Posted inଖେଳ

ଆଇରନ ମ୍ୟାନ୍‌ ସୌଭାଗ୍ୟ

ଦିନେ ସେ ଏକ ସମୟରେ ୨୦ ମିନିଟ୍‌ ଯାଏ ଦୌଡି ପାରୁ ନ ଥିଲେ । ୨୦ ମିନିଟ୍‌ ଧରି ଦୌଡି ସାରିଲା ପରେ ହାଲିଆ ହୋଇ ବସିପଡି ଭାବୁଥିଲେ ଲୋକଙ୍କ ଷ୍ଟାମିନା ଆଉ ପରଫରମାନ୍ସର କଥା। କେମିତି ଲୋକମାନେ ଏକସମୟରେ ଘଣ୍ଟା ଘଣ୍ଟା ଧରି ଦୌଡୁଛନ୍ତି। ପାଣିରେ ପହଁରୁଛନ୍ତି ଆଉ ସାଇକେଲ ଧରି ଛୁଟି ଯାଉଛନ୍ତି କିଲୋମିଟର ପରେ କିଲୋମିଟର। ତାଙ୍କର ଏପରି ଦକ୍ଷତାର ରହସ୍ୟ କ’ଣ? କ’ଣ ଆଉ କେମିତି ଲୁହା ପରି ଶରୀର ଧାରଣ କରିଛନ୍ତି ଆଉ କେମିତି ଘଣ୍ଟା ଘଣ୍ଟା ଧରି ଶାରୀରିକ ପରିଶ୍ରମ ଜଣେ କରିପାରୁଛି ବେଶ୍‌ ଅନାୟାସରେ? ଏ ପ୍ରଶ୍ନର ଉତ୍ତର ହୁଏତ ତାଙ୍କ ପାଖରେ ନ ଥିଲା। ତେବେ ସେ ଜାଣିଥିଲେ ଯେ ନିୟମିତ ଏବଂ ପ୍ରଚୁର ପରିଶ୍ରମ କୌଣସି ଲୋକର ଭାଗ୍ୟକୁ ପରିବର୍ତ୍ତନ କରି ଦେଇପାରେ। ଆଉ ଏହି ଚିନ୍ତାଧାରାକୁ ନେଇ ସେ କାମରେ ଲାଗିଗଲେ। ମହାନଦୀର ଖୋଲା ଛାତିରେ ପହଁରିବା ହେଉ କିମ୍ବା ସାଇକେଲ ଧରି ଏକୁଟିଆ କଟକରୁ କେନ୍ଦୁଝରଯାଏ ଯିବା ହେଉ। ଏ ସବୁ ମାଇଲ ଖୁଣ୍ଟ ପାର ହେଉଥିବା ଲୋକଟିଏ ନିଜ ନା ଆଗରେ ଆଇରନ ମ୍ୟାନ ଲଗାଇବାର ପ୍ରଚେଷ୍ଟା କରି ଚାଲିଥିଲା। ସେଦିନ ସେ ଲୋକ ଆଖିରେ ଦପ୍‌ କରି ଜଳି ଉଠିଥିବା ଏହି ଝୁଙ୍କ୍‌ ସମୟକ୍ରମେ ବଡ ହେଉଛି ସିନା କମିବାର ନାମ ଧରୁନାହିଁ, କେବେ ବି ଧରିନାହିଁ।
ଆମେ ନୟାଗଡର ସୌଭାଗ୍ୟଙ୍କ କଥା ହିଁ କହୁଛୁ। ସେହି ସୌଭାଗ୍ୟ ଯିଏ ନୟାଗଡର ଇଟାମାଟିରେ ୧ ଜୁଲାଇ ୧୯୮୯ରେ ଜନ୍ମ ହୋଇଥିଲେ। ଯିଏ ବି ଟେକ ପାଠ ପଢିଥିଲେ ବି ଟା୍ରଇଥଲନ ପାଇଁ ଏବେ ଓଡିଶାରେ ପରିଚିତି ପାଇଛନ୍ତି। ଯିଏ ନିକଟରେ ଗତ ଫେବୃୟାରୀରେ ହାଫ ଆଇରନ ମ୍ୟାନର ଉପାଧି ପ୍ରଥମେ ପାଇଥିଲେ। ଶ୍ରୀଲଙ୍କାର ଟୁରିଜମ ପ୍ରମୋଶନ ବ୍ୟୁରୋ ଦ୍ୱାରା ଆୟୋଜିତ ଟ୍ରାଇଥଲନ ପ୍ରତିଯୋଗିତାରେ ସୌଭାଗ୍ୟ ଜୀବନରେ ପ୍ରଥମ ଥର ପାଇଁ ହାଫ୍‌ ଆଇରନ ମ୍ୟାନ୍‌ର ଉପାଧି ପାଇଲେ। କିଛିମାସ ପରେ ସୌଭାଗ୍ୟ ଆଉ ପାଦେ ଆଗେଇଯାଇ ଜର୍ମାନୀର ହାମବର୍ଗରେ ନୂଆ ଇତିହାସ ସ୍ଥାପନ କଲେ। କଲମ୍ବୋରେ ଥିଲା ହାଫ ମାରାଥନ୍‌ କିନ୍ତୁ ଜର୍ମାନୀରେ ସେ ଦୌଡିଥିଲେ ଫୁଲ ମାରାଥନ। ଏଇଠି ହିଁ ତାଙ୍କୁ ମିଳିଲା ଫୁଲ୍‌ ଆଇରନ ମ୍ୟାନର ଉପାଧି। ଟ୍ରାଇଥଲନ କହିଲେ ଏକ ଏପରି ଆମେରିକାନ ଏବଂ ୟୁରୋପୀୟ ପ୍ରତିଯୋଗିତାକୁ ବୁଝାଏ ଯେଉଁଥିରେ ପ୍ରତିଯୋଗୀକୁ ୩.୮ କିମି ପହଁରିବା, ୧୮୦ କିଲୋମିଟରର ସାଇକେଲ ଚଳାଇବା ଏବଂ ୪୨.୨ କିମିର ଗୋଟିଏ ଫୁଲମାରାଥନ ଦୌଡିବାକୁ ହୋଇଥାଏ । ୨୨୬ କିମିର ଏହି କଷ୍ଟସାଧ୍ୟ ପ୍ରତିଯୋଗିତାକୁ ସାରିବା ପାଇଁ ପ୍ରତିଯୋଗୀଙ୍କୁ ବେଳେ ବେଳେ ୧୬ ଘଣ୍ଟାଯାଏ ଅବିରତ ପରିଶ୍ରମ କରିବାକୁ ହୋଇଥାଏ। ପ୍ରାୟ ୪୦ ବର୍ଷ ତଳେ ହାୱାଇ ଆଇଲାଣ୍ଡରୁ ଆରମ୍ଭ ହୋଇଥିବା ଏହି ଖେଳ ଏବେ ବିଶ୍ୱର ଅନ୍ୟତମ ଏକ୍ସଟ୍ରିମ୍‌ ସ୍ପୋଟର୍‌ସ ଭାବେ ପରିଚିତ। ଭାରତରେ ଏହି ଖେଳ ବିଷୟରେ ଲୋକ ୨୦୧୬ରେ ଜାଣିଲେ ଯେତେବେଳେ ପୂର୍ବତନ ସୁପର ମଡେଲ ମିଲିନ୍ଦ୍‌ ସୋମେନ ୫୦ ବର୍ଷ ବୟସରେ ଏହି ଖେଳରେ ନିଜର ପରାକାଷ୍ଠା ଦେଖାଇ ଏହି ଆଇରନ ମ୍ୟାନ୍‌ ଉପାଧି ହାସଲ କରିଥିଲେ। ଏବେ ଭାରତରେ ପାଖାପାଖି ୧୦୦ ଜଣ ଏପରି ଆଇରନ ମ୍ୟାନ୍‌ ଥିବା ବେଳେ ସୌଭାଗ୍ୟଙ୍କ ପରି ତିନିଜଣ ଓଡ଼ିଆ ଏହି ଉପାଧି ପାଇଛନ୍ତି। କୁହାଯାଏ ବିଶ୍ୱକ୍ରୀଡ଼ାରେ ଏମିତି ଅନେକ ନଜିର ଅଛି ଯେଉଁଠାରେ ଗୋଟିଏ କ୍ରୀଡାରେ ଜଣଙ୍କର ସଫଳତା ଅନ୍ୟ ଅନେକଙ୍କ ପାଇଁ ସୁଯୋଗର ଦୁଆର ସବୁକୁ ମେଲିଦେଇଥାଏ। ସୌଭାଗ୍ୟ ମଧ୍ୟ ମିଳିନ୍ଦଙ୍କ ଏହି ସଫଳତା ଦେଖି କାମରେ ଲାଗି ପଡିଲେ। କାମ କହିଲେ ଦିନକୁ ପାଞ୍ଚ ଘଣ୍ଟାର ଚାଲି, ଆଉ ରବିବାର ଦିନ ୬-୮ ଘଣ୍ଟାର ସାଇକ୍ଲିଂ। ଏତିକିରେ କାମ ସରିଲାନି ବରଂ ୨୦୧୬ରେ ସେ ଓସିଏରେ ସନ୍ତରଣ ଶିଖିଲେ।
ଯଦି ନୟାଗଡର ସୌଭାଗ୍ୟ ରଥ ଆଜି ଆଇରନ ମ୍ୟାନ ସୌଭାଗ୍ୟ ହୋଇପାରିଛନ୍ତି ସେଥିପାଇଁ ୨୦୧୬ ମସିହାକୁ ହିଁ ଶ୍ରେୟ ଦେବାକୁ ପଡିବ। ୨୦୧୬ରୁ ହିଁ ସେ ବିଧିବଦ୍ଧ ଭାବେ ମାରାଥନ ସବୁକୁ ଦୌଡିବାକୁ ଆରମ୍ଭ କଲେ । ଜାନୁୟାରୀ ୧୬ ଭୁବନେଶ୍ୱର ହାଫ ମାରାଥନରେ ପ୍ରଥମେ ଦୌଡି ୧୦ କିମି ଦୂରତାକୁ ୧ ଘଣ୍ଟା ୨୦ ମିନିଟରେ ପୂରଣ କଲେ। ତା’ ପର ବର୍ଷ ସେ ସେଇ ପ୍ରତିଯୋଗିତାର ହାଫ ମାରାଥନକୁ ଦୌଡିଲେ ୨ ଘଣ୍ଟା ୨୫ ମିନିଟ୍‌ରେ। ଏଯାଏ ହାଫ ମାରାଥନ ଦୌଡୁଥିବା ସୌଭାଗ୍ୟ ୨୦୧୭ରେ ଥୋନ୍ନୁର ଟା୍ରଇଥଲନରେ ଭାଗ ନେଲେ ପ୍ରଥମ ଥର କରି। ଏହା ପରେ ସେ ଆଉ ପଛକୁ ଫେରି ଚାହିଁ ନାହାନ୍ତି। ଗୋଟିଏ ପରେ ଗୋଟିଏ ଟା୍ରଇଥଲନରେ ସେ ଭାଗ ନେଇ ସେ ପ୍ରତିଯୋଗିତାରେ ନିଜର ଅଲିଭା ସ୍ବାକ୍ଷର ଛାଡି ଯାଇଛନ୍ତି। ଓଡ଼ିଶାର ଏହି ଗର୍ବିତ ଆଇରନ ମ୍ୟାନ ବିଭିନ୍ନ ଅନ୍ତର୍ଜାତୀୟ ପ୍ରତିଯୋଗିତାରେ ଓଡିଶାର ପରିଚୟ ପାଲଟିଛନ୍ତି। କେବଳ ୨୦୧୮ରେ ହିଁ ସେ ଭାଗ ନେଇଛନ୍ତି ଏକାଧିକ ଜାତୀୟ ସ୍ତରୀୟ ଇଭେଣ୍ଟରେ। ସତାରାର ନାଇଟ ଚ୍ୟାଲେଞ୍ଜ ମାରାଥନ, ୧୧,୫୦୦ ଫୁଟ ଉପରେ ଅନୁଷ୍ଠିତ ହେଉଥିବା ଲଦାଖ ମାରାଥନ ଛଡା, ହାଇଦ୍ରାବାଦ, ରାୟପୁର ଏବଂ ଗୋଆ ହାଫ ମାରାଥନ ମଧ୍ୟ ଦୌଡିଛନ୍ତି।
ଆକାଶବାଣୀ କଟକରେ କାମ କରୁଥିବା ସୌଭାଗ୍ୟଙ୍କ ପାଇଁ ଏ ଯାତ୍ରା ଏବେ ବି ବେଶ୍‌ କାଠିକର ମନେ ହେଉଛି। ଓଡ଼ିଶାରେ କୌଣସି ଟ୍ରାଇଥଲନ କ୍ଲବ ନାହିଁ। ତାଙ୍କୁ ଏ ନେଇ କୋଚିଂ ଦେବାକୁ କିମ୍ବା ମାନସିକ ସମର୍ଥନ ଦେବାକୁ ବି କେହି ନାହାନ୍ତି। ଟ୍ରାଇଥଲନ ପାଇଁ ବ୍ୟବହୃତ ସାଇକେଲର ଦାମ ୧.୫ରୁ ୨ ଲକ୍ଷ ଭିତରେ ହେଉଥିବା ବେଳେ ପ୍ରତିଯୋଗିତାରେ ଭାଗ ନେବାକୁ ପଞ୍ଜୀକରଣ ପାଇଁ ୬୦,୦୦୦ ଯାଏ ଦେବାକୁ ହୁଏ। ଏହା ବାଦ୍‌ ପୁଣି ଯିବା ଆସିବା ଏବଂ ରହିବା ଖର୍ଚ୍ଚ ଅଲଗା। ଟ୍ରାଇଥଲନ ଚାଲୁନଥିବା ବେଳେ ଏ ନେଇ ଅଭ୍ୟାସ କରିବା ଏବଂ ପୁଷ୍ଟିକର ଖାଦ୍ୟ ବାବଦ ମାସକୁ ୧୨ ହଜାରର ରୁ ୨୦ ହଜାରଯାଏ ଟଙ୍କା ଖର୍ଚ୍ଚ କରିବାକୁ ହୋଇଥାଏ। ଏପରି ସ୍ଥିିତିରେ ନିୟମିତ ସହାୟତା ନ ମିଳିଲେ ସୌଭାଗ୍ୟଙ୍କର ଏ ନିଶା ଯେ ବେଶି ଦିନଯାଏ କାଏମ ରହିବା ତାହା ଚିନ୍ତା କରିବା କଷ୍ଟକର।

ରୁଦ୍ର ପ୍ରସନ୍ନ ରଥ


All Right Reserved By Dharitri.Com

Posted inଖେଳ View All

ଆଇସିସି ବିଶ୍ୱକପ୍‌: ଶାକିବ୍‌ଙ୍କୁ ଉପଅଧିନାୟକ ଦାୟିତ୍ୱ

ଢାକା, ୧୬।୪- ଆସନ୍ତା ମେ ୩୦ରୁ ଇଂଲଣ୍ଡରେ ଆରମ୍ଭ ହେବାକୁ ଥିବା ଆଇସିସି ବିଶ୍ୱକପ୍‌ର ଦ୍ୱାଦଶ ସଂସ୍କରଣ ଲାଗି ମଙ୍ଗଳବାର ବାଂଲାଦେଶ ଦଳ ଘୋଷଣା କରାଯାଇଛି।...

ସମୟ ପାଇଲେ ଏହି ବହି ପଢୁଛନ୍ତି କୋହଲି

ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଏବେ ଓ୍ବେଷ୍ଟଇଣ୍ଡିଜ୍‌ ଗସ୍ତରେ ଅଛନ୍ତି। ପ୍ରଥମ ଟେଷ୍ଟରେ ଭାରତ ବିଜୟ ହାସଲ କରିଥିବାବେଳେ ଦ୍ୱିତୀୟ ଟେଷ୍ଟ ହାତେଇବା...

ଆଇସିସି ମହିଳା ଟି୨୦ ବିଶ୍ୱକପ୍‌ ଲାଗି ପରିଣୀତିଙ୍କୁ ଆମନ୍ତ୍ରଣ

ନୂଆଦିଲ୍ଲୀ,୨୩।୧୧- ବଲିଉଡ ଅଭିନେତ୍ରୀ ପରିଣୀତି ଚୋପ୍ରା କ୍ରିକେଟ ଅଷ୍ଟ୍ରେଲିଆ (ସିଏ)ର ଏକ ମେଲ ପାଇଛନ୍ତି। ସେଥିରେ ତାଙ୍କୁ ଆଇସିସି ମହିଳା ଟି୨୦ ବିଶ୍ୱକପ୍‌ରେ ଯୋଗ ଦେବାକୁ...

ପାକିସ୍ତାନରେ ସୁରକ୍ଷା ବ୍ୟବସ୍ଥା ଯାଞ୍ଚ କରିବେ ଶ୍ରୀଲଙ୍କା ପ୍ରତିନିଧି

କରାଚୀ,୩।୮(ପିଟି)- ଶ୍ରୀଲଙ୍କା କ୍ରିକେଟର ଦୁଇଜଣିଆ ପ୍ରତିନିଧି ଦଳ ବୁଧବାର ପାକିସ୍ତାନ ଗସ୍ତ କରିବେ। ସେମାନେ ସେଠାକାର ସୁରକ୍ଷା ବ୍ୟବସ୍ଥା ଯାଞ୍ଚ କରିବେ। ସେମାନଙ୍କ ନିଷ୍ପତ୍ତି ଉପରେ...

ଫ୍ରିହିଟ୍‌ ବଲରେ ବୋଲ୍ଡ ଆଉଟ୍‌ ହେଲେ ଗେଲ୍‌

ଲଣ୍ଡନ,୭।୬- ଓ୍ବେଷ୍ଟଇଣ୍ଡିଜ ଦଳର ବିସ୍ଫୋରକ ଓପନର କ୍ରିସ୍‌ ଗେଲ୍‌ ଅଷ୍ଟ୍ରେଲିଆ ବିପକ୍ଷରେ ଟ୍ରେଣ୍ଟ ବ୍ରିଜ୍‌ଠାରେ ଖେଳାଯାଇଥିବା ବିଶ୍ୱକପ୍‌ ମ୍ୟାଚ୍‌ରେ ଫ୍ରିହିଟ୍‌ ବଲରେ ବୋଲ୍ଡ ଆଉଟ୍‌ ହୋଇଛନ୍ତି।...

ସୁର ସମ୍ରାଜ୍ଞୀଙ୍କୁ ଜନ୍ମଦିନରେ ଶୁଭେଚ୍ଛା ଜଣାଇଲେ ସଚିନ

ନୂଆଦିଲ୍ଲୀ,୨୮।୯: ସୁର ସମ୍ରାଜ୍ଞୀ ଲତା ମଙ୍ଗେସ୍‌କର ଶନିବାର ୯୦ତମ ବର୍ଷରେ ପ୍ରଦାର୍ପଣ କରିଛନ୍ତି। ଲତାଙ୍କ ଜନ୍ମଦିନ ଉପଲକ୍ଷେ ବଲିଉଡ୍‌ରୁ ଆରମ୍ଭ କରି କ୍ରିକେଟ ଜଗତରୁ ଶୁଭେଚ୍ଛାର...

ଉଗାଣ୍ଡା ପାରା ବ୍ୟାଡମିଣ୍ଟନ: ପ୍ରମୋଦଙ୍କୁ ଡବଲ ସ୍ବର୍ଣ୍ଣ

କଟକ ଅଫିସ,୨୯ା୪- ଉଗାଣ୍ଡାର କାମ୍ପାଲା ସ୍ଥିତ ଲୁଗୋଗୋ ଇନ୍‌ଡୋର ଷ୍ଟାଡିୟମରେ ଚାଲିଥିବା ଉଗାଣ୍ଡା ପାରା ବ୍ୟାଡମିଣ୍ଟନ ଅନ୍ତର୍ଜାତୀୟ ଚାମ୍ପିୟନଶିପ୍‌ରେ ପୁଣି ଚମକିଛନ୍ତି ଓଡ଼ିଶାର ତାରକା ଖେଳାଳି...

କୁମାର ଭରତ ‘ଭୁବନେଶ୍ୱର କୁମାର’

ପୁରୁଣା ଭୁବନେଶ୍ୱର, ୧୭।୪(ଡି.ଏନ.ଏ.)- ରାମେଶ୍ୱର କ୍ଲବ ଆନୁକୂଲ୍ୟରେ ‘ଭୁବନେଶ୍ୱର କୁମାର’ ଜିଲା ସ୍ତରୀୟ ସୁନ୍ଦରସ୍ବାସ୍ଥ୍ୟ ପ୍ରତିଯୋଗିତା ମଙ୍ଗଳବାର ଅନୁଷ୍ଠିତ ହୋଇଯାଇଛି। ଏଥିରେ ଭୁବନେଶ୍ୱରର ବିଭିନ୍ନ ଜିମ୍ନାସିୟମ...

Leave a comment

Your email address will not be published. Required fields are marked *