ନୂଆଦିଲ୍ଲୀ,୧୭ା୪: ଅଲିମ୍ପିକ୍ ମେଡାଲିଷ୍ଟ ଜାଭେଲିନ ଥ୍ରୋୟର ନୀରଜ ଚୋପ୍ରା ଦକ୍ଷିଣ ଆଫ୍ରିକାର ପୋଚେଫଷ୍ଟ୍ରୁମଠାରେ ପୋଚ ଇଭାଇଟେଶନାଲ ଟ୍ରାକ ଇଭେଣ୍ଟ ଜିତି ସିଜନ ଆରମ୍ଭ କରିଛନ୍ତି। ଓ୍ବାଲର୍ଡ ଆଥ୍ଲେଟିକ୍ସ କଣ୍ଟିନେଣ୍ଟାଲ ଟୁର ଚ୍ୟାଲେଞ୍ଜର ଇଭେଣ୍ଟରେ ନୀଜର ୮୪.୫୨ ମିଟର ଥ୍ରୋ ସହିତ ସ୍ବର୍ଣ୍ଣ ପଦକ ଜିତିଛନ୍ତି।
ଦକ୍ଷିଣ ଆଫ୍ରିକାର ଡୌ ସ୍ମିଥ (୮୨.୪୪ ମି.) ଦ୍ୱିତୀୟ ସ୍ଥାନରେ ରହିଥିଲେ। କିନ୍ତୁ ଚୋପ୍ରା ତାଙ୍କର ବ୍ୟକ୍ତିଗତ ଶ୍ରେଷ୍ଠ ରେକର୍ଡ ୮୯.୯୪ ମି.ଠାରୁ ଖୁବ୍ ଦୂରରେ ରହିଥିଲେ। କେବଳ ଚୋପ୍ରା ଓ ସ୍ମିଥ ପ୍ରତିଯୋଗିତାରେ ୮୦ ମିଟର ମାର୍କ ଅତିକ୍ରମ କରିଥିଲେ। ଦକ୍ଷିଣ ଆଫ୍ରିକାର ଅନ୍ୟତମ ଜାଭେଲିନ ଥ୍ରୋୟର ଡନକାନ ରବର୍ଟସନ ୭୧.୨୨ ମି. ସହ ତୃତୀୟ ସ୍ଥାନରେ ରହିଥିଲେ।
୨୭ ବର୍ଷୀୟ ନୀରଜ ପୋଚେଫଷ୍ଟ୍ରୁମଠାରେ ନୂଆ କୋଚ୍ ଚେକ ଗଣତନ୍ତ୍ରର ୩ ଥରର ଅଲିମ୍ପିକ ଚାମ୍ପିୟନ ଓ ବିଶ୍ୱ ରେକର୍ଡଧାରୀ ଜାନ ଜେଲେଜନିଙ୍କ ମାର୍ଗଦର୍ଶନରେ ଟ୍ରେନିଂ କରୁଛନ୍ତି। ସେ ମେ ୧୬ରେ ଦୋହା ଡାଇମଣ୍ଡ ଲିଗ୍ ଅଂଶଗ୍ରହଣ କରିବା ସହ ଏଲିଟସ୍ତରରେ ଅଭିଯାନ ଆରମ୍ଭ କରିବେ।
