ବାଲେଶ୍ୱର

୨ପରିବାର ମଧ୍ୟରେ ଗଣ୍ଡଗୋଳ, ୫ ଆହତ

୨ପରିବାର ମଧ୍ୟରେ ଗଣ୍ଡଗୋଳ, ୫ ଆହତ

ବାସୁଦେବପୁର,୨୪।୬(ଡି.ଏନ.ଏ.)- ଭଦ୍ରକ ଜିଲା ବାସୁଦେବପୁର ଥାନା ଖରିଦା ବିନାୟକପୁର ଗ୍ରାମରେ ଦୁଇ ପରିବାର ମଧ୍ୟରେ ଗଣ୍ଡଗୋଳ ଘଟି ୫ଜଣ ଆହତ ହୋଇଛନ୍ତି। ଆହତ ବ୍ୟକ୍ତିଙ୍କୁ ବାସୁଦେବପୁର ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯାଇଛି।

‘ଆମ ଗାଁ ଆମ ବିକାଶ’ପ୍ରସ୍ତୁତି ବୈଠକ

ବାସୁଦେବପୁର,୨୪।୬(ଡି.ଏନ.ଏ.)- ବାସୁଦେବପୁର ବ୍ଲକ କନଫରେନ୍ସ ହଲ ପରିସରରେ ରବିବାର ଆମ ଗାଁ ଆମ ବିକାଶ କାର୍ଯ୍ୟକ୍ରମ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଚଳିତମାସ ୨୯ରେ ବାସୁଦେବପୁରରେ ବ୍ଲକସ୍ତରୀୟ ଆମ ଗାଁ ଆମ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଥିଲାବେଳେ ପ୍ରଶାସନ ପକ୍ଷରୁ ଏନେଇ ତତ୍ପରତା ଆରମ୍ଭ ହୋଇଛି।

ବାଇକ୍‌ରୁ ପଡି ମହିଳା ମୃତ

ବାଇକ୍‌ରୁ ପଡି ମହିଳା ମୃତ

ମୋରଡା,୨୩।୬ -ମୋରଡା ବ୍ଲକ କୋହି ପଞ୍ଚାୟତ ସୋନପୁରିଆଠାରେ ବାଇକ୍‌ରୁ ଖସି ଜଣେ ମହିଳାଙ୍କ ମୃତ୍ୟୁ ହୋଇଛି। ମ୍‌ୃତା ମହିଳାଜଣଙ୍କ ହେଲେ ରାସଗୋବିନ୍ଦପୁର ଥାନା ଅଧୀନ ମାଣିଦା ଗ୍ରାମର କକଲି ଚୌଧରି (୪୬)। ସେ ନିଜ ପୁଅ ସହ ବାଦଡା କୁ ଏକ ବିଭାଘର ଭୋଜିରେ ଯୋଗ ଦେବାକୁ ଯାଇଥିଲେ ।

ଚୋରା କାଠ ଜବତ

ମୋରଡା,୨୩।୬ -ମୋରଡା ବ୍ଲକ ଅଧୀନ ବଘଡା ମୋରଡା ଜଙ୍ଗଲ ରାସ୍ତାରେ ବନ ବିଭାଗ ପକ୍ଷରୁ ବିଳମ୍ବିତ ରାତିରେ ଚଢାଉ କରାଯାଇ ଏକ ବଳଦ ଗାଡି ସହ କାଠ ଜବତ କରାଯାଇଛି । ଏହି କାଠ ନେଉଥିବା ଦୁଇ ଜଣ ଘଟଣାସ୍ଥଳରୁ ଫେରାର ହୋଇଯାଇଥିଲେ ।

୫୩ ତମ ସ୍ମୃତି ଦିବସ ପାଳିତ

ଧାମନଗର,୨୪ା୬(ଡି.ଏନ.ଏ.)-ଧାମନଗର ପ୍ରଜାପିତା ବ୍ରହ୍ମ କୁମାରୀ ଈଶ୍ୱରୀୟ ବିଶ୍ୱ ବିଦ୍ୟାଳୟ ଶାଖ ଅନୁକୂଲ୍ୟରେ ମାତା ଜଗଦମ୍ବା ସରସ୍ବତୀଙ୍କ ୫୩ ତମ ସ୍ମୃତି ଦିବସ ରବିବାର ପାଳିତ ହୋଇଯାଇଛି। ମା’ ସାରଦା ଦେବୀ, ମଦର ଟେରେସା, ଶ୍ରୀମା ଜଗତ କଲ୍ୟାଣ ପାଇଁ ମାନବ ସେବାକୁ ମୂଳମନ୍ତ୍ର ଭାବେ ଗ୍ରହଣ କରି ନିଜ ଜୀବନକୁ ଉତ୍ସର୍ଗ କରିଥିଲେ ବୋଲି ବକ୍ତବ୍ୟରେ ପ୍ରକାଶ ପାଇଥିଲା।

ଭଦ୍ରକରେ ହଜ୍‌ ଓ ଉମରା ଶିବିର

ଭଦ୍ରକ ଅଫିସ,୨୪ା୬- ପ୍ରତିବର୍ଷ ପରି ଏବର୍ଷ ମଧ୍ୟ ଭଦ୍ରକ ହଜ୍‌ କମିଟି ଆନୁକୁଲ୍ୟରେ ହଜ୍‌ ଓ ଉମରାକୁ ଯାଉଥିବା ତୀର୍ଥ ଯାତ୍ରୀଙ୍କ ପାଇଁ ମଦିନା ମଇଦାନ ଠାରେ ଦୁଇଦିନ ଧରି ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ରାଜ୍ୟରେ ବିଭିନ୍ନ ଜିଲାରୁ ଦୁଇଶହରୁ ଉର୍ଦ୍ଧ ହଜ୍‌ ଯାତ୍ରୀ ଏହି ଶିବିରରେ ଯୋଗଦେଇଥିଲେ।

ଯାନବାହନ ଯାଞ୍ଚ, ଜରିମାନା ଆଦାୟ

ଜଳେଶ୍ୱର, ୨୩।୬(ସ୍ବ.ପ୍ର.)-ଜଳେଶ୍ୱର-ଚୋରମରା ରାସ୍ତାର ଜମାଳପୁର ବାଇପାସ୍‌ ନିକଟରେ ଶନିବାର ଜଳେଶ୍ୱର ପୋଲିସ ପକ୍ଷରୁ ଯାନବାହନ ଯାଞ୍ଚ କରାଯାଇଥିଲା। ବିନା ହେଲମେଟ୍‌ ଓ ଗାଡ଼ିର କାଗଜପତ୍ର ନ ଥିବା ଗାଡ଼ିଚାଳକମାନଙ୍କଠାରୁ ୨ହଜାର ଟଙ୍କା ଜରିମାନା ଆଦାୟ କରାଯାଇଛି।

୫ ଚୋରା ମଦ ବେପାରୀ ଗିରଫ

ନୀଳଗିରି, ୨୩। ୬ (ଡି.ଏନ.ଏ.)-ନୀଳଗିରି ଅବକାରୀ ବିଭାଗ ପକ୍ଷରୁ ଶନିବାର ଉପଖଣ୍ଡର ବିଭିନ୍ନ ସ୍ଥାନରେ ଚଢାଉ କରାଯାଇଛି। ଏଥିରେ ୫ଜଣ ଚୋରା ମଦ ବେପାରୀଙ୍କୁ ଗିରଫ କରାଯାଇ ସେମାନଙ୍କଠାରୁ ସମୁଦାୟ ୮୮ଲିଟର ଦେଶୀ ମହୁଲି ରନ୍ଧାମଦ ଓ ୧୨ଶହ କିଲୋ ପୋଚ ଜବତ କରାଯାଇଛି ।

ଗ୍ରାମବାସୀଙ୍କ ଆମରଣ ଅନଶନ ନିଷ୍ପତ୍ତି

ଯୋଡା, ୨୪।୬(ଡି.ଏନ.ଏ.): କେନ୍ଦୁଝର ଜିଲା ଯୋଡା ଖଣି ମଣ୍ଡଳ ବାମେବାରୀ ଥାନା ଅଧୀନ ଉଁଚ୍ଚବାଲି ଗ୍ରାମବାସୀ ନିଜର ନ୍ୟାଯ୍ୟ ଦାବିରୁ ବଞ୍ଚିତ ହୋଇଛନ୍ତି। ଖଣିମାଲିକ, ପ୍ରଶାସନ ଓ ସ୍ଥାନୀୟ ନେତାଙ୍କୁ ଗୁହାରି କରି ପ୍ରତାରଣାର ଶିକାର ହେବା ପରେ ନିରାଶ ଗ୍ରାମବାସୀ ଶେଷରେ ଆମରଣ ଅନଶନ ନିଷ୍ପତ୍ତି ନେଇଛନ୍ତି। ବଳଦା, ପଳସା, ବଡକାଳିମାଟି, ଓ ନୟାଗଡ ପଞ୍ଚାୟତର ଗ୍ରାମବାସୀ ତଥା ଜମିହରାମାନେ ଏକତ୍ରିତ ହୋଇ ବାବା ଧବଳେଶ୍ୱର କମିଟି ଗଠନ କରିଛନ୍ତି। ଉକ୍ତ କମିଟି ସ୍ଥାନୀୟ ଖଣି ଗୁଡିକରେ ନିଯୁକ୍ତି, ଲେଭଲିଂ, ଲୋଡିଂ, ପରିବହନ ଓ ଅନ୍ୟ କାର୍ଯ୍ୟ ଦାବିକରି ଖଣି କମ୍ପାନୀ, ପ୍ରଶାସନ ଓ ସ୍ଥାନୀୟ ଲୋକ ପ୍ରତିନିଧିଙ୍କୁ ଲିଖିତ ଭାବେ ଜଣାଇ ଥିଲା।

ଜଳେଶ୍ୱର-ଜମାଳପୁର-ଚୋରମରା ରାସ୍ତା ଶୋଚନୀୟ

ଜଳେଶ୍ୱର, ୨୪।୬(ସ୍ବ.ପ୍ର.)-ଜଳେଶ୍ୱର-ଜମାଳପୁର-ଚୋରମରା ରାସ୍ତା ଅତ୍ୟନ୍ତ ଶୋଚନୀୟ ହୋଇପଡିଛି। ଦୈନନ୍ଦିନ ୧୫ଟି ପଞ୍ଚାୟତର ହଜାର ହଜାର ଜନସାଧାରଣ ଏହି ରାସ୍ତା ଦେଇ ଯାତାୟାତ କରୁଛନ୍ତି। ରାସ୍ତାର ଦୁରାବସ୍ଥା ଯୋଗୁ ଦିନକୁ ଦିନ ଦୁର୍ଘଟଣା ବଢ଼ିବାରେ ଲାଗିଛି। ମାତ୍ର ଗ୍ରାମ୍ୟ ଉନ୍ନୟନ ବିଭାଗର ଅଧିକାରୀମାନେ ଏହି ରାସ୍ତାର ମରାମତି ପାଇଁ କର୍ଣ୍ଣପାତ କରୁ ନ ଥିବା ଯୋଗୁ ସାଧାରଣରେ ଅସନ୍ତୋଷ ସୃଷ୍ଟି ହୋଇଛି।

ରକ୍ତଦାନ ଶିବିରରେ ୧୦୯ ୟୁନିଟ୍‌ ରକ୍ତ ସଂଗ୍ରହ

ରକ୍ତଦାନ ଶିବିରରେ ୧୦୯ ୟୁନିଟ୍‌ ରକ୍ତ ସଂଗ୍ରହ

ରୂପ୍‌ସା‌, ୨୪।୬(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ରୂପ୍‌ସା ସତ୍ୟସାଇ ସେବା ସଙ୍ଗଠନ ଆନୁକୂଲ୍ୟରେ ରବିବାର ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ବ୍ଲଡ଼ ବ୍ୟାଙ୍କ ଅଫିସର ଡା. ମହେଶ କୁମାର ବିଶ୍ୱାଳ ମୁଖ୍ୟଅତିଥି ଓ ଏବିଇଓ ଜୟନ୍ତ କୁମାର ପାଣିଗ୍ରାହୀ ସମ୍ମାନିତ ଅତିଥି ଭାବେ ଯୋଗଦେଇ ଶିବିରକୁ ଉଦଘାଟନ କରିଥିଲେ। ସଙ୍ଗଠନର ଆବାହକ ମାୟାଧର ପାଣି, ପ୍ରତିଷ୍ଠାତା ପୂର୍ଣ୍ଣଚନ୍ଦ୍ର ସାହୁ, ପ୍ରଧାନଶିକ୍ଷକ ପର୍ଶୁରାମ ବେହେରା, ଶିକ୍ଷକ ରାଜେନ୍ଦ୍ର ନାଥ ଖମାରୀ ଓ ଉମେଶ ଚନ୍ଦ୍ର ନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଶିବିରରେ ୧୦୯ ୟୁନିଟ୍‌ ରକ୍ତ ସଂଗୃହୀତ ହୋଇଥିଲା।

ମହିଳାଙ୍କ ବେକରୁ ସୁନାଚେନ୍‌ ଲୁଟ୍‌ ଅଭିଯୋଗ

ବାହାନଗା,୨୪।୬(ଡି.ଏନ.ଏ.)-ବାହାନଗା ବ୍ଲକ ଗୋପାଳପୁର ଫାଣ୍ଡି ଅଧୀନ ଜୁଣିଆ ନିକଟସ୍ଥ ମଇଁଷାପଟା ଗ୍ରାମ ନିକଟସ୍ଥ ଏକ ଘର ଭିତରେ ପଶି ମହିଳାଙ୍କ ବେକରୁ ସୁନାଚେନ୍‌ ଲୁଟି ନେବା ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ଏନେଇ ମହିଳାଙ୍କ ସ୍ବାମୀ ରବିବାର ଗୋପାଳପୁର ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି। ମଇଁଷାପଟା ଗ୍ରାମର ଅମୂଲ୍ୟ କୁମାର ପାତ୍ରଙ୍କ ପତ୍ନୀ ବାସନ୍ତୀ ଶନିବାର ରାତି ପ୍ରାୟ ୮ ଟା ବେଳେ ଘର ଭିତରେ ବସି ନିଜର ନାତିକୁ ପଢାଉଥିଲେ। ଏହି ସମୟରେ ଜଣେ ୨୦ ବର୍ଷୀୟ ଯୁବକ ପଛପଟୁ ଆସି ମହିଳାଙ୍କ ମୁଣ୍ଡରୁ ଲୁଗା ଟାଣି ବେକରେ ଥିବା ସୁନାଚେନକୁ ଝାମ୍ପି ନେଇ ବାହାରକୁ ଦୌଡି ପଳାଇ ଯାଇଥିଲେ।

ପଶ୍ଚିମବଙ୍ଗରେ ଓଡିଆ ଯୁବକଙ୍କ ମୃତ୍ୟୁ: ହତ୍ୟା ସନ୍ଦେହରେ ୨ ଅଟକ

ଜଳେଶ୍ୱର, ୨୪।୬(ସ୍ବ.ପ୍ର.)-ଜଳେଶ୍ୱର ପୌରାଞ୍ଚଳ ୧ନଂ. ୱାର୍ଡ଼ ଝାଡେଶ୍ୱପୁର ଗ୍ରାମର ସେକ୍‌ ଇସ୍‌ଲାମଙ୍କ ପୁଅ ସେକ୍‌ ଲାଲଚାନ୍ଦ୍‌ (୩୧)ଙ୍କ ମୃତଦେହ ପଶ୍ଚିମବଙ୍ଗ ବାରାସାତ ଜିଲାର ହାବ୍‌ରା ପୋଲିସ ଷ୍ଟେସନ ଅଞ୍ଚଳରୁ ମିଳିଛି। ମୃତ ଲାଲଚାନ୍ଦଙ୍କ ମା’ ସବେରା ବିବି ଜଳେଶ୍ୱର ଥାନାରେ ଏନେଇ ଏତଲା ଦେଇଛନ୍ତି। ଏହା ଏକ ହତ୍ୟାକାଣ୍ଡ ସନ୍ଦେହ କରି ଜଳେଶ୍ୱର ଅଞ୍ଚଳର ୨ଜଣ ଯୁବକଙ୍କୁ ଜଳେଶ୍ୱର ପୋଲିସ ଥାନାରେ ଅଟକ ରଖି ପଚରାଉଚୁରା କରୁଛି।

‘ଆଧ୍ୟାମତ୍କ ସରଣି’ ଲୋକାର୍ପିତ

‘ଆଧ୍ୟାମତ୍କ ସରଣି’ ଲୋକାର୍ପିତ

ବାଲେଶ୍ୱର ଅଫିସ, ୨୪।୬-ବାଲେଶ୍ୱର କବିତୀର୍ଥ ଶାନ୍ତିକାନନ ପରିସରରେ ଫକୀରମୋହନ ସାହିତ୍ୟ ପରିଷଦ ପକ୍ଷରୁ ଶନିବାର ସନ୍ଧ୍ୟାରେ ସାହିତ୍ୟ ଆସର ଅନୁଷ୍ଠିତ ହୋଇଥିଲା। ପରିଷଦ ସଭାପତି ଡ. ଲକ୍ଷ୍ମୀକାନ୍ତ ତ୍ରିପାଠୀ ପୌରୋହିତ୍ୟ କରିଥିଲେ। ଏହି ଅବସରରେ ବାଲେଶ୍ୱର ଚିନ୍ମୟ ମିଶନର ମୁଖ୍ୟ ବ୍ରହ୍ମଚାରୀ ଅଗସ୍ତ୍ୟ ଚୈତନ୍ୟଙ୍କ ଦ୍ୱାରା ସୁରେନ୍ଦ୍ର ପ୍ରସାଦ ଧଳଙ୍କ ତୃତୀୟ ପୁସ୍ତକ ‘ଆଧ୍ୟାମତ୍କ ସରଣି’ ଗ୍ରନ୍ଥ ଲୋକାର୍ପିତ ହୋଇଛି।

ଝୋଟ କାରଖାନା ଶ୍ରମିକ ସଂଘର ବାର୍ଷିକ ସମ୍ମିଳନୀ

ଝୋଟ କାରଖାନା ଶ୍ରମିକ ସଂଘର ବାର୍ଷିକ ସମ୍ମିଳନୀ

ରୂପ୍‌ସା, ୨୪।୬(ଡି.ଏନ.ଏ.)-ଶ୍ରମିକ ଦେଶର ବୃହତ ଶକ୍ତି। ସେମାନଙ୍କ ଆର୍ଥିକ ମାନଦଣ୍ଡ ବୃଦ୍ଧି ପାଇବା ଦିଗରେ କାରଖାନା କର୍ତ୍ତୃପକ୍ଷ ଯନତ୍ବାନ ହେବା ଜରୁରୀ। ଶ୍ରମିକଙ୍କ ମୌଳିକ ଅଧିକାର ଅକ୍ଷୁର୍ଣ୍ଣ ରହିଲେ ରାଷ୍ଟ୍ରର ବିକାଶ ସମ୍ଭବ ବୋଲି ମୁଖ୍ୟଅତିଥି ଭାବେ ଏମ୍‌ପି ରବୀନ୍ଦ୍ର କୁମାର ଜେନା ବକ୍ତବ୍ୟରେ କହିଛନ୍ତି। ବାଲେଶ୍ୱର ସଦର ବ୍ଲକ ରୂପ୍‌ସା ଝୋଟ କାରଖାନା ଶ୍ରମିକ ସଂଘର ୨୫ତମ ବାର୍ଷିକ ସମ୍ମିଳନୀ ରବିବାର ଅନୁଷ୍ଠିତ ହୋଇଯାଇଛି।

 ରକ୍ତଦାନ ଶିବିର ଅନୁଷ୍ଠିତ

ରକ୍ତଦାନ ଶିବିର ଅନୁଷ୍ଠିତ

ବାରିପଦା ଅଫିସ,୨୪।୬- ବାରିପଦାସ୍ଥିତ ବିଜୁ ଜନତା ଦଳ କାର୍ଯ୍ୟାଳୟ ପରିସରରେ ଜୀବନ ବିନ୍ଦୁ ପକ୍ଷରୁ ଏକ ସ୍ବେଚ୍ଛାକୃତ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି। ଜୀବନ ବିନ୍ଦୁ କାର୍ଯ୍ୟକ୍ରମର ଜିଲା ସଂଯୋଜକ ଜିତେନ୍ଦ୍ର ମହାନ୍ତିଙ୍କ ନେତୃତ୍ୱରେ ଅନୁଷ୍ଠିତ ଏହି ରକ୍ତଦାନ ଶିବିର କାର୍ଯ୍ୟକ୍ରମରେ ବିଜୁ ଯୁବ ଜନତା ଦଳର ଉତ୍ତର ଓଡ଼ିଶା ଜୋନ ସଭାପତି ସୁବ୍ରମଣ୍ୟମ ମହାନ୍ତି ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। ଏଥିରେ ମୋଟ ୫୦ ୟୁନିଟ ରକ୍ତ ସଂଗୃହୀତ ହୋଇଥିଲା।

ଟ୍ରକ୍‌ ଧକ୍କାରେ ବାଇକ୍‌ ଆରୋହୀ ଗୁରୁତର

ସଜନାଗଡ଼,୨୪।୬(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ବ୍ଲକ ସନ୍ତରାଗଡ଼ିଆ ବଜାରଠାରେ ରବିବାର ପୂର୍ବାହ୍ନରେ ଟ୍ରକ୍‌ ସହିତ ବାଇକ୍‌ ଧକ୍କା ହୋଇଥିଲା। ବାଇକ ଚଲାଉଥିବା ଶ୍ୟାମସୁନ୍ଦରପୁର ଗ୍ରାମର ସତ୍ୟପ୍ରିୟ ନାୟକ (୨୨) ଗୁରୁତର ଆହତ ହୋଇଛନ୍ତି। ସତ୍ୟପ୍ରିୟ ତାଙ୍କ ବାଇକ୍‌ (ନଂ କେଏ-୦୫-ଏଚ୍‌ଜେ-୫୧୨୮) ଯୋଗେ ସନ୍ତରାଗଡ଼ିଆରୁ ନିଜ ଘର ଶ୍ୟାମସୁନ୍ଦରପୁରକୁ ଫେରୁଥିବା ବେଳେ ସନ୍ତରାଗଡ଼ିଆ ବଜାରଠାରେ ଦୁର୍ଘଟଣା ଘଟିଥିଲା।

ବେଆଇନ ମୋରମ ଚାଲାଣ: ଥାନାରେ ମାମଲା, ଉତ୍ତେଜନା

ରୂପ୍‌ସା,୨୪।୬(ଡି.ଏନ.ଏ.)-ବାଲେଶ୍ୱର ଜିଲା ରୂପ୍‌ସା ଥାନା ଲଛମନଖୁଣ୍ଟା ମୌଜାରୁ ଦୀର୍ଘଦିନ ଧରି ବେଆଇନ ମୋରମ ଚାଲାଣ ନେଇ ଉତ୍ତେଜନା ଲାଗି ରହିଛି। ପ୍ରଶାସନକୁ ହାତବାରିଶ କରି ମୋରମ ମାଫିଆ ୨ବର୍ଷ ଧରି ମେଶିନରେ ମୋରମ ଖୋଳି ଟିପ୍ପର ଯୋଗେ ବାଲେଶ୍ୱର, ମୟୂରଭଞ୍ଜ ଜିଲାକୁ ଚୋରା ଚାଲାଣ କରିବା ରାଜସ୍ବ ବିଭାଗର ଅପରାଗତାକୁ ପଦାରେ ପକାଇଛି। ଗ୍ରାମବାସୀ ଏହାକୁ ବିରୋଧ କରିବାରୁ ଶନିବାର ମୋରମ ମାଫିଆଙ୍କ ସମର୍ଥକ ଓ ଗ୍ରାମବାସୀଙ୍କ ମଧ୍ୟରେ ଗଣ୍ଡଗୋଳ ଲାଗି ରହିଛି। ଉଭୟପକ୍ଷ ମଧ୍ୟରେ ମାରପିଟ୍‌ ହେବା ଘଟଣାକୁ ନେଇ ଥାନାରେ ମାମଲା ପହଞ୍ଚତ୍ଛି।

ବିଶ୍ୱଶାନ୍ତି ମହାଯଜ୍ଞ ଉଦ୍‌ଯାପିତ

ବନ୍ତ,୨୪।୬(ଡି.ଏନ.ଏ.)-ଭଦ୍ରକ ଜିଲା ବନ୍ତ ବ୍ଲକ ଟିଲୋ ପଞ୍ଚାୟତ ଶାଳକଣିଆ ମା’ମଙ୍ଗଳା ପୀଠରେ ଚାଲିଥିବା ୫ମ ବାର୍ଷିକ ବିଶ୍ୱଶାନ୍ତି ମହାଯଜ୍ଞ ଉଦ୍‌ଯାପିତ ହୋଇଯାଇଛି।

 ‘ମାନବିକତାର ଅବକ୍ଷୟ ବିପର୍ଯ୍ୟୟ ଆଡକୁ ଟାଣିନେବ’

‘ମାନବିକତାର ଅବକ୍ଷୟ ବିପର୍ଯ୍ୟୟ ଆଡକୁ ଟାଣିନେବ’

ତିହିଡ଼ି,୨୪।୬(ଡି.ଏନ.ଏ.)- ମାନବିକତାର ଅବକ୍ଷୟ ସମାଜକୁ ବିପର୍ଯ୍ୟୟ ଆଡ଼କୁ ଟାଣି ନେଇଯିବ। ସମାଜକୁ ସଜାଡ଼ିବାକୁ ହେଲେ ମାନବିକତାର ଉଦ୍ରେକ ଲୋଡ଼ା ବୋଲି ଶନିବାର ଭଦ୍ରକ ଜିଲା ଅଧୀନ ତିହିଡ଼ି ପୁରୁଣା ହାଟ ଠାରେ ଆୟୋଜିତ ଏକ ଖବରଦାତା ସମ୍ମିଳନୀରେ ଗୋସ୍ବାମୀ ଅଖାବାବା କହିଛନ୍ତି ।

ପୁରସ୍କୃତ ଶିକ୍ଷକ ସଙ୍ଗଠନର ସମ୍ମିଳନୀ

ଭଦ୍ରକ ଅଫିସ,୨୪।୬- ଜାତୀୟ ଓ ରାଜ୍ୟ ପୁରସ୍କୃତ ଶିକ୍ଷକ ସଂଗଠନର ଭଦ୍ରକ ରାଜସ୍ବ ଜିଲା ତରଫରୁ ସାମ୍ବିଧାନିକ ସମ୍ମିଳନୀ ବିଜୁ ପଟ୍ଟନାୟକ ନଗରଠାରେ ଅନୁଷ୍ଠିତ ହୋଇଯାଇଛି।

ଶିଶୁ ସୁରକ୍ଷା ଦେବା ଲାଗି ପଞ୍ଚାୟତସ୍ତରରେ କମିଟି ଗଠନ ପ୍ରତି ଗୁରୁତ୍ୱ

ଭଦ୍ରକ ଅଫିସ,୨୪।୬-ଅସହାୟ ଶିଶୁଙ୍କୁ ଚିହ୍ନଟ କରି ସେମାନଙ୍କ ସୁରକ୍ଷା ଓ ଥଇଥାନ ଦିଗରେ ଆବଶ୍ୟକ ପଦକ୍ଷେପ ନେବାକୁ ଜିଲା ଶିଶୁ ସୁରକ୍ଷା ୟୁନିଟ ପକ୍ଷରୁ ଗୁରୁତ୍ୱାରୋପ କରାଯାଇଛି।

ସାପ କାମୁଡାରେ ଶିଶୁ ମୃତ

ବାରିପଦା ଅଫିସ,୨୪।୬- ମୟୂରଭଞ୍ଜ ଜିଲା ଚାନ୍ଦୁଆ ଥାନା ଅଧୀନ ସରଗଛିପଡା ଗ୍ରାମରେ ଶନିବାର ରାତିରେ ସାପ କାମୁଡାରେ ଜଣେ ୩ ବର୍ଷୀୟା ନାବାଳିକାଙ୍କ ମୃତ୍ୟୁ ଘଟିଛି। ମୃତା ଜଣକ ହେଲେ ଶ୍ରିମତ ମାରାଣ୍ଡିଙ୍କ ଝିଅ ସୁମିତା ।

ଫକୀରମୋହନଙ୍କ ମହାପ୍ରୟାଣ ଶତ ବାର୍ଷିକୀ ଉତ୍ସବ ପାଳିତ

ଫକୀରମୋହନଙ୍କ ମହାପ୍ରୟାଣ ଶତ ବାର୍ଷିକୀ ଉତ୍ସବ ପାଳିତ

ବାରିପଦା ଅଫିସ,୨୪। ୬- ବାରିପଦାସ୍ଥିତ ସ୍ବାମୀ ବିବେକାନନ୍ଦ ଶିକ୍ଷାଶ୍ରମରେ ସେଣ୍ଟର ଫର ସୋସିଆଲ ଆଣ୍ଡ କଲଚରାଲ ଏକ୍ସସିଲେନ୍ସ ତରଫରୁ କଥା ସମ୍ରାଟ ଫକୀର ମୋହନ ସେନାପତିଙ୍କ ମହାପ୍ରୟାଣ ଶତ ବାର୍ଷିକୀ ଉତ୍ସବ ମହାସମାରୋହରେ ପାଳିତ ହୋଇଯାଇଛି। ଉକ୍ତ ଉତ୍ସବରେ ପଦ୍ମଶ୍ରୀ ଜୟନ୍ତ ମହାପାତ୍ରଙ୍କ ଲିଖିତ ‘ଏଇଟ ଟେଲ୍ସ ଫ୍ରମ ଫକୀର ମୋହନ’ ପୁସ୍ତକଟି ଉନ୍ମୋଚିତ ହୋଇଥିଲା। ଏହି ଅବସରରେ ଏସଭିଏସର ରେବତୀ ପାଣ୍ଠି ଯୋଜନାର ଶୁଭାରମ୍ଭ ହୋଇଥିଲା।