ଭୁବନେଶ୍ୱର,୨୦-୧୨: ଉତ୍କଳ ବିଲଡର୍ସ ପକ୍ଷରୁ ଉତ୍କଳ କନିକା ଗ୍ୟାଲେରିଆ ମଲ୍ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ସ୍ଥାନୀୟ କଳ୍ପନା ଛକରେ ଏହି ମଲ୍ ୨.୫ ଲକ୍ଷ ବର୍ଗଫୁଟ ପରିମିତ ସ୍ଥାନରେ ଖୋଲିଛି। ଏଠାରେ ଗ୍ରାହକଙ୍କ ଆବଶ୍ୟକତାକୁ ଧ୍ୟାନରେ ରଖି ବିଭିନ୍ନ ଜାତୀୟ, ଆଞ୍ଚଳିକ ଏବଂ ଅନ୍ତର୍ଜାତୀୟ ବ୍ରାଣ୍ଡ ଉପଲବ୍ଧ ହେଉଛି। ଗ୍ରାହକଙ୍କୁ ଗୋଟିଏ ଛାତ ତଳେ, ଫୁଡ,ଫ୍ୟାଶନ, ଏଣ୍ଟରଟେନମେଣ୍ଟ ଏବଂ ଉନ୍ନତ ପରିବେଶ ସହ ଆମୋଦ ପ୍ରମୋଦ ସୁବିଧା ଯୋଗାଣ ଲାଗି ବିଭିନ୍ନ ବ୍ୟବସ୍ଥା ଏଠାରେ ରହିଛି। ଫ୍ୟାଶନ ବର୍ଗରେ ପ୍ରମୁଖ ପ୍ଲାଟଫର୍ମ ସପରଷ୍ଟପ ଏହାର ଓଡ଼ିଶାରେ ଏହାର ପ୍ରଥମ ଷ୍ଟୋର ଏହି ମଲ୍ରେ ଖୋଲିଛି।
ଏହାବାଦ ଲକଜ୍ୟୁରି ବ୍ରାଣ୍ଡ ପାଇଁ ନୂଆ ରୂପରେ ଅଲଦାଟ ଜାଜ୍, ହାଲଲେଜ, ଟାଇମଜୋନ, ମ୍ୟାକ୍, ଫରେଷ୍ଟ ଏସେନସିଆଲ , ମାର୍କସ ଆଣ୍ଡ ସ୍ପେନସରର ଲଞ୍ଜରୀ, ରତୁ କୁମାର, ଡା, ମିଲାନୋ, ଜିମି ଭଗ୍ ଭଳି ଅନ୍ୟ ଫର୍ମାଟ ରହିଛି। ଏହାବାଦ ବର୍ଗର କିଙ୍ଗ, ପିଜାହଟ, କେଏଫ୍ସି, ଏସିଆ ୭, ପଞ୍ଜାବ ଗ୍ରୀଲ ଷ୍ଟ୍ରିଟ ଫୁଡ, ଓ୍ବାଓ ମୋମୋ, ଦୋଷା ପ୍ଲାଜା, ବମ୍ବେ ଟାଇମ୍ସ ଏଠାରେ ସ୍ଥାପନ କରାଯାଇଛି। ଏହି ମଲ ଦ୍ୱାରା ୮୦୦ ନୂଆ ନିଯୁକ୍ତି ସୃଷ୍ଟି ହେବ ବୋଲି ସୂଚନା ରହିଛି। ନୂଆ ମଲ୍ ଶୁଭାରମ୍ଭ ଦିଗରେ ସମସ୍ତ ସହଯୋଗ ଲାଗି ଉତ୍କଳ ଗ୍ରୁପ ପରିଚାଳନା ନିର୍ଦ୍ଦେଶକ ଶରଦ ବୈଦ ରାଜ୍ୟ ସରକାରଙ୍କୁ ଧନ୍ୟବାଦ ଦେଇଛନ୍ତି। ରାଜ୍ୟ ବିକାଶ ଲାଗି କର୍ପୋରେଟ କ୍ଷେତ୍ରର ଅସୁବିଧାକୁ ବୁଝି ସରକାର ପଦକ୍ଷେପ ନେଉଥିବାରୁ ଏଥି ଲାଗି ସେ ରାଜ୍ୟ ସରକାରଙ୍କ ନିକଟରେ କୃତଜ୍ଞତା ପ୍ରକାଶ କରିଛନ୍ତି। ଗ୍ରାହକଙ୍କ ଆବଶ୍ୟକତାକୁ ଧ୍ୟାନରେ ରଖି ବିଭିନ୍ନ ପଦକ୍ଷେପ ନିଆଯିବ। ଏଠାରେ ବିଭିନ୍ନ କଷ୍ଟମର ଏଜଗେଜମେଣ୍ଟ କାର୍ଯ୍ୟକ୍ରମ ଆୟୋଜନ କରାଯିବାକୁ ଯୋଜନା ରହିଥିବା ଚିଫ୍ ମଲ୍ ମେକାନିକ ସୁଶୀଳ ଦୁଙ୍ଗରଓ୍ବାଲ କହିଛନ୍ତି।
