Posted inଭଦ୍ରକ

୪ ଶହ ବର୍ଷରେ କଲ୍ୟାଣୀନଗରୀ ଦୁର୍ଗାପୂଜା

ଧାମନଗର, ୫।୧୦ (ଡି.ଏନ.ଏ.) – ରଙ୍ଗିନ ଆଲୋକମାଳାରେ ଝଲସିଲାଣି ପୂଜା ମଣ୍ଡପ। ମଣ୍ଡପରେ ମା’ଙ୍କୁ ଆରାଧନା ଲାଗି ପ୍ରସ୍ତୁତି ଶେଷ ପର୍ଯ୍ୟାୟରେ। ଶାରଦୀୟ ଦୁର୍ଗାପୂଜା ପାଇଁ ଭଦ୍ରକ ଜିଲା ଧାମନଗର ବ୍ଲକ ଅଞ୍ଚଳ ଉତ୍ସବମୁଖର ହୋଇଉଠିଛି। ବ୍ଲକର ସର୍ବପୁରାତନ କଲ୍ୟାଣୀ ନଗରୀ ଦୂର୍ଗାପୂଜା ୪ ଶହ ବର୍ଷରେ ପଦାର୍ପଣ କରିଛି। ଶୁକ୍ରବାରଠାରୁ ଷଷ୍ଠୀ ଅବସରରେ ବିଲ୍ବବରଣୀ କରାଯାଇଛି। ସପ୍ତମୀରେ ନବପତ୍ରିକା ପୂଜା ସାଙ୍ଗକୁ ବିଶାଳ କଳସ ଶୋଭାଯାତ୍ରା ବାହାରି ରେବ ନଦୀର ଦେବୀଘାଟରୁ ଜଳା ଉଠାଯିବ। କଳସ ବୁଡ଼ା ପରେ ମା’ଙ୍କର ଚକ୍ଷୁଦାନ ଓ ପରେ ଗୋଟିଏ କଖାରୁ ବଳି ଦିଆଯାଇ ସାଧାରଣ କଖାରୁ ବଳି ଆରମ୍ଭ ହେବ। ବିଶୁଦ୍ଧ ପଞ୍ଜିକା ଅନୁସାରେ ପାରମ୍ପରିକ ପୂଜାପାଠ ପାଇଁ ସମସ୍ତ ପ୍ରସ୍ତୁତି ଚୁଡ଼ାନ୍ତ ହୋଇଥିବା ବେଳେ ଚଳିତବର୍ଷ ପ୍ରସିଦ୍ଧ ଝୁଣାଜଳା ପର୍ବ ପାଇଁ ସମୟ ନିର୍ଘଣ୍ଟ ହୋଇଛି।
ପୂଜା କମିଟି ସମ୍ପାଦକ ରମେଶ ଚନ୍ଦ୍ର ଦତ୍ତ ସୂଚନା ଦେଇ କହିଛନ୍ତି ଯେ, ଚଳିତବର୍ଷ ପ୍ରସିଦ୍ଧ ଝୁଣାଜଳା ପର୍ବ ମହାଷ୍ଟମୀ ତିଥି ରବିବାର ଅପରାହ୍ନ ୨ଟା ୩୧ରେ ଆରମ୍ଭ ହେବ। ୩ଟା ୧୯ ପର୍ଯ୍ୟନ୍ତ ସାର୍ବଜନୀନ ଝୁଣାଜଳା ପର୍ବ ଅନୁଷ୍ଠିତ ହେବ। ଏହି ପର୍ବରେ ପୂର୍ବରୁ ଉକ୍ତ ଗ୍ରାମର ମହିଳାମାନେ ନିର୍ଦ୍ଦିଷ୍ଟ ସମୟରେ ଉପବାସ ରହି ମଣ୍ଡପକୁ ଆସିଥାନ୍ତି। ଧାଡ଼ି ଧାଡ଼ି ହୋଇ ମହିଳାମାନେ ବସିବା ପରେ ସେମାନଙ୍କ ମୁଣ୍ଡ ଉପରେ ଏକ ମୁଚୁଳା ଦିଆଯାଇ ଝୁଣାଦାନୀକୁ ରଖାଯାଏ। ମା’ଙ୍କ ମୃଣ୍ମୟୀ ମୂର୍ତ୍ତି ସମ୍ମୁଖରେ ମହିଳାମାନେ ମୁଣ୍ଡ ଉପରେ ଝୁଣା ଦାନୀ କିମ୍ବା ମାଟି ପଲମ ରଖି ତା ଉପରେ ନିଅଁା ଦେଇ ଝୁଣା ପକାଇଥାନ୍ତି। ବହିରାଗତ ଭକ୍ତମାନେ ଝୁଣା ଆଣି ଝୁଣାଦାନୀରେ ପକାନ୍ତି। ଝୁଣାଜଳା ଆରମ୍ଭରୁ ଶେଷ ପର୍ଯ୍ୟନ୍ତ ପରିବେଶ ସମ୍ପୂର୍ଣ୍ଣ ଝୁଣା ଧୂଅଁାମୟ ଦୃଶ୍ୟ ନିଆରା। ପୂର୍ବରୁ ଏଥିରେ କେବଳ ସ୍ଥାନୀୟ ମହିଳା ଭାଗ ନେଇ ଆସୁଥିବାବେଳେ ଏବେ ବାହାର ମହିଳା ଭକ୍ତଙ୍କୁ ସୁଯୋଗ ଦିଆଯାଉଛି। ସମ୍ପୂର୍ଣ୍ଣ ପାରମ୍ପରିକ ରୀତିନୀତିରେ ପୂଜା ହୋଇଥାଏ ବୋଲି ସଭାପତି ପାଣ୍ଡବ ଦତ୍ତ ପ୍ରକାଶ କରିଛନ୍ତି। ଅଷ୍ଟମୀରେ ସନ୍ଧିପୂଜା ଏବଂ ନବମୀରେ ନବମୀ ପୂଜା ସହିତ ହଜାର ହଜାର କଖାରୁ ବଳି ଦିଆଯିବ। ଦଶହରା ଦିନ କଖାରୁ ବଳି ନ ପଡ଼ି ଆଖୁ, କାକୁଡ଼ି ଏବଂ ଜହ୍ନି ବଳି ଦିଆଯିବ। ଦଶହରା ରାତିରେ ବିସର୍ଜନ ପରେ ଏକାଦଶୀ ତିଥିରେ ଭସାଣି ପର୍ବ ରହିଥିବା କମିଟି ପକ୍ଷରୁ ସୂଚନା ଦିଆଯାଇଛି।
ଉଲ୍ଲେଖନୀୟ ଯେ, କଲ୍ୟାଣୀନଗରୀରେ ଦୁର୍ଗାପୂଜା ଶହ ଶହ ବର୍ଷ ଧରି ସମ୍ପୂର୍ଣ୍ଣ ବଙ୍ଗୀୟ ରୀତିରେ ଅନୁଷ୍ଠିତ ହୋଇଆସୁଛି। ପ୍ରାୟ ୪ ଶହ ବର୍ଷ ତଳେ ବଙ୍ଗଳାର ବର୍ଦ୍ଧମାନ ଜିଲାରୁ କେତେକ ବଙ୍ଗୀୟ ପରିବାର ଏଠାକୁ ଆସି ବସତି ସ୍ଥାପନ କରିଥିଲେ। ଅନୁକୂଳ ପରିବେଶ ଯୋଗୁ ସେମାନେ ପାନ ବରଜ ଆରମ୍ଭ କରି ଜୀବିକା ନିର୍ବାହ କରିଆସୁଛନ୍ତି। ସେବେଠାରୁ ଉକ୍ତ ବଙ୍ଗୀୟ ପରିବାରଙ୍କ ଦ୍ୱାରା ପାର୍ବଣ ପୂଜା ଆରମ୍ଭ ହୋଇଥିଲା। ପୂର୍ବରୁ ଝାଟିମାଟି ଘରେ ପୂଜା ହୋଇଆସୁଥିଲା। ଏବେ ସ୍ଥାୟୀ ମନ୍ଦିର, ବିଶାଳ ନାଟ ମଣ୍ଡପ କରାଯାଇ ମା’ଙ୍କୁ ଆରାଧନା କରାଯାଉଛି।


All Right Reserved By Dharitri.Com

ବ୍ଲକସ୍ତରୀୟ ଅନ୍ତର୍ଜାତୀୟ ବରିଷ୍ଠ ନାଗରିକ ଦିବସ

ଭଦ୍ରକ ଅଫିସ,୧।୧୦: ଭଦ୍ରକ ପଞ୍ଚାୟତ ସମିତି ଓ ଭଦ୍ରକ ପୌରପାଳିକା ପକ୍ଷରୁ ମଙ୍ଗଳବାର ଟାଉନହଲ ପରିସରରେ ବ୍ଲକସ୍ତରୀୟ ଅନ୍ତର୍ଜାତୀୟ ବରିଷ୍ଠ ନାଗରିକ ଦିବସ ଅନୁଷ୍ଠିତ ହୋଇଯାଇଛି।...

ମଦ ବୋଝେଇ ଗାଡ଼ି ଜବତ : ୪ ଗିରଫ

ଭଦ୍ରକ ଅଫିସ,୧୨।୮: ଭଦ୍ରକ ଜିଲା ଭ୍ରାମ୍ୟମାଣ ଅବକାରୀ ଟିମ୍‌ ରବିବାର ରାତି ଓ ସୋମବାର ସକାଳେ ବିଭିନ୍ନ ସ୍ଥାନରେ ଚଢ଼ାଉ କରି ୪ ଜଣଙ୍କୁ ଗିରଫ...

ଦୁର୍ଦ୍ଦିନରେ ଦିବାକରଙ୍କ ପରିବାର

ତିହିଡ଼ି, ୮।୧୨(ଡି.ଏନ.ଏ.) – ଭଦ୍ରକ ଜିଲା ତିହିଡ଼ି ବ୍ଲକ ଅଧୀନ କୋହ୍ଲ ଗ୍ରାମର ପାଲାଗାୟକ ଦିବାକର ଜେନାଙ୍କ ପରିବାର ଦୟନୀୟ ଜୀବନ ବିତାଉଛନ୍ତି। ଘରର ଆର୍ଥତ୍କ...

ଇଚ୍ଛା ମୃତ୍ୟୁ ମାଗିଲେ ଦିବ୍ୟାଙ୍ଗ: ପ୍ରଶାସନ ଡକାଇ ଆଲୋଚନା କରି ସହାୟତା ପ୍ରତିଶ୍ରୁତି ଦେଲା

ଭଦ୍ରକ ଅଫିସ, ୨୧ା୮- ଭଦ୍ରକ ଜିଲା ବାସୁଦେବପୁର ବ୍ଲକ ଇରମ ପଞ୍ଚାୟତ ରଥପଦା ଗାଁର ଦିବ୍ୟାଙ୍ଗ ଯୁବକ ଉମାକାନ୍ତ ଦାସ(୩୧) ଟୁଇଟ କରି ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ...

ଭୋଗ ଖାଇ ଝାଡ଼ାବାନ୍ତିରେ ୨୦ରୁ ଊର୍ଦ୍ଧ୍ୱ ଆକ୍ରାନ୍ତ

ବନ୍ତ,୧୨।୧୧(ସ୍ବ.ପ୍ର.)-ଭଦ୍ରକ ଜିଲା ବନ୍ତ ବ୍ଲକ ଛୟାଳସିଂ ପଞ୍ଚାୟତ ଦୋଳପଦି ଓ ମଙ୍ଗୁଲି ଗ୍ରାମର ୨୦ରୁ ଊର୍ଦ୍ଧ୍ୱ ଲୋକ ଝାଡ଼ାବାନ୍ତିରେ ଆକ୍ରାନ୍ତ ହୋଇ ସୋମବାର ଆଗରପଡ଼ା ଗୋଷ୍ଠୀ...

ମେଡିକାଲ କଲେଜ ପ୍ରତିଷ୍ଠା ଦାବିରେ ଦସ୍ତଖତ ଅଭିଯାନ

ଭଦ୍ରକ ଅଫିସ, ୨୭।୧୧: ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବିରେ ବୁଧବାର ଯୁବଗୋଷ୍ଠୀ ଏକତ୍ର ହୋଇ ଦସ୍ତଖତ ଅଭିଯାନ ଆରମ୍ଭ କରିଛନ୍ତି। ପଣ୍ଡିତ ସଂଗ୍ରାମ ଆଚାର୍ଯ୍ୟଙ୍କ...

ବାଲିମାଫିଆ ଗୋଷ୍ଠୀଙ୍କ ମଧ୍ୟରେ ସଂଘର୍ଷ

ଭଣ୍ଡାରିପୋଖରୀ,୧୪।୧୨(ଡି.ଏନ.ଏ.)- ଭଦ୍ରକ ଜିଲା ଭଣ୍ଡାରିପୋଖରୀ ଥାନା ଅଧୀନ ଷୋଳମପୁର ପଞ୍ଚାୟତ ମଣିନାଥପୁରସ୍ଥିତ ବୈତରଣୀ ନଦୀ ଘାଟରୁ ନିୟମିତ ବାଲି ଚୋରା ଚାଲାଣ ନେଇ ବିଭିନ୍ନ ସମୟରେ...

ବେଆଇନ ସ’ମିଲ୍‌ ଉପରେ ଚଢ଼ାଉ: ଯନ୍ତ୍ରାଂଶ, କାଠଗଣ୍ଡି ଜବତ

ଭଣ୍ଡାରିପୋଖରୀ,୩୦।୧୦(ଡି.ଏନ୍‌.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଷୋଳମପୁର ପଞ୍ଚାୟତ ଦାଣ୍ଡକୁଳଠାରେ ବେଆଇନ ଭାବେ ଚାଲୁଥିବା ଏକ ସ’ମିଲ୍‌ ଉପରେ ବୁଧବାର ସକାଳେ ବନବିଭାଗ ଚଢ଼ାଉ କରିଛି।...

Leave a comment

Your email address will not be published. Required fields are marked *