Posted inଜାତୀୟ

ଗଲ୍‌ଓ୍ବାନକୁ ନେଇ ଟଣାଓଟରା

ନୂଆଦିଲ୍ଲୀ, ୨୧ା୬: ପୂର୍ବ ଲଦାଖର ଗଲଓ୍ବାନ ଉପତ୍ୟକାକୁ ନେଇ ବିବାଦ ଥମିବାର ନାଁ ନେଉନାହିଁ। ଚାଇନା ଏହାକୁ ନିଜ ଅଞ୍ଚଳ କହି ଭାରତକୁ ଅନୁପ୍ରବେଶ ଲାଗି ଉଦ୍ୟମ କରୁଛି ବୋଲି ଦୋଷ ଲଦୁଥିବା ବେଳେ ଭାରତ ଏଭଳି ଦାବିକୁ ପ୍ରତ୍ୟାଖ୍ୟାନ କରିଛି। ବହିର୍ବ୍ୟାପାର ମନ୍ତ୍ରଣାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି, ଗଲଓ୍ବାନ ଉପତ୍ୟକା ଚାଇନାର ନ ଥିଲା। ଏବେ ସେ ଆଶ୍ଚର୍ଯ୍ୟଜନକ ଭାବେ ନିଜର ବୋଲି ଦାବିକରୁଛି। ଚାଇନାର ଏହି ଅତିରଞ୍ଜିତ ଦାବି କେବେହେଲେ ଗ୍ରହଣଯୋଗ୍ୟ ନୁହେଁ । ଚାଇନା ସେନାର ଅନୁପ୍ରବେଶକୁ କେବେହେଲେ ବରଦାସ୍ତ କରାଯିବ ନାହିଁ ବୋଲି ସେ କହିଛନ୍ତି। ଏଲ୍‌ଏସି ନେଇ ଭାରତୀୟ ସେନା ଭଲଭାବେ ଜଡ଼ିତ। ଭାରତ-ଚାଇନା ସୀମାର ଗଲଓ୍ବାନ ଉପତ୍ୟକା ସହ ପ୍ରତିଟି ସେକ୍ଟରକୁ ସେମାନେ ଭଲଭାବେ ଜାଣନ୍ତି। ଭାରତୀୟ ସେନା କାହାର ଭୂଖଣ୍ଡରେ ପ୍ରବେଶ କରନ୍ତି ନାହିଁ। କେବଳ ସେମାନେ ସୀମାରେ ପାଟ୍ରୋଲିଂ କରିଥାନ୍ତି। ଚାଇନା ସେନା ଗତ ମେ ମାସରୁ ଏଲଏସି ଅତିକ୍ରମ କରି ଗଲଓ୍ବାନ ଘାଟି ଉପରେ ଜବରଦଖଲ କରିବାକୁ ଉଦ୍ୟମ କରୁଛି। ଚାଇନା ଦୁଇଦେଶର ବୈଦେଶିକ ମନ୍ତ୍ରୀସ୍ତରୀୟ ଆଲୋଚନାରେ ସୀମା ଶାନ୍ତି ଫେରାଇ ଆଣିବା ଲାଗି ହୋଇଥିବା ଆଲୋଚନାକୁ ସମ୍ମାନ ଜଣାଇବା ଉଚିତ ବୋଲି ଶ୍ରୀବାସ୍ତବ କହିଛନ୍ତି। ଗତ ୧୫ରେ ଭାରତ-ଚାଇନା ସେନା ମଧ୍ୟରେ ଗଲଓ୍ବାନ ଉପତ୍ୟକାରେ ରକ୍ତାକ୍ତ ସଂଘର୍ଷ ହୋଇଥିଲା। ଏଥିରେ ଭାରତର ୨୦ ଯବାନ ଶହୀଦ ହୋଇଥିଲେ। ସମସ୍ୟାର ସମାଧାନ ଲାଗି ଦ୍ୱିପାକ୍ଷିକ ଆଲୋଚନା ଜାରି ରହିଥିବା ବେଳେ ଚାଇନା ଗଲଓ୍ବାନକୁ ନିଜର ବୋଲି ଦାବି କରିଆସୁଛି।

ବିବାଦୀୟ କରାଉଛନ୍ତି ବିରୋଧୀ

ଭାରତୀୟ ଅଞ୍ଚଳ ମଧ୍ୟରେ କେହି ପ୍ରବେଶ କରିନାହାନ୍ତି କିମ୍ବା କୌଣସି ସାମରିକ ଘାଟିକୁ ଅକ୍ତିଆର କରିନାହାନ୍ତି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ସର୍ବଦଳୀୟ ବୈଠକରେ ପୂର୍ବ ଲଦାଖର ଗଲଓ୍ବାନ ଉପତ୍ୟକାକୁ ଲକ୍ଷ୍ୟ କରି କହିଥିଲେ। ପ୍ରଧାନମନ୍ତ୍ରୀଙ୍କ ମନ୍ତବ୍ୟକୁ କେତେଜଣ ସମାଲୋଚନା କରିଥିବାବେଳେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମ୍‌ଓ) ଶନିବାର ତାହାକୁ ହାସ୍ୟାସ୍ପଦ ବ୍ୟାଖ୍ୟା ବୋଲି କହିଛି। ଜୁନ୍‌ ୧୫ ଗଲଓ୍ବାନ ସଂଘର୍ଷକୁ ନେଇ ପ୍ରଧାନମନ୍ତ୍ରୀ ଉପରୋକ୍ତ ମନ୍ତବ୍ୟ ଦେଇଥିଲେ। ଆମ ସଶସ୍ତ୍ର ବଳର ସାହସିକତାକୁ ପ୍ରଶଂସା କରି ସେ କହିଥିଲେ, ପ୍ରକୃତ ନିୟନ୍ତ୍ରଣ ରେଖା (ଏଲଏସି) ଏପଟେ ଚାଇନାର ଉପସ୍ଥିତି ନାହିଁ। ଏହାକୁ ନେଇ କଂଗ୍ରେସ ସମେତ ଅନ୍ୟ ରଣନୀତି ବ୍ୟାପାର ବିଶେଷଜ୍ଞମାନେ ପ୍ରଶ୍ନ ଉଠାଇଥିଲେ। ଯଦି ଚାଇନା ସୈନ୍ୟ ଗଲଓ୍ବାନ ଉପତ୍ୟକାରେ ପ୍ରବେଶ କରିନାହିଁ ତେବେ ଭାରତୀୟ ଯବାନ କେଉଁଠି ଶହୀଦ ହେଲେ ବୋଲି ସେମାନେ ଜାଣିବାକୁ ଚାହିଁଛନ୍ତି। ମୋଦି ଚାଇନାକୁ କ୍ଲିନ୍‌ଚିଟ୍‌ ଦେଉଛନ୍ତି କି ବୋଲି ସେମାନେ ବିସ୍ମୟ ପ୍ରକଟ କରିଛନ୍ତି।
ଅନ୍ୟପକ୍ଷରେ ପିଏମ୍‌ଓ ପକ୍ଷରୁ କୁହାଯାଇଛି, ୧୬ ବିହାର ରେଜିମେଣ୍ଟର ଯବାନଙ୍କ ବଳିଦାନ ଚାଇନା ପକ୍ଷର ନିର୍ମାଣ ଯୋଜନାକୁ ପଣ୍ଡ କରିବା ସହ ଏଲ୍‌ଏସିରେ ସେମାନଙ୍କ ପ୍ରବେଶ ଉଦ୍ୟମକୁ ବିଫଳ କରିଛି। ଆମ ଭୂମିରେ ପ୍ରବେଶ ଉଦ୍ୟମ କରୁଥିବା ଚାଇନାକୁ ଆମ ସାହସୀ ଯୋଦ୍ଧାମାନେ ଉପଯୁକ୍ତ ଶିକ୍ଷା ଦେଇଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ, ଯାହା ଆମ ସଶସ୍ତ୍ର ବାହିନୀର ସ୍ବଭାବ ଓ ମୂଲ୍ୟବୋଧକୁ ଏକତ୍ର କରିବା ପାଇଁ ଉଦ୍ଦିଷ୍ଟ ଥିଲା ବୋଲି ପିଏମ୍‌ଓ କହିଛି। ସୀମା ସୁରକ୍ଷା କ୍ଷେତ୍ରରେ ଭାରତୀୟ ସେନା କୌଣସି ସୁଯୋଗ ହାତଛଡ଼ା କରି ନ ଥିବା ମୋଦି କହିଥିଲେ। କେତେକ ମହଲ ଏହାର କୌତୂହଳପୂର୍ଣ୍ଣ ବ୍ୟାଖ୍ୟା କରୁଥିବା ପିଏମ୍‌ଓ ପକ୍ଷରୁ କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

କଳାକାରଙ୍କ ପାଇଁ ସହଯୋଗର ହାତ ବଢାଇଲା କେନ୍ଦ୍ର ସଂସ୍କୃତି ମନ୍ତ୍ରଣାଳୟ

ନୂଆଦିଲ୍ଲୀ,୧୫ ।୯: କରୋନା ଭାଇରସ ସଂକ୍ରମଣ କାରଣରୁ ଅନେକ ଲୋକଙ୍କୁ ଜୀବନ ଜୀବିକା ହରାଇବାକୁ ପଡିଛି । ଏହି ସଙ୍କଟ ସମୟରେ କେନ୍ଦ୍ର ସଂସ୍କୃତି ମନ୍ତ୍ରଣାଳୟ...

ବଢିଲା ଚାଇନାର ଚିନ୍ତା

ବିଶାଖାପଟନମ୩ ।୧୧: ପୂର୍ବ ଲଦ୍ଦାଖରେ ଭାରତ-ଚାଇନା ସୀମା ବିବାଦ ଲାଗି ରହିଥିବା ବେଳେ ମଙ୍ଗଳବାର ଭାରତ, ଆମେରିକା, ଜାପାନ ଓ ଅଷ୍ଟ୍ରେଲିଆ ମାଲାବାର ନୌସେନା ଅଭ୍ୟାସର...

ଆଣ୍ଡାମାନରେ ଭୂକମ୍ପ

ପୋର୍ଟବ୍ଲେୟାର,୮।୧୧: ଆଣ୍ଡାମାନ-ନିକୋବର ଦ୍ବୀପପୁଞ୍ଜରେ ସୋମବାର ଭୂକମ୍ପ ଅନୁଭୂତ ହୋଇଛି। ଏ ନେଇ ନ୍ୟାଶନାଲ ସେଣ୍ଟର ଫର ସେସମୋଲୋଜି ପକ୍ଷରୁ ସୂଚନା ମିଳିଛି। ଦ୍ବୀପପୁଞ୍ଜର ଦକ୍ଷିଣ ପୂର୍ବ...

ଦେଶରେ ବଢି ଚାଲିଛି କରୋନା ସଂକ୍ରମଣ

ନୂଆଦିଲ୍ଲୀ,୧୨ ।୩: ଦେଶରେ ପୁଣିଥରେ ଦିନକୁ ଦିନ ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ...

ବ୍ରିଟେନକୁ ବିମାନ ଚଳାଚଳ ବନ୍ଦ

ନୂଆଦିଲ୍ଲୀ,୨୧ ।୧୨: ବ୍ରିଟେନରେ ସାମ୍ନାକୁ ଆସିଥିବା କରୋନା ଭାଇରସର ନୂଆ ରୂପକୁ ଦେଖି ଭାରତ ସରକାର ସତର୍କ ହୋଇଯାଇଛନ୍ତି । ବ୍ରିଟେନରୁ ଭାରତ ଆସିବାକୁ ଥିବା...

ଡିକେ ଶିବକୁମାର ହେଲେ କର୍ନାଟକ କଂଗ୍ରେସର ଅଧ୍ୟକ୍ଷ

ନୂଆଦିଲ୍ଲୀ,୧୧।୩: କର୍ନାଟକ କଂଗ୍ରେସର ମଙ୍ଗ ଧରିଛନ୍ତି ଡିକେ ଶିବକୁମାର। ବୁଧବାର ତାଙ୍କୁ କଂଗ୍ରେସ ଅଧ୍ୟକ୍ଷ ପଦରେ ନିଯୁକ୍ତ କରାଯାଇଛି। ସେହିପରି ଦିଲ୍ଲୀ ପ୍ରଦେଶ କଂଗ୍ରେସ କମିଟିର...

ସରକାରୀ ଅଧିକାରୀ ହୋଇପାରିବେନି ଏସ୍‌ଇସି

ନୂଆଦିଲ୍ଲୀ,୧୩।୩ (ପି.ଟି.): ସରକାରରେ ନିଯୁକ୍ତ କୌଣସି ଅଧିକାରୀ ରାଜ୍ୟ ନିର୍ବାଚନ କମିଶନର (ଏସ୍‌ଇସି) ଭାବେ କାର୍ଯ୍ୟ କରିପାରିବେ ନାହିଁ। ସୁପ୍ରିମକୋର୍ଟ ଶୁକ୍ରବାର ଏଭଳି ଏକ ଗୁରୁତ୍ୱପୂର୍ଣ୍ଣ...

ଋଣଭାର ଯୋଗୁ ଆତ୍ମହତ୍ୟା କଲେ ଗୋଟିଏ ପରିବାରର ୩ ପିଢ଼ି

ଚଣ୍ଡିଗଡ଼,୧୨।୯: ସରକାର ଚାଷୀଙ୍କ ଋଣଭାର କମାଇବା ପାଇଁ ବିଭିନ୍ନ ପ୍ରକାରର ଯୋଜନା କରୁଛନ୍ତି। ହେଲେ ଯୋଜନା ସବୁ ବାଟବଣା ହେଉଛି। ଫଳରେ ଋଣ ଭାର ସହି...

Advertisement


Archives

Model This Week