କରୋନା ମୁକାବିଲା: ପର୍ଯ୍ୟାପ୍ତ ସ୍ବାସ୍ଥ୍ୟ ଭିତ୍ତିଭୂମି ଅଭାବ ବଡ଼ ଚ୍ୟାଲେଞ୍ଜ

ମୁମ୍ବାଇ,୧୬।୩: କରୋନା ସଂକ୍ରମଣକୁ ରୋକିବା ଲାଗି ସରକାର ମଲ୍‌ ଏବଂ ଅନ୍ୟ ସାର୍ବଜନୀନ ସ୍ଥାନଗୁଡିକୁ ନ ଯିବା ଲାଗି ଲୋକଙ୍କୁ ବାରଣ କରିଛନ୍ତି। ଦେଶର ବିଭିନ୍ନ ପ୍ରାନ୍ତରେ ଏହି ସ୍ଥାନଗୁଡିକୁ ନିର୍ଦ୍ଦିଷ୍ଟ ସମୟ ଲାଗି ବନ୍ଦ କରି ଦିଆଯାଇଛି। ଏଭଳି ସ୍ଥିତିରେ କରୋନା ପ୍ରଭାବିତ ୧୦ ଶୀର୍ଷ ଦେଶର ମେଡିକାଲ ଭିତ୍ତିଭୂମି ଏବଂ ଅନ୍ୟ ଡାଟା ଉପରେ ତର୍ଜମା କରିବା ପରେ ଏକ ଜଟିଳ ପ୍ରସଙ୍ଗ ସାମ୍ନାକୁ ଆସିଛି। ଏହି ମହାମାରୀ ସହ ଲଢେଇ ଲାଗି ଆବଶ୍ୟକୀୟ ଭିତ୍ତିଭୂମି ତଥା ଅନ୍ୟ ସମ୍ବଳ କ୍ଷେତ୍ରରେ ଶୀର୍ଷ ପ୍ରଭାବିତ ଦେଶଗୁଡିକ ତୁଳନାରେ ଭାରତ ପଛରେ ରହିଛି ବୋଲି ତର୍ଜମାରୁ ଜଣାପଡିଛି। ବିଶ୍ୱ ସ୍ବାସ୍ଥ୍ୟ ସଙ୍ଗଠନ (ଡବ୍ଲ୍ୟୁଏଚ୍‌ଓ) ଡାଟା ମୁତାବକ ବର୍ତ୍ତମାନ ସୁଦ୍ଧା ୧୨୩ ଦେଶର ୧.୩୨ ଲକ୍ଷ ଲୋକ ଏହି ରୋଗର ଶିକାର ହୋଇଛନ୍ତି। ଚାଇନା, ଇଟାଲି, ଇରାନ, ଦକ୍ଷିଣ କୋରିଆ, ସ୍ପେନ, ଫ୍ରାନ୍ସ, ଜର୍ମାନୀ, ୟୁଏସ୍‌ଏ, ସୁଇଜରଲାଣ୍ଡ, ଜାପାନ ଅଧିକ ପ୍ରଭାବିତ ୧୦ ଦେଶ ମଧ୍ୟରେ ରହିଛନ୍ତି।
ଭାରତରେ ହସ୍ପିଟାଲ ବେଡ୍‌ ସଂଖ୍ୟା କମ୍‌ ରହିଥିବାବେଳେ ପ୍ରତି ୧୦୦୦ ଜନସଂଖ୍ୟାରେ ଡାକ୍ତର ମଧ୍ୟ କମ୍‌ ରହିଛନ୍ତି। ଏକ ବୃହତ୍‌ ସଂଖ୍ୟକ ଜନସଂଖ୍ୟା ହାତ ଧୋଇବା ଲାଗି ପର୍ଯ୍ୟାପ୍ତ ସୁଯୋଗ ଉପଲବ୍ଧ ନାହିଁ। ସ୍ବାସ୍ଥ୍ୟ ସେବା ଖର୍ଚ୍ଚ ଏବେ ବଢିଥିବାରୁ ରୋଗ ବ୍ୟାପିଲେ ଏହା ଲୋକଙ୍କ ମଧ୍ୟରେ ଅସମାନତା ସୃଷ୍ଟି ଏବଂ ସମ୍ପତ୍ତି ହାନି କରିବ ବୋଲି ରିପୋର୍ଟରେ କୁହାଯାଇଛି। ଡାଟା ମୁତାବକ ଭାରତରେ ୦.୭% ହସ୍ପିଟାଲ ବେଡ୍‌ ରହିଥିବାବେଳେ ୧୦୦୦ ଲୋକଙ୍କ ତୁଳନାରେ ଫିଜିସିଆନଙ୍କ ସଂଖ୍ୟା ମଧ୍ୟ କମ୍‌ (୨୦୧୧ ଡାଟା)। ଚାଇନାରେ ଏହା ୩.୮ ରହିଥିବା ବେଳେ ଇଟାଲିରେ ୩.୫ ରହିଛି। ଚାଇନାରେ ଫିଜିସିଆନ ୧.୮ ରହିଥିବାବେଳେ ଇଟାଲିରେ ଏହା ୪.୧।
କରୋନାକୁ ପ୍ରତିରୋଧ କରିବା ଲାଗି ହାତ ଧୋଇବା ପାଇଁ ଲୋକଙ୍କୁ ପରାମର୍ଶ ଦିଆଯାଉଛି। ଏଭଳି ସ୍ଥିତିରେ ଭାରତର ୫୦.୭% ଗ୍ରାମୀଣ ଜନସଂଖ୍ୟାଙ୍କ ନିକଟରେ ସାଧାରଣ ହାତଧୋଇବା ସୁବିଧା ନାହିଁ। ଏହା ମଧ୍ୟରେ ସାବୁନ ଏବଂ ଜଳ ମଧ୍ୟ ସାମିଲ ରହିଛି। ସହରାଞ୍ଚଳରେ ୨୦.୨% ଲୋକଙ୍କ ନିକଟରେ ଏଭଳି ସୁବିଧା ନାହିଁ। ମୋଟାମୋଟି ଭାବେ କହିବାକୁ ଗଲେ ୪୦.୫% ଜନସଂଖ୍ୟା ଏଭଳି ସୁବିଧା ଲାଭ ଠାରୁ ପଛୁଆ ଅଛନ୍ତି।
କିଛି ବଡ଼ ରୋଗ ହେଲେ ଭାରତୀୟଙ୍କୁ ଅଧିକ ପରିମାଣର ଖର୍ଚ୍ଚ କରିବାକୁ ପଡେ। ଏହାକୁ ଆର୍ଥତ୍କ ସ୍ଥିତି ଖରାପ ହେବାର ଅନ୍ୟ ଏକ କାରଣ ବୋଲି ମଧ୍ୟ ବିଚାର କରାଯାଏ। ସ୍ବାସ୍ଥ୍ୟ ଖରାପ ସମୟରେ ହେଉଥିବା ଖର୍ଚ୍ଚକୁ ଭରଣା କରିବା ଲାଗି ଲୋକଙ୍କୁ ହଇରାଣ ହରକତ ହେବାକୁ ପଡିଥାଏ। ଭାରତ ଏହାର ମୋଟ ଘରୋଇ ଉତ୍ପାଦ (ଜିଡିପି)ର କିଞ୍ଚତ୍ତ ଭାଗ ସ୍ବାସ୍ଥ୍ୟ ସେବାରେ ଖର୍ଚ୍ଚ କରିଥାଏ। ବିଶ୍ୱ ବ୍ୟାଙ୍କ ଦେଇଥିବା ତଥ୍ୟ ମୁତାବକ ଭାରତ ସ୍ବାସ୍ଥ୍ୟ କ୍ଷେତ୍ରରେ ସରକାରୀ ଖର୍ଚ୍ଚ ବାବଦ ୩.୧୪% ଖଚ୍ଚର୍ର୍ କରୁଛି। ଏହା ଚାଇନାରେ ୯.୫%, ଇଟାଲିରେ ୧୩.୪୭% ଏବଂ ଇରାନରେ ୨୨.୬% ରହିଛି। ସାର୍ବଜନୀନ ସ୍ବାସ୍ଥ୍ୟ ସେବା ଯୋଗାଣ ଲକ୍ଷ୍ୟରେ କେନ୍ଦ୍ର ସରକାର ଆୟୁଷ୍ମାନ ଭାରତ ଯୋଜନା ଘୋଷଣା କରିଛନ୍ତି। ଏହାକୁ ସମ୍ପୂର୍ଣ୍ଣ ଭାବେ ଲାଗୁ କରାଇବା ଲାଗି ସରକାର ଏବେଯାଏ ସକ୍ଷମ ହୋଇ ପାରିନାହାନ୍ତି। ଏହି ଯୋଜନାରେ କିଛି ହସ୍ପିଟାଲ ରୋଗୀଙ୍କୁ ସେବା ଯୋଗାଣ ନେଇ ଅଗ୍ରାହ୍ୟ କରି ଦେଉଛନ୍ତି।
ସ୍ବାସ୍ଥ୍ୟ ଭିତ୍ତିଭୂମି ଉନ୍ନତ ନ ଥିଲେ, ରୋଗକୁ ପ୍ରତିରୋଧ କରିବା ଚ୍ୟାଲେଞ୍ଜ ହୋଇପଡେ। କରୋନାକୁ ରୋକିବା ଦିଗରେ ସରକାର ବିହୀତ ପଦକ୍ଷେପ ଗ୍ରହଣ କରିବେ ବୋଲି ମଣିପାଲ ଏଜୁକେଶନ ଆଣ୍ଡ ହେଲ୍‌ଥ ଗ୍ରୁପ ଚେୟାରମ୍ୟାନ ରଞ୍ଜନ ପାଇ କହିଛନ୍ତି। କରୋନା ସଂକ୍ରମଣକୁ ରୋକିବା ଲାଗି ଆବଶ୍ୟକ ହେଉଥିବା ମାସ୍କ, ରେସ୍ପିରେଟୋରି ଇକ୍ୱିପମେଣ୍ଟ ଯୋଗାଣ ମଧ୍ୟ ପ୍ରମୁଖ ଆବଶ୍ୟକତା ବୋଲି ଶିଳ୍ପ ପକ୍ଷରୁ କୁହାଯାଇଛି। ବିଭିନ୍ନ ଡିଭାଇସ ଲାଗି ଭାରତ ଅନ୍ୟ ଦେଶ ଉପରେ ନିର୍ଭର କରୁଥିବାରୁ ଏହା ଦେଶର ପ୍ରକୃତ କ୍ଷମତାକୁ ଏବେ ପଦାରେ ପକାଇଛି। ଚାଇନାରୁ ଆସୁଥିବା ବିଭିନ୍ନ ମେଡିକାଲ ଯନ୍ତ୍ରାଂଶ କରୋନା ପ୍ରତିବନ୍ଧକ ଯୋଗୁ ଆଣିବାକୁ କଟକଣା ଲାଗିଛି। ଏବେ ଦେଶ ମଧ୍ୟରେ ମାସ୍କ, ଗ୍ଲୋବ୍‌ସ ଏବଂ ଅନ୍ୟ ସାମଗ୍ରୀ ଯୋଗାଇବା ଲାଗି ଉତ୍ପାଦନ ଅହରହ ଜାରି ରହିଛି ବୋଲି ଆସୋସିଏଶନ ଅଫ୍‌ ଇଣ୍ଡିଆନ ମେଡିକାଲ ଡିଜାଇସ୍‌ ଇଣ୍ଡଷ୍ଟ୍ରି ପକ୍ଷରୁ ରାଜୀବ ନାଥ କହିଛନ୍ତି। ବିଶ୍ୱସ୍ତରରେ କୋଭିଡ-୧୯ ସଲିଡାରିଡି ଫଣ୍ଡ ଗଠନ ଦ୍ୱାରା ଏହି ରୋଗ ସକ୍ରମଣକୁ ରୋକିବା ଲାଗି ପଦକ୍ଷେପ ଗ୍ରହଣ କରାଯାଇଛି। ୪୭ ଦେଶକୁ ପ୍ରୋ-ଆକ୍ଟିଭ ଇକ୍ୱିପମେଣ୍ଟ ପଠାଯାଇଥିବା ବେଳେ ତଥାପି ଏହାର ଅଭାବ ରହୁଛି। ଏଣୁ ଉତ୍ପାଦନ ପ୍ରାୟ ୪୦% ବଢାଯାଇଛି ବୋଲି ବିଶ୍ୱ ସ୍ବାସ୍ଥ୍ୟ ସଙ୍ଗଠନ ପକ୍ଷରୁ ସୂଚନା ରହିଛି।

କରୋନା ମୁକାବିଲା: ଭାରତ କେତେ ସକ୍ଷମ

-ପ୍ରମୁଖ ଦେଶ ମଧ୍ୟରେ ଭାରତ ପଛରେ
-ବେଡ୍‌ ସଂଖ୍ୟା ସ୍ବଳ୍ପ, ପ୍ରତି ହଜାର ଲୋକ ତୁଳନାରେ କମ୍‌ ଡାକ୍ତର
-୫୦.୭% ଗ୍ରାମାଞ୍ଚଳ ଲୋକଙ୍କ ପାଖେ ନାହିଁ ସାଧାରଣ ହାତଧୋଇବା ସୁବିଧା
-ସହରାଞ୍ଚଳରେ ୨୦.୨%, ସାମଗ୍ରିକ ହାର ୪୦.୫%
-ଅନ୍ୟ ଦେଶ ତୁଳନାରେ ସ୍ବାସ୍ଥ୍ୟ ସେବାରେ ଭାରତର ଖର୍ଚ୍ଚ କମ୍‌
-ସାରା ଦେଶରେ ଲାଗୁ ହୋଇ ପାରିନି ଆୟୁଷ୍ମାନ ଭାରତ
-ମାସ୍କ,ଅନ୍ୟ ସାମଗ୍ରୀ ସମସ୍ତଙ୍କ ପାଖରେ ପହଞ୍ଚିବା କଷ୍ଟକର


Enter your email to get our daily news in your inbox.

All Right Reserved By Dharitri.Com

୫୭% ଯାନର ଇନସ୍ୟୁରାନ୍ସ ନାହିଁ

ନୂଆଦିଲ୍ଲୀ: ଦେଶ ମଧ୍ୟରେ ଚାଲୁଥିବା ପ୍ରାୟ ୫୭% ଯାନର ଇନସ୍ୟୁରାନ୍ସ ନାହିଁ। ଗତ ବର୍ଷ ଏହା ୫୪% ସ୍ତରରେ ରହିଥିବା ବେଳେ ଚଳିତ ବର୍ଷ ଏଥିରେ...

ବିମାନଯାତ୍ରାରେ ବୃଦ୍ଧି

ନୂଆଦିଲ୍ଲୀ, ୨୨ା୫: ଗତ ମାସ ଅର୍ଥାତ୍‌ ଏପ୍ରିଲରେ ପ୍ରାୟ ୧.୦୮ କୋଟି ଯାତ୍ରୀ ଘରୋଇ ବିମାନ ଯାତ୍ରା କରିଛନ୍ତି। ମାର୍ଚ୍ଚ ତୁଳନାରେ ବିମାନଯାତ୍ରାରେ ୨% ବୃଦ୍ଧି...

ବଢ଼ୁଛି ନରେଶ ଗୋୟଲଙ୍କ ଅଡ଼ୁଆ;ଜେଟ୍‌ରେ ଆର୍ଥିକ ଅନିୟମିତତାର ଯାଞ୍ଚ ଆରମ୍ଭ

ନୂଆଦିଲ୍ଲୀ,୨୮-୫: ସାମୟିକ ବନ୍ଦ ହୋଇଯାଇଥିବା ଜେଟ୍‌ ଏୟାରଓ୍ବେଜରେ ଆର୍ଥିକ ଅନିୟମିତତା ହୋଇଥିବା ନେଇ ଅଭିଯୋଗ ହୋଇଛି। ପ୍ରମୋଟର ନରେଶ ଗୋୟଲଙ୍କ ବିରୋଧରେ ଏବେ ଦୁଇଟି ସରକାରୀ...

ଖୁବ୍‌ଶୀଘ୍ର ସେଞ୍ଚୁରୀ ମାରିପାରେ ଟମାଟୋ

ଲକ୍ଷ୍ନୌ,୨।୭: ୧୦ ଦିନରେ ୩ ଗୁଣା ବଢିଲାଣି ଟମାଟୋ। ଦୁଇ ସପ୍ତାହ ପୂବରୁ ଟମାଟୋ କିଲୋ ପିଛା ୧୫-୨୦ ଟଙ୍କା ଥିବା ବେଳେ ଏବେ ଏହା...

ଟ୍ରାକ୍‌କୁ ଫେରୁଛି ଅର୍ଥ ବ୍ୟବସ୍ଥା:ସିଆଇଆଇ

ନୂଆଦିଲ୍ଲୀ,୨୯।୭: କରୋନା ଯୋଗୁ ଅର୍ଥ ବ୍ୟବସ୍ଥାକୁ ଗଭୀର କ୍ଷତି ହୋଇଛି। ଏହାଦ୍ୱାରା ଦେଶର ବିଭିନ୍ନ କ୍ଷେତ୍ର ପ୍ରଭାବିତ ହୋଇ ରହିଛି। ମାତ୍ର ଏପ୍ରିଲ ତୁଳନାରେ ବର୍ତ୍ତମାନ...

ଆର୍‌ବିଆଇ କର୍ମଚାରୀ ୟୁନିୟନର ଦାବି;ଗଭର୍ନର, ଡେପୁଟି ଗଭର୍ନର ଚୟନ କଲେଜିୟମ ଦ୍ୱାରା ହେଉ

ମୁମ୍ବାଇ,୨୬-୬: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର ଗଭର୍ନର ଏବଂ ଡେପୁଟି ଗଭର୍ନରଙ୍କ ଚୟନ ବିଶେଷଜ୍ଞଙ୍କୁ ନେଇ ଗଠିତ କଲେଜିୟମ ଦ୍ୱାରା କରାଯିବା ଆବଶ୍ୟକ ବୋଲି କେନ୍ଦ୍ରୀୟ ବ୍ୟାଙ୍କ...

ବିଏସ୍‌-୬ ମୋଟର ସାଇକେଲ ଆଣିଲା ହିରୋ

ନୂଆଦିଲ୍ଲୀ,୧୧-୧୧: ହିରୋମୋଟୋକର୍ପ ଲିମିଟେଡ ପକ୍ଷରୁ ଦେଶର ପ୍ରଥମ ବିଏସ୍‌-୬ ମୋଟର ସାଇକେଲ ସ୍ପ୍ଲେଣ୍ଡର ଆଇ-ସ୍ମାର୍ଟର ବଜାର ପ୍ରବେଶ କରାଯାଇଛି। ଆଇସିଏଟି ପ୍ରମାଣପତ୍ର ଲାଭ କରିବାର ମାତ୍ର...

ଷ୍ଟାଟସ୍‌ ଜରିଆରେ ସଚେତନ କରାଇଲା ହ୍ବାଟ୍‌ସଆପ୍‌

ନୂଆଦିଲ୍ଲୀ: ହ୍ବାଟ୍‌ସଆପ୍‌ର ନୂଆ ଫିଚର ଓ ନିୟମାବଳୀକୁ ନେଇ ଗତ କିଛିଦିନ ହେବ ୟୁଜର୍ସମାନେ (ହ୍ବାଟ୍‌ସଆପ୍‌ ବ୍ୟବହାରକାରୀ) ନାନା ଦ୍ୱନ୍ଦ୍ୱରେ ପଡିଯାଇଛନ୍ତି। ୟୁଜର୍ସଙ୍କ ଗୋପନୀୟତା ପଦାରେ...

Advertisement
Archives

Model This Week