ଟ୍ରକ୍‌ ଚାଳକଙ୍କ ଉନ୍ମତ୍ତକାଣ୍ଡ : ଥାନା ଅଧିକାରୀଙ୍କୁ ଗାଡ଼ି ଚଢ଼ାଇବା ଉଦ୍ୟମ

ନୟାଗଡ଼ ଅଫିସ,୪ା୧୦: ନୟାଗଡ଼ ଜିଲା ଦେଇ ଯାଇଥିବା ୫୭ନଂ. ଜାତୀୟ ରାଜପଥ-୫୭ରେ ଗୁରୁବାର ଜଣେ ଟ୍ରକ୍‌ ଚାଳକଙ୍କ ଉନ୍ମତ୍ତକାଣ୍ଡ ଦେଖିବାକୁ ମିଳିଥିଲା। ଚାଳକଙ୍କ ବେପାରୁଆ ଗାଡ଼ି ଚାଳନା ଯୋଗୁ ୨ ବାଇକ୍‌ ସମେତ ପୋଲିସ ଚେକ୍‌ପୋଷ୍ଟ ଭାଙ୍ଗି ଚୂରମାର୍‌ ହୋଇଯାଇଛି। ସେହିଭଳି ଗାଡିଟି ଜଣେ ଥାନା ଅଧିକାରୀଙ୍କ ଉପରେ ଚଢାଇବାକୁ ଉଦ୍ୟମ କରିଥିଲା। ମାତ୍ର କୌଶଳକ୍ରମେ ସେ ବର୍ତ୍ତିଯାଇଛନ୍ତି। ପ୍ରକାଶ ଯେ, ସିଜି୦୬ଜିପି-୫୨୩୯ ନଂ. ବିଶିଷ୍ଟ ଟ୍ରକ୍‌ ବରଗଡ଼ରୁ ମକାଗୁଣ୍ଡ ବୋଝେଇ କରି କଟକ ଅଭିମୁଖେ ଯାଉଥିଲା। ନୂଆଗାଁ ବ୍ଲକ ମହିତମା ଛକଠାରେ ଅପରାହ୍ନରେ ଆର୍‌ଟିଓ ପକ୍ଷରୁ ଚେକିଂ ହେଉଥିଲା। ଏହି ସମୟରେ ଚେକିଂ ଦାୟତ୍ୱିରେ ଥିବା ଟ୍ରାଫିକ୍‌ ସବ୍‌ଇନ୍ସପେକ୍ଟର ସ୍ବୟଂପ୍ରଭା ରାଉତ ଗାଡ଼ିଟିକୁ ଅଟକାଇଥିଲେ। ହେଲେ ଚାଳକ ଜଣକ ଟ୍ରକଟିକୁ ଦ୍ରୁତଗତିରେ ନେଇ ପଳାଇ ଆସିଥିଲେ। ଏହା ପରେ ଏସ୍‌ଆଇ ରାଉତ ଏ ବିଷୟରେ ଏମ୍‌ଭିଆଇଙ୍କୁ କହିଥିଲେ। ଏମ୍‌ଭିଆଇ ଦୁର୍ଗାପ୍ରସାଦ ରାଓ ମହିପୁର ପାଖରେ ଗାଡ଼ିଟିକୁ ଅଟକାଇବା ପାଇଁ ଚେଷ୍ଟା କରି ବିଫଳ ହୋଇଥିଲେ। ପରେ ସଦର ପୋଲିସ ପକ୍ଷରୁ ନୂଆ ବସ୍‌ଷ୍ଟାଣ୍ଡଠାରେ ଚେକ୍‌ପୋଷ୍ଟ ରଖାଯାଇ ଗାଡ଼ିକୁ ଅଟକାଇବା ପାଇଁ ଚେଷ୍ଟା କରାଯାଇଥିଲା। ହେଲେ ଚାଳକ ଏହାକୁ ଅମାନ୍ୟ କରି ଚେକ୍‌ପୋଷ୍ଟ ଉପରେ ଗାଡ଼ି ଚଢ଼ାଇ ପଳାଇଥିଲେ। ସେ ସମୟରେ ସଦର ଥାନା ଅଧିକାରୀ ଅନ୍ନପୂର୍ଣ୍ଣା ବେହେରାଙ୍କୁ ଗାଡ଼ି ଚଢ଼ାଇ ଦେବାକୁ ଉଦ୍ୟମ କରିଥିବାବେଳେ ସେ କୌଶଳ କରି ଖସିଯାଇଥିଲେ। ଟ୍ରକଟି ଦ୍ରୁତଗତିରେ ଇଟାମାଟି ଅଭିମୁଖେ ଯାଉଥିବା ବେଳେ ଇଟାମାଟି ଥାନାକୁ ଏ ନେଇ ଖବର ଦିଆଯାଇଥିଲା। ସଙ୍ଗେ ସଙ୍ଗେ ଥାନା ଅଧିକାରୀ ଶରତ ଚନ୍ଦ୍ର ପାତ୍ର ପୋଲିସ ଟିମ୍‌ ସହ ସିନେମା ହଲ୍‌ଠାରେ ଏକ ଟ୍ରକ୍‌ ଓ ଷ୍ଟାଣ୍ଡପୋଷ୍ଟକୁ ରଖି ଜଗି ରହିଥିଲେ। ଏହି ସମୟରେ ଚାଳକ ଜଣକ କୌଶଳ କରି ସାଲୁଣି ଆଡକୁ ଗାଡି ବୁଲାଇ ଦେଇଥିଲେ। ଥାନା ଅଧିକାରୀ ପାତ୍ର ଟ୍ରକ୍‌ ପାଖକୁ ଆସିବା କ୍ଷଣି ଚାଳକ ହଠାତ୍‌ ଗାଡ଼ିଟିକୁ ବୁଲାଇ ପଳାଇଯାଇଥିଲେ। ଫଳରେ ଆଘାତ ପାଇ ଥାନା ଅଧିକାରୀ ପଡ଼ିଯିବା ସହ ଏଏସ୍‌ଆଇ ଆହତ ହୋଇଥିଲେ। ସେଠାରେ ଥିବା ଦୁଇଟି ବାଇକ୍‌କୁ ଚାପି ଦେଇ ଚାଳକ ପଳାଇ ଯାଇଥିଲେ। ଖବର ଦେବାରୁ ବୋଲଗଡ଼ ପୋଲିସ ଦୁଇଟି ଟ୍ରକ୍‌ ରାସ୍ତା ମଝିରେ ରଖିଦେଇଥିଲେ। ଫଳରେ ଦ୍ରୁତଗତିରେ ଯାଉଥିବା ଟ୍ରକ୍‌ଟି ଅନ୍ୟ ଏକ କଚ୍ଚା ରାସ୍ତା ଦେଇ ଯାଉଥିବା ବେଳେ ରାସ୍ତା ନ ଥିବାରୁ ଆଗକୁ ଯାଇପାରି ନ ଥିଲା। ପରେ ଚାଳକ ଟ୍ରକ୍‌ଟିକୁ ଛାଡ଼ି ଦେଇ ଫେରାର୍‌ ହୋଇଯାଇଥିଲେ। ପୋଲିସ ବିଭିନ୍ନ ଆଡ଼େ ଖୋଜାଖୋଜି କରିଥିଲେ ମଧ୍ୟ ପାଇ ନ ଥିଲା। କିଛି ସମୟ ପରେ ଚାଳକଙ୍କୁ ଏକ ବୁଦାମୂଳରୁ ଧରାଯାଇଥିଲା। ସେ ହେଲେ ଛତିଶଗଡ଼ର ମହାସମୁଦ ଜିଲା ଝିଲିମିଲା ଗ୍ରାମର ଚନ୍ଦ୍ରମଣି ବନଜାରା। ଏମ୍‌ଭିଆଇଙ୍କ ଏତଲାକୁ ଭିତ୍ତିକରି ଥାନାରେ ୧୨୨/୧୯ ନମ୍ବରରେ ଏକ ମାମଲା ରୁଜୁ କରାଯାଇ ଗାଡ଼ି ଜବତ ସହ ଚାଳକଙ୍କୁ ଗିରଫ କରାଯାଇଥିବା ସଦର ଥାନା ଅଧିକାରୀ ଅନ୍ନପୂର୍ଣ୍ଣା ବେହେରା ପ୍ରକାଶ କରିଛନ୍ତି। ପୋଲିସ ଗୋଡ଼ାଇବାରୁ ସେ ଭୟଭୀତ ହୋଇ ଏଭଳି କରିଥିବା ସେ କହିଛନ୍ତି।


All Right Reserved By Dharitri.Com

ଦଳୀୟ ପତାକା ପୋଡ଼ି, ଭଙ୍ଗାରୁଜା

ଚାନ୍ଦବାଲି, ୨୩।୪ (ଡି.ଏନ.ଏ.) – ଭଦ୍ରକ ଜିଲା ଚାନ୍ଦବାଲି ବ୍ଲକ ଘଣ୍ଟେଶ୍ୱର ଅଞ୍ଚଳରେ ରାଜନୈତିକ ବିବାଦକୁ ନେଇ ବିଜେଡି ଓ ଭାଜପା ସମର୍ଥକମାନେ ମୁହଁାମୁହିଁ ହେବା...

ବାରଦୁଆର ହେଉଛନ୍ତି ବାବୁଲା

ପରଜଙ୍ଗ, ୨୩।୮(ଡି.ଏନ.ଏ.)-ଦିବ୍ୟାଙ୍ଗଙ୍କୁ ମୁଖ୍ୟସ୍ରୋତରେ ସାମିଲ କରିବାକୁ ଅନେକ ଯୋଜନା। ଏଥିପାଇଁ ସରକାରୀସ୍ତରରେ ଖର୍ଚ୍ଚ ହେଉଛି କୋଟି କୋଟି ଟଙ୍କା। ସ୍ବତନ୍ତ୍ର ଶିବିର, ସାମାଜିକ ସଶକ୍ତୀକରଣ କାର୍ଯ୍ୟକ୍ରମ...

‘ଦେଶପ୍ରେମର ଅଲିଭା ଦୀପ ବାଘାଯତୀନ’

ବାଲେଶ୍ୱର ଅଫିସ,୧୧।୯-ଭାରତକୁ ସ୍ବାଧୀନତା ମିଳିବାରେ ଅହିଂସା ଆନ୍ଦୋଳନ ସହିତ ସଶସ୍ତ୍ର ଆନ୍ଦୋଳନର ଭୂମିକା କିଛି କମ୍‌ ନ ଥିଲା। ଏଥିପାଇଁ ମାତୃଭୂମିର ବହୁ ବୀରପୁତ୍ର ପ୍ରାଣବଳି...

ପୋଖରୀକୁ ଭୁଶୁଡ଼ିଲା ଗାର୍ଡଓ୍ବାଲ

ବାସୁଦେବପୁର,୩୦।୧(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ବ୍ଲକ ଅଲବଗାସ୍ଥିତ ଝାଡ଼େଶ୍ୱର ମହାଦେବଙ୍କ ପୋଖରୀ ଗାର୍ଡଓ୍ବାଲ ଭୁଶୁଡ଼ି ପଡ଼ିଛି। ଏହି ପୋଖରୀରେ ଗତ କିଛିମାସ ତଳେ ନିର୍ମାଣ ହୋଇଥିବା ଗାର୍ଡଓ୍ବାଲ...

ନରେନ୍ଦ୍ରପୁରରେ ୨ ଡେଙ୍ଗୁ ରୋଗୀ ଚିହ୍ନଟ

ଶେରଗଡ଼,୨୧ା୮(ଡି.ଏନ୍‌.ଏ.): ଶେରଗଡ଼ ବ୍ଲକ ନରେନ୍ଦ୍ରପୁର ଗ୍ରାମରେ ମଙ୍ଗଳବାର ୨ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି। ସେମାନେ ଗୋଟିଏ ପରିବାରର ଦୁଇ ଭାଇ। ଉଭୟଙ୍କୁ ଜ୍ୱର ହେବାରୁ...

ଅର୍ଦ୍ଧନିର୍ମିତ କଲଭର୍ଟ ମରଣଯନ୍ତା

ବାଲେଶ୍ୱର ଅଫିସ, ୬।୭-ବାଲେଶ୍ୱର ମ୍ୟୁନିସିପାଲିଟି ଅନ୍ତର୍ଗତ ସୁନହଟ ଲାଲମହନ ଛକ ଓ କନକଦୁର୍ଗା ଛକ ସଂଲଗ୍ନ ରାସ୍ତାର କନକଦୁର୍ଗା ମନ୍ଦିର ନିକଟରେ ନିର୍ମାଣାଧୀନ ଥିବା କଲର୍ଭଟକୁ...

ପଦ୍ମ ପଙ୍କରେ ଲୀନ ହେଲା କଣ୍ଟାସାଗର

ରାୟଗଡ଼(ଗଜପତି),୧୮।୧-ଗଜପତି ଜିଲା ରାୟଗଡ଼ସ୍ଥିତ ଶତାୟୁ ‘କଣ୍ଟାସାଗର’ ପୋଖରୀ ଆଉ ଅଞ୍ଚଳବାସୀଙ୍କ କାମରେ ଲାଗୁନି। ଦିନେ ଅଞ୍ଚଳ ପାଇଁ ଆଶୀର୍ବାଦ ପାଲଟିଥିବା ଏହି ପୋଖରୀ ଏବେ ପଦ୍ମ...

ଲୁଟିନେଲେ ୫ ଲକ୍ଷ ୫୦ ହଜାର ଟଙ୍କା

ଭଦ୍ରକ ଅଫିସ,୨୮।୧-ଭଦ୍ରକ ଜିଲା ଧାମନଗର ଥାନା ଅଧୀନ ଚୁଡ଼ାକୁଟି ବଜାରରେ ଥିବା ଏକ ଏଟିଏମ୍‌ରେ ଟଙ୍କା ଭର୍ତ୍ତି କରିବାକୁ ଯାଉଥିବା ଦୁଇ କର୍ମଚାରୀଙ୍କଠାରୁ ସୋମବାର ରାତିରେ...

Leave a comment

Your email address will not be published. Required fields are marked *