ନୂଆଦିଲ୍ଲୀ,୭।୧୨: ଟେଲିକମ କମ୍ପାନୀଙ୍କ କଲ୍ ରେଟ୍କୁ ନେଇ ଏବେ ଗ୍ରାହକ ଏକ ପ୍ରକାର ହଡବଡେଇ ଯାଉଛନ୍ତି। ଏତିକି ବେଳେ କିନ୍ତୁ ଏୟାରଟେଲ ତା’ ଉପଭୋକ୍ତାଙ୍କ ପାଇଁ ଆଣିଛି ଖୁସି ଖବର। କାରଣ ଏବେ କମ୍ପାନୀ ଫେୟାର ୟୁସେଜ ପଲିସି ଲିମିଟ(ଏଫ୍ୟୁପି)ଚାର୍ଜକୁ ହଟାଇ ଦେଇଛି। ଏହା ହଟିଯିବା ପରେ ଏବେ ଉପଭୋକ୍ତା ଅନ୍ୟ ନେଟଓ୍ବର୍କକୁ ଅନ୍ଲିମିଟେଡ କଲ୍ କରିପାରିବେ ବୋଲି କମ୍ପାନୀ କହିଛି। ଏହା ପୂର୍ବରୁ ଏୟାରଟେଲ ନିଜ ଟାରିଫରେ ପରିବର୍ତ୍ତନ କରି ଏୟାରଟେଲ ବ୍ୟତୀତ ଅନ୍ୟ ନେଟଓ୍ବର୍କକୁ କଲ୍ ପାଇଁ ଲିମିଟେଡ ରେଟ୍ (୬ ପଇସା ପ୍ରତି ମିନିଟ୍)ରଖିଥିଲା। ଏବେ ଏଫ୍ୟୁପି ହଟାଯିବା କଥା କମ୍ପାନୀ ପକ୍ଷରୁ ଟୁଇଟ୍ କରି କୁହାଯାଇଥିବା ଜଣାପଡିଛି। ଆଉ ଏହା ହଟିଯିବା ପରେ ଏବେ ଉପଭୋକ୍ତା ଏହାର ଲାଭ ଉଠାଇ ପାରିବେ।
