ଭୁବନେଶ୍ୱର, ୨୨।୮(ବ୍ୟୁରୋ) ହ୍ୟୁଣ୍ଡାଇ ଇଲେକ୍ଟ୍ରୋନିକ୍ସ ଇଣ୍ଡିଆ ଲିମିଟେଡ ପକ୍ଷରୁ ଓଡ଼ିଶା ବଜାରରେ ଏହାର ପ୍ରଡକ୍ଟଗୁଡିକର ଶୁଭାରମ୍ଭ ଘୋଷଣା କରାଯାଇଛି। କମ୍ପାନୀର ଚିଫ୍ ଅପରେଟିଂ ଅଫିସର (ସିଓଓ) ଅଭିଷେକ ମାଲପାନି, ବିତରକ ପପୁ ହଂସ ଏବଂ କମ୍ପାନୀର ଜୋନାଲ ପ୍ରବନ୍ଧକ ରାହୁଲ ଛିବେର ପ୍ରଡକ୍ଟଗୁଡିକୁ ସ୍ଥାନୀୟ ଏକ ହୋଟେଲରେ ଅନୁଷ୍ଠିତ କାର୍ଯ୍ୟକ୍ରମରେ ବଜାର ପ୍ରବେଶ କରାଇଛନ୍ତି। କମ୍ପାନୀ ପ୍ରାଥମିକ ପର୍ଯ୍ୟାୟରେ ୪ଟି ବର୍ଗରେ ଏହାର ପ୍ରଡକ୍ଟ ଆଣିଛି। ଏହା ମଧ୍ୟରେ ଟିଭି, ରେଫ୍ରିଜରେଟର, ଓ୍ବାଶିଂମେଶିନ ଏବଂ ଏସି ରହିଛି। ଆଗାମୀ ଦିନରେ ଅଧିକ ପ୍ରଡକ୍ଟ ଆଣିବା ନେଇ କମ୍ପାନୀ ଲକ୍ଷ୍ୟଧାର୍ଯ୍ୟ କରିଛି। ଏହି ଅବସରରେ ରାଜ୍ୟର ବିଭିନ୍ନ ପ୍ରାନ୍ତରୁ ଡିଲରମାନେ ଯୋଗଦେଇଥିଲେ। ସେହିଭଳି କମ୍ପାନୀର ପ୍ରଡକ୍ଟ ଏହି ଅବସରରେ ପ୍ରଦର୍ଶନ କରାଯାଇଥିଲା। ହ୍ୟୁଣ୍ଡାଇ କର୍ପୋରେଶନ ଘରୋଇ ବଜାରରେ ଏହାର ଗାଡି ସେଗମେଣ୍ଟ ଲାଗି ଲୋକଙ୍କ ମଧ୍ୟରେ ବେଶ ପରିଚିତ ଥିବା ବେଳେ ଏହି ନୂଆ ସେଗମେଣ୍ଟରେ ଆସିଥିବାରୁ ବେଶ୍ ଭଲ ପ୍ରଦର୍ଶନ ନେଇ ଆଶାବାଦୀ ରହିଥିବା ବିତରକ ପପୁ ହଂସ କହିଛନ୍ତି।
