ମାସାଚ୍ୟୁସେଟସ୍ ଇନ୍ଷ୍ଟିଚ୍ୟୁଟ୍ସ ଅଫ୍ ଟେକ୍ନୋଲୋଜି(ଏମ୍ଆଇଟି)ର କମ୍ପ୍ୟୁଟର ସାଇନ୍ସ ଆଣ୍ଡ୍ ଆର୍ଟିଫିସିିଆଲ ଇଣ୍ଟେଲିଜେନ୍ସି ଲାବୋରେଟୋରି (ସିଏସ୍ଏଆଇଏଲ୍)ଏକ ଆର୍ଟିଫସିିଆଲ କେବୁଲ ବିକାଶ କରିଛି। ଏହାଦ୍ୱାରା ବ୍ୟକ୍ତିର ସ୍ବରର ଅଡିଓ କ୍ଲିପ୍ରୁ ମୁହଁର ଆକୃତି ଜଣାପଡୁଛି। ଏହି ତଥ୍ୟ ପ୍ରି-ପ୍ରିଣ୍ଟ୍ ସର୍ଭର୍ ରିର୍ପୋର୍ଟରେ ପ୍ରକାଶ ପାଇଛି। ମସ୍ତିଷ୍କର ସ୍ନାୟବିକ ଗଠନଶୈଳୀ( ନ୍ୟୁରାଲ ନେଟ୍ଓ୍ବାର୍କ)ରେ ନିର୍ମିତ ଏହି କେବଲକୁ ସ୍ପିଚ୍-ଟୁ-ଫେଶ୍ କୁହାଯାଉଛି। ମଣିଷର ମସ୍ତିଷ୍କ ଯେପରି କାମ କରେ ଓ ଜାଣିପାରେ ସେଭଳି ଗାଣିତିକ ସମସ୍ୟାର ସମାଧାନ କରିବା ଭଳି ଜ୍ଞାନକୌଶଳ ପ୍ରୟୋଗ କରାଯାଇ ଏହାକୁ ନିର୍ମାଣ କରାଯାଇଛି। ଏହି ପଦ୍ଧତିରେ ସ୍ପିଚ୍-ଟୁ-ଫେଶ୍ର ଆଲ୍ଗୋରିଦିମ ଟେକ୍ନିକ୍ ଡାଟାସେଟ୍ ଉପଯୋଗ କରି ପ୍ରାୟ ୧ ଲକ୍ଷ ଲୋକଙ୍କ କଥାକୁ ନେଇ ସଫଳ ପ୍ରଯୋଗ କରିସାରିଛି। କଥା କହିବା ସମୟରେ ମୁହଁର ବିଭିନ୍ନ ଅଂଶରେ କିଛି ପରିବର୍ତ୍ତନ ହୋଇଥାଏ। କିଛି କହିବା ସମୟରେ ଏହିିସବୁ ପରିବର୍ତ୍ତନକୁ ସ୍ପିଚ୍-ଟୁ-ଫେଶ୍ ଲକ୍ଷ୍ୟକରି ମୁହଁର ଆକୃତି ଆଣିପାରୁଛି।
