ଆଜି ମହାନବମୀ : ଧରାପୃଷ୍ଠରେ ମହାମାୟା

ଭୁବନେଶ୍ୱର,୭ା୧୦(ବ୍ୟୁରୋ): ଅନ୍ୟାୟ ଓ ଅତ୍ୟାଚାରକୁ ନାଶ କରିବା ପାଇଁ ଧରାବତରଣ କରିଛନ୍ତି ମା’ ମହିଷା ମର୍ଦ୍ଦିନୀ। ମହାମାୟାଙ୍କ ଆରାଧନାର ମନ୍ତ୍ରପାଠ ଚାରିଆଡ଼େ ଆଧ୍ୟାତ୍ମିକ ପରିବେଶ ସୃଷ୍ଟି କରିଛି। ସୋମବାର ମଣ୍ଡପଗୁଡ଼ିକରେ ମା’ଙ୍କ ମହାନବମୀ ପୂଜା ଅନୁଷ୍ଠିତ ହେବାକୁ ଥିବାବେଳେ ସହରୀ ପୂଜା ପରିବେଶ ମନ ଛୁଉଁଛି। ମହଣ ମହଣ ସୁନା, ଚାନ୍ଦି ଅଳଙ୍କାରରେ ସଜେଇହୋଇ ମା’ ଝଟକୁଛନ୍ତି। କଟକରୁ ଭୁବନେଶ୍ୱର ପର୍ଯ୍ୟନ୍ତ, ରାଉରକେଲାରୁ ବାରିପଦା ପର୍ଯ୍ୟନ୍ତ ଆକାଶଚୁମ୍ବୀ ତୋରଣ, ଆଖି ଝଲସାଇଦେଲା ଭଳି ଡିଜାଇନ୍‌, ପରିବେଶ ଉପଯୋଗୀ ଥିମ୍‌ ପେଣ୍ଡାଲ ଓ କିଛି ଭିନ୍ନ କରିବାର ନିଶା ଚଳିତବର୍ଷ ଓଡ଼ିଶା ଦୁର୍ଗାପୂଜାକୁ ଲୋକପ୍ରିୟ କରାଇଛି। କେବଳ କଟକରେ ଏଥର ୧୬୭ଟି ପୂଜା ପେଣ୍ଡାଲ ହୋଇଥିବାବେଳେ ସେଥିରୁ ୨୭ଟି ଚାନ୍ଦିମେଢ଼ ରହିଛି। ୭ଟି ମଣ୍ଡପରେ ମା’ ସୁନାମୁକୁଟ ପରିଧାନ କରିଛନ୍ତି। ରାଜଧାନୀ ଭୁବନେଶ୍ୱରରେ ୧୭୧ଟି ଛୋଟବଡ଼ ପେଣ୍ଡାଲ ଦେଖିବାକୁ ମିଳୁଛି। ସେହିପରି ରାଉରକେଲା ସହରରେ ୧୦୪, ବାଲେଶ୍ୱର ସହରରେ ୭୨, ସମ୍ବଲପୁର ମହାନଗର ନିଗମ ଅଞ୍ଚଳରେ ୫୨, ବ୍ରହ୍ମପୁରରେ ୪୪, ବାରିପଦାରେ ୨୬, ଭଦ୍ରକ ସହରରେ ୨୦, ଅନୁଗୋଳରେ ୧୧, ଜୟପୁରରେ ୧୦, ରାୟଗଡ଼ାରେ ୬, ଢେଙ୍କାନାଳରେ ୫ଟି ପେଣ୍ଡାଲ ତିଆରି ହୋଇଛି।
ମହାସପ୍ତମୀରେ ମା’ଙ୍କୁ ଚକ୍ଷୁଦାନ, ଜୀବନ୍ୟାଶ ନୀତି ପରେ ରବିବାର ଅନୁଷ୍ଠିତ ହୋଇଯାଇଛି ମା’ଙ୍କ ମହାଷ୍ଟମୀ ତଥା ଦୁର୍ଗାଷ୍ଟମୀ ପୂଜା। ମହାଷ୍ଟମୀ ପୂଜାର ନୀତି ଅନୁସାରେ ମା’ଙ୍କ ମହାସ୍ନାନ ନୀତି ପରେ ଷୋଡଶ ଉପଚାର ପୂଜା କରାଯାଇଥିଲା। ଏହି ଅବସରରେ କେତେକ ସ୍ଥାନରେ କୁମାରୀ ପୂଜା ମଧ୍ୟ ଅନୁଷ୍ଠିତ ହୋଇଥିଲା। ମହାଷ୍ଟମୀ ବ୍ରତ ରଖିଥିବା ଭକ୍ତମାନେ ପୂଜାମଣ୍ଡପକୁ ଯାଇ ମା’ଙ୍କ ଦର୍ଶନ କରିବା ସହ ନୂଆ ଶାଢି, ଚୁଡି ପ୍ରଭୃତି ପୂଜା କରି ବ୍ରତ ଭାଙ୍ଗିଥିଲେ। ନବରାତ୍ର ପୂଜାର ସବୁଠାରୁ ପବିତ୍ର ସମୟ ସନ୍ଧିକାଳ ତଥା ସନ୍ଧିପୂଜାରେ ଅନୁଷ୍ଠିତ ହୋଇଥିଲା ବଳିଦେବା ପରମ୍ପରା। ସାଙ୍କେତିକ ବଳିଭାବେ କେତେକ ସ୍ଥାନରେ ପାଣିକଖାରୁ ବଳି ଚଢ଼ାଯାଇଥିବାବେଳେ ଆଉ କେତେକ ସ୍ଥାନରେ କାକୁଡି ବଳି ଭାବେ ମା’ଙ୍କୁ ଅର୍ପଣ କରାଯାଇଥିଲା। ସୋମବାର ନବରାତ୍ର ଶେଷ ହେଉଥିବାରୁ ଗୁଜରାଟୀ ସମାଜ ପକ୍ଷରୁ ବିଭିନ୍ନ ସ୍ଥାନରେ ସ୍ବତନ୍ତ୍ର କାର୍ଯ୍ୟକ୍ରମମାନ ଆୟୋଜନ କରାଯାଇଥିଲା। ଶାରଦୀୟ ପୂଜାରେ ତୋରଣକୁ ସର୍ବୋତ୍କୃଷ୍ଟ କରିବା ପାଇଁ ଗତ କିଛିବର୍ଷ ହେବ ରାଜଧାନୀର ପୂଜା ମଣ୍ଡପଗୁଡ଼ିକରେ ଜୋରଦାର ପ୍ରତିଯୋଗିତା ହେଉଥିବାବେଳେ ଚଳିତବର୍ଷଠାରୁ କଟକ  ଭଳି ସୁନା, ଚାନ୍ଦିରେ ମା’ଙ୍କୁ ସଜାଇବାକୁ ରାଜଧାନୀରେ ପ୍ରତିଯୋଗିତା ଆରମ୍ଭ ହୋଇଯାଇଛି। ପୁରୁଣା ଷ୍ଟେଶନ ବଜାର, ନୟାପଲ୍ଲୀ, ବରମୁଣ୍ଡା, ଚନ୍ଦ୍ରଶେଖରପୁର, ପୁରୁଣା ଭୁବନେଶ୍ୱର(ବ୍ରାହ୍ମଣ ନିଯୋଗ) ଭଳି ପ୍ରମୁଖ ପୂଜାମଣ୍ଡପରେ ମା’ଙ୍କୁ ସୁନା ଓ ଚାନ୍ଦିରେ ସଜାଯାଇଥିବାବେଳେ ଏଥର ଶହୀଦନଗର ପୂଜାମଣ୍ଡପରେ ପ୍ରଥମଥର ପାଇଁ ମା’ଙ୍କୁ ସୁନା ମୁକୁଟ ଓ ଚାନ୍ଦିମେଢରେ ଦେଖିବାକୁ ମିଳିଛି। ଭୁବନେଶ୍ୱରରେ ଚଳିତବର୍ଷ ପଦ୍ମାବତ୍‌ ପ୍ୟାଲେସ୍‌, ଲକ୍ଷ୍ନୌ ରାଜପ୍ରାସାଦ, ଡିଜ୍‌ନୀ ଲ୍ୟାଣ୍ଡ୍‌, ଇନ୍ଦ୍ରପୁରୀ, ଅକ୍ଷରଧାମ ମନ୍ଦିର, କୋଣାର୍କ ସୂର୍ଯ୍ୟ ମନ୍ଦିର ଓ ଗୁମ୍ଫା ଆକୃତିର ତୋରଣ ଆକର୍ଷଣ ସାଜିଛି। ଭୁବନେଶ୍ୱର, କଟକ ବ୍ୟତୀତ ରାଉରକେଲା, ବାଲେଶ୍ୱର ଓ ବାରିପଦା ଭଳି ସହରଗୁଡିକ ମଧ୍ୟ ଏଥର ତୋରଣ ଦୌଡ଼ରେ ସାମିଲ ହୋଇଛନ୍ତି। ମୂର୍ତ୍ତି ଓ ମେଢ ଅପେକ୍ଷା ତୋରଣ ନିର୍ମାଣ ଉପରେ ଅଧିକ ଗୁରୁତ୍ବ ଦିଆଯାଇଛି। ଯେଉଁଥିପାଇଁ ଚଳିତବର୍ଷ ରାଜ୍ୟର ଅଧିକାଂଶ ସହରରେ ତୋରଣ ପ୍ରମୁଖ ଆକର୍ଷଣ ପାଲଟିଛି। ଅନ୍ୟପକ୍ଷରେ ପୂଜାଭିଡ଼କୁ ଦୃଷ୍ଟିରେ ରଖି ପୂର୍ବରୁ ଭୁବନେଶ୍ୱର ଓ କଟକରେ ଟ୍ରାଫିକ୍‌ ନିୟନ୍ତ୍ରଣ ପାଇଁ ସ୍ବତନ୍ତ୍ର ବ୍ୟବସ୍ଥା ହୋଇଥିଲେ ମଧ୍ୟ ଟ୍ରାଫିକ୍‌ ପରିଚାଳନାରେ ପୋଲିସ ବିଫଳ ହୋଇଛି। ଯେଉଁଥିପାଇଁ ଭୁବନେଶ୍ୱରରେ ୧୦ ମିନିଟର ରାସ୍ତା ଅତିକ୍ରମ କରିବାକୁ ୩୦ ମିନିଟ ସମୟ ଲାଗିଯାଉଛି।
ଚଳିତବର୍ଷ ପ୍ରଦୂଷଣ ଓ ପଲିଥିନ୍‌ମୁକ୍ତ ଦଶହରା ଉପରେ ଗୁରୁତ୍ୱ ଦେଇଛନ୍ତି ରାଜ୍ୟର ଅଧିକାଂଶ ପୂଜାମଣ୍ଡପ। ଭୁବନେଶ୍ୱରରେ ୧୭୧ଟି ପୂଜାମଣ୍ଡପ ମଧ୍ୟରୁ ୧୧୫ଟି ପୂଜାମଣ୍ଡପ ପ୍ଲାଷ୍ଟିକ୍‌ ଓ ପଲିଥିନ୍‌ ବ୍ୟବହାରକୁ ନିଷିଦ୍ଧ କରିଛନ୍ତି। କେତେକ ପୂଜାମଣ୍ଡପ ଫ୍ଲେକ୍ସ ଲଗାଇ ଲୋକଙ୍କୁ ସଚେତନ କରିବା ସହ କିଛି ଚାରା ବାଣ୍ଟି ଇକୋ-ଫ୍ରେଣ୍ଡ୍‌ଲି ପୂଜାର ବାର୍ତ୍ତା ଦେଉଛନ୍ତି।


All Right Reserved By

କାର୍ଯ୍ୟରେ ଯୋଗଦେଲେ ଟ୍ରାଫିକ ଡିସିପି ସାଗରିକା ନାଥ : ଟ୍ରାଫିକ୍‌ ବ୍ୟବସ୍ଥାରେ ଆସିବ ସୁଧାର

ଭୁବନେଶ୍ୱର,୨୬ା୮(ବ୍ୟୁରୋ) : ଭୁବନେଶ୍ୱରର ଟ୍ରାଫିକ ଡିସିପି ଭାବେ ରବିବାର କାର୍ଯ୍ୟରେ ଯୋଗଦେଇଛନ୍ତି ୨୦୧୬ ବ୍ୟାଚ୍‌ର ଓଡିଆ କ୍ୟାଡ୍‌ର ଆଇପିଏସ୍‌ ଅଫିସର ସାଗରିକା ନାଥ। ସେ କମିଶନରେଟ...

ଆନ୍ତଃରାଜ୍ୟ କାର ଲୁଟେରା ଗ୍ୟାଙ୍ଗର ଆଉ ୪ ଗିରଫ: ୬ କାର, ୬ ମୋବାଇଲ ଜବତ

କଟକ ଅଫିସ,୫।୭- ବମ୍ଫକୁଦ କାର ଲୁଟ୍‌ ଘଟଣାର ତଦନ୍ତ କରି କଟକ ସଦର ପୋଲିସ ଆନ୍ତଃରାଜ୍ୟ କାର ଲୁଟେରା ଗ୍ୟାଙ୍ଗ୍‌ର ଆଉ ୪ ଜଣ ସଦସ୍ୟଙ୍କୁ...

ପାଟକୁରା ପାଇଁ ପାଗଭିଡ଼ା

ଭୁବନେଶ୍ୱର, ୧୧।୬(ବ୍ୟୁରୋ): ରାଜ୍ୟର ୧୪୬ ବିଧାନସଭା ଆସନରେ ନିର୍ବାଚନ ଶେଷ ହୋଇଛି। ପାଟକୁରା ଆସନରେ ଏ ପର୍ଯ୍ୟନ୍ତ ଭୋଟ ହୋଇନାହିଁ। ପାଟକୁରା ବିଧାନସଭା ଆସନରୁ ବିଜେଡି...

ଶ୍ରୀଜଗନ୍ନାଥଙ୍କ ପ୍ରସ୍ଥାନ, ପ୍ରତ୍ୟାବର୍ତ୍ତନ ନାହିଁ: ଗବେଷକ

ଭୁବନେଶ୍ୱର,୧୬।୭(ବ୍ୟୁରୋ): ପ୍ରଭୁ ଶ୍ରୀଜଗନ୍ନାଥ ମାନବସମାଜକୁ ସଂସ୍କାରିତ ଜୀବନର ବାର୍ତ୍ତା ଦେଇଥାନ୍ତି। ଦେବତା ହୋଇ ମଧ୍ୟ ମାନବସମାଜର ଧର୍ମ, କର୍ମ, କର୍ତ୍ତବ୍ୟ ଓ ପରିପାଳନର ସନ୍ଦେଶ ଦିଅନ୍ତି।...

ପ୍ରକାଶ ପାଇଲା ଯୁକ୍ତ ୨ ବିଜ୍ଞାନ ପରୀକ୍ଷା ଫଳ: ପାସ୍‌ ହାର ୭୨.୩୩%

ଭୁବନେଶ୍ୱର, ୩।୬(ବ୍ୟୁରୋ): ସୋମବାର ପ୍ରକାଶ ପାଇଛି ବିଜ୍ଞାନ ପରୀକ୍ଷା ଫଳ। ମଧ୍ୟାହ୍ନ ୧୨ଟାରେ ଭୁବନେଶ୍ୱରସ୍ଥିତ ଜୟଦେବ ଭବନର ଗୀତଗୋବିନ୍ଦ ଅଡିଟୋରିୟମ୍‌ରେ ପରୀକ୍ଷା ଫଳ ପ୍ରକାଶ ପାଇଛି।...

ଶୁକ୍ରବାର ଓଡ଼ିଶା ଆସିବେ ଆମିକସ୍‌ କ୍ୟୁରୀ, ଅନୁଧ୍ୟାନ କରିବେ ପୁରୀ ସ୍ଥିତି

ପୁରୀ ଅଫିସ,୫।୯: ଶୁକ୍ରବାର ଆମିକସ୍‌ କ୍ୟୁରୀ ଓ ସଲିସିଟର ଜେନେରାଲ ଓଡ଼ିଶା ଆସିବେ। ପୂର୍ବରୁ ୭ ତାରିଖରେ ଆସିବାକୁ ସ୍ଥିର ହୋଇଥିବା ବେଳେ କାର୍ଯ୍ୟସୂଚୀରେ ସାମାନ୍ୟ...

ବିଳମ୍ବ ହେବ ମୌସୁମୀ ଲେଉଟାଣି: ଆହୁରି ବର୍ଷା ସମ୍ଭାବନା

ଭୁବନେଶ୍ୱର,୨୯।୯(ବ୍ୟୁରୋ): ରାଜ୍ୟରେ ଦକ୍ଷିଣ ପଶ୍ଚିମ ମୌସୁମୀ ବାୟୁ ସକ୍ରିୟ ରହିଛି। ଓଡିଶା ସମେତ ଦେଶର ବିଭିନ୍ନ ଭାଗରେ ପ୍ରବଳ ବର୍ଷା ଲାଗି ରହିଛି। ନିର୍ଦ୍ଧାରିତ ସମୟର...

ସୁନା ଚେନ୍‌ ଲୁଟ୍‌ ଘଟଣା, ୪ ଗିରଫ: ୬ ସୁନା ଚେନ, ଏକ ଅଟୋ, ବାଇକ୍‌ ଜବତ

ଫୁଲନଖରା,୧୯।୭(ଡି.ଏନ୍‌.ଏ.)- କଟକ ସଦର ପୋଲିସ ଫୁଲନଖରା ଓଭରବ୍ରିଜଠାରୁ ଗୋପାଳପୁର ମଧ୍ୟରେ ନିୟମିତ ରାସ୍ତାରେ ସୁନାଚେନ ଚୋରି କରୁଥିବା ଦୁଇ ଲୁଟେରାଙ୍କୁ ଓ ଚୋରି ସୁନା କିଣୁଥିବା...

selfi corner

Model This Week

Why Dharitri

Leave a comment

Your email address will not be published. Required fields are marked *