ନୂଆଦିଲ୍ଲୀ,୧୯-୮: ଅର୍ଥନୀତିକୁ ଦ୍ରୁତତର କରିବା ଲାଗି ଆର୍ଥିକ ପ୍ୟାକେଜ ଘୋଷଣା କରିବା ଆହୁରି ବିଳମ୍ବ ହେବ। କାରଣ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍ ସାରା ଦେଶରେ ଆହୁରି ୮ ବୈଠକରେ ଯୋଗ ଦେବେ। ଏହାପରେ ବିଚାର ବିମର୍ଷ ପରେ ପ୍ୟାକେଜ ଘୋଷଣା କରାଯିବ। ଅହମ୍ମଦାବାଦ ପରେ ଅର୍ଥମନ୍ତ୍ରୀ ବାରାଣସୀରେ ବୈଠକରେ ଯୋଗ ଦେବେ। ସେଠାରେ ସେ ସ୍ଥାନୀୟ ବ୍ୟବସାୟୀ ଗୋଷ୍ଠୀ ଓ ଉଦ୍ୟୋଗ ଜଗତ ପ୍ରତିନିଧିଙ୍କ ସହ ଆଲୋଚନା କରିବେ। ଏହାପରେ ସେ ପୁଣେ, ମହିସୁର, ହାଇଦ୍ରାବାଦ୍, କୋଲକାତା, ବେଙ୍ଗାଲୁରୁ,କାନପୁର ଓ ମୁମ୍ବାଇ ଭଳି ସ୍ଥାନରେ ଉଦ୍ୟୋଗ ଜଗତ, ଏମ୍ଏସ୍ଏମ୍ଇ, ରିଏଲ ଇଷ୍ଟେଟ ଓ ଅଟୋମୋବାଇଲ ସେକ୍ଟର ପ୍ରତିନିଧିଙ୍କ ସହ ଆଲୋଚନା ପରେ ଅର୍ଥମନ୍ତ୍ରୀ ଆହୁରି ଆଲୋଚନା କରିବାକୁ ପ୍ରସ୍ତୁତ ହେଉଛନ୍ତି।
