ଆମେରିକାର ଫ୍ଲୋରିଡାସ୍ଥିତ ବୋକାରେଟନ୍ରେ ଏକ କଇଁଛ ସମୁଦ୍ର କୂଳକୁ ଚାଲିଆସିଥିଲା। ଗତ ସପ୍ତାହରେ କଇଁଛଟିକୁ ଗୁମ୍ବୋ-ଲିମ୍ବୋ ନେଚର ସେଣ୍ଟରର ସଦସ୍ୟମାନେ ପାଇଥିଲେ। କିନ୍ତୁ କଇଁଛଟି କିଛି ସମୟ ମଧ୍ୟରେ ମରିଗଲା। ତେବେ କଇଁଛଟିର ମୃତ୍ୟୁର କାରଣ ଆଶ୍ଚର୍ଯ୍ୟଜକ।
ମେଡିକାଲ ରିପୋର୍ଟରୁ ଜଣାପଡ଼ିଛି, ପ୍ଲାଷ୍ଟିକ ଯୋଗୁ କଇଁଛଟିର ମୃତ୍ୟୁ ଘଟିଛି। ଏହି କଇଁଛଟି ଖଣ୍ଡେ କି ଦୁଇ ଖଣ୍ଡ ନୁହେଁ ୧୦୪ ଖଣ୍ଡ ପ୍ଲାଷ୍ଟିକ ଗିଳି ଦେଇଥିବାରୁ ମୃତ୍ୟୁ ଘଟିଛି। ଖାଲି ମଣିଷ ନୁହେଁ, ପ୍ଲାଷ୍ଟିକ ଜୀବଜନ୍ତୁଙ୍କ ପାଇଁ ମଧ୍ୟ ବହୁ ହାନିକାରକ। ଏହାର ବ୍ୟବହାରରେ ପ୍ରତିବନ୍ଧକ ବି ଲାଗିଛି। କାରଣ ଏହା ଖୁବ୍ କମ୍ ସମୟ ମଧ୍ୟରେ ଜୀବନ ନେଇଯାଇଥାଏ। ଯଦି ଆମେ ଏଥିପ୍ରତି ସଚେତନ ନ ହେବା ତେବେ ଏହାର ପରିଣାମ ବହୁ ଭୟଙ୍କର ହୋଇଯିବ। ଏଥିରୁ ମୁକ୍ତି ପାଇବାକୁ ହେଲେ ସଚେତନତା ଜରୁରୀ। ଏହାର ସଦ୍ୟ ଉଦାହରଣ ନିରୀହ ଜୀବ କଇଁଛଟି। ଏହି ଫଟୋକୁ ଗୁମ୍ବୋ-ଲିମ୍ବୋ ନେଚରର ସଦସ୍ୟମାନେ ଟୁଇଟର ଆକଉଣ୍ଟରେ ଶେୟାର କରିଛନ୍ତି। ଏଥିସହିତ ପ୍ଲାଷ୍ଟିକ ବ୍ୟବହାର ନ କରିବାକୁ ଲୋକଙ୍କୁ ସଚେତନ ମଧ୍ୟ କରିଛନ୍ତି।
