କୋଭିଡ୍‌ ଲାଗି ଆଖିଦୃଶିଆ ନୁହେଁ ସରକାରୀ ସହାୟତା

ନୂଆଦିଲ୍ଲୀ,୩୦ ।୪: କୋଭିଡ୍‌-୧୯ ଯୋଗୁ ଦେଶର ଅର୍ଥ ବ୍ୟବସ୍ଥା ୧୦ ଲକ୍ଷ କୋଟି ଟଙ୍କାର କ୍ଷତି ସହିବା ନେଇ ବିଭିନ୍ନ ଏଜେନ୍ସି ଆକଳନ କରିଛନ୍ତି। ଘରୋଇ ବଜାର ପୂର୍ବରୁ ମାନ୍ଦାବସ୍ଥା ଦେଇ ଗତି କରୁଥିବା ବେଳେ କରୋନାଜନିତ ଲକ୍‌ଡାଉନ ଯୋଗୁ ଆର୍ଥତ୍କ କାର୍ଯ୍ୟକଳାପ ଠପ୍‌ ରହିଛି। କୋଭିଡ୍‌-୧୯ ବିରୋଧରେ ଲଢିବା ଲାଗି ଜର୍ମାନୀ, ଇଟାଲୀ ଭଳି ଧନୀ ରାଷ୍ଟ୍ରଗୁଡିକ ବିତ୍ତୀୟ ସହାୟତା ଏବଂ ବ୍ୟାଙ୍କ ଗ୍ୟାରେଣ୍ଟି ଭଳି ପଦକ୍ଷେପ ଗ୍ରହଣ କରିଛନ୍ତି। ଏହି ରାଷ୍ଟ୍ରଗୁଡିକ ସେମାନଙ୍କ ମୋଟ ଘରୋଇ ଉତ୍ପାଦ(ଜିଡିପି) ପ୍ରାୟ ୩୦%ରୁ ଅଧିକ ଅର୍ଥ ସହାୟତା ଭାବେ ପ୍ରଦାନ କରିଛନ୍ତି। ମାତ୍ର ଭାରତ ବର୍ତ୍ତମାନ ସୁଦ୍ଧା ଏହି ବାବଦକୁ ୧%ରୁ କମ୍‌ ଖର୍ଚ୍ଚ କରିଥିବା ଜଣାପଡିଛି। ସେହିଭଳି ଜି-୨୦ ଦେଶଗୁଡିକ କଥା ବିଚାରକଲେ ଜାପାନ ସର୍ବାଧିକ ୨୧.୧% ସହାୟତା ଯୋଗାଇ ଦେଇଛି। ଭାରତ ୦.୮% ସହାୟତା ସହ ୧୬ତମ ସ୍ଥାନରେ ରହିଛି, ଯାହା ବହୁତ ନଗଣ୍ୟ। ୪୦ ଦିନର ଲକ୍‌ଡାଉନରେ କାରବାର କ୍ଷତିଗ୍ରସ୍ତ ହୋଇଥିବାରୁ ଶିଳ୍ପଜଗତ ପକ୍ଷରୁ ଆର୍ଥତ୍କ ସହାୟତା ଦେବା ଲାଗି ବାରମ୍ବାର ଦାବି ହେଲାଣି। ହେଲେ ସରକାର ବର୍ତ୍ତମାନ ଯାଏ କିଛି ଘୋଷଣା କରିନାହାନ୍ତି। ମାର୍ଚ୍ଚ ୨୬ରେ ଅର୍ଥମନ୍ତ୍ରୀ ନିର୍ମଳା ସୀତାରାମନ ୧.୭ ଲକ୍ଷ କୋଟିର ସହାୟତା ଘୋଷଣା କରିଛନ୍ତି। ଏହା ସାଧାରଣ ଲୋକଙ୍କ ଲାଗି ଉଦ୍ଦିଷ୍ଟ ଥିବା ବେଳେ କ୍ଷତିଗ୍ରସ୍ତ ଅର୍ଥ ବ୍ୟବସ୍ଥାକୁ ସୁଧାରିବା ଲାଗି ଏବେ ଯାଏ ପଦକ୍ଷେପ ଆସିନାହିଁ।
ଦେଶର ଅଣୁ,କ୍ଷୁଦ୍ର ମଧ୍ୟମ(ଏମ୍‌ଏସ୍‌ଏମ୍‌ଇ)ଗୁଡିକ ଏବେ ବନ୍ଦ ହୋଇ ରହିଛି। କାମ ନ ଥିବା ବେଳେ କର୍ମଚାରୀଙ୍କୁ ପେମେଣ୍ଟ, ଅନ୍ୟାନ୍ୟ ଆନୁଷଙ୍ଗିକ ଖର୍ଚ୍ଚ କରିବାକୁ ପଡୁଛି। ପରିଚାଳନା ପୁଞ୍ଜି ଲାଗି କମ୍ପାନୀଗୁଡିକ ନାନା ସମସ୍ୟା ଦେଇ ଗତି କରୁଛନ୍ତି। କଟକଣା ବଢିଲେ ଏଭଳି କଷ୍ଟକର ସ୍ଥିତିରେ ଦେଶର ପ୍ରାୟ ୩୦ରୁ ୪୦% କ୍ଷୁଦ୍ର ଶିଳ୍ପ ତିଷ୍ଠି ରହିବେ ବୋଲି ମୁମ୍ବାଇଭିତ୍ତିକ ଶିଳ୍ପ ସଂଘ ପକ୍ଷରୁ ଏକ ରିପୋର୍ଟରେ କୁହାଯାଇଛି। ମୁମ୍ବାଇସ୍ଥିତ ଆନାଟେକ ଅଫ୍‌ସୋର ଇଞ୍ଜିନିୟରିଂ ପ୍ରାଇଭେଟ ଲିମିଟେଡ୍‌ର ସିଇଓ ଏ.ପୁଥେନପୁରାକଲ କହିଛନ୍ତି, କ୍ରେଡିଟ ସୁବିଧା ମିଳିବାରେ ସମସ୍ୟା ଉପୁଜୁଥିବାରୁ ଶିଳ୍ପର ଭବିଷ୍ୟତ ସମ୍ପର୍କରେ ଚିନ୍ତା ମାଡି ପଡୁଛି। କେବଳ ଆନାଟେକ ଭଳି ଛୋଟ ଫାର୍ମ ନୁହନ୍ତି ହିରୋ ମୋଟାଟୋକର୍ପ ଭଳି ବଡ ବଡ ଫାର୍ମଗୁଡିକ ମଧ୍ୟ ସରକାରଙ୍କୁ ଶିଳ୍ପର ସମସ୍ୟା ସମ୍ପର୍କରେ ଅବଗତ କରାଇଛନ୍ତି। ଋଣ ସହାୟତା, ବେତନ ସବ୍‌ସିଡି, ଟିକସ ଛାଡ, ୟୁଟିଲିଟି ପେମେଣ୍ଟ ଅବଧି ବଢାଇବାକୁ ଶିଳ୍ପଗୁଡିକ ଦାବିକରି ଆସୁଛନ୍ତି। ଶିଳ୍ପଗୁଡିକରେ କ୍ୟାଶ ଫ୍ଲୋ ବା ଅର୍ଥର ପ୍ରବାହ କମିଥିବା ବେଳେ ବର୍ତ୍ତମାନ ଯାଏ ଆର୍ଥତ୍କ ସହାୟତା ମିଳିନାହିଁ। ଏହି ସମସ୍ୟାକୁ ଦେଖିଲେ, କମ୍ପାନୀଗୁଡିକ ବାଧ୍ୟ ହୋଇ ଖର୍ଚ୍ଚ କାଟ କରିବା ସହ ନିଯୁକ୍ତି ହ୍ରାସ କରିବେ ବୋଲି ଶିଳ୍ପ ସଂଘର ଜଣେ ପ୍ରତିନିଧି ମତ ଦେଇଛନ୍ତି।
ଦେଶର ଅର୍ଥ ବ୍ୟବସ୍ଥାରେ ଏମ୍‌ଏସ୍‌ଏମ୍‌ଇ ଅଂଶ ଏକତୃତୀୟାଂଶ । ଏହି ଶିଳ୍ପ ୧୧୦ ନିୟୁତ ଲୋକଙ୍କୁ ଜୀବିକା ପ୍ରଦାନ କରିଛି। ଚଳିତ ସପ୍ତାହରେ ସରକାର ଶିଳ୍ପ ଲାଗି ପ୍ରାୟ ୩୯ ବିଲିୟନ ଡଲାରର ଏକ ପ୍ୟାକେଜ ଆଣିବେ ବୋଲି ପ୍ରକ୍ରିୟା ସହ ଜଡିତ ଜଣେ ଅଧିକାରୀ ସୂଚନା ଦେଇଛନ୍ତି। ପର୍ଯ୍ୟଟନ ଶିଳ୍ପକୁ ପ୍ରୋତ୍ସାହନ ଏବଂ ଶିଳ୍ପକୁ ଟିକସ ପ୍ରୋତ୍ସାହନ ଭଳି ପଦକ୍ଷେପ ସରକାର ନେଇପାରନ୍ତି। ଶିଳ୍ପକ୍ଷେତ୍ର ସମସ୍ୟାକୁ ସରକାର ଶୀଘ୍ର ସମାଧାନ କରିବା ଦିଗରେ ପଦକ୍ଷେପ ନେବା ଆବଶ୍ୟକତା ରହିଛି ବୋଲି ନୋମୁରା ହୋଲ୍ଡିଂ ଇଣ୍ଡିଆର ମୁଖ୍ୟ ଅର୍ଥନୀତିଜ୍ଞ ସୋନାଲ ବର୍ମା ମତଦେଇଛନ୍ତି। ସରକାରଙ୍କ ସହାୟତା ପ୍ୟାକେଜ ପ୍ରାୟ ୮ ଲକ୍ଷ କୋଟି ଟଙ୍କା ହୋଇପାରେ ବୋଲି ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆର ଅର୍ଥନୀତିଜ୍ଞ ସୌମ୍ୟକାନ୍ତି ଘୋଷ, ଅଷ୍ଟ୍ରେଲିଆ ଆଣ୍ଡ ନ୍ୟୁଜିଲାଣ୍ଡ ବ୍ୟାଙ୍କିଙ୍ଗ୍‌ ଗ୍ରୁପ୍‌ର ସଞ୍ଜୟ ମାଥୁର ଆକଳନ କରିଛନ୍ତି। ରାଜକୋଷରେ ବିତ୍ତୀୟ ସମସ୍ୟା ଥିବାରୁ ସରକାର ପ୍ୟାକେଜ ପ୍ରଦାନ ବେଳେ ବିଭିନ୍ନ ପ୍ରସଙ୍ଗକୁ ବିଚାର କରୁଛନ୍ତି। ଟିକସ ସଂଗ୍ରହରେ ହ୍ରାସ ଏବଂ ସରକାରଙ୍କ ଖର୍ଚ୍ଚ ବଢୁଥିବାରୁ ଚଳିତ ବର୍ଷ ବିତ୍ତୀୟ ନିଅଣ୍ଟ ୩.୫% ରହିବ ବୋଲି କୁହାଯାଇଛି। ମାତ୍ର ଏକ ଘରୋଇ ଆକଳନ ମୁତାବକ ଆକଳନଠାରୁ ବିତ୍ତୀୟ ନିଅଣ୍ଟ ଢେର ବଢିଯିବ। ସରକାର ଆର୍ଥତ୍କ ପ୍ରୋତ୍ସାହନ ଦେବା ଜରୁରୀ ବୋଲି ଗତ ସପ୍ତାହରେ ରିଜର୍ଭ ବ୍ୟାଙ୍କ ଗଭର୍ନର ଶକ୍ତିକାନ୍ତ ଦାସ କହିଥିଲେ। ସେହିଭଳି ଧାର୍ଯ୍ୟ ବିତ୍ତୀୟ ନିଅଣ୍ଟ ଲକ୍ଷ୍ୟ ହାସଲ ବଡ଼ ଚ୍ୟାଲେଞ୍ଜ ବୋଲି ସେ ମତ ରଖିଥିଲେ।


Enter your email to get our daily news in your inbox.

All Right Reserved By Dharitri.Com

ନିବେଶକଙ୍କ କ୍ଷତି ୫.୮୨ ଲକ୍ଷ କୋଟି

ନୂଆଦିଲ୍ଲୀ,୫।୫:ସୋମବାର ଦେଶର ପୁଞ୍ଜିବଜାର କାରବାର କ୍ଷତିଗ୍ରସ୍ତ ସ୍ଥିତିରେ ରହିଛି। ବମ୍ବେ ଷ୍ଟକ ଏକ୍ସଚେଞ୍ଜର ସେନ୍‌ସେକ୍ସ ୨୦୦୨ ପଏଣ୍ଟ ଖସିବା ଯୋଗୁ ନିବେଶକଙ୍କ ସମ୍ପତ୍ତିରେ ୫.୮୨ ଲକ୍ଷ...

ଲୋଡ଼ା ପଡ଼ିପାରେ ୧.୬ ଲକ୍ଷ କୋଟିର ଋଣ

ନୂଆଦିଲ୍ଲୀ:  କରୋନା ମହାମାରୀ ପାଇଁ କେନ୍ଦ୍ର ସରକାରଙ୍କ ରାଜସ୍ବ ସଂଗ୍ରହ ପ୍ରଭାବିତ ହୋଇ ରହିଛି। ଏଭଳି ସ୍ଥିତିରେ ରାଜ୍ୟଗୁଡ଼ିକର ରାଜସ୍ବ କ୍ଷତି ଭରଣା ନିମନ୍ତେ କେନ୍ଦ୍ର ସରକାର...

କମ୍ପାନୀଙ୍କ ବଜାର ପୁଞ୍ଜୀକରଣ ୩.୧୦ ଲକ୍ଷ କୋଟି ବଢ଼ିଲା

ନୂଆଦିଲ୍ଲୀ,୪। ୫: ଦେଶର ପୁଞ୍ଜିବଜାର କାରବାର ଏବେ ପ୍ରଭାବିତ ସ୍ଥିତିରେ ରହିଛି। ଏହା ସତ୍ତ୍ୱେ ମଧ୍ୟ ଦେଶର ୧୦ ପ୍ରମୁଖ କମ୍ପାନୀଙ୍କ ବଜାର ପୁଞ୍ଜୀକରଣ ଗତ...

ଅର୍ଥ ବ୍ୟବସ୍ଥା ପାଇଁ ମନମୋହନଙ୍କ ୩ ମନ୍ତ୍ର

  ନୂଆଦିଲ୍ଲୀ,୧୧।୮: ମାନ୍ଦାବସ୍ଥା ସହ କରୋନା ଜନିତ ଲକ୍‌ଡାଉନ ପାଇଁ ଦେଶର ଅର୍ଥ ବ୍ୟବସ୍ଥା ଏକ ସଙ୍କଟ ସମୟ ଦେଇ ଗତି କରୁଛି। ଅବସ୍ଥାକୁ ସୁଧାରିବା...

କୋର୍‌ ସେକ୍ଟର ଅଭିବୃଦ୍ଧି ୨.୫% ହ୍ରାସ

ନୂଆଦିଲ୍ଲୀ,୨୮।୧୧: କରୋନା ମହାମାରୀର ଯୋଗୁ ଅର୍ଥ ବ୍ୟବସ୍ଥା କ୍ଷତିଗ୍ରସ୍ତ ହୋଇଛି। ଦେଶ ମଧ୍ୟରେ ଆର୍ଥତ୍କ କାର୍ଯ୍ୟକଳାପ ମଧ୍ୟ ପ୍ରଭାବିତ ହୋଇ ରହିଛି। ଲକଡାଉନ କଟକଣାକୁ ସରକାର...

ଦାମ୍‌ ବଢ଼ିଲା, ଚାହିଦା କମିଲା, ୧୫ ଦିନରେ ୧୦ ପ୍ରତିଶତ ହ୍ରାସ…

ନୂଆଦିଲ୍ଲୀ, ୧୬।୪ : ଦେଶରେ ପେଟ୍ରୋଲ ଡିଜେଲ ଦାମ୍‌ରେ ଲଗାତାର ବୃଦ୍ଧି ଜାରି ରହିଛି। ଦାମ୍‌ ବଢ଼ିବା ଯୋଗୁ ଗତ ୧୫ ଦିନ ମଧ୍ୟରେ ଦେଶରେ...

କେନ୍ଦ୍ରୀୟ ଟିକସରୁ ଓଡ଼ିଶାକୁ ୨,୧୩୧ କୋଟି

ନୂଆଦିଲ୍ଲୀ,୨୧।୪: କେନ୍ଦ୍ରୀୟ ଟିକସ ଏବଂ ଶୁଳ୍କରେ ରାଜ୍ୟଗୁଡିକର ଅଂଶ ବାବଦକୁ ଏପ୍ରିଲର କିସ୍ତି ପ୍ରଦାନ ଲାଗି କେନ୍ଦ୍ର ଅର୍ଥ ମନ୍ତ୍ରଣାଳୟ ପକ୍ଷରୁ ୪୬,୦୩୮ କୋଟି ଟଙ୍କାର...

ଔଦ୍ୟୋଗିକ ଉତ୍ପାଦନ ୦.୩% ହ୍ରାସ

ନୂଆଦିଲ୍ଲୀ,୧୩-୨: ଗତ ଡିସେମ୍ବର ମାସରେ ଦେଶର ଔଦ୍ୟୋଗିକ ଉତ୍ପାଦନ ୦.୩% ହ୍ରାସ ଘଟିଛି। ମାନୁଫାକଚରିଂ କ୍ଷେତ୍ରରେ ହ୍ରାସ ଯୋଗୁ ଏହା ହୋଇଥିବା ସରକାରୀ ଡାଟାରୁ ଜଣାପଡିଛି।...

Advertisement
Archives

Model This Week