍ରତିରୋଧକ ପ୍ରଣାଳୀ ଦ୍ୱାରା ଉତ୍ପନ୍ନ ହୋଇଥାଏ। ସି ନେତୃତ୍ୱ ନେଉଥିବା ଟିମ୍‌ ଆରୋଗ୍ୟଲାଭ କରିଥିବା ୬୦ ରୋଗୀଙ୍କ ରକ୍ତରୁ ତାହାକୁ ପୃଥକ୍‌ କରିଥିଲେ। ଉକ୍ତ ଟିମ୍‌ର ଗବେଷଣା ଆଧ୍ୟାରିତ ଏକ ଅଧ୍ୟୟନ ସାଇଣ୍ଟିଫିକ୍‌ ଜର୍ନାଲ ‘ସେଲ୍‌’ରେ ରବିବାର ପ୍ରକାଶ ପାଇଛି। ସେଥିରେ କୁହାଯାଇଛି ଯେ, ଆଣ୍ଟିବଡି ବ୍ୟବହାର କରିବା ଦ୍ୱାରା ଏହି ରୋଗ ପାଇଁ ସମ୍ଭାବ୍ୟ ଉପଶମ ମିଳିଥାଏ ଏବଂ ଆରୋଗ୍ୟଲାଭ ହେବା ଅବଧି କମିଯାଏ। ଆଣ୍ଟିବଡି ଖୋଜିବାରେ ତାଙ୍କ ଟିମ୍‌ ଦିନରାତି କାର୍ଯ୍ୟ କରିଥିଲା ବୋଲି ସିି କହିଛନ୍ତି। ଇମ୍ୟୁନୋଲୋଜି(ରୋଗ ପ୍ରତିରୋଧକ ବିଜ୍ଞାନ) କିମ୍ବା ଭାଇରୋଲୋଜି (ଭୂତାଣୁ ବିଜ୍ଞାନ) ଅପେକ୍ଷା ଏକକ କୋଷ (ସିଙ୍ଗଲ ସେଲ୍‌) ଜେନୋମିକ୍ସ ହେଉଛି ଆମର ପାରଦର୍ଶିତା। ଏକକ ସେଲ୍‌ ଜେନୋମିକ୍‌ ପ୍ରଭାବଶାଳୀ ଭାବେ ‘ନ୍ୟୁଟ୍ରାଲାଇଜିଂ ଆଣ୍ଟିବଡି’କୁ ଖୋଜି ପାଇପାରିବ ବୋଲି ହୃଦୟଙ୍ଗମ କରିବା ପରେ ଆମେ ଆନନ୍ଦିତ ହୋଇଥିଲୁ। ଏହି ଔଷଧ ଚଳିତ ବର୍ଷ ଶେଷ ସୁଦ୍ଧା ବ୍ୟବହାର ପାଇଁ ପ୍ରସ୍ତୁତ ହୋଇଯିବା ଉଚିତ, ଯଦ୍ଦ୍ବାରା ଥଣ୍ଡା ପାଗରେ କୌଣସି ଭାଇରସ୍‌ର ସମ୍ଭାବ୍ୟ ପ୍ରକୋପକୁ ସାମ୍ନା କରିହେବ ବୋଲିି ସି କହିଛନ୍ତି। ଔଷଧର କ୍ଲିନିକାଲ ପରୀକ୍ଷା ପାଇଁ ଯୋଜନା ଚାଲିଛି। ଚାଇନାରେ କରୋନା ମାମଲା ହ୍ରାସ ପାଇଥିବାରୁ ଅଷ୍ଟ୍ରେଲିଆ କିମ୍ବା ଅନ୍ୟ ଦେଶରେ ଏହି ପରୀକ୍ଷା କରାଯିବ। ସେ କହିଛନ୍ତି ଯେ, ଆଶା କରୁଛି ଏହି ନ୍ୟୁଟ୍ରାଲାଇଜିଂ ଆଣ୍ଟିବଡି ଏକ ବିଶେଷ ଔଷଧ ହୋଇପାରେ, ଯାହା ମହାମାରୀକୁ ରୋକିପାରିବ।
ଜଣେ ସ୍ବାସ୍ଥ୍ୟ ଅଧିକାରୀ କହିଛନ୍ତି ଯେ, ମାନବ ପରୀକ୍ଷଣ ପର୍ଯ୍ୟାୟରେ ଚାଇନାର ପାଞ୍ଚଟି ସମ୍ଭାବ୍ୟ କରୋନା ଟିକା ଅଛି। କିନ୍ତୁ ବିଶ୍ୱ ସ୍ବାସ୍ଥ୍ୟ ସଂଗଠନ ପକ୍ଷରୁ ସ୍ପଷ୍ଟ କୁହାଯାଇଛି ଯେ, ଗୋଟିଏ ଟିକା ବିକାଶତ କରିବା ପାଇଁ ୧୨ ରୁ ୧୮ ମାସ ସମୟ ଲାଗିପାରେ। ଅନ୍ୟପକ୍ଷରେ ବୈଜ୍ଞାନିକମାନେ ପ୍ଲାଜ୍‌ମାର ସମ୍ଭାବ୍ୟ ଉପକାରିତାକୁ ଇଙ୍ଗିତ କରିଛନ୍ତି। କାରଣ ଆରୋଗ୍ୟ ବ୍ୟକ୍ତିଙ୍କ ପ୍ଲାଜ୍‌ମାରୁ ଯେଉଁ ଆଣ୍ଟିବଡି ବିକଶିତ ହେଉଛି ତାହା ଭୂତାଣୁ ଆକ୍ରମଣରୁ ରକ୍ଷା କରେ। ଚାଇନାରେ ୭୦୦ରୁ ଊର୍ଦ୍ଧ୍ୱ ରୋଗୀ ପ୍ଲାଜ୍‌ମା ଥେରାପି ପାଇଛନ୍ତି, ଯାହାର ବହୁତ ଭଲ ଚିକିତ୍ସା ପ୍ରଭାବ ରହିଥିବା କୁହାଯାଉଛି। ହେଲେ ପ୍ଲାଜ୍‌ମା ଯୋଗାଣ ସୀମିତ ବୋଲି ସି କହିଛନ୍ତି। ଏହାସହ ତାଙ୍କ ଟିମ୍‌ ଦ୍ୱାରା ବିକଶିତ ଔଷଧରେ ୧୪ଟି ନ୍ୟୁଟ୍ରାଲାଇଜିଂ ଆଣ୍ଟିବଡି ବ୍ୟବହାର ହୋଇଛି ଏବଂ ଶୀଘ୍ର ବହୁ ପରିମାଣର ଉତ୍ପାଦନ ହୋଇପାରିବ ବୋଲି ସେ କହିଛନ୍ତି। ଔଷଧ ଚିକିତ୍ସାରେ ଆଣ୍ଟିବଡି ବ୍ୟବହାର ନୂଆ ନୁହେଁ ଏବଂ ଏହା ଅନ୍ୟାନ୍ୟ ଭୂତାଣୁ ଯଥା ଏଚ୍‌ଆଇଭି, ଇବୋଲା ଏବଂ ମିଡିଲ୍‌ ଇଷ୍ଟ ରେସ୍ପିରାଟୋରି ସିଣ୍ଡ୍ରୋମ (ଏମ୍‌ଇଆରଏସ୍‌)ର ଚିକିତ୍ସାରେ ସଫଳ ହୋଇଛି। ଚାଇନାରେ କରୋନାର ପ୍ରକୋପ ପ୍ରାରମ୍ଭରେ ଏବଂ ଅନ୍ୟ ଦେଶଗୁଡ଼ିକୁ ବ୍ୟାପିବା ପୂର୍ବରୁ ଗବେଷକମାନେ ଏହି ଔଷଧ ପ୍ରସ୍ତୁତି କାର୍ଯ୍ୟ ଆରମ୍ଭ କରିଥିଲେ ବୋଲି ସି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କରୋନାର ଦୋହରା ମାଡ଼: ପୁଣି କଟକଣା, ସ୍କୁଲ ବନ୍ଦ

ନୂଆଦିଲ୍ଲୀ,୨୧।୧୧: ଦେଶରେ କରୋନା ମହାମାରୀର ଦୋହରା ମାଡ଼ ଆରମ୍ଭ ହୋଇଛି। ଫଳରେ କେତେକ ରାଜ୍ୟରେ ପୁଣି କଟକଣା ଜାରି କରାଯିବା ସହିତ ଖୋଲା ଯାଇଥିବା ସ୍କୁଲକୁ...

ଭଙ୍ଗା ପାଇପ ସଜାଡ଼ିବାକୁ ମିସ୍ତ୍ରୀ ମାଗିଲେ ୪ ଲକ୍ଷ, ବିଲ୍‌ ଭାଇରାଲ

ବ୍ରିଟେନର ଜଣେ ପ୍ଲମ୍ବର ବା ପାଇପ୍‌ ମିସ୍ତ୍ରୀଙ୍କ ବିଲ୍‌ ଏବେ ଚର୍ଚ୍ଚାରେ ରହିଛି। ଏହି ପ୍ଲମ୍ବର ଜଣକ ତାଙ୍କର ଜଣେ ଛାତ୍ରଙ୍କ ଘରେ ଭଙ୍ଗା ପାଇପ...

କାବୁଲରେ ଶକ୍ତିଶାଳୀ ବିସ୍ଫୋରଣ:୩୪ ମୃତ, ୬୮ ଆହତ

କାବୁଲ, ୧।୭: ଆଫଗାନିସ୍ତାନର କାବୁଲରେ ସୋମବାର ସକାଳୁ ଏକ ଶକ୍ତିଶାଳୀ ବିସ୍ଫୋରଣ ଘଟିଛି। ଏଥିରେ ୩୪ଜଣଙ୍କ ମୃତ୍ୟୁ ହୋଇଥିଲାବେଳେ ୬୮ ଜଣ ଆହତ ହୋଇଛନ୍ତି। ଏକ...

ଜାତିସଂଘ ଉପଦେଷ୍ଟା କମିଟିରେ ବିଦିଶା

ଜାତିସଂଘ,୭।୧୧: ଭାରତୀୟ କୂଟନୀତଜ୍ଞ ବିଦିଶା ମୈତ୍ର ଜାତିସଂଘ ଉପଦେଷ୍ଟା (ପ୍ରଶାସନିକ ଓ ବଜେଟାରୀ) କମିଟିକୁ ମନୋନୀତ ହୋଇଛନ୍ତି। ତାଙ୍କୁ ୧୨୬ ଖଣ୍ଡ ଭୋଟ ମିଳିଛି। ୧୯୩...

କରୋନା ପାଇଁ ଔଷଧ: ଲାଗିପାରେ ବର୍ଷେରୁ ଦେଢ଼ ବର୍ଷ; ଲକ୍‌ଡାଉନ୍‌ରେ ରହି ହେବ କି ଏତେ ଦିନ !

ଓ୍ବାଶିଂଟନ,୨୪।୩: କରୋନା ସଂକ୍ରମଣ ଯୋଗୁ ସାରା ପୃଥିବୀରେ ଅଚଳାବସ୍ଥା ସୃଷ୍ଟି ହୋଇଛି। କରୋନା ଭୂତାଣୁ ଭିନ୍ନ ଭିନ୍ନ ପରିବେଶରେ ଅଲଗା ଅଲଗା କ୍ରିୟାଶୀଳତା ଦେଖାଉଥିବାରୁ ଏହାକୁ...

ଇସ୍ତଫାକୁ ଛାଡ଼ି ସବୁ ବୁଝାଯିବ: ଇମ୍ରାନ୍‌

ଇସ୍‌ଲାମାବାଦ, ୬ା୧୧(ପି.ଟି.): ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ଙ୍କ ଇସ୍ତଫା ଦାବିରେ ଜାରି ରହିଥିବା ଆନ୍ଦୋଳନକୁ ଚପାଇବା ଲାଗି ଜୋର୍‌ଦାର ଉଦ୍ୟମ ଚାଲିଛି। ବିକ୍ଷୋଭକାରୀଙ୍କ ସବୁ ଦାବି...

କୋଭାକ୍ସିନ-କୋଭିଶିଲ୍ଡର ହେବ ମିଶ୍ରଣ ବ୍ୟବହାର ପରୀକ୍ଷା

ନୂଆଦିଲ୍ଲୀ,୩୧ା୫: ଦେଶରେ କରୋନା ସ୍ଥିତି ବିଗିଡ଼ିବାରେ ଲାଗିଛି। ଟିକାକୁ ନେଇ ବିଭିନ୍ନ ପ୍ରକାର ପରୀକ୍ଷା ନିରୀକ୍ଷା କରାଯାଉଛି। ଭାରତ ନିକଟରେ ବର୍ତ୍ତମାନ କୋଭିଶିଲ୍ଡ ଏବଂ କୋଭାକ୍ସିନ...

କୁମ୍ଭମେଳା ପାଇଁ ବଳିପଡ଼ିଥିଲେ ରାଓ୍ବତ

ଡେରାଡୁନ୍‌, ୯ା୫: ଭାରତରେ କରୋନା ବିସ୍ଫୋରଣର ଅନ୍ୟତମ ପ୍ରମୁଖ କାରଣ ପାଲଟିଥିବା କୁମ୍ଭମେଳା ନେଇଥିଲା ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାଓ୍ବତଙ୍କ ପଦ। କୋଭିଡ୍‌...

Advertisement


Archives

Model This Week

Why Dharitri