ସଂଗମର ସମ୍ମାନଧାରୀ

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ
ବ୍ରିଟିଶ୍‌ ପାର୍ଲାମେଣ୍ଟରୁ ମର୍ଯ୍ୟାଦାଜନକ କନ୍‌ଫ୍ଲୁଏନ୍ସ ଏକ୍ସଲେନ୍ସ ଆଓ୍ବାର୍ଡ ଗ୍ରହଣ କରୁଥିବା ବ୍ୟକ୍ତି ଗର୍ବ ଅନୁଭବ କରିବା ସ୍ବାଭାବିକ। କୌଣସି ଏକ କ୍ଷେତ୍ରରେ ଅଭିନବ ଶୈଳୀରେ ନେତୃତ୍ୱ ନେବାର ଦକ୍ଷତା ପ୍ରଦର୍ଶନ କରିପାରୁଥିବା ବ୍ୟକ୍ତିବିଶେଷଙ୍କୁ କନ୍‌ଫ୍ଲୁଏନ୍ସ (ସଂଗମ) ସମ୍ମାନ ପ୍ରଦାନ କରାଯାଇଥାଏ। କନ୍‌ଫ୍ଲୁଏନ୍ସ ଫାଉଣ୍ଡେଶନ ପକ୍ଷରୁ ଏଭଳି ସମ୍ମାନ ପ୍ରତିଷ୍ଠା କରାଯାଇଛି। ସ୍ମିତା ଶ୍ରୀବାସ୍ତବଙ୍କ ଦ୍ୱାରା ଗଢ଼ା ଯାଇଥିବା ସଂସ୍ଥାରେ ସନ୍ଦିପ ମାରଓ୍ବା, ରିନା ଢାକା ଓ ଅନୁରାଧା ଗୋଏଲ ପରାମର୍ଶଦାତା ଭାବେ ରହିଛନ୍ତି। ଲଣ୍ଡନଠାରେ କନ୍‌ଫ୍ଲୁଏନ୍ସ ଫାଉଣ୍ଡେଶନ ଭାରତ କନ୍‌କ୍ଲେଭ୍‌ ୨୦୧୯ ଅବସରରେ ୨୭ ସେପ୍ଟେମ୍ବରରେ ଭାରତୀୟ ସାମ୍ବାଦିକା କଲି ପୁରି ଭାରତୀୟ ଗଣମାଧ୍ୟମରେ ସର୍ବାଧିକ କ୍ଷମତାଶାଳୀ ମହିଳା ଭାବେ ଏହି ପୁରସ୍କାର ପାଇଛନ୍ତି। ‘ଇଣ୍ଡିଆ ଟୁଡେ ଗ୍ରୁପ୍‌’ର ଭାଇସ୍‌ ଚେୟାରମ୍ୟାନ୍‌ ଭାବେ କାର୍ଯ୍ୟରତା କଲି ସମ୍ମାନ ଗ୍ରହଣ କରିବା ପରେ କହିଛନ୍ତି, ତାଙ୍କ ସଂସ୍ଥା ପକ୍ଷରୁ କରାଯାଉଥିବା କାର୍ଯ୍ୟ ଅନ୍ତର୍ଜାତୀୟ ସ୍ତରରେ ମାନ୍ୟତା ପାଇବା ଏକ ସନ୍ତୋଷଜନକ ଖବର।
ଯୋଗ୍ୟ ପିତାଙ୍କ ସୁଯୋଗ୍ୟା କନ୍ୟା ହେଉଛନ୍ତି କଲି। ଇଣ୍ଡିଆ ଟୁଡେ ଗ୍ରୁପ୍‌ର ପ୍ରତିଷ୍ଠାତା ଅରୁନ୍‌ ପୁରିଙ୍କ ଝିଅ କଲି ନୂଆଦିଲ୍ଲୀଠାରେ ଜନ୍ମଗ୍ରହଣ କରିଥିଲେ। ନୂଆଦିଲ୍ଲୀସ୍ଥିତ ମଡର୍ନ ସ୍କୁଲରୁ ଶିକ୍ଷା ସମାପ୍ତ କରିବା ପରେ ଉଚ୍ଚଶିକ୍ଷା ଲାଗି ଲଣ୍ଡନର ଅକ୍ସଫୋର୍ଡ ବିଶ୍ୱବିଦ୍ୟାଳୟକୁ ଯାଇଥିଲେ। ସେଠାରେ ରାଜନୀତି, ଦର୍ଶନ ଓ ଅର୍ଥନୀତିରେ ଡିଗ୍ରୀ ହାସଲ କରିଥିଲେ। ତାଙ୍କ କର୍ମମୟ ଜୀବନ ୧୯୯୬ରେ ପିତାଙ୍କ ପ୍ରତିଷ୍ଠିତ ସଂସ୍ଥାରୁ ଆରମ୍ଭ ହୋଇଥିଲା। ମାର୍କେଟିଂ ଏକ୍‌ଜିକ୍ୟୁଟିଭ୍‌ ଭାବେ ଯୋଗଦେବା ପରେ ସେ ‘ଇଣ୍ଡିଆ ଟୁଡେ’ ପତ୍ରିକା ପାଇଁ ରିପୋର୍ଟିଂରେ ମନୋନିବେଶ କରିଥିଲେ। ପରବର୍ତ୍ତୀ ସମୟରେ ଇଣ୍ଡିଆ ଟୁଡେ ଗ୍ରୁପ୍‌ ଡିଜିଟାଲର ଚିଫ୍‌ ଅପରେଟିଂ ଅଫିସର (ସିଓଓ) ହୋଇଥିଲେ। ସେବେଠାରୁ ସେ ସଂସ୍ଥାର ପ୍ରସାରିତ ଶାଖା ‘ଆଜ୍‌ ତକ୍‌’, ‘ଇଣ୍ଡିଆ ଟୁଡେ ଟେଲିଭିଜନ’, ‘ଆଜ୍‌ତକ୍‌ ଏଚ୍‌ଡି’, ‘ତେଜ୍‌’ ଏବଂ ‘ଦିଲି ଆଜ୍‌ତକ୍‌’କୁ ପରିଚାଳନା କରି ବେଶ୍‌ ଅଭିଜ୍ଞତା ଅର୍ଜନ କରିଛନ୍ତି। ଭବିଷ୍ୟତ ଖବର ଉପରେ କଲିଙ୍କ ସ୍ପଷ୍ଟ ଦୃଷ୍ଟିଭଙ୍ଗୀ ରହିଥିବାରୁ ଭାରତୀୟ ଗଣମାଧ୍ୟମରେ ତାଙ୍କ ନାମ ଶୁଣିବାକୁ ମିଳିଥାଏ। ୨୦୧୭ରେ ଇମ୍ପାକ୍ଟ ମାଗାଜିନ୍‌ ଆଓ୍ବାର୍ଡର ଷଷ୍ଠ ସଂସ୍କରଣରେ ପ୍ରକାଶିତ ତାଲିକାରେ ତାଙ୍କ ନାମ ପଞ୍ଚମ ସ୍ଥାନରେ ରହିଥିଲା। ଦୁଇ ସପ୍ତାହ ତଳେ ଲଣ୍ଡନରେ ଏକବିଂଶ ଶତାବ୍ଦୀ ଆଇକନ୍‌ ବାର୍ଷିକ ଆଓ୍ବାର୍ଡ ପ୍ରଦାନ ବେଳେ ତାଙ୍କୁ ‘ଆଉଟ୍‌ଷ୍ଟାଣ୍ଡିଂ ମେଡିଆ ଆଣ୍ଡ୍‌ ଏଣ୍ଟରଟେନ୍‌ମେଣ୍ଟ ଆଓ୍ବାର୍ଡ’ ମିଳିଥିଲା। ଏବେ କନ୍‌ଫ୍ଲୁଏନ୍ସ ଏକ୍ସଲେନ୍ସ ଆଓ୍ବାର୍ଡ ତାଙ୍କ ବ୍ୟକ୍ତିତ୍ୱକୁ ଅଧିକ ବିକଶିତ କରିଛି।
ପିତାଙ୍କ ଲେଗାସି କଲିଙ୍କୁ ତାଙ୍କ ସଂସ୍ଥାରେ ଗୁରୁତ୍ୱପୂର୍ଣ୍ଣ ସ୍ଥାନରେ ଅବସ୍ଥାପିତ କରିପାରିଥିଲେ ହେଁ କାର୍ଯ୍ୟ ପ୍ରତି ଅଙ୍ଗିକାରବଦ୍ଧତା ତାଙ୍କୁ ଗଣମାଧ୍ୟମ ଶିଳ୍ପରେ ନେତୃତ୍ୱ ନେଉଥିବା ଅନ୍ୟତମ ପ୍ରଭାବଶାଳୀ ମହିଳା ଭାବେ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି। ପାରିବାରିକ ସମ୍ବନ୍ଧ କଥା କହିଲେ ଅରୁଣ ପୁରି ତାଙ୍କ ପିତା ହୋଇଥିବା ବେଳେ ମାତା ହେଉଛନ୍ତି ରେଖା ପୁରି। ଭାଇ ଅଙ୍କୁର ପୁରି ଓ ଭଉଣୀ ଅଭିନେତ୍ରୀ କୋଏଲ ପୁରି। ସ୍ବାମୀ ରାଜସିଂ ଭଣ୍ଡଲ ଏବଂ ପୁଅ ଜେହାନ୍‌ବିର ଓ ଝିଅ ଜିଆନୁର୍‌ଙ୍କୁ ନେଇ ତାଙ୍କ ସଂସାର।


All Right Reserved By

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ ଲୋକଙ୍କଠାରୁ ତଥ୍ୟ ଲୁଚାଇବାରେ ସରକାରୀ ବିଭାଗଗୁଡ଼ିକ ମଧ୍ୟରେ କେନ୍ଦ୍ର ସରକାରଙ୍କ ପାନୀୟ ଜଳ ଓ ପରିମଳ ମନ୍ତ୍ରଣାଳୟ...

ଫନୀ ଫେରାଇଛି ପୁରୁଣା ଦିନ

ପ୍ରକାଶ ତ୍ରିପାଠୀ ଗତ ମେ ୩ତାରିଖରେ ଓଡ଼ିଶା ଉପକୂଳ ଜିଲାଗୁଡ଼ିକରେ ମହାପ୍ରଳୟ ଘଟାଇ ୧୯୯୯ ମହାବାତ୍ୟାର ସ୍ମୃତିକୁ ଉଜ୍ଜୀବିତ କରିଦେଇଛି ସାମୁଦ୍ରିକ ଝଡ଼ ଫନୀ। ପୁରୀଠାରେ...

ଏଇ ଭାରତରେ

ଭାରତବର୍ଷରେ ଏପରି ସ୍ଥାନ ଅଛି ଯେଉଁଠି ପ୍ରତି ଘରେ ଜଣେ ମହିଳାଙ୍କର ରହିଛନ୍ତି ଏକାଧିକ ସ୍ବାମୀ। ଏ କଥା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ୍ୟ। ମହାଭାରତରେ...

ଓଡ଼ିଆ ଜାତିର ଜୀବନ ବେଦ

ଡ. ପ୍ରଫୁଲ୍ଲ କୁମାର ସାହୁ ଗ୍ରନ୍ଥସ୍ରଷ୍ଟାଙ୍କ ଜୟନ୍ତୀ ପାଳନ ହେବାର ବିଧି ବିଶ୍ୱବ୍ୟାପୀ ପ୍ରଚଳିତ। ମାତ୍ର ଓଡ଼ିଆ ଭାଗବତକୁ ଛାଡ଼ିଦେଲେ ପୃଥିବୀରେ ପ୍ରାୟ ଏମିତି କୌଣସି...

ସମ୍ପାଦକୀୟ/ଉପହାର ଲୋଭ

ସମ୍ପାଦକୀୟ/ଉପହାର ଲୋଭ ଉପହାର ଦିଆଯାଏ କାହିଁକି? ସେହି ମର୍ମରେ ଅଧିକ ଭାବିଲେ ପିଲାଙ୍କୁ ଚକୋଲେଟ କିମ୍ବା ବଡ଼ଙ୍କୁ ଉପଢ଼ୌକନ ବା ଉପହାର ଦେବାର ଏକମାତ୍ର କାରଣ...

ଆଜିର ଅର୍ଥନୀତି/ ବୋଲକରା ଆର୍‌ବିଆଇ

ଦୀର୍ଘକାଳ ଧରି ଭାରତୀୟ ରିଜର୍ଭ ବ୍ୟାଙ୍କ ଓ କେନ୍ଦ୍ର ସରକାର ମଧ୍ୟରେ ଟଣାଓଟରା ଚାଲିଥିଲା, ଯେଉଁଥିରେ ଦୁଇଜଣ ଆର୍‌ବିଆଇ ଗଭର୍ନରଙ୍କୁ ଆକସ୍ମିକଭାବେ ପଦତ୍ୟାଗ କରିବାକୁ ପଡ଼ିଥିଲା।...

ଆମେରିକା-ଇରାନ ସମ୍ପର୍କ

ଆକାର ପଟେଲ ଚଳିତ ସପ୍ତାହରେ ଆମେରିକା ଇରାନ ବିରୋଧରେ ଯୁଦ୍ଧଘୋଷଣା କରିବା ପରେ ପୁଣି ପଛଘୁଞ୍ଚା ଦେଇଛି। ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ କହିଲେ ଯେ ଆକ୍ରମଣରେ...

ସମ୍ପାଦକୀୟ/ ସାହସୀ ଦୂତୀ

୬ ସେପ୍ଟେମ୍ବର ୨୦୧୮ରେ ସମଲିଙ୍ଗୀ ସମ୍ପର୍କ ଅପରାଧ ନୁହେଁ କହି ସୁପ୍ରିମକୋର୍ଟ ଆଇପିସିର ଦଫା ୩୭୭କୁ ଉଚ୍ଛେଦ କରି ଐତିହାସିକ ରାୟ ଦେଇଥିଲେ। ଏହାକୁ ଏଲ୍‌ଜିବିଟି...

selfi corner

Model This Week

Why Dharitri

Leave a comment

Your email address will not be published. Required fields are marked *