ଚଣ୍ଡୀଗଡ,୨୪-୧୨: ଲଭ୍ଲୀ ପ୍ରଫେଶନାଲ ୟୁନିଭର୍ସିଟି (ଏଲ୍ପିୟୁ) ଛାତ୍ରୀଛାତ୍ର ଚଳିତ ବର୍ଷ କ୍ୟାମ୍ପସ ନିଯୁକ୍ତିରେ ସଫଳତା ହାସଲ କରିଛନ୍ତି। ୟୁନିଭର୍ସିଟିର ଶେଷ ବର୍ଷ କମ୍ପ୍ୟୁଟର ସାଇନ୍ସ ଆଣ୍ଡ ଇଞ୍ଜିନିୟରିଂ ଛାତ୍ରୀ ତାନ୍ୟା ଅରୋରା ମାଇକ୍ରୋସଫ୍ଟ କମ୍ପାନୀରେ ବାର୍ଷିକ ୪୨ ଲକ୍ଷ ଟଙ୍କାର ପ୍ୟାକେଜରେ ନିଯୁକ୍ତି ଲାଭ କରିଛନ୍ତି। ସେ ମାଇକ୍ରୋସଫ୍ଟର ହାଇଦ୍ରାବାଦ ସ୍ଥିତ ଆର୍ ଆଣ୍ଡ ଡି ସେଣ୍ଟରରେ ସଫ୍ଟଓ୍ବେର ଇଞ୍ଜିନିୟର ଭାବେ କାର୍ଯ୍ୟ କରିବେ। ଗତ ୩ ବର୍ଷ ଧରି ଏଲ୍ପିୟୁ ଛାତ୍ରୀଛାତ୍ରଙ୍କୁ ନିଯୁକ୍ତି ପ୍ରଦାନ କ୍ଷେତ୍ରରେ ବେଶ୍ ସଫଳ ରହି ଆସିଥିବା ସୂଚନା ରହିଛି। ମାଇକ୍ରୋସଫ୍ଟରେ ନିଯୁକ୍ତି ଲାଭ କରି ଅତ୍ୟନ୍ତ ଖୁସି ବୋଲି ତାନ୍ୟା କହିଛନ୍ତି। ମାଇକ୍ରୋସଫ୍ଟରେ ଏଲ୍ପିୟୁ ଛାତ୍ରୀଙ୍କ ଏହି ନିଯୁକ୍ତି ଅନୁଷ୍ଠାନ ଲାଗି ଗର୍ବର ବିଷୟ ବୋଲି ଚାନସେଲର ଅଶୋକ ମିତ୍ତଲ କହିଛନ୍ତି।
