କୋମାରେ ପ୍ରି-ପେଡ୍‌, ପିଙ୍କ୍‌ ଅଟୋ ସେବା

ଭୁବନେଶ୍ୱର, ୧୨।୯(ବ୍ୟୁରୋ): ନୂଆ ମୋଟର ଯାନ ଆଇନ ଆସିବା ପରେ ଏବେ ଲୋକଙ୍କ ପ୍ରଥମ ପସନ୍ଦ ପାଲିଟିଛି ପବ୍ଲିକ୍‌ ଟ୍ରାନ୍ସପୋର୍ଟ ବା ସାଧାରଣ ପରିବହନ ବ୍ୟବସ୍ଥା। ନିଜ ଗାଡ଼ି ଧରି ଯିବା ଅପେକ୍ଷା ଲୋକେ ବସ୍‌ କିମ୍ବା ଅଟୋ ଭଳି ପବ୍ଲିକ୍‌ ଟ୍ରାନ୍ସପୋର୍ଟରେ ଯିବାକୁ ଉଚିତ ମଣୁଛନ୍ତି। ଯେଉଁଥିପାଇଁ ଫାଙ୍କା ପଡ଼ୁଥିବା ‘ମୋ ବସ୍‌’ ବି ଆଜିକାଲି ପୂରା ପୂରା ଲାଗୁଛି। ପ୍ରଥମଥର ପାଇଁ ମୋ ବସ୍‌ ଦୈନିକ ଯାତ୍ରୀସଂଖ୍ୟା ୯୦ ହଜାର ଟପି ରେକର୍ଡସ୍ତରରେ ପହଞ୍ଚିଛି। ଏପଟେ ଯାତ୍ରୀ ପାଇଁ ବାଡ଼ିଆପିଟା ହେଉଥିବା ଅଟୋ ଚାଳକଙ୍କୁ ମଧ୍ୟ ଭଲ ଯାତ୍ରୀ ମିଳୁଛନ୍ତି। ତେବେ କିଛି ଅଟୋଚାଳକଙ୍କ ଦୌରାମତ୍‌ୟ ଯୋଗୁ ଭୁବନେଶ୍ୱରରେ ଅଟୋରେ ଯାତ୍ରା କରିବା ବିଶେଷକରି ମହିଳାଙ୍କ ପାଇଁ ଏକ ସମସ୍ୟା ପାଲଟିଛି। ଅଟୋରେ ମାତ୍ରାଧିକ ଯାତ୍ରୀ ଯୋଗୁ ମହିଳାଙ୍କ ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟିହେଉଛି। ଅନ୍ୟପଟେ ଯାତ୍ରୀଙ୍କ ସୁବିଧା ଏବଂ ମହିଳାଙ୍କ ସୁରକ୍ଷା ପାଇଁ ଭୁବନେଶ୍ୱରରେ ଆରମ୍ଭ ହୋଇଥିବା ପ୍ରି-ପେଡ୍‌ ଓ ପିଙ୍କ୍‌ ଅଟୋସେବା ଏବେ କୋମାରେ ପଡ଼ିଛି। କମିଶନରେଟ୍‌ ପୋଲିସର ଦୁଇଟି ଯାକ ଅତ୍ୟାଧୁନିକ ଓ ବହୁଚର୍ଚ୍ଚିତ ସେବା ପାଇବାରୁ ସାଧାରଣ ଲୋକେ ବଞ୍ଚତ୍ତ ହେଉଥିବାବେଳେ ଏପଟେ ସୁରକ୍ଷା ଆଳରେ ହେଲ୍‌ମେଟ୍‌ ଚେକିଂରେ ମାତିଛି ପୋଲିସ।
କମିଶନରେଟ୍‌ ପୋଲିସ ପକ୍ଷରୁ ପ୍ରି-ପେଡ୍‌ ଓ ପିଙ୍କ୍‌ ଅଟୋସେବା ଆରମ୍ଭ ହେବାର ଇତିମଧ୍ୟରେ ବହୁବର୍ଷ ବିତିଯାଇଛି। ହେଲେ ଉଭୟ ସେବା ଏବେ ପ୍ରାୟତଃ ଅଚଳ ହୋଇପଡ଼ିଛି। ପ୍ରଚାର ପ୍ରସାର ଅଭାବରୁ ପ୍ରି-ପେଡ୍‌ ଅଟୋସେବା ସମ୍ପର୍କରେ ଅଧିକାଂଶ ଯାତ୍ରୀ ଏବେବି ଅଜଣା। ଏପଟେ ପ୍ରଥମ ପର୍ଯ୍ୟାୟରେ ଯେଉଁ ୩ଟି କାଉଣ୍ଟର ଖୋଲାଯାଇଥିଲା ସେଥିରୁ ଗୋଟିଏ କାଉଣ୍ଟର ବନ୍ଦ ହୋଇପଡ଼ିଛି। ବରମୁଣ୍ଡା ଓ ମାଷ୍ଟରକ୍ୟାଣ୍ଟିନ୍‌ କାଉଣ୍ଟର ଚାଲୁଥିବାବେଳେ କିଟ୍‌ ଛକରେ ଥିବା କାଉଣ୍ଟର୍‌ ବନ୍ଦ ହୋଇଯାଇଛି। ପ୍ରତ୍ୟେକ ଦିନ ହଜାର ହଜାର ସଂଖ୍ୟାରେ ଯାତ୍ରୀ ଅଟୋ ଉପରେ ନିର୍ଭର କରି ଯାତାୟାତ କରୁଥିବାବେଳେ ଏହି ପ୍ରି-ପେଡ୍‌ ସେବା କିନ୍ତୁ କୌଣସି କାମରେ ଆସୁନି। ଯାତ୍ରୀମାନଙ୍କୁ କମ୍‌ ଭଡ଼ା ଓ ନିରାପଦରେ ଘରେ ପହଞ୍ଚାଇବା ସହ ବରିଷ୍ଠ ନାଗରିକ ଓ ମହିଳାମାନଙ୍କୁ ସୁରକ୍ଷା ଦେବାପାଇଁ କମିଶନରେଟ ପୋଲିସର ଏହି ବହୁଚର୍ଚ୍ଚିତ ସେବା ସମ୍ପର୍କରେ ଅଧିକାଂଶ ଯାତ୍ରୀ ଜାଣି ନ ଥିବାରୁ ପଞ୍ଜୀକୃତ ଅଟୋଚାଳକଙ୍କୁ ଯାତ୍ରୀ ମିଳୁନାହାନ୍ତି। ଏପରି କି ରାଜଧାନୀରେ ଏଭଳି ବ୍ୟବସ୍ଥା ଥିବା ଖୋଦ୍‌ ରାଜଧାନୀବାସୀଙ୍କୁ ମଧ୍ୟ ଜଣାନାହିଁ। ସେହିଭଳି ବୁକିଂ କାଉଣ୍ଟରରେ ଦୀର୍ଘ ସମୟ ଧରି ଲାଇନ୍‌ରେ ଛିଡ଼ାହୋଇ ଫର୍ମ ପୂରଣ କରି ଅଟୋରେ ଯିବା ପାଇଁ ବହୁ ଯାତ୍ରୀ ଅନିଚ୍ଛା ପ୍ରକାଶ କରୁଛନ୍ତି। ତେଣୁ ମାଷ୍ଟରକ୍ୟାଣ୍ଟିନ୍‌ ଭଳି ଜନଗହଳିପୂର୍ଣ୍ଣ ସ୍ଥାନରେ ବି ପ୍ରି-ପେଡ୍‌ ଅଟୋକୁ ୨୦ଜଣ ଯାତ୍ରୀ ମିଳିବା କଷ୍ଟକର ହୋଇପଡ଼ୁଛି। ଯାତ୍ରୀ ମିଳୁ ନଥିବାରୁ ଅଟୋଚାଳକମାନେ ମଧ୍ୟ ଏଥିରୁ ମୁହଁ ଫେରାଇ ନେଉଛନ୍ତି। ୨୪ଘଣ୍ଟା ସେବା ଯୋଗାଇବାର ବ୍ୟବସ୍ଥା ଥିଲେ ମଧ୍ୟ ସନ୍ଧ୍ୟାରେ କାଉଣ୍ଟର ବନ୍ଦ ରହୁଛି।
ଅନ୍ୟପକ୍ଷରେ ପିଙ୍କ୍‌ ଅଟୋରେ ଦେଖିବାକୁ ମିଳୁନାହାନ୍ତି ମହିଳା ଯାତ୍ରୀ। ମହିଳାଙ୍କ ପାଇଁ ଉଦ୍ଦିଷ୍ଚ ଅଟୋରେ ପୁରୁଷ ଯାତ୍ରୀ ଯାତାୟାତ କରୁଛନ୍ତି। ମହିଳାଙ୍କ ସୁରକ୍ଷା ଦିଗରେ ଆରମ୍ଭ ହୋଇଥିବା ଏହି ଅଟୋସେବା ବାଟବଣା ହୋଇଥିବାବେଳେ ରାଜଧାନୀରେ ଦିନକୁ ଦିନ ମହିଳାଙ୍କ ପ୍ରତି ଅସଦାଚରଣ ବଢୁଥିବା ପରିଲକ୍ଷିତ ହେଉଛି।


Enter your email to get our daily news in your inbox.

All Right Reserved By Dharitri.Com

ଘର ଭିତରକୁ ମାଡିଗଲା କାର୍‌: ମହିଳାଙ୍କ ଜୀବନ ଗଲା, ସ୍ବାମୀ-ପୁଅ ଗୁରୁତର

ଖଡିଆଳ,୯।୧:ନୂଆପଡ଼ା ଜିଲା ଖଡିଆଳ ବ୍ଲକ ଗଡରାମୁଣ୍ଡା ଗ୍ରାମରେ ଶନିବାର ଅପରାହ୍ନରେ ଏକ ସଡ଼କ ଦୁର୍ଘଟଣା ଘଟିଛି। ଏକ କାର୍‌ ରାସ୍ତା କଡରେ ଥିବା ଘର ଭିତରକୁ...

ରାଜସ୍ବ ବିଭାଗ ସ୍ବତନ୍ତ୍ର ସଚିବଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୧୩।୮(ବ୍ୟୁରୋ)-ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରାଜସ୍ବ ଓ ବିପର୍ଯ୍ୟୟ ପ୍ରଶମନ ବିଭାଗର ସ୍ବତନ୍ତ୍ର ସଚିବ ଅଜୟ କୁମାର ଦାସଙ୍କୁ ଗୁରୁବାର ଭିଜିଲାନ୍ସ ଗିରଫ କରିଛି।...

ଆଳିରେ ନିଜାମୁଦ୍ଦିନ ଫେରନ୍ତା ଚିହ୍ନଟ: ଆଇସୋଲେଶନରେ ରଖିଲା ପୋଲିସ

ଆଳି,୧।୪(ଡି.ଏନ୍‌.ଏ.): କରୋନା ସଂକ୍ରମଣକୁ ନେଇ ଚର୍ଚ୍ଚାରେ ରହିଆସୁଥିବା ନିଜାମୁଦ୍ଦିନ ଧର୍ମସଭାରେ ଓଡ଼ିଶାରୁ କେତେଜଣ ମୌଲାନା ଯୋଗ ଦେଇଥିଲେ। ସେମାନଙ୍କ ମଧ୍ୟରୁ ଆଳି ଅଞ୍ଚଳର ଜନୈକ ମୌଲାନାଙ୍କୁ...

ବନ୍ୟଜନ୍ତୁ, ପକ୍ଷୀ ପ୍ରେମରେ ପରିବାରର ୪ ସଦସ୍ୟ

ପାରାଦୀପ, ୯।୧(ସ୍ବ.ପ୍ର.): ବନ୍ୟପ୍ରାଣୀ ଓ ପକ୍ଷୀ ବହୁ ସମୟରେ ଶିକାରୀମାନଙ୍କ ଶିକାର ହେଉଥିବା ବେଳେ ସେମାନଙ୍କ ସୁରକ୍ଷା ପ୍ରତି ଲୋକେ ଯତ୍ନବାନ ହେଉନାହାନ୍ତି। ଏପରିସ୍ଥଳେ ଜଗତ୍‌ସିଂହପୁର...

ଆଖି ବୁଜିଲା କାଳିଆ

କଟକ/ଭୁବନେଶ୍ୱର, ୨୫।୧୧(ବ୍ୟୁରୋ)- ଶେଷରେ ଯୋଡ଼ା ମୁଣ୍ଡ ଶିଶୁ କାଳିଆ ଭାଇ ଜଗାକୁ ଛାଡି ଚାଲିଗଲା। କନ୍ଧମାଳ ଜିଲା ଫିରିଙ୍ଗିଆ ବ୍ଲକ ମିଲୁପଡ଼ା ଗ୍ରାମର ଯୋଡ଼ାମୁଣ୍ଡ ଶିଶୁ...

ଆରମ୍ଭ ହୋଇପାରୁନି ଧଉଳି ଲାଇଟ୍‌ ଆଣ୍ଡ୍‌ ସାଉଣ୍ଡ୍‌ ଶୋ

ଭୁବନେଶ୍ୱର,୧୯।୬(ବ୍ୟୁରୋ): ବାତ୍ୟା ‘ଫନୀ’ ଯିବାର ଇତିମଧ୍ୟରେ ଦେଢ଼ମାସ ବିତିଗଲାଣି। ହେଲେ ସୁଧୁରିପାରୁନି ପର୍ଯ୍ୟଟନ ଶିଳ୍ପ ଅବସ୍ଥା। ବାତ୍ୟାରେ ବିଶେଷ ଭାବେ ପ୍ରଭାବିତ ହୋଇଥିବା ରାଜ୍ୟ ପର୍ଯ୍ୟଟନ...

ଆରମ୍ଭ ହେଲା ଟ୍ରେନ୍‌ ଟିକେଟ୍‌ ବୁକିଂ: ପ୍ରଥମ ଦିନରେ ୪ ଲକ୍ଷ ୨୩ ହଜାର ୫୫୦ ସିଟ୍‌ ବୁକ୍‌

ଭୁବନେଶ୍ୱର,୨୨।୫(ବ୍ୟୁରୋ): ଆସନ୍ତା ଜୁନ୍‌ ପହିଲାରୁ ଟ୍ରେନ୍‌ ସେବା ଆରମ୍ଭ ହେବ। ଏଥିପାଇଁ ଗୁରୁବାରଠାରୁ ୨ଶହ ଟ୍ରେନ୍‌ ପାଇଁ ଟିକେଟ୍‌ ବୁକିଂ ଆରମ୍ଭ ହୋଇଛି। ପ୍ରଥମ ଦିନରେ...

ପରଲୋକରେ ମନୋଜ ପଣ୍ଡା

ଭୁବନେଶ୍ୱର,୧୦।୭(ବ୍ୟୁରୋ): ବିଶିଷ୍ଟ ସାହିତି୍ୟକ ତଥା ଲେଖକ ମନୋଜ କୁମାର ପଣ୍ଡାଙ୍କର ଗୁରୁବାର ପରଲୋକ ଘଟିଛି। ତାଙ୍କୁ ୬୫ବର୍ଷ ବୟସ ହୋଇଥିଲା। ହୃଦ୍‌ଘାତରେ ତାଙ୍କର ମୃତ୍ୟୁ ଘଟିଥିବା...

Play 250+ Trending Games
Archives

Model This Week

Why Dharitri