ମା’ଙ୍କ ଧରାବତରଣ

ଡ. କିଶୋର ମହାନ୍ତି
ମା’ ପ୍ରକୃତରେ କିଏ? କ’ଣ ତାଙ୍କର ସ୍ବରୂପ? ସେ ହେଉଛନ୍ତି ଜଗଜ୍ଜନନୀ ମା’ ଯୋଗମାୟା, ବିଶ୍ୱେଶ୍ୱରୀ, ଜଗନ୍ମାତା ମା’ ଦୁର୍ଗା। ମାତୃ୍‌ରୂପରେ ସେ ଆବିର୍ଭୂତା ହୋଇଥାନ୍ତି ଏ ବିଶାଳ ଧରାରେ ଶାରଦୀୟ ପ୍ରକୃତି ଓ ନୈସର୍ଗିକ ସୌନ୍ଦର୍ଯ୍ୟର ମନୋରମ ମାହେନ୍ଦ୍ର ବେଳାରେ। ନଈପଠାରେ ଧାଡ଼ି ଧାଡ଼ି ଶୁଭ୍ର ହିଲ୍ଲୋଳିତ କାଶତଣ୍ଡୀ ଫୁଲ ଜଣାଇଦିଏ ମା’ଙ୍କ ଧରାବତରଣକୁ। ହିନ୍ଦୁ ଶାସ୍ତ୍ରାନୁସାରେ ମା’ ଦୁର୍ଗା ସର୍ବଶକ୍ତିର ଅନନ୍ତ ଉତ୍ସ। ସେ ଭିନ୍ନ ଭିନ୍ନ ରୂପରେ ଶକ୍ତିକୁ ନିୟନ୍ତ୍ରଣ କରିଥାନ୍ତି। ସେ ମହାଲକ୍ଷ୍ମୀ, ସେ ମାତା ସରସ୍ବତୀ ଓ ମାତା କାଳୀ। ଦୁର୍ଗାର ଅର୍ଥ ସେ ହେଉଛନ୍ତି ଦୁର୍ଗ ରକ୍ଷାକାରିଣୀ, ଦୁର୍ଗତିନାଶିନୀ। ମାଟିର କବି ସାରଳା ଦାସ ଚଣ୍ଡୀପୁରାଣରେ ଲେଖିଛନ୍ତି- ”ଦୁର୍ଗତିରୁ ଯେଣୁକରି କରନ୍ତି ଉଦ୍ଧାର, ତେଣୁକରି ଦୁର୍ଗା ନାମ ଅଟଇ ତାଙ୍କର।“
ସେ ଦୁର୍ଗ ରକ୍ଷାକାରିଣୀ। ପୁଣି ସେ ଦୁର୍ଗମ ନାମକ ମହାସୁରକୁ ବଧ କରିଥିଲେ ବୋଲି ତାଙ୍କର ନାମ ଦୁର୍ଗା। ଏହିପରି ବିଶ୍ୱର ଆଦ୍ୟାଶକ୍ତିଙ୍କର ସ୍ବରୂପ ପ୍ରକଟନ କରାଯାଇଛି ବିଭିନ୍ନ ମାର୍ଗରେ। ସେ ପୁଣି ଦୁର୍ଗତିନାଶିନୀ, ଯିଏକି ସମସ୍ତ ଦୁଃଖ, କ୍ଳେଶକୁ ଦୂରୀଭୂତ କରିଥାନ୍ତି। ସେ ଚାରୋଟି ମନ୍ଦ ପ୍ରକୃତିକୁ ଦମନ କରିଥାନ୍ତି- ଯେପରି ଦାରିଦ୍ର୍ୟ, ଦୁର୍ଭିକ୍ଷ, ଦୁଃଖ ଓ ଦୁରାଚାର। ଅନ୍ୟାୟ ଓ ଅନୀତି ବିରୋଧରେ ଖଡ୍ଟ ଉତ୍ତୋଳନ କରିଥାନ୍ତି। ବ୍ୟଭିଚାରକୁ ପ୍ରଶ୍ରୟ ଦିଅନ୍ତି ନାହିଁ ଓ ଆଳସ୍ୟକୁ ଦୂରେଇଥାନ୍ତି। ପୃଥିବୀରୁ ଦୁଃଖ, ଶୋକ, ତାପ, ପାପ, କଳୁଷ ଦୂରୀଭୂତ ହୋଇଥାଏ ମା’ଙ୍କର ଆଗମନୀରେ। ମା’ ଓହ୍ଲାଇ ଆସନ୍ତି ଧରାବକ୍ଷକୁ, ବିଶ୍ୱବାସୀଙ୍କୁ ଅଭୟ ପ୍ରଦାନ କରନ୍ତି।
ମାତା ଦୁର୍ଗା ହେଉଛନ୍ତି ଅଯୋନିଜା। ସେ ବିଶ୍ୱସୁନ୍ଦରୀ, ତାଙ୍କ ସୁନ୍ଦରପଣର ତୁଳନା ନାହିଁ। ସେ ସତ୍ୟ-ଶିବ-ସୁନ୍ଦରର ପ୍ରତୀକ। ମା’ଙ୍କ ହାତରେ ଶୋଭା ପାଉଥାଏ ବିଭିନ୍ନ ପ୍ରକାର ଅସ୍ତ୍ର ଓ ସରଞ୍ଜାମ। ସେ ପୁଣି ହାତରେ ଶଙ୍ଖ ଧରିଥାନ୍ତି। ଯାହାକି ସ୍ପଷ୍ଟ ସୂଚିତ କରେ ପ୍ରଣବ ବା ଓଁକାର ଧ୍ୱନିକୁ। ଧନୁ ଓ ଶର ତାଙ୍କ ହାତରେ ଶୋଭା ପାଇଥାଏ। ତାହା ସ୍ପଷ୍ଟ କରେ ଯେ ସକଳ ଶକ୍ତି ଓ ସେଇ ଶକ୍ତିକୁ ନିୟନ୍ତ୍ରଣ କରିବାର କ୍ଷମତା ତାଙ୍କ ହାତରେ ଅଛି। ବଜ୍ର ବି ଥାଏ ତାଙ୍କ ହାତରେ। ତାହା କହିଦିଏ ଦୃଢ଼ଚିତ୍ତ ହୁଅ। ମା’ଙ୍କ ହାତରେ ଶୋଭା ପାଇଥାଏ ଅର୍ଦ୍ଧ ପ୍ରସ୍ଫୁଟିତ କମଳ। ତାହା ସଫଳତାର ସୂଚନା ପ୍ରଦାନ କରେ। କୁହେ ସମ୍ପୂର୍ଣ୍ଣ ଫଳ ପ୍ରାପ୍ତିର ଆଶା ରଖିବାର ଚିନ୍ତାଠାରୁ ଦୂରେଇ ରୁହ। ଚକ୍ର ଯାହା ତାଙ୍କ ତର୍ଜନୀରେ ଶୋଭାପାଏ। ତାହା ସୂଚିତ କରେ ସକଳ ବିଶ୍ୱ ତାଙ୍କ ଅଧୀନରେ। ତୀକ୍ଷ୍‌ଣ କରବାଳ ହାତରେ ମା’ଙ୍କର ଥାଏ। ତାହା ସୂଚିତ କରେ ଅଜ୍ଞାନରୂପୀ ଅନ୍ଧକାରକୁ ଜ୍ଞାନ ହିଁ ଦୂରୀଭୂତ କରିପାରେ। ତେଣୁ ସେ ଜ୍ଞାନଦାତ୍ରୀ। ଯେଉଁ ତ୍ରିଶୂଳ ତାଙ୍କ ହାତରେ ଥାଏ, ତାହା ପ୍ରକାଶ କରେ ସତ୍ତ୍ୱ-ରଜ-ତମକୁ। ସେ ପ୍ରକୃତରେ ତିନିପ୍ରକାର ତାପକୁ ଖଣ୍ଡନ କରିଥାନ୍ତି- ଆଧିଭୌତିକ, ଆଧିଦୈବିକ ଓ ଆଧ୍ୟାତ୍ମିକ। ମା’ ଦୁର୍ଗା ହେଉଛନ୍ତି ଚିନ୍ମୟୀ। ଶକ୍ତି ଓ ସୌନ୍ଦର୍ଯ୍ୟ ସମନ୍ବିତ ବିଶ୍ୱ ଚେତନାର ଏକ ଗୁଣାଧିକ ପରିପ୍ରକାଶ। ସେ ସର୍ବଶକ୍ତିର ଆଧାର। ତାଙ୍କ ସହାୟତା ବିନା ସ୍ବୟଂ ଶିବ ମଧ୍ୟ ଶବ ପ୍ରାୟ ଶକ୍ତିହୀନ।
ଆଜିର ଏହି ପବିତ୍ର ଶାରଦୀୟ ବେଳାରେ ମା’ଙ୍କର ଧରାବତରଣ ଭକ୍ତ ମନରେ ଯୁଗପତ୍‌ ଆନନ୍ଦର ଫୁଆର ଖେଳାଇଦିଏ। ମା’ ଆସିଛନ୍ତି ଆଶିଷ ପ୍ରଦାନ ନିମନ୍ତେ। ଆଜି ଏ ଧରା ସତରେ କଳୁଷିତ। ନାରୀ ନିର୍ଯାତନା ଏଠି ବୃଦ୍ଧି ପାଇବାରେ ଲାଗିଛି। ଆସୁରିକ ପ୍ରବୃତ୍ତିରେ ଆଚ୍ଛନ୍ନ ଏ ମଣିଷ ଅମୃତର ପୁତ୍ର ହୋଇ ଆଉ ରହିନାହିଁ। ସମାଜରେ ଅହିତ ସାଧନ ପାଇଁ ଜନ୍ମ ନେଇଛନ୍ତି ଅନେକ ମହିଷାସୁର ଓ ଶୁମ୍ଭନିଶୁମ୍ଭ ଏମାନଙ୍କୁ ନିପାତ କରିବା ପାଇଁ ମା’ଙ୍କର ଏ ଅଭିଯାନ ବାସ୍ତବିକ ସ୍ବାଗତଯୋଗ୍ୟ। ପ୍ରତିଟି ମଣିଷକୁ ସମୁଚିତ ଶିକ୍ଷା ଦେବା ହେଉଛି ମା’ଙ୍କର ମନ୍ତ୍ର ଓ ବାଣୀ। ତେଣୁ ତ ଭକ୍ତ ଚାହିଁଛି ମା’ଙ୍କର ଶୁଭ ଆଗମନରେ ଏ ଧରାରୁ ସକଳ ପାପ କଳୁଷ ଦୂର ହେଉ। ମା’ଙ୍କର ପବିତ୍ର ପଦପାତରେ ଏ ଧରା ସ୍ବର୍ଗରେ ପରିଣତ ହେଉ। ଭକ୍ତ ଆଜି ଯୋଡ଼ହସ୍ତରେ ମିନତି କରୁଛି- ‘ଶରଣ୍ୟେ ତ୍ର୍ୟମ୍ବକେ ଗୌରି ନାରାୟଣି ନମସ୍ତୁତେ।’
ଇ/୫୦, ସେକ୍ଟର-୭, ସିଡିଏ, କଟକ, ମୋ-୯୪୩୭୭୨୮୪୭୫


All Right Reserved By Dharitri.Com

ପରିବେଶକୁ ସଜାଡ଼ିବା ପ୍ରୟାସ

ଡ. ବିଜୟ କେତନ ପଟ୍ଟନାୟକ ଗତ ମେ ୩ ତାରିଖରେ ଶ୍ରୀକ୍ଷେତ୍ର ପୁରୀ ନିକଟରେ ଭୂମିପାତ ହେବା ଅବସରରେ ମହାବାତ୍ୟା ଫନୀ ଭିତ୍ତିଭୂମିର ବ୍ୟାପକ କ୍ଷୟକ୍ଷତି...

ହ୍ବିଶିଲ୍‌ବ୍ଲୋୟରଙ୍କୁ ସମର୍ଥନ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଭାରତୀୟ ବନସେବା ଅଧିକାରୀ ତଥା ହ୍ବିଶିଲ୍‌ବ୍ଲୋୟର (ଦୁର୍ନୀତିଧରାଳି) ସଞ୍ଜୀବ ଚତୁର୍ବେଦୀ ପୁଣି ଚର୍ଚ୍ଚାକୁ ଆସିଛନ୍ତି। କେନ୍ଦ୍ରମନ୍ତ୍ରୀମାନଙ୍କ ବିରୋଧରେ କରାଯାଇଥିବା ଦୁର୍ନୀତି...

ଜୀବନ ପାତ୍ର ମୋ ଭରିଛ କେତେ ମତେ

ଡ. ଭାଗ୍ୟଲିପି ମଲ୍ଲ ‘ଜୀବନ ପାତ୍ର ମୋ ଭରିଛ କେତେ ମତେ, ନ ଦେଲ କିଛି ବୋଲି କହିବି କି ହେ ଆଉ’ ଏଇ ମାତ୍ର...

ନ୍ୟାୟପାଳିକା ଉପରୁ ତୁଟୁଛି ଭରସା

ବିଚିତ୍ର ବିଶ୍ୱାଳ ହାଇଦ୍ରାବାଦର ଭେଟେରିନାରି ଡାକ୍ତର ପ୍ରିୟଙ୍କା ରେଡ୍ଡୀଙ୍କ ବଳାତ୍କାର ଓ ହତ୍ୟା ଘଟଣାରେ ସାରା ଦେଶ ଯେପରି ଦୁଃଖିତ ଓ କ୍ରୋଧିତ ହୋଇଥିଲା, ଠିକ୍‌...

ଏଇ ଭାରତରେ

ବିହାରର ଭାଗଲପୁର ଅଞ୍ଚଳରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ତାଙ୍କ ପ୍ରେମିକ ସହ ବିବାହ କରାଇ ଦେଇଛନ୍ତି।...

ଚାଷୀ ସମସ୍ୟା ଓ ସରକାରଙ୍କ ଆନ୍ତରିକତା

କୃଷ୍ଣଚନ୍ଦ୍ର ସୁଆଁସିଆ ଭାରତବର୍ଷ ହେଉଛି ସମଗ୍ର ଭୂଖଣ୍ତରେ ଏକ କୃଷିପ୍ରଧାନ ଦେଶ। ଦେଶର ଜନସଂଖ୍ୟାର ପ୍ରାୟ ୬୦ ଭାଗ ଜନତା କୃଷି ଉପରେ ନିର୍ଭର କରି...

ରାମ-କାଳୀ ଲଢ଼େଇ

ଡ. କୁଳାଙ୍ଗାର ତା’ର ଠାକୁର-ଠାକୁରାଣୀ ଓ ମାଙ୍କଡ଼ଙ୍କୁ ଭାରି ଭୟ। ଭୟର କାରଣ କାଳେ କ’ଣ ସବୁ ଛଡ଼େଇ ନେବେ। ଏ ଡରଟା ତା’ ଭିତରେ...

ଗରିବଙ୍କୁ ବିପଦ ଆଧାର

ସମୀତ ପଣ୍ଡା ଓ ବିପୁଲ କୁମାର ଧନକର ବେମାଲ, ବୟସ ଅଶୀ। କଳାହାଣ୍ଡି ଜିଲାର ଗୋଲାମୁଣ୍ଡା ବ୍ଲକ୍‌ ଅନ୍ତର୍ଗତ ବଡ଼ଚେରଗଁା ଗ୍ରାମପଞ୍ଚାୟତର କର୍ଲା ଗ୍ରାମରେ ବସବାସ...

Coronavirus Update


selfi corner

Archives

Model This Week

Why Dharitri

Leave a comment

Your email address will not be published. Required fields are marked *