ବାହ୍ୟଜଗତରୁ ବିଚ୍ଛିନ୍ନ କଳମଗଢ଼ିଆପାହି ଗାଁ

ବାହାନଗା, ୭ା୧୦(ଅରୂପ କୁମାର ଦାସ)-ସମୁଦ୍ର ଉପକୂଳ ଅଞ୍ଚଳରେ କିଭଳି ଦୁର୍ଗମ, ଅବହେଳିତ ଗାଁ ଗଣ୍ଡା ରହିଛି ତାହାର ଏକ ନଜିର କଳମଗଢିଆପାହି ଗାଁ। ବାଲେଶ୍ୱର ଜିଲା ରେମୁଣା ବ୍ଲକ ତାଳପଦା ପଞ୍ଚାୟତ ଅଧୀନ ୧ ନମ୍ବର ୱାର୍ଡରେ ଥିବା ଏହି ଗାଁ ସମୁଦ୍ରଠାରୁ ପ୍ରାୟ ଅଧ କି.ମି. ଦୂରରେ ଅବସ୍ଥିତ। ତାଳପଦା ପଞ୍ଚାୟତଠାରୁ ଏହାର ଦୂରତା ୧ କି.ମି. ହେବ। ରେମୁଣା ବ୍ଲକ ସଦରମହକୁମାରୁ ଏହାର ଦୂରତା ୪୫ କି.ମି.। ଗମନାଗମନ କ୍ଷେତ୍ରରେ ଏହି ଗ୍ରାମ ପାଇଁ ବାଧକ ସାଜିଛି କଣ୍ଟିଆଚିରା ନାଳ। ବାରମ୍ବାର ଦାବି ସତ୍ତ୍ୱେ ପୋଲ ନିର୍ମାଣ ନ ହେବାରୁ ଏବେ ଗାଁ ଲୋକେ ପ୍ଲାଷ୍ଟିକ ପଟା ସାହାଯ୍ୟରେ କାତ ମାରି ନାଳ ପାରହୋଇ ଯିବାଆସିବା କରୁଛନ୍ତି।
କଥିତ ଅଛି ଯେ, ୫ ଦଶନ୍ଧି ପୂର୍ବେ ପଶ୍ଚିମବଙ୍ଗ ମେଦିନୀପୁର ଅଞ୍ଚଳରୁ କେତେକ ଧନୀ ସମ୍ପ୍ରଦାୟର ଲୋକ ଏଠାକୁ ଚାଲି ଆସି ବସତି ସ୍ଥାପନ କରିଥିଲେ। ବାଲେଶ୍ୱର ଜିଲାର ରେମୁଣା ଭଳି ଏକ ବିକଶିତ ଅଞ୍ଚଳରେ ଏହି ଗ୍ରାମ ପ୍ରଶାସନିକ ଅବହେଳାରୁ ଆଜି ବି ବାହ୍ୟଜଗତରୁ ଏକ ପ୍ରକାର ବିଚ୍ଛିନ୍ନ ହୋଇରହିଛି। ବର୍ତ୍ତମାନ ଗ୍ରାମରେ ୫୫ ପରିବାର ବସବାସ କରୁଛନ୍ତି। ଲୋକସଂଖ୍ୟା ୪୨୪ରୁ ଅଧିକ। ଗାଁମୁଣ୍ଡରେ ଥିବା ନାଳ ପାରି ହେବା ଲାଗି ଗାଁଲୋକଙ୍କୁ ୨୫ବର୍ଷ ତଳେ ପଞ୍ଚାୟତ ତରଫରୁ ଏକ ପୁରୁଣା ଡଙ୍ଗା ଯୋଗାଇ ଦିଆଯାଇଥିଲା। କାଳକ୍ରମେ ତାହା ନଷ୍ଟ ହୋଇଯାଇଛି। ୨୦୧୨ରେ ଗ୍ରାମବାସୀଙ୍କ ସହଯୋଗରେ ନାଳ ଉପରେ ଏକ ବାଉଁଶ ପୋଲ ନିର୍ମାଣ କରାଯାଇଥିଲା। ଏହି ନାଳ ଦେଇ ସମୁଦ୍ରକୁ ଯାଉଥିବା ଯନ୍ତ୍ରଚାଳିତ ଡଙ୍ଗାଗୁଡିକ ପୋଲରେ ଲାଗିବାରୁ ସେମାନେ ଏହାକୁ ଭାଙ୍ଗିଦେଇଥିଲେ। ସେବେଠାରୁ ଗ୍ରାମବାସୀ ବିଚ୍ଛିନ୍ନ ଇଲାକାର ବାସିନ୍ଦା ଭାବେ ଜୀବନଜୀବିକା ନିର୍ବାହ କରୁଛନ୍ତି। ସରକାରଙ୍କ ବିକାଶ ଯୋଜନା ସବୁ ଯେମିତି ଗାଁ ମୁଣ୍ଡ ନାଳ ନିକଟରେ ଅଟକିଯାଉଛି। କଣ୍ଟିଆଚିରା ନାଳରେ ସେତୁ ନିର୍ମାଣ ଲାଗି ଗ୍ରାମବାସୀଙ୍କ ଦାବି ଅରଣ୍ୟରୋଦନ ପାଲଟିଛି। ନାଳ ପାଖରେ ଫେରିଘାଟ କରିବା ପାଇଁ ଅନୁମତି ଦିଆଯାଉନାହିଁ। ଗ୍ରାମରେ ଏକ ପ୍ରାଥମିକ ବିଦ୍ୟାଳୟ ୧ମ ଶ୍ରେଣୀରୁ ୫ମ ଶ୍ରେଣୀ ପର୍ଯ୍ୟନ୍ତ ଖୋଲାଯାଇଥିଲେ ବି ଘର ନାହିଁ। ଏକ ଆଜବେଷ୍ଟସ ଛପର ମନ୍ଦିର ପରିସରରେ ପାଠ ପଢାଯାଉଛି। ବର୍ଷାଦିନ ଆସିଲେ ଶିକ୍ଷକମାନଙ୍କ ଯିବା ଆସିବା ଅସମ୍ଭବ ହୋଇପଡ଼େ। ଏଭଳି ସ୍ଥିତିରେ ଗାଁ ପିଲାଙ୍କ ପାଠପଢା ୫ମ ଶ୍ରେଣୀରୁ ଡୋରି ବନ୍ଧା ହୋଇଯାଉଛି। ସେହିପରି ଗାଁରେ ଥିବା ଅଙ୍ଗନୱାଡି କେନ୍ଦ୍ରରେ ୩୮ ପିଲା ପାଠ ପଢନ୍ତି। ରୋଷେଇ ବ୍ୟବସ୍ଥା ନ ଥିବାରୁ ପଞ୍ଚାୟତ କାର୍ଯ୍ୟାଳୟରୁ ରୋଷେଇ ହୋଇ ଖାଦ୍ୟ ଆସୁଛି। ଗାଁରେ ନାମକୁ ମାତ୍ର ୩ ନଳକୂପ ଥିଲେ ବି ଲୁଣି ପାଣି ପ୍ରଭାବରେ ଲୋକେ ସବୁବେଳେ ଜଳକଷ୍ଟର ଶିକାର ହୋଇଥାନ୍ତି। ତାଳପଦା ପଞ୍ଚାୟତକୁ ଆସିବାକୁ ହେଲେ ଗ୍ରାମବାସୀ କଣ୍ଟିଆଚିରା ନାଳ ପାର ହୋଇ ଲୋକମାନଙ୍କ ସ୍ଥିତିବାନ ଜମି ଦେଇ ଆସିବାକୁ ପଡେ। ନାଳରେ ପୋଲ ନ ଥିବାରୁ ପ୍ଲାଷ୍ଟିକ ପଟା ସାହାଯ୍ୟରେ କାତ ମାରି ପାର ହୋଇଥାନ୍ତି। ୨୦୧୨ ମସିହାରେ ଗ୍ରାମବାସୀଙ୍କ ସହଯୋଗରେ ନାଳ ଉପରେ ଏକ ବାଉଁଶ ପୋଲ ନିର୍ମାଣ କରାଯାଇଥିଲା। ତେବେ ସମୁଦ୍ରକୁ ନାଳ ଦେଇ ଯାଉଥିବା ଯନ୍ତ୍ର ଚାଳିତ ଡଙ୍ଗାଗୁଡିକ ପୋଲରେ ଲାଗିବାରୁ ସେମାନେ ସେହି ବାଉଁଶ ପୋଲକୁ ଭାଙ୍ଗିଦେଇଥିଲେ। ସେବେଠାରୁ ଗ୍ରାମବାସୀ ବିପଦସଙ୍କୁଳ ଅବସ୍ଥାରେ ନାଳ ପାର ହୋଇ ପଞ୍ଚାୟତକୁ ଯାୟାୟାତ କରୁଛନ୍ତି। ବାରମ୍ବାର ନାଳ ପାର ହୋଇ ଯିବାକୁ ପଡୁଥିବାରୁ ପିଲାମାନେ ୫ମ ଶ୍ରେଣୀପରଠାରୁ ପାଠପଢାରେ ଡୋରି ବାନ୍ଧିବାକୁ ବାଧ୍ୟ ହେଉଛନ୍ତି। ଜିଲାପାଳ କଣ୍ଟିଆଚିରା ନାଳ ପାଖରେ ଏକ ଫେରିଘାଟ କରିବା ପାଇଁ ଅନୁମତି ଦେଇ ପଞ୍ଚାୟତକୁ ଏକ ଘାଟରେ ଡଙ୍ଗା ଚଳାଇବା ପାଇଁ ନିର୍ଦ୍ଦେଶ ଦେଲେ ଗ୍ରାମବାସୀ କିଛି ମାତ୍ରାରେ ଉପକୃତ ହୋଇପାରନ୍ତେ। ଗ୍ରାମକୁ ଯିବା ପାଇଁ ପକ୍କା ରାସ୍ତା ନାହିଁ। ବର୍ଷା ଦିନେ ଗ୍ରାମବାସୀ କାଦୁଅ ଭିତରେ ପଶି ଯାତାୟାତ କରନ୍ତି। ସନ୍ଧ୍ୟା ହେଲେ ଲୋକମାନେ ବାହାର ଦୁନିଆରୁ ବିଚ୍ଛିନ୍ନ ହୋଇରହନ୍ତି।
ଗ୍ରାମର ଶତାୟୁ ବୃଦ୍ଧ ଅମୂଲ୍ୟ ମଣ୍ଡଳ କହିଛନ୍ତି, ବର୍ଷାଦିନେ ବାହ୍ୟଜଗତରୁ ବିଚ୍ଛିନ୍ନ ହୋଇ ରହୁଥିବା ଏହି ଗାଁ ପ୍ରତି ପ୍ରଶାସନ ଆଦୌ ଦୃଷ୍ଟି ଦେଉନାହିଁ। ୨୦୦୨ରେ ଗାଁରେ କେତେଜଣଙ୍କୁ ୨୦ ହଜାର ଟଙ୍କାର ଇନ୍ଦିରା ଆବାସ ଘର ମିଳିଥିଲା। ଏହାପରଠାରୁ ଆବାସ ଯୋଜନାରେ ଆଉ କାହାକୁ ଘର ମିଳିନାହିଁ। ବର୍ଷା ହେଲେ ଗାଁ ଭିତର ରାସ୍ତା କାଦୁଅ ପଚ ପଚ ହୋଇଯାଏ। ଏହି ସମୟରେ ଯିବାଆସିବା କରିବା କାଠିକାର ପାଠ ହୋଇପଡେ। ପଞ୍ଚାୟତରେ ସାମାଜିକ କର୍ମୀ ଅନିରୁଦ୍ଧ ଦାସ ତାଙ୍କ ପ୍ରତିକ୍ରିୟାରେ କହିଛନ୍ତି, ନାଳ ଉପରେ ପୋଲ କରାଯିବା ପାଇଁ ବହୁ ଚେଷ୍ଟା ହୋଇଛି। କେନ୍ଦ୍ର ସରକାରଙ୍କ ସାଗରମେଳା ଯୋଜନାରେ ୧୨ କୋଟି ଟଙ୍କାର ପୋଲ ନିର୍ମାଣ ପାଇଁ ପ୍ରସ୍ତାବ ଦିଆଯାଇଛି। ସମିତିସଭ୍ୟ ରମାକାନ୍ତ ମଳିକ କହିଛନ୍ତି, ଗାଁରେ ବିଦ୍ୟାଳୟ ଓ ଅଙ୍ଗନୱାଡି କେନ୍ଦ୍ରର ସ୍ଥାୟୀ ଘର ନିମନ୍ତେ ଟଙ୍କା ଅନୁମୋଦନ ହୋଇଛି। ବିଦ୍ୟାଳୟ ନାମରେ ଜମି କରାଯାଇଛି। ଖୁବ୍‌ଶୀଘ୍ର କାମ ଆରମ୍ଭ ହେବ। ଗ୍ରାମର ବାସନ୍ତୀ ମଣ୍ଡଳ, ଅରବିନ୍ଦ ଜେନା,ଚିତ୍ତରଞ୍ଜନ ମହାଳିକ, ପ୍ରଦୀପ ଦାସ, ରାଜ କୁମାର ବାଗ, ନାରଣ ଦାସ, କାଳିକିଷ୍ଣ ଗିରି, ରଘୁନାଥ ମହାଳିକ, ଗଣେଶ ଦାସ,ଦେବୁ ଦୁଲ୍ଲାଲ ପ୍ରମୁଖ ଗ୍ରାମବାସୀ ପ୍ରଶାସନ ସମସ୍ୟା ପ୍ରତି ଦୃଷ୍ଟି ନ ଦେଲେ ସେମାନେ ଜିଲା ପ୍ରଶାସନଠାରେ ଧାରଣା ଦେବେ ବୋଲି କହିଛନ୍ତି।


All Right Reserved By Dharitri.Com

ବିଭିନ୍ନ ଦାବିନେଇ ଭବାନୀପାଟଣା ସରକାରୀ ସ୍ବୟଂଶାସିତ ମହାବିଦ୍ୟାଳୟ ଛାତ୍ରଙ୍କ ବିକ୍ଷୋଭ

ଭବାନୀପାଟଣା,୩୧।୭(ଡି.ଏନ୍‌.ଏ.): କଳାହାଣ୍ଡି ଜିଲା ଭବାନୀପାଟଣା ସରକାରୀ ସ୍ବୟଂଶାସିତ ମହାବିଦ୍ୟାଳୟରେ ବର୍ଦ୍ଧିତ ହଷ୍ଟେଲ ଫି’ ହ୍ରାସ ଓ ଛାତ୍ରଙ୍କୁ ନୂତନ ଛାତ୍ରାବାସକୁ ସ୍ଥାନାନ୍ତର ଦାବି ନେଇ ଛାତ୍ର...

ବିବାହ ପାଇଁ ରାଜି ହେଲେନି ପ୍ରେମିକ: ଥାନାର ଦ୍ୱାରସ୍ଥ ହେଲେ ପ୍ରେମିକା

ବାଲିକୁଦା,୧୯ା୧୧(ସ୍ବ.ପ୍ର.): ଚାରି ବର୍ଷର ଭଲ ପାଇବା ପରେ ବି ପ୍ରେମିକ ବିବାହ କରିବାକୁ ମନାକଲେ। ଫଳରେ ପ୍ରେମିକା ନିରାଶ ହୋଇ ଶେଷରେ ନ୍ୟାୟ ପାଇଁ ଥାନାର...

ଆଜି କାତିଖର୍ପର ବେଶରେ ଦର୍ଶନ ଦେବେ ମା’ ମଙ୍ଗଳା

କାକଟପୁର,୩।୧୦(ଡି.ଏନ୍‌.ଏ.): ପୁରୀ ଜିଲା କାକଟପୁରସ୍ଥିତ ମା’ ମଙ୍ଗଳାଙ୍କ ମନ୍ଦିରରେ ଆଶ୍ୱିନ ମୂଳାଷ୍ଟମୀ ତିଥିଠାରୁ ଆରମ୍ଭ ହୋଇଛି ଶାରଦୀୟ ପାର୍ବଣ ପୂଜା। ଗୁରୁବାର ଶୁକ୍ଳ ଷଷ୍ଠୀ ତିଥି...

କଂଗ୍ରେସ କର୍ମୀ ସମ୍ମିଳନୀ, ମିଶ୍ରଣ ପର୍ବ

ହାଟଡିହୀ,୧୭।୪(ଡି.ଏନ.ଏ.): ଆନନ୍ଦପୁର ନିର୍ବାଚନମଣ୍ଡଳୀ ହାଟଡିହୀ ବ୍ଲକ ୩୭ ନଂ ଜୋନ୍‌ର ସଡ଼ଙ୍ଗଠାରେ କଂଗ୍ରେସ କର୍ମୀ ସମ୍ମିଳନୀ ଓ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଏହି ସମ୍ମିଳନୀ...

ହତ୍ୟା ମାମଲାରେ ୪ ନିର୍ଦ୍ଦୋଷରେ ଖଲାସ

ବାଲେଶ୍ୱର ଅଫିସ, ୩।୮: ଏକ ହତ୍ୟା ମାମଲାର ବିଚାର କରି ବାଲେଶ୍ୱର ଅତିରିକ୍ତ ସେସନ୍ସ ଜଜ୍‌ ଗିରିଜା ଶଙ୍କର ମହାପାତ୍ର ଉପଯୁକ୍ତ ସାକ୍ଷ୍ୟପ୍ରମାଣ ଅଭାବରୁ ବାଲେଶ୍ୱର...

ଶିକ୍ଷକ ଯୋଗାଇବା ଦାବିରେ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା

ପଟ୍ଟାମୁଣ୍ଡାଇ,୯।୧୨(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ପୌରାଞ୍ଚଳ ଅଧୀନ ୧୫ ନଂ. ଓ୍ବାର୍ଡର ଅଳଭା ୟୁଜିୟୁପି ସ୍କୁଲର ପରିଚାଳନା କମିଟିର ସଭାପତି ଅଭୟ ପାତ୍ରଙ୍କ ସମେତ ସଦସ୍ୟ...

ଇଭିଏମ୍‌ ଭଙ୍ଗାରୁଜା ଘଟଣା: ନୀଳମଣିଙ୍କ ଜାମିନ ଶୁଣାଣି ୨କୁ ଘୁଞ୍ଚିଲା

ଭଞ୍ଜନଗର/ସୋରଡା,୨୬।୪ (ଡି.ଏନ.ଏ.)- ସୋରଡା ବିଧାନସଭା ନିର୍ବାଚନମଣ୍ଡଳୀର ଭାଜପା ବିଧାୟକ ପ୍ରାର୍ଥୀ ନୀଳମଣି ବିଷୋୟୀ ଇଭିଏମ୍‌ ମେଶିନ ଭାଙ୍ଗିବା ଅଭିଯୋଗରେ ଗତ ୧୮ ତାରିଖରୁ ସୋରଡା ଜେଲରେ...

ଏମ୍‌ସିଏଲ୍‌ ବିସ୍ଥାପିତ, ଥଇଥାନକୁ ନେଇ ଆର୍‌ପିଡିଏସି ବୈଠକ

ଝାରସୁଗୁଡା ଅଫିସ୍‌/ଲଖନପୁର,୧୫।୧୦(ଡି.ଏନ୍‌.ଏ)-ମହାନଦୀ କୋଲ୍‌ଫିଲ୍ଡ ଲିମିଟେଡ୍‌(ଏମ୍‌ସିଏଲ୍‌)ର ବିସ୍ଥାପିତ, ଥଇଥାନ ଆଦି ବହୁବିଧି ସମସ୍ୟାକୁ ନେଇ ମଙ୍ଗଳବାର ଝାରସୁଗୁଡା ଜିଲା ଡିଏମ୍‌ଏଫ୍‌ ସଭାଗୃହରେ ଥଇଥାନ ଓ ପାରିପାର୍ଶ୍ୱିକ ଉନ୍ନୟନ...

Leave a comment

Your email address will not be published. Required fields are marked *