ବେଜିଂ,୨୦।୨: କରୋନା ଭାଇରସ ସଂକ୍ରମଣରେ ଚାଇନାରେ ଏବେ ସୁଦ୍ଧା ୨,୧୧୨ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଏହାସହ ୭୪,୧୮୫ ଏହି ମାରାତ୍ମକ କରୋନା ଭାଇରସରେ ସଂକ୍ରମିତ ହୋଇ ଚିକିତ୍ସିତ ହେଉଥିବା କୁହାଯାଉଛି। ଏଥିରେ ସର୍ବାଧିକ ମୃତ୍ୟୁ ସଂଖ୍ୟା ଚାଇନାର ହୁବଇ ସହରରେ ହୋଇଛି ବୋଲି ଜଣାପଡିଛି। ସବୁଠାରୁ ବଡ କଥା ହେଲା ଏଥିରେ ପୀଡିତ ଥିବା ସବୁଠାରୁ କମ୍ ବୟସର ରୋଗୀ ଅର୍ଥାତ୍ ୭ ମାସର ଜଣେ ଶିଶୁ ସୁସ୍ଥ ହେବା ପରେ ତାଙ୍କୁ ହସ୍ପିଟାଲରୁ ଘରକୁ ଯିବାକୁ ଅନୁମତି ପ୍ରଦାନ କରାଯାଇଛି। ସୂଚନାଯୋଗ, ଫେବୃୟାରୀ ୩ରେ ଉକ୍ତ ଶିଶୁଟି କରୋନା ଭାଇରସରେ ପୀଡିତ ଥିବା ଜଣାପଡିବା ପରେ ତା’ର ଚିକିତ୍ସା ଚାଲିଥିଲା। ଆଉ ଏବେ ସେ ସମ୍ପୂର୍ଣ୍ଣ ସୁସ୍ଥ ହୋଇଥିବା କୁହାଯାଉଛି। ଗତବର୍ଷ ଡିସେମ୍ବରରେ ଚାଇନାରେ ପ୍ରଥମ କରି ଦେଖାଯାଇଥିବା କରୋନା ଭାଇରସ ଏବେ ସେଠାରେ ମହାମାରୀର ରୂପ ନେଇ ସାରିଲାଣି। ଏପଟେ କେବଳ ଚାଇନା ନୁହେଁ ଭାରତ ସମେତ ବିଶ୍ୱର ଆଉ କିଛି ଦେଶକୁ ମଧ୍ୟ ଏହା ବ୍ୟାପି ଗଲାଣି।
