ରାଜ୍ୟ | ବ୍ରହ୍ମପୁର

ଆସିକା ପୋଲିସର ଡବଲ୍‌ ଏନ୍‌କାଉଣ୍ଟର: ୨ ସୁପାରି କିଲର୍‌ ଗୁରୁତର, ୨ ମାଉଜର ଜବତ

ଆସିକା ପୋଲିସର ଡବଲ୍‌ ଏନ୍‌କାଉଣ୍ଟର: ୨ ସୁପାରି କିଲର୍‌ ଗୁରୁତର, ୨ ମାଉଜର ଜବତ

ଆସିକା,୬।୨(ଡି.ଏନ୍‌.ଏ): ଆସିକା- ବ୍ରହ୍ମପୁର ୫୯ ନମ୍ବର ଜାତୀୟ ରାଜପଥ କଡ଼ରେ ଥିବା ଆସିକା ଥାନା ଅନ୍ତର୍ଗତ କର୍ଣ୍ଣୋଳି ଗ୍ରାମ ଉପକଣ୍ଠରେ ଥିବା ପାହାଡ ନିକଟରେ ମଙ୍ଗଳବାର ସକାଳ ୭ଟା ସମୟରେ ଆସିକା ପୋଲିସ ପକ୍ଷରୁ ଏନ୍‌କାଉଣ୍ଟର କରାଯାଇଛି। ଏଥିରେ ୨ ଦୁର୍ଦ୍ଦାନ୍ତ ଆନ୍ତଃରାଜ୍ୟ ଅପରାଧୀ ଗୁରୁତର ଆହତ ହୋଇଛନ୍ତି। ସେମାନେ ହେଲେ ଉତ୍ତରପ୍ରଦେଶ ବାଲିଆ ଅଞ୍ଚଳର ଲଛମନ ନିରଞ୍ଜନ ରାଜପୁତ୍‌ ଓରଫ ପପୁ ଓ କୋଦଳା ଥାନା ସରଧାପୁର ଗ୍ରାମର ଟୁନା ଗୌଡ। ଲଛମନଙ୍କ ଡାହାଣ ଗୋଡରେ ଦୁଇଟି ଗୁଳି ବାଜିଥିବା ବେଳେ ଟୁନାଙ୍କ ଡାହାଣ ଗୋଡରେ ଗୋଟିଏ ଗୁଳି ବାଜିଛି। ଗୁରୁତର ଅବସ୍ଥାରେ ଉଭୟଙ୍କୁ ଚିକିତ୍ସା ଲାଗି ଆସିକା ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପ୍ରାଥମିକ ଚିକିତ୍ସା ପରେ ସେମାନଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି। କର୍ଣ୍ଣୋଳି ଗ୍ରାମରେ ଦୀର୍ଘଦିନ ଧରି ଲାଗିରହିଥିବା ରାଜନୈତିକ ହିଂସାକାଣ୍ଡ ପରିପ୍ରେକ୍ଷୀରେ ଉକ୍ତ ଗ୍ରାମର ଜିତୁ ବିଷୋୟୀ ଅଭିଯୁକ୍ତମାନଙ୍କୁ ସୁପାରି ଦେଇ ଏଠାକୁ ଆଣିଥିବା ଆସିକା ପୋଲିସ ଉପଖଣ୍ଡ ଅଧିକାରୀ ସୁବାସ ଚନ୍ଦ୍ର ପଣ୍ଡା ସୂଚନା ଦେଇଛନ୍ତି। ସୂଚନା ଅନୁଯାୟୀ, ପୋଲିସକୁ ଦେଖି ଅଭିଯୁକ୍ତମାନେ ୬ରାଉଣ୍ଡ ଗୁଳି ଚଳାଇବା ସହ ହାତ ବୋମା ଫିଙ୍ଗିଥିଲେ। ତେବେ ଅଭିଯୁକ୍ତଙ୍କ ଲକ୍ଷ୍ୟ ଭ୍ରଷ୍ଟ ହୋଇଥିଲା ବେଳେ ଆସିକା ଥାନା ଅଧିକାରୀ ସନ୍ତୋଷ ଜେନାଙ୍କ ପାଲଟା ଆକ୍ରମଣରେ ସେମାନେ ଗୁଳିମାଡ଼ ଖାଇ ଘଟଣାସ୍ଥଳରେ ଗାଡିରୁ ପଡିଯାଇଥିଲେ। ଅପରପକ୍ଷେ ଆକ୍ରମଣକାରୀଙ୍କ ସହ ପୋଲିସର ଛକାପଞ୍ଝାରେ ଥାନା ଅଧିକାରୀ ଜେନାଙ୍କ ସମେତ ମୁକ୍ତି ପ୍ରଧାନ ଓ ନାରାୟଣ ମହାନ୍ତି ମଧ୍ୟ ସାମାନ୍ୟ ଆହାତ ହୋଇଛନ୍ତି। ଘଟଣାସ୍ଥଳରୁ ପୋଲିସ ୨ଟି ମାଉଜର, ୬ ରାଉଣ୍ଡ ଜୀବନ୍ତ ଗୁଳି, ୨ଟି ମୋବାଇଲ ଏବଂ ଗୋଟିଏ ବାଇକ ଜବତ କରିଛି।

All Right Reserved By
I&PR

Model This Week

ସନ୍ତୋଷ

ରାଜ୍ୟ | ବ୍ରହ୍ମପୁର

ଚେକ୍‌ ବାଉନ୍ସ ମାମଲା :୨ ଅଭିଯୁକ୍ତଙ୍କୁ ଗିରଫ କରିବା ପାଇଁ ନିର୍ଦ୍ଦେଶ

ଚେକ୍‌ ବାଉନ୍ସ ମାମଲା :୨ ଅଭିଯୁକ୍ତଙ୍କୁ ଗିରଫ କରିବା ପାଇଁ ନିର୍ଦ୍ଦେଶ

କଟକ ଅଫିସ, ୨୫।୫- ଚେକ୍‌ ବାଉନ୍ସ ମାମଲାରେ ଭୁବନେଶ୍ୱରର ପୋଖରୀପୁଟର ଭବାନୀଶଙ୍କର ମହାନ୍ତି ଓ ଭୁବନେଶ୍ୱର ୟୁନିଟ-୯ର ଚିତ୍ରକୂଟ ଲେନର ଜିତେନ୍ଦ୍ର ନାଥ ପଲାଇଙ୍କ ବିରୋଧରେ କଟକ ଜେଏମ୍‌ଏଫ୍‌ସି ଅଦାଲତ ୱାରେଣ୍ଟ ଜାରି କରିଥିଲେ।

ବେଆଇନ ଟୋଲ ଫି ଆଦାୟକୁ ହାଇକୋର୍ଟରେ ଚ୍ୟାଲେଞ୍ଜ

ବେଆଇନ ଟୋଲ ଫି ଆଦାୟକୁ ହାଇକୋର୍ଟରେ ଚ୍ୟାଲେଞ୍ଜ

-ଆଡଭୋକେଟଙ୍କୁ ଫି ଛାଡ଼ ଲାଗି ମାମଲା ରୁଜୁ କଟକ ଅଫିସ, ୨୫।୫- ରାଜ୍ୟର ବିଭିନ୍ନ ସ୍ଥାନରେ ବେଆଇନ ଭାବେ ଟୋଲ ପ୍ଲାଜାରେ ଟୋଲ ଫି ଆଦାୟ କରାଯାଉଛି। ଏହି ଟୋଲ ଆଦାୟକୁ ହାଇକୋର୍ଟରେ ଚ୍ୟାଲେଞ୍ଜ କରାଯାଇଛି। ଏଥିସହିତ ଆଡଭୋକେଟମାନଙ୍କୁ ଟୋଲ ଫି ଛାଡ଼ କରାଯାଇ ସେମାନଙ୍କ ପାସ୍‌ ପ୍ରଦାନ ଲାଗି ଶୁକ୍ରବାର ହାଇକୋର୍ଟରେ ଏକ ଜନସ୍ବାର୍ଥ ମାମଲା ରୁଜୁ କରାଯାଇଛି। ସାମାଜିକ କର୍ମୀ ତଥା ଆଡଭୋକେଟ ଅଚ୍ୟୁତାନନ୍ଦ ସ୍ବାଇଁଙ୍କ ପକ୍ଷରୁ ଉକ୍ତ ମାମଲା ରୁଜୁ ହୋଇଛି। ଆବେଦନକାରୀ ଏହି ମାମଲାରେ ମୁଖ୍ୟ ଶାସନ ସଚିବ, ଏନ୍‌ଏଚ୍‌ଏଆଇ କର୍ତ୍ତୃପକ୍ଷ, ଆଇନ ସଚିବ, ପୂର୍ତ୍ତ ବିଭାଗ ସଚିବ ସମେତ ଅନ୍ୟମାନଙ୍କୁ ପକ୍ଷଭୁକ୍ତ କରିଛନ୍ତି।

ଆଜି ଆସିବେ ପ୍ରଧାନମନ୍ତ୍ରୀ

ଆଜି ଆସିବେ ପ୍ରଧାନମନ୍ତ୍ରୀ

-ଅରୁଆ ଚାଉଳରେ ନିମନ୍ତ୍ରଣ -ପାଣିରେ ବସି ଜଳ ସତ୍ୟାଗ୍ରହ କରିବେ ଆନ୍ଦୋଳନକାରୀ କଟକ ଅଫିସ, ୨୫।୫- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଅପରାହ୍ନରେ କଟକ ଆସିବେ। ଚୂଡ଼ାନ୍ତ କାର୍ଯ୍ୟସୂଚୀ ଅନୁଯାୟୀ ଅପରାହ୍ନ ୩ଟା ୫୫ରେ ପ୍ରଧାନମନ୍ତ୍ରୀ ତଳବାଲିଯାତ୍ରା ପଡ଼ିଆରେ ହେଲିକପ୍ଟର ଯୋଗେ ଅବତରଣ କରିବେ। ସେଠାରୁ ସେ ସିଧା ଉପର ବାଲିଯାତ୍ରା ପଡ଼ିଆରେ ଆୟୋଜିତ ସଭାରେ ଉଦ୍‌ବୋଧନ ଦେବେ। ସଭା କାର୍ଯ୍ୟ ୪ଟାରେ ଆରମ୍ଭ କରାଯିବ। ୧ ଘଣ୍ଟା ପାଇଁ ସଭା ହେବ। ପାଖାପାଖି ଅପରାହ୍ନ ୫ଟା ୧୦ରୁ ୧୫ ମଧ୍ୟରେ ପ୍ରଧାନମନ୍ତ୍ରୀ ମୋଦି ତଳ ବାଲିଯାତ୍ରା ପଡ଼ିଆରୁ ହେଲିକପ୍ଟର ଯୋଗେ ଭୁବନେଶ୍ୱର ଯାତ୍ରା କରିବେ।

ବଜ୍ରପାତରେ ୫ ବଳଦ, ୨ ଗାଈ ମୃତ

ବଜ୍ରପାତରେ ୫ ବଳଦ, ୨ ଗାଈ ମୃତ

ଚନ୍ଦ୍ରଗିରି,୨୫ା୫(ଡି.ଏନ୍‌.ଏ.)- କାଳବୈଶାଖୀ ତାଣ୍ଡବ ସାରା ରାଜ୍ୟରେ ଜାରି ରହିଛି। ଶୁକ୍ରବାର ଅପରାହ୍ନରେ ମୋହନା ବ୍ଲକ ଚନ୍ଦ୍ରଗିରି ପଞ୍ଚାୟତ କିଡାସିଙ୍ଗି ଗ୍ରାମରେ କାଳବୈଶାଖୀ ପ୍ରଭାବରେ ବର୍ଷା ସହ ବଜ୍ରପାତ ହୋଇଥିଲା। ଏହି ସମୟରେ ଏକ ଆମ୍ବଗଛ ତଳେ ଆଶ୍ରୟ ନେଇଥିବା ୫ ବଳଦ ଓ ୨ ଗାଈଙ୍କ ମୃତ୍ୟୁ ଘଟିଛି। ତାରିଣୀ ଦଳାଇଙ୍କର ୨ଟି ବଳଦ ଓ ଗୋଟିଏ ଗାଈ, ଲଡୁକିଶୋର ନାୟକଙ୍କ ଗୋଟିଏ ଗାଈ, ମହାଙ୍କାଳ ରଣଜିତ୍‌, ଚକ୍ରଧର ନାୟକ ଏବଂ ଦେବରାଜ ଦଳାଇଙ୍କର ଗୋଟିଏ ଲେଖାଏ ବଳଦର ମୃତ୍ୟୁ ଘଟିଥିବା ଜଣାପଡିଛି। ଖବର ପାଇ ଚନ୍ଦ୍ରଗିରି ସରପଞ୍ଚ ନର୍ମଦା ଦଳାଇ ଏବଂ ଚନ୍ଦ୍ରଗିରି ରାଜସ୍ବ ନିରୀକ୍ଷକ ମାର୍କଣ୍ଡ ପ୍ରଧାନ ଘଟଣାସ୍ଥଳରେ ପହଞ୍ଚତ୍ ସ୍ଥିତି ଅନୁଧ୍ୟାନ କରିବା ସହ ଗ୍ରାମବାସୀଙ୍କ ସହ ଆଲୋଚନା କରିଥିଲେ।

ରାଧାକାନ୍ତ ମଠରେ ପୁରୁଷୋତ୍ତମ ଏକାଦଶୀ

ରାଧାକାନ୍ତ ମଠରେ ପୁରୁଷୋତ୍ତମ ଏକାଦଶୀ

ଓଡ଼ଗାଁ, ୨୫ା୫(ସ୍ବ.ପ୍ର.)-ନୟାଗଡ଼ ଜିଲା ଓଡ଼ଗାଁରେ ବିଜେ ଶ୍ରୀରାଧାକାନ୍ତଙ୍କ ମଠ ଓ ଓଡ଼ଗାଁ ବୈଦିକ ବ୍ରାହ୍ମଣ ସମାଜ ମିଳିତ ଆନୁକୂଲ୍ୟରେ ଶୁକ୍ରବାର ଶ୍ରୀପୁରୁଷୋତ୍ତମ ଏକାଦଶୀ ବିଧି ବିଧାନ ସହିତ ପାଳନ କରାଯାଇଛି । ଯେଉଁ ବର୍ଷ ଯୋଡା ମାସ ପଡିଥାଏ ସେହି ମାସକୁ ପୁରୁଷୋତ୍ତମ ମାସ କୁହାଯାଏ ।

ବିଜେବି କଲେଜ ଯୁକ୍ତ୩ ପରୀକ୍ଷା ଫଳ ପ୍ରକାଶିତ ନତାଶା ବେଷ୍ଟ ଗ୍ରାଜୁଏଟ୍‌

ବିଜେବି କଲେଜ ଯୁକ୍ତ୩ ପରୀକ୍ଷା ଫଳ ପ୍ରକାଶିତ ନତାଶା ବେଷ୍ଟ ଗ୍ରାଜୁଏଟ୍‌

-ବିଜ୍ଞାନ: ୯୩% -କଳା: ୮୧% -ବାଣିଜ୍ୟ: ୮୭% କଳାରେ ନିକିତା, ବାଣିଜ୍ୟରେ ଆଦିତ୍ୟ ଟପ୍ପର ଭୁବନେଶ୍ୱର, ୨୫ା୫(ବ୍ୟୁରୋ)- ବକ୍ସି ଜଗବନ୍ଧୁ ବିଦ୍ୟାଧର(ବିଜେବି) ସ୍ବୟଂଶାସିତ କଲେଜର ଯୁକ୍ତ୩ ପରୀକ୍ଷା ଫଳ ଶୁକ୍ରବାର ପ୍ରକାଶ ପାଇଛି। ଚଳିତବର୍ଷ ବିଜ୍ଞାନରେ ପାସ୍‌ହାର ୯୩% ରହିଥିବାବେଳେ କଳାରେ ୮୧% ଏବଂ ବାଣିଜ୍ୟ ପାସ୍‌ହାର ୮୭% ରହିଛି। ବିଜ୍ଞାନ ଛାତ୍ରୀ ନତାଶା ନାୟକ ସର୍ବାଧିକ ୮୭.୯୨% ନମ୍ବର ରଖି ବେଷ୍ଟ ଗ୍ରାଜୁଏଟ୍‌ ଆଖ୍ୟା ଅର୍ଜନ କରିଛନ୍ତି। ସେ ପଦାର୍ଥ ବିଜ୍ଞାନ ଅନର୍ସ ରଖିଥିବାବେଳେ ମୋଟ ୨୪୦୦ ମାର୍କରୁ ୨୧୧୦ ନମ୍ବର ରଖି ଏହି ସଫଳତା ହାସଲ କରିଛନ୍ତି।

ଆଜି ସିବିଏସ୍‌ଇ ଦ୍ୱାଦଶ ଫଳ

ଭୁବନେଶ୍ୱର, ୨୫।୫(ବ୍ୟୁରୋ)- କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ(ସିବିଏସ୍‌ଇ) ଦ୍ୱାରା ପରିଚାଳିତ ଦ୍ୱାଦଶ ପରୀକ୍ଷା ଫଳ ଶନିବାର ପ୍ରକାଶ ପାଇବ। ସିବିଏସ୍‌ଇର ଓ୍ବେବ୍‌ସାଇଟ୍‌ cbseresults.nic.in କିମ୍ବା cbse.nic.inରେ ଫଳାଫଳ ଉପଲବ୍ଧ ହେବ। ସୂଚନାଯୋଗ୍ୟ, ଗତ ମାର୍ଚ୍ଚ ୫ରୁ ଦ୍ୱାଦଶ ପରୀକ୍ଷା ଆରମ୍ଭ ହୋଇ ଏପ୍ରିଲ ୧୩ରେ ଶେଷ ହୋଇଥିଲା। ଦେଶରେ ୪,୧୩୮ ଓ ବିଦେଶରେ ୭୧ କେନ୍ଦ୍ରରେ ମୋଟ ୧୧,୮୬,୩୦୬ ଛାତ୍ରୀଛାତ୍ର ଏହି ପରୀକ୍ଷା ଦେଇଥିଲେ। ଚଳିତବର୍ଷ ଭୁବନେଶ୍ୱର ରିଜିଅନରୁ ଦ୍ୱାଦଶରେ ୬୬,୩୧୮ ଛାତ୍ରୀଛାତ୍ର ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରେ ୨୭,୮୮୩ ଛାତ୍ରୀ ଏବଂ ୩୮,୪୩୫ ଛାତ୍ର ଅଛନ୍ତି।

ବାଂଲାଦେଶରେ ଛପାଯାଉଛି ଜାଲ ଟଙ୍କା

ବାଂଲାଦେଶରେ ଛପାଯାଉଛି ଜାଲ ଟଙ୍କା

-ଖୋର୍ଦ୍ଧାରୋଡ୍‌ ଜଙ୍କ୍‌ଶନରୁ ୩ ଲକ୍ଷ ଟଙ୍କାର ଜାଲ୍‌ ନୋଟ ଜବତ -ବାଙ୍ଗାଲୋର ନେଇ ଯାଉଥିଲେ ଝାଡ଼ଖଣ୍ଡ ଯାତ୍ରୀ ଭୁବନେଶ୍ୱର, ୨୫ା୫(ବ୍ୟୁରୋ)- କେବଳ ଭାରତରେ ନୁହେଁ, ବିଦେଶରେ ବି ଭାରତୀୟ ନୋଟ୍‌ର ନକଲ କରାଯାଉଛି। ଜାଲ୍‌ ନୋଟ କାରବାର କରୁଥିବା ଚୋରା ବ୍ୟବସାୟୀମାନେ ସେଠାରୁ ଜାଲ୍‌ ଟଙ୍କା ଆଣି ଭାରତର ବିଭିନ୍ନ ରାଜ୍ୟରେ ବିକ୍ରି କରୁଛନ୍ତି। ଗୁରୁବାର ଅପରାହ୍ନରେ ଖୋର୍ଦ୍ଧାରୋଡ୍‌ ଜଙ୍କ୍‌ଶନରୁ ଝାଡ଼ଖଣ୍ଡର ଜଣେ ରେଳ ଯାତ୍ରୀଙ୍କଠାରୁ ୩ ଲକ୍ଷ ଟଙ୍କା ଅର୍ଥାତ ୧୫୦ ଖଣ୍ଡ ୨ ହଜାର ଟଙ୍କିଆ ଜାଲ୍‌ ନୋଟ୍‌ ଜବତ କରାଯିବା ପରେ ଏଭଳି ତଥ୍ୟ ପଦାକୁ ଆସିଛି।

ଅ।ସୁଛି ରଜ, ଦୋଳି ପାଇଁ କାଠ ଅଭାବ

ଅ।ସୁଛି ରଜ, ଦୋଳି ପାଇଁ କାଠ ଅଭାବ

କେନ୍ଦୁଝର, ୨୫ା୫(ସ୍ବ.ପ୍ର.): ରଜପର୍ବ ପାଇଁ ସବୁଠି ଚଳଚଞ୍ଚଳ। ରଜ ମହୋତ୍ସବ ଲାଗି ଚାଲିଛି ପ୍ରସ୍ତୁତି। ରଜପର୍ବରେ ଦୋଳି ଭୂମିକା ଗୁରୁତ୍ୱପୂର୍ଣ୍ଣ। ଆଗରୁ ଘର ଘର ଦୋଳି ହେଉଥିଲା। କାଠ ଉପରେ କଟକଣା ଯୋଗୁଁ ଉତ୍ସାହ କମୁଛି। କେନ୍ଦୁଝର ସହର ଢିପା ସାହିରେ ପ୍ରତିବର୍ଷ ରଜପର୍ବ ପାଳନ ହେଉଛି। ଦୋଳି ପାଇଁ କାଠ ଯୋଗାଇଦେବାକୁ ସ୍ଥାନୀୟ ମହିଳାମାନେ ଜିଲାପାଳଙ୍କୁ ନିବେଦନ କରିଛନ୍ତି।

ଜୁଙ୍ଗା ପଞ୍ଚାୟତରେ ବଡ଼ଧରଣଣ ଦୁର୍ନୀତି

ଜୁଙ୍ଗା ପଞ୍ଚାୟତରେ ବଡ଼ଧରଣଣ ଦୁର୍ନୀତି

କେନ୍ଦୁଝର, ୨୫ା୫(ସ୍ବ.ପ୍ର.): ହରିଚନ୍ଦନପୁର ବ୍ଲକ ଜୁଙ୍ଗା ପଞ୍ଚାୟତରେ ବିଭିନ୍ନ ଉନ୍ନୟନ ମୂଳକ କାମରେ ଦୁର୍ନୀତି ହୋଇଥିବା ଜିଲାପାଳଙ୍କ ନିକଟରେ ଅଭିଯୋଗ ହୋଇଛି। ଓ୍ବାର୍ଡ ମେମ୍ବର ଓ ଗ୍ରାମବାସୀମାନେ ତଦନ୍ତ ଦାବି କରିଛନ୍ତି। ଜଳଛତ୍ର ଓ ଆଡିବନ୍ଧ ନିର୍ମାଣରେ ଜାଲ କାଗଜପତ୍ର ପ୍ରସ୍ତୁତି ହୋଇଛି। ସେ ବାବଦକୁ ଖର୍ଚ୍ଚ ହୋଇଥିବା ଅର୍ଥ ହେରଫେର କରାଯାଇଛି। ସୂଚନା ଅଧିକାର ଆଇନ ବଳରେ ମଗାଯାଇଥିବା ତଥ୍ୟରୁ ଜଣାପଡ଼ିଛି ବୋଲି ବଲାଣୀପଶି ଗ୍ରାମର ରମେଶ ମହାନ୍ତ କହିଛନ୍ତି।

ଅନଶନ ବେଳେ ଗୁରୁତର ହୋଇପଡିଲେ ପୂର୍ବତନ ବିଧାୟକ

ଅନଶନ ବେଳେ ଗୁରୁତର ହୋଇପଡିଲେ ପୂର୍ବତନ ବିଧାୟକ

ସଜନାଗଡ଼, ୨୫।୫(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ପୂର୍ବତନ ବିଧାୟକ ଚିତ୍ତରଞ୍ଜନ ଷଡ଼ଙ୍ଗୀଙ୍କ ଘର କିଛି ଅଂଶ ଠାକୁରମାହାଲର ଜାଗା ଦର୍ଶାଇ ବିନା ନୋଟିସ୍‌ରେ ପ୍ରଶାସନ ପକ୍ଷରୁ ଗତ ବୁଧବାର ଭାଙ୍ଗି ଦିଆଯାଇଥିଲା। ଏହାର ପ୍ରତିବାଦରେ ଷଡ଼ଙ୍ଗୀ ବୁଧବାର ସନ୍ଧ୍ୟାରୁ ନୀଳଗିରି ମେଡ଼ିକାଲ ପରିସରରେ ଆମରଣ ଅନଶନରେ ବସିଥିଲେ। ଅନଶନ ତୃତୀୟ ଦିନରେ ଶୁକ୍ରବାର ଷଡ଼ଙ୍ଗୀଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହୋଇପଡିବାରୁ ନୀଳଗିରି ଡାକ୍ତରଙ୍କ ପରାମର୍ଶକ୍ରମେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ଚିକିତ୍ସା ନିମନ୍ତେ ସ୍ଥାନାନ୍ତର କରାଯାଇଥିଲା। ସେଠାରେ ତାଙ୍କ ଅବସ୍ଥା ଅଧିକ ସଙ୍କଟାପନ୍ନ ହେବାରୁ ଆଇସିୟୁରେ ଭର୍ତ୍ତି କରାଯାଇଛି।

ମଦ, ଗଞ୍ଜେଇ କାରବାର ଅଭିଯୋଗ, ୪ ଗିରଫ

ମଦ, ଗଞ୍ଜେଇ କାରବାର ଅଭିଯୋଗ, ୪ ଗିରଫ

ଭଞ୍ଜନଗର,୨୫।୫(ଡି.ଏନ.ଏ)-ଭଞ୍ଜନଗର ଅବକାରୀ ବିଭାଗ ପକ୍ଷରୁ ଶୁକ୍ରବାର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ଚୋରା ମଦ କାରବାର ଅଭିଯୋଗରେ ୩ ଜଣଙ୍କୁ ଓ ଗଞ୍ଜେଇ ଚାଲଣ ଅଭିଯୋଗରେ ଜଣଙ୍କୁ ଗିରଫ କରାଯାଇଛି ।