ତେଜିଲା ଅନୁଭବ, ମଞ୍ଜିତ ତିକ୍ତତା

ଭୁବନେଶ୍ୱର,୧।୧୦(ବ୍ୟୁରୋ): ପୁଣି ଚର୍ଚ୍ଚାରେ ଅଭିନେତା ତଥା କେନ୍ଦ୍ରାପଡା ଏମ୍‌ପି ଅନୁଭବ ମହାନ୍ତି। ପଡୋଶୀ ତଥା ଛାତ୍ର ବିଜେଡି ଉପସଭାପତି ମଞ୍ଜିତ ଦାସ ଓ ଅନୁଭବଙ୍କ ମଧ୍ୟରେ ସୃଷ୍ଟି ହୋଇଥିବା ତିକ୍ତତା ଏବେ ପଦାକୁ ଆସିଛି। ସୋମବାର ଏହା ଆହୁରି ତେଜିଥିବାବେଳେ ମଝିରେ ଫସିଯାଇଛି ପୋଲିସ। ମଞ୍ଜିତ ଓ ପୁରୀଘାଟ ଥାନାଧିକାରୀ ତାଙ୍କୁ ଦୁର୍ବ୍ୟବହାର କରିଥିବାନେଇ ଅନୁଭବ ପୋଲିସ କମିଶନର ସୁଧାଂଶୁ ଷଡ଼ଙ୍ଗୀକୁ ଟୁଇଟ୍‌ ଅଭିଯୋଗ କରିବା ପରେ ଘଟଣାକୁ ନେଇ ସୋମବାର ଦିନତମାମ ଚର୍ଚ୍ଚା ଜୋର୍‌ ଧରିଛି।
କଟକ ନନ୍ଦିସାହିରେ ଏମ୍‌ପି ଅନୁଭବ ମହାନ୍ତିଙ୍କ ଘର ସମ୍ମୁଖରେ ରୁହନ୍ତି ମଞ୍ଜିତଙ୍କ ପରିବାର। ରବିବାର ରାତିରେ ଘର ନିକଟରେ ମଞ୍ଜିତଙ୍କ ସହ ମଦନ ଆଶା, ଚନ୍ଦୁ ନାମକ କେତେଜଣ ଯୁବକ ବସିଥିଲେ। ରାତି ପ୍ରାୟ ୧୨ଟା ୩୦ରେ ସାମାନ୍ୟ କଥାକୁ ନେଇ ମଦନ ଓ ଚନ୍ଦୁଙ୍କ ମଧ୍ୟରେ କଥା କଟାକଟିରୁ ଗଣ୍ଡଗୋଳ ହୋଇଥିଲା। ଅନୁଭବଙ୍କ ଅଭିଯୋଗ ହେଲା, ପାଟିତୁଣ୍ଡ ଶୁଣି ସେ ଘରୁ ବାହାରି ଆସି ସମାଧାନ କରିବାକୁ ଚେଷ୍ଟା କରିଥିଲେ। କିନ୍ତୁ ନିଶାରେ ଥିବା ମଞ୍ଜିତ ତାଙ୍କୁ ଖରାପ ଭାଷାରେ ଗାଳିଗୁଲଜ କରିଥିଲେ। ଏନେଇ ସେ ପୁରୀଘାଟ ଥାନାକୁ ଫୋନ୍‌ କରିଥିଲେ। ଥାନା ଅଧିକାରୀ ରଶ୍ମୀରଞ୍ଜନ ସାହା ସେଠାରେ ପହଞ୍ଚତ୍ ମଞ୍ଜିତଙ୍କୁ ଗିରଫ କରିବା ବଦଳରେ ଓଲଟା ତାଙ୍କୁ ଦୁର୍ବ୍ୟବହାର କରିଥିଲେ ବୋଲି ଅନୁଭବ ଜଣାଇଛନ୍ତି। ଉକ୍ତ ଟୁଇଟ୍‌ରେ ସେ ଦୁଇଜଣ ପ୍ରତ୍ୟକ୍ଷଦର୍ଶୀଙ୍କ ବୟାନର ଭିଡିଓ ମଧ୍ୟ କମିଶନରଙ୍କୁ ପୋଷ୍ଟ କରିଛନ୍ତି। ତେବେ କଟକ ଡିସିପି ଅଖିଳେଶ୍ୱର ସିଂ ଅନୁଭବଙ୍କ ଅଭିଯୋଗକୁ ଖଣ୍ଡନ କରିଛନ୍ତି। ଥାନା ଅଧିକାରୀ ଭସାଣି କାର୍ଯ୍ୟରେ ଥିଲେ। ସେ ଖବର ପାଇ ତୁରନ୍ତ ସେଠାରେ ପହଞ୍ଚତ୍ ଘଟଣା ସମ୍ପର୍କରେ ପଚାରିବୁଝିବା ସହ ଥାନାରେ ଅଭିଯୋଗ କରିବାକୁ ଅନୁଭବଙ୍କୁ କହିଥିଲେ। ଅନୁଭବ ଲିଖିତ ଅଭିଯୋଗ କରିବା ପରେ ଗଣ୍ଡଗୋଳ ଓ ପୋଲିସ ଦୁର୍ବ୍ୟବହାରର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି ଡିସିପି କହିଛନ୍ତି। ଥାନାଧିକାରୀ ସାହୁ କହିଛନ୍ତି, ଅନୁଭବଙ୍କୁ ସେଭଳି କିଛି ଦୁର୍ବ୍ୟବହାର କରାଯାଇନାହିଁ। ସେ ଅତିରଞ୍ଜିତ କରି କହୁଛନ୍ତି। ତେବେ ସୋମବାର ଅପରାହ୍ନରେ ମଞ୍ଜିତ ଓ ଅନ୍ୟକେତେଜଣଙ୍କ ବିରୋଧରେ ମଦନ ଥାନାରେ ଅଭିଯୋଗ କରିଛନ୍ତି। ଆଇପିସି ଦଫା ୩୪୧, ୩୨୩, ୨୯୪, ୩୦୭, ୫୦୬, ୩୭୯ ଓ ୩୪ ଅନୁଯାୟୀ ମାମଲା (ନଂ.୨୧୧/୧୯) ରୁଜୁ କରାଯାଇ ତଦନ୍ତ ଚାଲିଛି।
ମଞ୍ଜିତ କହିଛନ୍ତି, ତାଙ୍କ ଘର ଆଗରେ ଅନୁଭବ ସବୁବେଳେ ଗାଡ଼ି ପାର୍କିଂ କରୁଥିଲେ। ସମସ୍ୟା ହେବାରୁ ସେ ଗାଡି ରଖିବା ପାଇଁ ମନା କରି ଦେଇଥିଲେ। ଏହାକୁ ନେଇ ଅନୁଭବ ରାଗ ରଖିଥିଲେ। ତେଣୁ ସେ ଏଭଳି ମିଥ୍ୟା ଅଭିଯୋଗ ଆଣୁଛନ୍ତି। ତାଙ୍କୁ ଦୁର୍ବ୍ୟବହାର କରି ନ ଥିବା ସେ କହିଛନ୍ତି। ଅନୁଭବ କହିଛନ୍ତି, ମଞ୍ଜିତ ମୋ ସାନଭାଇ ପରି। ତାଙ୍କର ବିଭିନ୍ନ କାର୍ଯ୍ୟକ୍ରମରେ ମୁଁ ଯୋଗଦେଇଛି। କିନ୍ତୁ ସେ ନିଶାଗ୍ରସ୍ତ ଅବସ୍ଥାରେ ମୋତେ ଦୁର୍ବ୍ୟବହାର କଲେ। ଥାନାଧିକାରୀଙ୍କ ବ୍ୟବହାର ମଧ୍ୟ ମୋତେ ଭଲ ଲାଗିଲାନି। ଜଣଙ୍କ ପାଇଁ ମୁଁ ସମସ୍ତ ପୋଲିସକୁ ଦାୟୀ କରୁନି। ମୁଁ ଥାନାରେ ଅଭିଯୋଗ କଲାପରେ ବି ସେ ଜାଣିଶୁଣି କାର୍ଯ୍ୟାନୁଷ୍ଠାନ ନେଉନାହାନ୍ତି। ଭରସା ଅଛି, ମୋତେ ନ୍ୟାୟ ମିଳିବ।


All Right Reserved By Dharitri.Com

ମଣ୍ଡିକୁ ଅପେକ୍ଷା

ଚଳିତ ଖରିଫ ଋତୁରେ କଳାହାଣ୍ଡି ଜିଲାରେ ଭଲ ଫସଲ ହୋଇଛି। କୃଷି ଉପନିର୍ଦ୍ଦେଶକଙ୍କ କାର୍ଯ୍ୟାଳୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଚଳିତ ଖରିଫ ଋତୁରେ କଳାହାଣ୍ଡିରେ...

ଭୀମକୁଣ୍ଡ ସ୍ବତୀ ଘାଟରେ ଦାମୋଦର ମେଳା

ଠାକୁରମୁଣ୍ଡା,୨୧ା୧(ଡ଼ି.ଏନ୍‌.ଏ.)- ମୟୂରଭଞ୍ଜ ଜିଲା ଠାକୁରମୁଣ୍ଡା ବ୍ଲକ ପର୍ଯ୍ୟଟନସ୍ଥଳୀ ଭୀମକୁଣ୍ଡ ନିକଟରେ ଥିବା ବୈତରଣୀ ନଦୀର ସ୍ବତୀ ଘାଟରେ ସୋମବାର ସାନ୍ତାଳ ସମ୍ପ୍ରଦାୟର ଦାମୋଦର ମେଳା ଅନୁଷ୍ଠିତ...

ପୋଲିସ୍‌ ଏନ୍‌କାଉଣ୍ଟର: କୁଖ୍ୟାତ ଅପରାଧୀ କାବୁଲ ଆହତ

ଜୟପୁର, ୧୭।୭(ନି.ପ୍ର.): କୋରାପୁଟ ଜିଲା ଜୟପୁରସ୍ଥିତ ହାତୀଶାଳ ଛକରେ ବୁଧବାର ଭୋରରେ ପୋଲିସ ଏନ୍‌କାଉଣ୍ଟରରେ କୁଖ୍ୟାତ ଅପରାଧୀ ତଥା ଗଞ୍ଜେଇ ମାଫିଆ କାବୁଲ ଖରା ଆହତ...

୬ରେ କଳା ଦିବସ ପାଳିବ କୁଡୁମୀ ସେନା

ବାରିପଦା ଅଫିସ,୨ା୯- ୧୯୫୦ ସେପ୍ଟେମ୍ବର ୬ ତାରିଖରେ କେନ୍ଦ୍ର ସରକାରଙ୍କ ପକ୍ଷରୁ କୁଡୁମୀ ଜାତିକୁ ଜନଜାତି ତାଲିକାରୁ ବାଦ ଦିଆଯାଇଥିଲା ା ଏହାର ପ୍ରତିବାଦରେ ବିଗତ...

ଢେଙ୍କାନାଳ ଜିଲା ମୁଖ୍ୟ ଚିକିତ୍ସାଳୟରେ ଯୋଡ଼ା ଶିଶୁ କନ୍ୟା ଜନ୍ମ

ଢେଙ୍କାନାଳ ଅଫିସ,୧।୭: ଢେଙ୍କାନାଳ ଜିଲା ମୁଖ୍ୟ ଚିକିତ୍ସାଳୟରେ ସୋମବାର ଏକ ଯୋଡା ଶିଶୁ କନ୍ୟା ଜନ୍ମ ହୋଇଛନ୍ତି। ପରଜଙ୍ଗ ଅଞ୍ଚଳର ଜଣେ ମହିଳା ଏହି ଯୋଡା...

ଲାଞ୍ଚ ନେଇ କ୍ୟାସିୟର ଗିରଫ

ବାରିପଦା ଅଫିସ,୨୫।୯: ମୟୂରଭଞ୍ଜ ଜିଲା ବାରିପଦା ଗ୍ରାମ୍ୟ ଉନ୍ନୟନ ବିଭାଜନ ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟରେ କାର୍ଯ୍ୟରତ କ୍ୟାସିୟର ଅଜୟ କୁମାର ସେଜପଡା ବୁଧବାର ଲାଞ୍ଚ ନେଉଥିବା...

ମୁଖ୍ୟମନ୍ତ୍ରୀଙ୍କ ଗସ୍ତ ପାଇଁ ଚିନିକଳ କର୍ମଚାରୀଙ୍କୁ ଉଠାଇ ନେଲା ପୋଲିସ

ବରଗଡ ଅଫିସ/ବିଜେପୁର, ୧୭ା୧୦- ବରଗଡ ଜିଲା ବିଜେପୁର ଉପନିର୍ବାଚନ ପ୍ରଚାର ପାଇଁ ଗୁରୁବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରୋଡ ଶୋ’ରେ ବିଜେପୁର ଅଞ୍ଚଳରେ ଦଳୀୟ ପ୍ରାର୍ଥିନୀ...

କୃତ୍ରିମ ବନ୍ୟାକୁ ବର୍ଷେ ବିତିବାକୁ ବସିଲାଣି:ଏଯାଏ ଚାଷୀଙ୍କୁ ମିଳିନି କ୍ଷତିପୂରଣ

ଆନନ୍ଦପୁର,୨୪।୭ (ସ୍ବ.ପ୍ର.)-କୃଷି ଓ କୃଷକଙ୍କ ସମସ୍ୟା ପ୍ରତି ସରକାର ଓ ପ୍ରଶାସନ ସ୍ତରରେ କିଭଳି ଅବହେଳା କରାଯାଉଛି ତାହାର ଏକ ନଜିର ପଦାକୁ ଆସିଛି। ଗତ...

Leave a comment

Your email address will not be published. Required fields are marked *