ଲୁଣିଝରା ନଦୀରେ ଚେକଡ୍ୟାମ୍‌ ପାଇଁ ଗ୍ରାମବାସୀଙ୍କ ଦାବି, ଜଳସମ୍ପଦ ବିଭାଗ ଦୃଷ୍ଟି ଦେଉ ନ ଥିବା ଅଭିଯୋଗ

ନୟାଗଡ଼ ଅଫିସ,୨୯।୯-ନୟାଗଡ଼ବ୍ଲକ ସାଲୁଣୀ ଗ୍ରାମ ଦେଇ ଯାଇଥିବା ଲୁଣିଝରା ନଦୀରେ ଏକ ଚେକଡ୍ୟାମ ପାଇଁ ଗ୍ରାମବାସୀ ଦାବି କରିଛନ୍ତି। ଦୀର୍ଘବର୍ଷ ହେଲାଣି ସେମାନେ ଦାବି କରି ଆସୁଥିଲେ ମଧ୍ୟ ଜଳସମ୍ପଦ ବିଭାଗ ଏଥିପ୍ରତି ଦୃଷ୍ଟି ଦେଉ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ଫଳରେ ଖରାଦିନେ ନଦୀରେ ବାଲି ବନ୍ଧ କରି ଗ୍ରାମବାସୀ ଏକ ଗେଟ ଦ୍ୱାରା ଜମିକୁ ପାଣି ମଡାଇଥାନ୍ତି। ଦିନେ କି ଦୁଇ ଦିନ ନୁହେଁ ଦୀର୍ଘ ୭୦ ବର୍ଷ ହେଲାଣି ଗ୍ରାମବାସୀ ବାଲିବନ୍ଧ କରି ଜମିକୁ ଜଳସେଚିତ କରୁଛନ୍ତି । ତେବେ ନଦୀରେ ପାଣି ଆସିଲେ ଉକ୍ତ ବାଲିବନ୍ଧ ଭାସି ଯାଏ ଓ ପୁନର୍ବାର ପୂର୍ବ ପରିସ୍ଥିତିକୁ ଫେରି ଆସେ। ତେଣୁ ଉକ୍ତ ସ୍ଥାନରେ ଏକ ଚେକଡ୍ୟାମ୍‌ ପାଇଁ ଗ୍ରାମବାସୀ ଦାବି କରିଛନ୍ତି।

ଅଭିଯୋଗ ଅନୁଯାୟୀ, ନଦୀରେ ଚେକଡ୍ୟାମ୍‌ କରାଗଲେ ପ୍ରାୟ ୧୨୦୦ ଚାଷୀ ଉପକୃତ ହେବେ। ନାଟୁଗାଁ ପଞ୍ଚାୟତର ସାଲୁଣୀ ଗ୍ରାମର ୧୬୫ ଏକର, ନାଟୁଗାଁ ୫୦୪ ଏକର, ସୁବଳୟା ଗ୍ରାମର ୧୦୦ ଏକର, ସଜନାପଡ଼ା ଗ୍ରାମର ୨୩୬ ଏକର, ପାଲାଗୁଣ୍ଠୁଣୀ ୪୨ ଏକର ଓ ଖେଡ଼ବାରଣା ଗ୍ରାମର ୧୭୨ ଏକର ଏହିଭଳି ୧୨୦୦ ଏକର ଜମି ଜଳସେଚିତ ହୋଇପାରିବ। ଖାଲି ନାଟୁଗାଁ ପଞ୍ଚାୟତ ନୁହେଁ ନିକଟସ୍ଥ ଖଣ୍ଡପଡ଼ା ବ୍ଲକର ଗୁଣ୍ଠୁଣୀ ପଞ୍ଚାୟତର ଗୁଣ୍ଠୁଣୀ, ଚଣ୍ଡିପ୍ରସାଦ ଓ ଅଳାମଡ଼ା ଗ୍ରାମର ପ୍ରାୟ ୧୦୦ ଏକର ଜମି ମଧ୍ୟ ଜଳସେଚିତ ହୋଇପାରିବ। ଆନିକଟ ହେବା ଦ୍ୱାରା ମରୁଡ଼ି ସମୟରେ ଚାଷ ଜମି ଜଳସେଚିତ ହୋଇପାରିବା ସହ ଜମିରେ ଚାଷୀମାନେ ଦୋଫସଲି କରିପାରିବେ। ହେଲେ ବିଭାଗର ଅସହଯୋଗ ଯୋଗୁ୍‌ କିଛି ହୋଇ ପାରି ନ ଥିବା ଜଣାପଡ଼ିଛି। ବିଭିନ୍ନ ଆଡ଼େ ଦାବି କରିବା ପରେ ନୟାଗଡ଼ ଜଳସମ୍ପଦ ବିଭାଗ ୩ ମାସ ତଳେ ଉକ୍ତ ସ୍ଥାନରେ ଚେକଡ୍ୟାମ୍‌ ପାଇଁ ଆକଳନ କରିଥିଲା। ହେଲେ ବର୍ତ୍ତମାନ କିଛି ବି କାର୍ଯ୍ୟ ଆଗେଇ ପାରିନାହିଁ। ଜଳସବ୍ବିଭାଗର ଜଣେ କର୍ମଚାରୀଙ୍କ କହିବା କଥା ଜୁଲାଇ ମାସରେ ଉକ୍ତସ୍ଥାନରେ ଏକ ଚେକଡ୍ୟାମ୍‌ କରିବା ପାଇଁ ବିଭାଗକୁ ପ୍ରସ୍ତାବ ଦିଆଯାଇଛି। ଗ୍ରାମ ସଭାପତି ବିମ୍ବାଧର ଭୋଇଙ୍କ ସମେତ ପ୍ରତାପ ଚନ୍ଦ୍ର ବେହେରା, ଇନ୍ଦ୍ରମଣି ବିଶ୍ୱାଳ, ରାମଚନ୍ଦ୍ର ବେହେରା, କୃପାସିନ୍ଧୁ ବିଶ୍ୱାଳ, ବୈକୁଣ୍ଠ ପରିଡ଼ା, କୈଳାସ ସ୍ବାଇଁ ପ୍ରମୁଖ ସାଲୁଣିଠାରେ ଚେକଡ୍ୟାମ୍‌ କରିବା ପାଇଁ ଦାବି କରିଛନ୍ତି। ଏହା କୃଷିମନ୍ତ୍ରୀଙ୍କ ଅଞ୍ଚଳ ହୋଇଥିବାରୁ ଏଥିପ୍ରତି ବିଶେଷ ଭାବେ ମନ୍ତ୍ରୀ ଧ୍ୟାନ ଦେବାକୁ ସେମାନେ ନିବେଦନ କରିଛନ୍ତି। ଏ ନେଇ ଜଳସମ୍ପଦ ନିର୍ବାହୀ ଯନ୍ତ୍ରୀ ଅମରେନ୍ଦ୍ର ମହାପାତ୍ରଙ୍କୁ ପଚାରିବାରୁ ସେ କୌଣସି ମତାମତ ଦେଇ ନ ଥିଲେ।


All Right Reserved By Dharitri.Com

ଯୁକ୍ତ୨ ନାମଲେଖା ଆରମ୍ଭ: ୨୯ରେ ପ୍ରଥମବର୍ଷ ପାଠ ପଢ଼ା

ଭୁବନେଶ୍ୱର, ୩ା୭(ବ୍ୟୁରୋ): ଯୁକ୍ତ୨ ନାମଲେଖା ବୁଧବାରଠାରୁ ଆରମ୍ଭ ହୋଇଛି। ଏଥର ଯୁକ୍ତ୨ ପ୍ରଥମବର୍ଷ ଲାଗି ୩ଲକ୍ଷ ୭୫ ହଜାର ୯୫୮ ଜଣ ଛାତ୍ରୀଛାତ୍ର ଆବେଦନ କରିଥିଲେ।...

ମାର୍ଚ୍ଚ ସୁଦ୍ଧା ସବୁ ଗାଁକୁ ବିଜୁଳି

ଢେଙ୍କାନାଳ ଅଫିସ, ୫।୨- ଢେଙ୍କାନାଳ ସର୍କିଟ୍‌ ହାଉସ୍‌ ପରିସରରେ ମଙ୍ଗଳବାର ଓଡ଼ିଶା ବିଧାନସଭା ବିଭାଗୀୟ ଷ୍ଟାଣ୍ଡିଂ କମିଟି-୧୦ ପକ୍ଷରୁ ଜିଲା ରାଜସ୍ବ ଓ ବିପର୍ଯ୍ୟୟ ପରିଚାଳନା,...

ଗାଡ଼ି ଧକ୍କାରେ ହରିଣର ଜୀବନ ଗଲା : ମୃତ ହରିଣ ସହିତ ଗାଡ଼ି ଜବତ

ତେଲକୋଇ,୪।୧୦(ଡି.ଏନ.ଏ.)- କେନ୍ଦୁଝର ଜିଲା ତେଲକୋଇ ବନାଞ୍ଚଳ ଅଧୀନ ହନୁମତିଆ ସଂରକ୍ଷିତ ଜଙ୍ଗଲ ମଧ୍ୟରେ ଜାଇଲୋ ଗାଡି ଧକ୍କାରେ ଏକ ହରିଣର ମୃତ୍ୟୁ ଘଟିଛି । ଦୋବଲାପାଳ...

ହୁଗୁଳାପଟାରେ ଝାଡ଼ାବାନ୍ତି : ୮ ପରିବାର ଆକ୍ରାନ୍ତ, ୪ ଗୁରୁତର

କୁକୁଡ଼ାଖଣ୍ଡି,୩୧ା୧୦(ଡି.ଏନ.ଏ.)-ହୁଗୁଳାପଟା ଲକ୍ଷ୍ମୀନୃସିଂହ ମନ୍ଦିର ସାହିରେ ଗତ ୩ ଦିନ ହେଲା ୮ ପରିବାର ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି। ସେମାନଙ୍କ ମଧ୍ୟରୁ ୪ ଜଣ ଗୁରୁତର ଅଛନ୍ତି।...

ଜି. ଉଦୟଗିରି ମହିଳା ମହାବିଦ୍ୟାଳୟରେ ଗାନ୍ଧୀ ଜୟନ୍ତୀ: ପ୍ଲାଷ୍ଟିକ ବର୍ଜନ ଉପରେ କହିଲେ ଅଧ୍ୟାପିକା

ଜି. ଉଦୟଗିରି, ୨।୧୦(ଡି.ଏନ୍‌.ଏ.): କନ୍ଧମାଳ ଜିଲା ଜି. ଉଦୟଗିରିସ୍ଥିତ ଇନ୍ଦିରା ପ୍ରିୟଦର୍ଶିନୀ ମହିଳା ମହାବିଦ୍ୟାଳୟଠାରେ ବୁଧବାର ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ପାଳିତ...

ଜବରଦଖଲ ରାସ୍ତା ନିର୍ମାଣରେ ବାଧକ : ପ୍ରଶାସନ ଚୁପ

କେନ୍ଦୁଝର, ୧୮ା୭ (ସ୍ବ.ପ୍ର.)- କେନ୍ଦୁଝର ସହରରେ ଜବରଦଖଲ ସମସ୍ୟା ଦିନକୁ ଦିନ ଜଟିଳ ହୋଇ ପଡୁଛି । କିଏ ସରକାରୀ ଜମିରେ ଘରବାଡି ଜବରଦଖଲ କରିଛି...

୪ ଅଭିଯୁକ୍ତ ଗିରଫ: ମାରଣାସ୍ତ୍ର ଜବତ

ଯୋଡ଼ା,୧୧।୨(ଡି.ଏନ୍‌.ଏ.)- କେନ୍ଦୁଝର ଜିଲା ବାମେବାରୀ ଥାନା ପୋଲିସ୍‌ ଏକ ବଡ ଧରଣର ଡକାୟତି ଯୋଜନାକୁ ପଣ୍ଡ କରି ଏଥିରେ ସମ୍ପୃକ୍ତ ଥିବା ୪ ଅଭିଯୁକ୍ତଙ୍କୁ ଗିରଫ...

ସାପକାମୁଡ଼ାରେ ନାବାଳକଙ୍କ ଜୀବନଗଲା

ବାହାନଗା,୨୬।୯(ଡି.ଏନ୍‌.ଏ.): ବାଲେଶ୍ବର ଜିଲା ବାହାନଗା ବ୍ଲକ ଆରୁହାବାଡ଼ ପଞ୍ଚାୟତର ଦୋଳପୁର ଗ୍ରାମରେ ଗୁରୁବାର ସକାଳେ ଏକ ବିଷାକ୍ତ ସାପ କାମୁଡ଼ିଦେବାରୁ ଜଣେ ନାବାଳକଙ୍କ ଜୀବନ ଯାଇଛି।...

Leave a comment

Your email address will not be published. Required fields are marked *